كلمــــــــــــــــــــــــــــــــــــة ( أحبك )

 

 

دبي- سيتي سنتر*


فيّ و حور و شهد يتسوقن في السيتي حق سفرة لندن * بنات ما ينلامن يتسوقن قبل السفر و في السفر و بعد السفر .. باختصار حياتهن سوق X سوق * .. المهم فيّ عمرها 19 .. الحين لازم أوصفها إشوي.. كلا و لا البطله ..
هي حنطاوية .. عيونها عسلية .. عاديه لا وسيعه و لا شيات .. المهم لا طويله و لا قصيره .. يعني طولها 164 .. بس ما شاء الله .. الله عطاها جسم كل البنات يحسدنّها عليه .. و أ خيرا طلع شيء فيها حلوووووووووو .. بس هي ككل فنانه حلوه و جذابه .. طبعا الفضل يعود لغمازتها .. مب جني وايد رمست عنها .. بس أرد و أقول من حقها يا ناااااااس .. بطلة القصه ..
انزين خلنا نرمس عن حور و شهد كسرن خاطري .. بس ما برمس وايد عنهن.. يوم بيسوتن شيء مهم برمس .. حور هي أخت فيّ و عمرها عشرين .. و هي أربع و عشرين ساعه و يا إختها فيّ وايد تحبها و لو بإيدها بتم ويا إختها خمس و عشرين ساعه مب أربع .. و هي بعد حلوه بس أحلى ما فيها عيونها الوساع .. أوكي .. يا دور شهد .. و حليلها وايد اتريت .. شهد هي بنت عمهن و ما شاء الله عليها حدث و لا حرج .. لزززززززززززقة عنزرووووووووووووووووت .. شوي لا تعفد و تسكن ويا حور و فيّ .. و ما دام بنات عمها حلوات فأكيد هي حلوه مثلهن .* ما نبا نجرحها *
انزين خلنا انرد لأحلى شيء السووووووووووووق .. طبعا البنات عندهن هوايه ثانيه غير التسووووووووووووووووق .. أكيد عرفتوووووا شووووووووو .. * الهذربه الزايده* .. يعني ما يستوي تمر ثانية هدووووووء و صمت .. استغفر الله هذا شيء محرم عندهن .. المهم أول ما طلعن من محل بنات الإمارات المفضل *زارا* .. سارن صوب *دبنهامز* عشان ما يدخلن في زحمة الشباب *الجيل الفاضي اللي ما وراهم شيء غير الهوامه في السناتر .. الله يعلم ليش !!* .. هيهيهي ياكم الدور ..

فيّ: بسكن لا ترمسن وايد .. ترى شبابنا ما وراهم غير مراقبة البنات .. والله هذي ضحكت في السنتر .. ولا رمست في السنتر بصوت عالي .. و الله يعينا على بنات هل الأيام ..
شهد: هي و الله مب امخلينا انسوي شيء .. على طوووووووول طلعوا رمسه .. و حليلنا و يقولون البنات ما
وراهن غير الحش ..
حور: هيهيهيهيهيههيههيه .. حرام قطعتوهم .. بس يستاهلووووووووووون
شهد و حور: ههههيهيههيهيه
فيّ: طاع .. خلاص أنا مب ماشيه و ياكن .. شبهااااااات
حور: ليش؟؟
فيّ: تراكن ضحكتن في السنتر
شهد: اللللللللللللللللللللله .. روعه .. حوووووور تعالي شوفي هالنعال كيف يجنن
فيّ: ما شاء الله عليج .. زدتي الطين بله بهذي الصرخه
أدري اتقولووون الحين من وين ين النعله برع .. تراهن دخلن دبنهامز .. بس نسيت أبشركم .. * المهم الحين حور و شهد واقفات عند *فيث* .. مشت فيّ بتسير صوبهن .. و حلييييييلها .. ما حست ابعمرها إلا داعمه كبببببببت .. الله يسلمكم هذا الكبت اسمه مايد * مبروووووووووووووووووك ظهر البطل .. و أخيرا* .. خلنا نرمس عنه اشوي .. عن يعترضون و يقولون ما رمسنا عن البطل .. مايد شاب وسيييييييييييم .. و أحلى شيء طووووووووووووويل.. عمره 25 سنه .. و ما شاء الله عيونه ناعسااات .. المهم واحد ساير السنتر كيف تتوقعون شكله .. أكيييييييييييد كاااااااشخ .. يا ناس ساير سنتر مب أي مكان .. أوكي .. بعد لازم ما ننسى صفة الشباب الثانيه .. و هي الخقه .. عشان إعقن البنات على قولتهم * و الله كاسرين خاطري .. قاصين على عمارهم*

مايد: اسمحيلي إختي
فيّ: مسموووووووووووووووح أخوي *إشوي لا تصيح .. داعمه كبت أكيد يعور ..هيهيهيه*

مشى مايد و ربعه و كملوااا دربهم .. و حليلهم ظلمناهم طلعوا محترمين .. انتبهن حور و شهد للموقف و ربعن صوب فيّ اللي شوي لا تنقع من الصياح ..

شهد: ها شو استوى ؟؟
فيّ: يا أسخف الخسفاات .. ليش هديتوني رووووووحي ..
حور: بس حبيبتي لا تصيحين .. إنتي ما كنتي تقصدين
فيّ: هي هذا نحنا انعرفه .. بس هم ما يعرفون .. أ كيد بيتحسبوني كنت قاصده هذا الشيء * و حليلها متعقده من الشباب *
شهد: ما اعتقد جي بيفكرووووون .. أشكالهم محترمين .. كل واحد ابغترته * و حليلها ما تدري إنا الغتره و العقال لزوووووووووم الكشخه و بسسسسس*

وطالعن البنات يكملن شوبنق .. و الله إنهن فاضيات عقب الي استوى بعد يفكرن يكملن الشوبنق .. بنات ما في شيء في الأرض يمنعهن عن الشوبنق ..

في ركن من أركان السيتي سنتر

أحمد: و الله إنها قمر .. شفت عيونها يا ميوووود .. فيهن شيء عجيب .. شيء يجذبك
مايد: يوم إنها عاجيتنك هل قد .. ليش ما رقمتها ..
أحمد: و الله الود ودي .. بس هي دعمتك إنته .. أنا شو يدخلني عرض في السالفه
عبدالله: زين والله يوم اتعرف إنا رزت الفيس من طبايع التيييييييس .. يا تيس .. بس كلمة الحق تنقال .. ما شاء الله عليها جذّابه .. و لا إنت شو رايك ميووود
مايد: هي و الله صدقت .. اتعق الطير من السماء
أحمد: يا فالح .. ليش ما رقمتها ؟؟
مايد: كسرت خاطري حسيت إنها منحرجه .. أنتوا لو شفتوا ويها غادي قوطي طماطه ..
عبدالله: ما عليك منها تلقاها متعمده و إحمرت من القهر لأنك ما عبرتها .. هههه * يوم أقولكم قاصين على عمارهم .. الله يهديهم*
مايد: ما اعتقد
أحمد: بنشووووووووف

الحين أباكم تفتحووووون عيونكم عدل لأن الطامه الكبرى بتستوي .. عقب ما طلعن البنا ت من *مانجو* .. شافوهم شلة شباب و اتخبلووووووووا .. عاد شبابنا مب ناقصين خباااااااال .. على طول و بدون تفكير لحقوا البنات .. *و حليلهم .. ما بيفتكن إلا إذا طلعت شلة بنات ثانيه كشخه و من أستايلهم* .. بس للأسف الشباب ما كانوا يشفووون غيرهن ..

عبدالله: ما قتلك يا مييييود إنها قاصده .. هذي أول ما شافتك طلعت من المحل .. بنات آخر زمن .. بس ما علينا .. اشتغل يا أخ و رقمها .. و لا حرام بتموووت علينا
*الحين البنت ما وراها شغله غيرإنها إدور الشباب في السناتر .. و لا واحد داعمتنه و اتقفطت عدل منه .. و الله إنا هل عبدالله ما فيه عقل *
أحمد: يلا عليهم .. * عفانا الله ملقوف*
مايد و الابتسامه شاق الويه: يلا *ما صدق الأخ*

طبعا الشباب ما قصروا بتعليقاتهم السخيفه .. سوري ما اعرف شو يقولون .. ما عندي خبره بس باحاول .. بلييز من غير تعليييق ..

مايد: محلات هالعيون .. ودّي أكتب فيهن قصيد
شهد: مالت علي .. و حليلي على نياتي و اقول إنهم محترمين
حور: توه الناس .. بس و الله سخافه يشوفونا مب امعبرينهم
فيّ: لا يكون هو اللي دعمته
حور: هي
شهد: يلا نمشي بسرعه لأنهم زادوا الجرعه

و أول ما دخلن دبنهامز .. طبعا الشباب اللزقه وراهن .. سمعوا صوووووووووت عالي .. و حليلها فيّ طاحت طيحه مال حرام .. الحين عاد الشباب ما قصروا

عبدالله: الله يهديك ميووووووود شو سويت في البنت
مايد: و الله ما ادري .. أنا احيد إني أعق الطير من السماء .. بس الغزلان اللي في السيتي ما أحيد
أحمد: طلعت خطيييييييييير
عبدالله+ مايد + أحمد: هههههههييهيهيهاي *و صوتهم يعلى و يعلى*

وفيّ من الصوب الثاني دموعها أربع أربع .. * في هاي اللحظه علنوا عن هطول أمطار غزيره في إمارة دبي* .. و شهد إتحاول اتسكتها بس الشباب مب امقصرين .. عصبيت حور .. و سارت صوب مايد .. و عيونها كلها شرااااااااااااااااااار ..

بس تعبت .. شو تتوقعون اتسوي حووووور اللي تموت على إختها ؟؟ و مايد و ربعه شو بيكون موقفهم ؟؟
الجزء الثاني

يلا خلانا انشوووووووووووف الأخت حور شو بتسوي

حور: اسمحلي أخوي بس هذي مب رجوله إنك تضحك على بنت طاحت في السنتر
مايد و هو ميود ضحكته: بس أختي .. ما قدر إيود عمره و نقع من الضحك ههههههههاي * و الله إنا لوح .. اتقوله إنك مب ريال ابطريقه غير مباشره و يضحك .. ريايل آخر زمن*
حور: بس النذل هو اللي ابضحكته السخيفه ايمع الناس و يخليهم يضحكون على بنت طايحه
عبدالله: اللهم سكنهم في مساكنهم .. شوي شوي علينا * أحر ما عند حور .. أبرد ما عندهم *
أحمد: لو سمحتي محامية الدفاع .. خليّ المنبطحه على الأرض ترمس .. و الله أنّها عايبتنه موووووت
حور و هي واصله حدها : مسخفكم .. كل واحد ابغترته و عقاله .. اللي يشوفكم يقول ما شاء الله على شبابنا في بعضهم محترمين .. بس و الله إنكم مظاهر
عبدالله: اشوي اشوي لا تصحين علينا
حور: يا أخ أنا إذا بصيح ما بصيح عشان تعليقات إنسان تافه .. بصيح عشان الله ما عطى أختي الطيبه عيون اتشوف بها .. احمد ربك إنا الله أنعم عليك بنعمة النظر و استغلها في شيء يفيدك دنيا و آخره بدال ما تسخدمها في جرح مشاعر غيرك ..
و مشت عنهم و عيونها متروسه دموع *وااي قلبي عورني*
طبعا الشباب ما عرفوا كيف يلقطون ويهوهم .. و أولهم الأخ عبدالله .. و اتمنى كل واحد منهم إنا ما ضحك بصوت عالي عشان الناس اللي اتيمعوا من ضحكاتهم ما يشفون ويهوهم المحترقه .. عاد شبابنا موودهم على طول ينعفس .. ما يستحملون التقفيط و خاصة في مكان عام .. * يستاهلون*

*بيت بو مايد *
مايد كان يالس في الحجره سرحان و متغصص .. قلبه امعورنه .. يذكر كلام حوووووور و كيف بينت ابكلامها إنه أنسان تاااااااافه و نذل .. و قلبه امعورنه على فيّ .. كيف إنه صيّح بنت و حسسها بعجزها .. * ما عليكم منهم شبابنا عصبيين بس وايد طيبين .. بسرعه يحسوون بتأنيب الضمير .. لا تستانسون وايد .. بعضكم مب كلكم* .. مررررررررررره وحده يسمع

عليا: بوووووووووووووووووووووووووووووووووووووووووووو

مايد في هل لحظه يدور قلبه .. من الزيغه ما حصله * يا الطويل دوره في مخباك يمكن تلقاه*

مايد: اقوووووووووووووول طلعي برررررررررررع أحسن لا ردج لريلج مشوهـــه * خيبه ما يسوى عليها .. شرير*
عليا: هههههه ضحكتني
مايد: و الله .. شو رايج اتجربين تضحكين لريلح بدون ضروس * الله يعينه .. أكيد بيدخل مستشفى الأمل*
عليا: يلا قووووووول
مايد: شو أقوووووول
عليا : يلا يا حبيبي قوووووووووووووول ..
مايد: يا بنت الناس شو أقول .. أقول أني أحبج .. الجذّب حرام *الأخ واصل حده*
عليا: أبوي اللي ماخذ عقلك يتهنابه
مايد ابتسم بس للأسف اختفت الأبتسامه يوم تذكر كلام حور *عشان اتعرفون إنا البنات مب سهلات .. ملسووووونات .. ما شاء الله عليهن*
عليا: ميووووود .. بسألك .. بس رجاءً من غير تكسير عظام * وحليلها .. مخوفنها .. هذي ميزتهن البنات على طول يخافن*
مايد: يلا انشوف شو هو سؤالج .. و بعدين التكسير استوى شيء محرم من خذّج تعيس الحظ .. بس تدرين إديّ اتولهت على التكفيخ
عليا: أوولا تقصد سعييد الحظ .. و ثانيا .. أنا جسمي مرتاح من التكفيخ و الضرب .. و أخيرا .. قولي بلاك لأنك مب عايبني

تنهد مايد .. و قال كل اللي استوى .. ترى مهما حاول يغبي على أخته ما يقدر .. عليا هي أكبر من مايد بسنتين .. و يفهمون بعض و يحبون ياخذون راي بعض .. عليا طول السالفه ما نطقت بكلمه

مايد: آآآآآآآآآآآآه يا عليا لو تدرين كيف ندمان .. و الله إني ندمان أكثر و أكثر إني ما اعتذرت ..
عليا: اممم .. مايد أنته كنت المفروض تعتذر .. لأنك بالاعتذار كنت بتحسن صورتك لأن الاعتذار ما يصغر الإنسان بلعكس كنت بتكبر في نظرهن .. و كنت ارتحت ضميريا و فكيتنا من غزوزك المدليه .. ههه
مايد: الود ودي اشوفها الحين و اعتذر .. لو اعرف اسمها جان حطيت الاعتذار في الجرايد
عليا: حشى ما يسوى عليك .. لو تفكر فيها يا مايد .. أنت ما اعتذرت يمكن لأنك كنت تحت تأثير الصدمه.. خلاص انسى .. بس لا تنسى الدرس اللي اتعلمته .. و اتعلم من غلطك و حاول ما تكرره
مايد: تووووووووووووووووووبه
عليا : ههههههيه .. اقول ميووود
مايد: قولي .. يا كثر ما اتقولين
عليا: خلاص ما بقووول
مايد: يلا قولي .. حرام تم في خاطري اعرف شو بتقولين
عليا: انزين * ما صدقت* .. إنت ما اتخاف إنا يودن رقمك الشرطه .. و يحطووووووووون ويهك الجميل في الجرايد بدال اعتذارك
مايد: ههه و لا ما فكرت .. بس إذا حطواااااا ما بزعل لأني استاهل * قنووووووووووع الريال*
عليا: اوكي انا نازله تحت .. اترياك .. لا تساني و تضيع في بحر بعض الناس
مايد: إنتي متاكده إنج مب متولها على الضرب
عليا: اقووووووول
مايد: يا رب صبرني .. قووووووووولي
عليا: اجلب ويهك
و تركض ابسرعه .. لأن مايد كان عادي بفلعها بقوطي الكوك .. مايد ميت من الضحك على شكل أخته الفرفوشه و الخبله اللي ما غيرها العرس و العيال و لا بيغيرها .. *آمييييييييييين .. حلو انكون مثل ما كنا دووم*

* في بقعه من بقاع دبي *

فيّ: و الله كسروا خاطري .. ليش جي قلتيلهم يا حوووووووور
حور: و الله قهروني .. و بعدين إنتي اتعرفين إني ما أحب اشوفج اتصيحين
فيّ: fس هم ما لهم ذنب .. يعني كيف بيعرفون إني عميا .. ما اعتقد أنا مكتوب على يبهتي إني عميا
حور: و الله هذيج الساعه أنا ما كنت أشوف شيء جدامي .. و بصراحه اللي زاد الطين بله .. ربيعه بو تعليقات سخيفه
فيّ: بس ابصراحه .. أنا لو كنت مكانهم جان فطست من الضحك ..
حور: بتكونين سخيفه مثلهم
فيّ: كل ما اذكر الموقف اضحك .. هههههه
حور: هههههههه .. والله كنتي انتيكه
فيّ: الحقي .. طلعتي سخيفه مثلنا
حور: لا و الله .. بس ما قدرت ايود عمري
فيّ: عيل لازم ما انلومهم لأنهم هم بعد ما قدروا ايودون اعمارهم
حور: و أنتي منو قالج إني أضحك عليج
فيّ: عيل
حور: أنا أضحك على أشكالهم بعد التقفيط
فيّ: بعد سخيفه
حور: اقول أنا أقربلج و لا هم يقربولج
فيّ: لحظه بفكر
حور: أقوم أحسن .. حاسه إني برتكب جريمه *صاداميه الأخت*
فيّ: حبيبتي حور
حور: توه الناس .. أمري
فيّ: ممكن اتسكرين الباب وراج
حور: أنتي تامرين يا قلبي

تطاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااخ
*لحظه بجيك على الباب .. الحمدالله .. قت سليمه*


*بعد مرور شهر على سالفة التقفيط*
*حديقة الممزر – الشاليهات – يوم العوايل*

فيّ: أمي كم أهواها . أشتاق لرؤيها و أحن ..
الأم: بس بس .. ادخلي في صلب الموضوع ..
فيّ: أي موضوع ؟؟
الأم: أنا أعرفج إذا غنيتلي يعني وراج إنّ
فيّ : افا .. يعني أنا مصلحجيه
الأم: توج تدرين
حوور: وااااااااااااااااااااااق قفطوهااااااااااا
الأم: أنتي مب أحسن عنها
فيّ: لقطي ويهج
حور: يعني كلنا مصلحجيات .. مم .. طالعين على منو ؟؟؟
فيّ: أكيد على وحده
الأم: حبيباتي سيرن اتمشن عند البحر
فيّ: الحين عرفت طالعين على منو
حور: قومي قومي .. هههه

كان الجو و لا أروع .. البحر ينن .. أتعرفون كيف شتانا حلووووووو *يا حسره .. مره في السنتين اكون عندنا شتاء * .. المهم حور و فيّ يتمشن و يسولفن كالمعتاد .. مره وحده

حور: فيّ .. اتريني .. بسير ايب سكارفي الكشميري .. ثلجت
فيّ: يوم قتاج خذيه .. قلتيلي .. من زود البرد .. إنتي وايد منغشه بشتاكم
حور: طاع .. يعني محد يقدر يتمصخر * وحليلها اتوهقت*
فيّ: سيري و فكيني .. بس عندج دقيقه .. إذا اتأخرتي بحرقلج موبايلج
حور: أوكي يا قمر
فيّ: يلا بحسب

سارت حور و هي ترتقل من البرد .. زين ما انكسرن ظروسها .. و تمت فيّ في مكانها تتريا أختها .. بس فيّ حست إن حد واقف .. من الرعب .. حاولت تقنع عمرها إنها تتوهم .. للأسف ما شيء فايده .. تملكها الرعب .. صرخت مره وحدها

فيّ: حوووووووووور .. والله أنج سخيفه .. مب كل يوم العيد اتزيغيني * أونها كوووووووووول .. و هي اشوي لا تهز من الخوف*

بس محد رد عليها ..

فيّ و بصوت متقطع: حـــ ... حــ ..و و ..ر * و أخيرا كملت*

To Be Continued

شو البارت ؟؟ حلو و لا ؟؟ بليز لا تبخلون علي بآرائكم مهما كانت

تك تك
مسروووق
أوكي .. خلنا انكمل ..

فيّ: منو اهني
مايد كان واقف يناظر فيّ .. و مب عارف كيف يبدى *متوهق الريال .. أعرف أعرف أختي الجريحه إنج ذكيه*
مايد: أختي أنا مايد
*عاد ما شاء الله عليه عرف يرمس .. الحين هي شو يعرّفها منو مايد*
فيّ: مايد ؟؟ .. اسمحلي أخوي أنا ما اعرف حد بهذا الاسم
و صدت فيّ الصوب الثاني و بغت تمشي بس ..
* لا تخافن ما طاحت .. مب كل يوم العيد*
مايد: أنا اللي .. *مب قادر ايكمل .. مفتشل .. محد قالك* .. أنا اللي غازلتج و لحقتج في السيتي* زين ما مات و هو يقولها .. ما خد نفس وحليله* .. و ضحكت عليج يوم طحتي .. * لازم اتذكرها بالمأساه .. الله يهديك يا مايد *
فيّ و ويها محترق: خير أخوي .. شو تبى .. تبى تضحك أكثر
مايد: لا أختي .. والله إني قافط و مستحي على اللي سويته .. و كنت أبى اعتذر .. و ما صدقت أني شفتج
*يا الله كيف يطولونها و هي قصيره *
فيّ: مسموح أخوي .. ولا تعيدها مره ثانيه لأن مب كل مره باتيك فرصه عشان تعتذر
*امممم .. متى اعتذر؟؟ .. ما عليه ما تنلام مدوده البنت*
المهم صدت البنت بتكمل دربها .. بسسسسسسسس
مايد: يعني سامحتيني
فيّ: سامحتك
صدت البنت للمره الثالثه .. بسسسسسسسسس
* والله أخاف تيها اعصبه من كثر ما تصد .. ههه*
مايد: متأكده أنج سامحتيني
*عيبته السالفه .. مكيــّف*
فيّ و بدت اتعصب :قلت هيه .. مع السلامه أخوي
*مب زين ايعصببها .. أخاف أتطيح *
مايد: مع السلامه
صدت فيّ و كملت من غير بسسسسسسسسس

مشت فيّ اشوي اشوي .. كانت خايفه لأنها روحها .. و خايف لا يستوي مثل آخر مره .. طلعت فيّ موبايلها عشان تتصل بأختها * أدري اتقولون عميا كيف تتصل .. بس هي مبرمجه موبايلها بطريقه اتعرف كيف ادق لأهلها .. و حليلها ما امسيفه أرقام وايد .. أرقام حور و شهد و الفاملي .. يعني آخر مره كانت متصله لحور .. عشان تتصلبها الحين بس ادق مره على الدقمه الخضره .. يالسه اعلمكن على الموبايل ..لووووووووول* .. المهم ما مداها اطلع الموبايل .. إلا و تحس ابشيء يدعم جتفها

فيّ: بسم الله
مايد: اسمحيلي أختي و الله بالغلط .. كنت ألعب ويا ولد أختي و ما انتبهتلج
*علينا يا ابني .. على مين تلعبها *
فيّ: مسموح أخوي و ا متأكده أني امسامحتنك .. مع السلامه
مايد: لحظه أختي
فيّ و بتأفف: نعم
مايد: يودّي موبايلج طاح و نسيتيه
فيّ: مشكور
مايد: العفو
و مشى عنها مايد .. بس بعد ما خذ اللي يباه .. الأخ مايد اتعمد يدعم فيّ يوم شافها اطلع الموبايل .. عشان ياخد موبايلها و يدق على موبايله .. *امم .. شو يبى من رقمها ؟؟*

المهم تمت فيّ تتريا حور .. *حشى مب اسكارف * .. بعد ثلاث دقايق وصلت حور

حور: وصللللللللللللت
فيّ: توه الناس .. لا يكون سرتي تصنعيلج اسكارف
حور: ول ول .. شوي شوي كلتيني بقشوري .. وحليلي يايبتلج وياي مفاجأه .. بس أنتي ما تستاهلين
فيّ: الله شو هي * ما صدقت البنت*
شهد: بوووووووووووووووووووووو .. مب أحلى مفجأه في حياتج
فيّ: أوه .. شهووووووووووووده .. الحين هاي هي المفاجأه .. سايره مستشفى الأمل و يايبتلي هذي الخبله و اتقوول مفاجأه
شهد: و الله إني استاهل .. أوني يايتكن .. عشان نستانس .. بس أنتي طالعه مثل أخوج الدب
حور: أرجوج عن الغلط ..
شهد: هيه ما ترضين عليه بس ترضين عليّ
فيّ: ابصارحه جنكم ديج و ديايه
حور: هههه .. صدقتي
شهد: اقول .. سكتن .. تراكم وايد عطينه أهميه
حور: نحنا ولا أنتي
فيّ: هي والله أنتي اللي طريته
شهد: قومن خلن انسير ناكل تراني يوعانه
* وحليلها اتوهقت*

مشن البنات .. و طول الوقت يتغايضن و يتكعكن من الضحك .. دخلن الشاليه
حمد: أمايه وصلن ثلاث أضواء على المسرح
* الله يسلمكن .. حمد أخو حور و فيّ العود .. عمره 26 .. بس ما شاء الله عليه بيبي فيس .. و هو مكس .. ساعات يشبه حور و ساعات يشبه فيّ * مودي الأخ * .. حمد يحب يطفر بالبنات و خصوصا شهد لأنها ما شاء الله تتفاعل على طول ..
شهد: هذا هو أخوكم اللي مستانسات عليه .. ويه فديت أخوي
حمد: بنت عمي .. يقولج *رزت الفيس من طبايع التيس*
شهد: والله ما كنت أدري .. مشكور ابن عمي على المعلومه الخطيره
فيّ: بدوا
حور: والله وناسه
حمد: عيل بليز سجليها في النوت بوك .. أدريبج بقره .. تنسين ابسرعه
شهد: البقره حرمتك و أم حرمتك *عصبيه البنت*
حمد: إذا حرمتي بقره فأكيد حرمتي أنتي
شهد: بسم الله عليّ
حمد: طاع هاي صدقت عمرها
حور عقب ما حست إن الليله ما بتعدي على خير : بسسسسسسسسسس فكونا .. والله صدعنا
فيّ: أمايه زهب العشاء ؟؟
الأم: لا حبيبتي .. بعدنا ما شوينا
شهد: أي بطني .. و الله يوعانه
حمد: أمايه الحقينا .. أرجوج أنقذينا .. قبل ما ناس ياكلونا
حور و فيّ :ههههههاي
شهد: واااااي .. وايد يضحك *لو يالسه عند أهلج مب أبركلج*
وتموا على هل حال ..

*في الصوب الثاني من الحديقه*

عليا : احم احم
مايد ساكت
عليا بصوت أعلى : احمممم احممممم
مايد: وحليلج يا عليا
عليا : ليش ؟؟
مايد: الله رزقج بريل زطي .. عفانا الله يشوفج اتكحين ما فكر يوديج الدختر ..
عليا: فديت ريلي .. ما في أكرم منه .. مب مثل نااااااااس
مايد: والله أنيلا كريم .. ما اعرف الناس اللي ترمسين عنهم
عليا: عيل أرمس
مايد: والله ما دريت أنا صوتي عابينج ولا يهمج
و يغني مايد: المشكله الإحساس لو كنت صادق فيـــه .. ما هان قدرك يوم في عيون الناس .
عليا: بس .. أنته ما اتي إلا بالعين الحمره .. منو هاي البنت اللي كنت ترمسها
مايد: بااال .. و أنتي من وين عرفتي ؟؟
عليا : شفتك
مايد: ما شاء الله .. برج مراقبه
عليا: يلا انزين قوووووووول ..
مايد: الله يسلمج .. عطشان بقوم اشرب ماي
عليا: أي .. تعال تعال .. لا تتهرب
مايد: اتهرب ؟؟
عليا: قول و وعد مني أنا ايبليك ماي
مايد: انزين عن شو كنا نرمس ؟؟
عليا: اونك نسيــت
مايد: هههه .. والله إنا الحريم مشكله .. بس و الله أنا خايف عليج
عليا باستغراب: ليش ؟؟
مايد: اخاف الفضول يجتلج
عليا: هههه .. لا تغير الموضوع *ما شاء الله عليها ما تنسى .. خلها اتسلفني مخها حق الامتحانات*
مايد: الله يسلمج .. هذي هي البنت اللي طاحت في الستي
عليا: انزين ليش كنت اترمسها ؟؟
مايد: كنت اعتذر منها
عليا: هي .. قلتلي
مايد: ارتاحت دودتج
عليا و كل ضروسها برع: أكيد
مايد: انزين قومي ايبيلي ماي
عليا: حد قالك إني خدامتك
مايد: والله .. مسرع ما نسيتي وعدج
عليا: اقول .. اشرب من ماي البحر
مايد: ان شاء الله
قام مايد و خذ ولد عليا رشوووووود عمره 4 اسنين ..
عليا: وين بتوديه
مايد: بفره في البحر عشان يحليه
عليا: بسم الله .. هات ولدي .. بسير ايبلك ماي * واااااااااااق .. زاغت *
مايد: توج حرمه

أوكي خلنا انرد للحشره .. حور و فيّ و شهد و حمد و الأم و الأبو
الأبو: يلا روّحنا
الأم: هيه يا الله هلكنا .. واي تعب
حمد: و الله ما تنلامون شياب .. بس يوم بترمسون ارمسوا عن عماركم *ملسون *
الأبو: اسمحلنا عمي إذا غلطنا عليك
حمد: افاااااااا يا بو حمد .. بس لا تعيدونها مره ثانيه
الأم: ها شهوده بتباتين عندنا ؟؟
حمد: لاااااااااااااااااا .. بليز .. مب ناقص أفلام رعب
شهد و خلاص ودها اتشل النعال و تكفخه : ليش .. أنت مب ريال أتخاف .. إذا اتخاف خالوه بتم وياك
طبعا حمد بعد هذا الرد ما قدر يرمس *عطته من الزين*
الأبو: فديت بنت أخوي اتعرف اتقفط
شهد اتشققت .. و أخيرا قدرت اتسكته
الأم: ها شهد شو قلتي
شهد: والله خالوه ودّي ..بس ما اقدر
حمد: فكّه *ما يتوب*
الأبو: كله منك يا حمد .. عقاباَ لك بتوصلها بيتهم
حمد:بس أبوي
فيّ: لا بس و لا شيات .. لا تنسى أنت يالس اتكلم السلطات العليا
حور: ههههه .. كسرت خاطري .. ادبست
الأبو: ها شو قلت ..
حمد : أنته تامر أمر .. كم بو حمد عندي .. أنا ما اصدق متى تطلب مني شيء عشان أنفذه * أونه كوووووووول *
الأم: مسكا بالش
حمد: شو قلتي أمايه
الأم: سلامتك
شهد: عمي قول للدريول يلا . احم احم ما فيني أتأخر
حمد: ما أسمع
شهد: ما تسمع و لا ما تفهم .. أي راجو جلدي جلدي ..
حمد: أيوه نط العرج .. أجا شاندرا
حور: منو شاندرا و منو راجو
فيّ : الله يعين شو بيسمون عيالهم
حور: راني و شاروخ .. لول
كلهم يضحكون .. حمد و شهد يشوفون بعض و يقولون: أي ما يخصكن في عيالنا
حور: أوب أوب .. اسمحولنا
فيّ: يلا مرت أخوي انوصلج
شهد: الله لا يقووووووووول
حمد و هو معصب : تتمنين
شهد: قاص على عمرك * وش الجديد*
الأبو: يلا امشوا .. ولا ما بتوصلون منهم

في السياره .. حمد و شهد ما سكتوا كملوا ضرابتهم .. ما شاء الله جنهم بالعين راديوووو .. و حور و فيّ ميتين من الضحك .. مره يآزرن حمد أخوهن .. و مره شهد حبيبت قلبهن ..

حمد: يلا فارجي
شهد: الحمدالله و الشكر .. بسير اصلي ركعتين شكر إني وصلت سالمه
حمد: وا دعيلي إني أقدر أرقد اليوم
شهد: ليش ؟؟
حمد : تراني ما اقدر على فراقج
شهد: والله ؟؟
حمد: طاع .. صدّقت .. وين أفارقج و أنتي اتزوريني في كوابيسي ..
شهد: اقول .. بنات مع السلامه .. تراني ما استحمل
حور و فيّ: مع السلامه
حمد: اقول
شهد ساكته بس تتراياه يرمس
حمد: سلمي على ناس وايـــــــــــــــــــــــــــــــــــــــــــــــ ــــــــد
شهد: منو
حمد: على اللي تزورني في أحلامي .. أختج حصوص و يغمز لها
* حصه أخت شهد الصغيره .. عمرها 18 .. ثانويه عامه .. بس هي مب وايد ويا حور و فيّ .. دومها ويا بنات خالها .. و هي تستانس على حمد و سوالفه .. و حمد يدلعها عشان يقهر شهد*
شهد: الله يسلمك
حمد: وريني عرض كتافك
شهد: ان شاء الله

طااااااااااااااااااااااااااااااااااااااااااااااااا ااااااااااااااااااااااااااااااااااااااااااخ
*واي قلبي عورني على الرنج .. كلا و لا الرنج .. الله يعين قلب حمد *

حمد: والله لراويها
فيّ: بس يا حمد .. أنت ما قصرت
حور: هي والله دوم اتغايضها
حمد: لا والله .. لحظه
فيّ: عشان خاطري ما اتقول و لا تسوي شيء
حمد: أوكي .. اليوم ما بسوي .. مب عشان خاطرها بس لأني تعبان
فيّ: عشان تعبان .. وأنا اللي استانست قلت ما بيسوي شيء عشان خاطري

المهم تموا داقين سوالف لين ما وصلوا البيت .. عقب كل واحد سار حجرته يتنظف و يرتااااااااااااااح ..
المهم فيّ قررت تتصل في شهد عشان تطمئن على نفسيتها بعد اللي صار * هذا أذا تم لها أعصاب* .. شلت فيّ الموبايل بس قررت تتصل في حور قبل عشان يرمسن شهد و يطيبن خاطرها .. دقت فيّ ..

ترررن ترررررررررن

فيّ: حوووووووووووووووووور حبيبتي تعالي حجرتي عشان انرمس المظلومه شهوده ..

ما ترد ..
فيّ: حوررر بلاج .. لا يكون رقدتي يا الديايه ؟؟
الطرف الثاني: ألوو

فيّ يوم سمعت صوت ريال بطلت حلجها و عيونها .. و قلبها يدق مثل الطبل ..








يتبع





بعد لحظة صمت
مايد: ألو ألو ..
طووووووووووووووووووووووووووووووووووط
فيّ من الزيغه سكرت *أحسن حل* .. و مايد من الصوب الثاني متفجج إنه سمع صوتها ..
يلست فيّ اتفكر و اتفكر .. من وين يه الريال و هي متصله لأختها حور .. وبعد ما عصرت مخها وصلت إلى نتيجه .. أن اللي رد عليها أخوها حمد .. و أكيد كان يبى يخسس فيها *طلعت ذكيه ..هههه*
ردت فيّ و دقت لأختها ..

ترررررررر

مايد: ألووووو *عفانا الله .. خله يرن اشوي .. عل أقل انكمل الترررن*
فيّ وبدلع: ألووووووووو .. ممكن اتعرف
مايد ما صدق: نتعرف .. بس أنا اعرفج
فيّ: و أنا بعد اعرفك
مايد و الابتسامه شاقه الويه: اتعرفيني ؟؟
فيّ: هيه منو ما يعرفك * اشوي اشوي عليه يا فيّ .. تراه ما بيرقد طول الليل*
مايد: ههههه عيل انتي اتعرفيني زين ما زين *ما صدق الأخ*
فيّ: ايييييييييييه .. حمد .. والله تعبت .. أنت ما تيوز
مايد و باستغراب : حمد؟؟
فيّ: هيه حمد .. ليش مستغرب ؟؟ .. أكيد لأني عرفتك
مايد: هههههه عرفتيني .. والله ضحكتيني
فيّ: حمد تراني والله مب فاضيه .. قول لحور اتشرفني في غرفتي
مايد : أن شاء االه أختي .. بس ممكن اسألج سؤال ؟؟
فيّ: لحظه بستخير
مايد: هههههه
فيّ: يلا اسأل مستر حمد
مايد: ممكن اتعرف على حمد و حور
فيّ: نعممممممممم .. حمد بس عاد
مايد و هو ميود ضحكته: والله إني مب حمد و حور بعدني ما اتعرفت عليها
فيّ: تستهبل عليّ ,, انزين ممكن أعرف أنت منو
مايد: لحظه بستخير
فيّ في هل لحظه حست أن الصوت مب صوت أخوها بس بعد مب غريب ..
مايد: أقول أنتي اللي متصله و تبين تتعرفين .. عشان جي أنتي ارمسي قبل
فيّ بغصه: اسمحلي أخوي الظاهر إني غلطانه *توه الناس*
مايد:افااااااااا .. يا ليت اتغلطين كل يوم *مب جنه مصخها*
فيّ: مع السلامه
و طاااااااااااااااااااااااخ .. ما اتريته ايرد عليها ..

مايد من الفرحه بغى يطيـــــــــــــٍر بس للأسف الايدار امخرب عليه .. على طوووووووووووووول عفد على الشبريه .. و يلس يضحك على فيّ .. و حس بشعور غريب *يا ترى شوووووووو ؟؟*

فيّ في الصوب الثاني منصدمه ,, و اشوي لا ينفجر راسها من التفكيـــر .. منصدم من وين طلعلها هل الجني .. ههه ... بعد ما تعبت من التفكير قامت فيّ بتسير حجره أختها حور .. حجرة حور مررررره املاصقه حجرة فيّ ..فرة حصى ..
فيّ اتبطل الباب مره وحد ..
حور: بسم الله الرحمن الرحيم .. زين ما جلعتي الباب
فيّ : لا والله . . حد قالج أني حونقر
حور: انزين خبريني سبب الزياره
فيّ: حسيت أن حجرتج ما فيها نور .. قلت أي أنورلج الحجره
حور: مشكوره ما قصرتي
فيّ: ما قتلج .. يوم دقيتلج رد علي ريال !!
حور: رياااااااااااااااال ؟؟؟
فيّ: هيه .. أنتي وين فاره موبايلج .. لا يكون مثل كل مره ضيعتيه
حور: لا حبيبتي .. هذوه عندي
فيّ: غريبه !!!!!!!!
حور: عطيني موبايلج اجيك
فيّ: خذيه
حور: رقم منو هذا ؟؟
فيّ: و أنا شو دراني ؟؟
حور: ها علينا .. افااااااا أنتي عندج معجبين و أنا اللي أكبر عنج ما عندي *اللي يسمعها يقوا أكبر عنها بمليون سنه*
فيّ: والله إنج متفيقه
حور: امممم .. منو استخدم موبايلج ؟؟
فيّ: محد .. امم ..
حور: متأكده ؟؟
فيّ: اتذكرررررررررررررررررررررررررررررررررررت
حور: هيه أنتي .. اشوي اشوي صمختيني .. ارحمني أنا بعدني ما عرست
فيّ: انزين انزين .. شهد استخدمت موبايلي عشان تتصل في حد من عيال خالها .. براويها ليش ما مسحت الرقم .. بخلي حمد ينتقم منها
حور: هههه .. ما يحتاج اتقوليله .. روحه متحلفلها من غير تحفيز
فيّ: ههههه .. ما قتلج شو لستوى في الحديقه ؟؟
حور: شووووووووووووووووووو؟؟
فيّ: الله على اللقافه
خبرت فيّ أختها كل االي استوى ويا مايد .. و حور متحمسه .. بس الأخت مول ما شكت أن الرقم يكون رقم مايد لأن شهد بعدت كل الشكوك .. كملن سوالف و تطنيز على خلق الله .. باختصار محد سلم من لسانهن .. * حتى أنا*

اليوم الثاني

حور: فيّ .. فيّونه .. يلا نشي .. يلا
فيّ: أوكي .. اساعه كم ؟؟
حور: الحادية عشر صباحا
فيّ: انزين .. وعيني عقب خمس دقايق
حور: لالا يلا نشي
فيّ: قلتج خمس دقايق
حور: يعني هل خمس دقايق في شو بتفيد
فيّ و بعصبيه: بتسمعين الكلام و لا ما بنش
حور: اوكي .. اتهدد بعد

طلعت حور .. بس سوت شيء عجيب .. سكرت المكيف قبل ما تطلع *نذاله* .. و فيّ ما تعرف ترقد إذا المكيف مب شغال .. المهم دقيقتين و نشت فيّ
فيّ: و الله براويج يا السخيفه ... أوووووووووووووف

بعد ما اتغسلت و اتنظفت و اتكشخت الأخت نزلت الصاله .. و سلمت على الموجودين *اللي يشوف ايقول وايد .. أمها و حور و بس * .. المهم .. من وصلت فيّ بدن البنات شغلتهن الهذره الزايده بالإضافه إلى ملعوزة الوالده .. مره وحده
تصرخ فيّ: حووووووووووووووور ..
حور: أنا ما بموت إلا من وراج .. و الله إني أسمع .. تبيني ايبلج ربورت من المستشفى أني صاحيه عشان اتصدقين ..
فيّ: حتى لو يبتي ما بقدر اشوفه *قلبي عورني*
حور و قلبها متقطع: انزين قولي
فيّ و بابتسامتها المعهوده : شهد ..
حور: بلاها ؟؟
فيّ: ما رمسنها البارحه عقب اللي سواه فيها أخوج المفتري
الأم : بلاه أخوج حاط دوبه في دوبها
حور: و الله ما أدري .. يوم بيرد سأليه
الأم: أنتي شو تعرفين .. دومج ما عرف
حور: أعرف إنج
الأم: إني شو ؟؟
حور: إنج و تغمز لها
الأم: بترمسين و لا أفلعج بهل قوطي
حور: إنج اتحبين أبوي و تموتين فيه
فيّ: هههههههه
الأم و هيه مستحيه: توه الناس
فيّ: يلا حور خلنا نتصل بشهد
حور : يلا
الأم: قولوها اتي تبات ولا والله لزعل عليها
فيّ: أن شاء الله

انصلن البنات و ردن لشغلتهن المفضله .. و طيبن بخاطر بنت عمهن المضطهده .. و يلسن يحايلن فيها عشان اتبات .. طبعا البنات حطين على السبيكر و شالين البيت على روسهن ..

فيّ: و الله شهد أمي قالت بتزعل أذا ما بيتي
حور: و أنتي اتعرفين زعل أمي كيف
شهد: لا ما اعرف كيف .. جي قالولج كل يوم أزعلها
فيّ: عادي أنا بثقفج .. تراها عادي ما تيوزج أخونا
شهد: لا و الله .. أرجوج قوليلها ما بقدر أعيش من غير أخوكن
حور: يا عيني
شهد: طاع هاي .. و الله أنج غبيه
فيّ: ما علينا منها .. قولي
شهد: و الله إذا أخوج ما بيكون موجود فأنا حاظره
مررررررررررررررررررررره وحده
حمد: ليـــــــــــــــــــــــــــــش أنا جرثومه *وااي طيح لي قلبي*
شهد: بسم الله .. لا جنّي
حمد: يعني أذا أنا موجود ما بتين
شهد: أكيد ما يبلها كلام
حمد: عيل اسمعي قراري الأخير .. أنا اليوم مب ظاهر .. بتودن في البيت
شهد: ليش ؟؟
حمد: متوله على أمي
شهد: انزين انا مب يايه
حمد: و هو المطلوب
فيّ: حمد بس عاد
شهد: بنااااااااااااات
فيّ و حور قلبهن امعورنهن كل وحد اتقول في خاطرها أكيد ما بتي طول حياتها بيتنا
حور و فيّ: آمري
شهد: افرشن ازوليه الحمره لأني يايه و ببات بعد و اللي مب عايبنه ادق راسه في الباب و إذا ما سد ادق راسه في باب الرنج اللي في بيتكم
حور و فيّ مب مصدقات .. من الفرحه صرخن
حمد: أي .. شو هل خبال
شهد و بدلع: يلا بنات بتسير اتزهب .. لا تنسون الزوليه .. إلى اللقاء
حور : هههه مع السلامه
حمد .. بلاك ؟؟ .. ليش برطمك مدلي
فيّ: أكيد قهروه
حمد: يلا انا بسير حجرتي ارتاح
فيّ و حور: سير يا حبيبي .. ريح وراك حرب

وصلت شهد بيت عمها العصر .. و لحسن حظها حمد ما كان موجود *بالأحرى .. لحسن حظنا* .. طبعا فيّ و حور مجهزين بلان حق شهد .. أول ما وصلت .. يلسن ويا بو حمد و أم حمد يتذكرون الماضي و اللحظات الحلوه .. و أم حمد ما قصرت طاحت في حمد و شطانته يوم صغير .. *يعني شو نتوقع من الأولاد ؟؟ .. ما ينلامون .. في عصرنا هذا البنات ينافسونهم * .. المهم تموا يسولفون حتى آذان المغرب .. عقب سار بو حمد يصلي و يقضي أشغاله .. عقب ما صلن البنات .. دخلن المطبخ مكان البنات المفضل *يا ليتني اعرف اطبخ* .. يلسن يسون سويت .. و فيّ تتطربهم بصوتها .. و مر الوقت على هل الحال .. البنات مووول ما قرن .. يى وقت السهره .. وقت الفلم الهندي .. دخلن البنات حجرة حوووور .. بس طبعا ما حطن الفلم على طول يلسن يهذرن ..
فيّ: حوووووووووووووووووووووووووووووووور
حور: يا ربي متى متى قولي متى
شهد: متى حبيبي متى .. ههه
فيّ: متى شو ؟؟
حور: بتزقريني بكل أنوثه
فيّ: يوم بتقل نسبة الدفاشه
حور: متى بتقل ؟؟
فيّ: يوم بزقرج بكل أنوثه
حور: وااااااااي .. ما استحمل
شهد: هههههه
فيّ: حور حبيبتي .. اشتهيت السويت ممكن تيبيلي
حور: لا و الله .. اخاف أنزل روحي .. كلهم رقود
فيّ: حرااام
شهد: خلاص أنا بنزل .. كلا ولا فيّ
حور: انزين لا تنسيني
شهد: ان شاء الله

طلعت شهد .. و هي تمشي .. سمعت أصوات .. ماتت شهد من الزياغ .. حاولت تقنع نفسها إنها تتوهم .. بس سمعت الأصوات مره ثانيه .. عاد هل المره ما قدرت شهد اتسوي كنترول .. ركضت بسرعة البرق صوب المطبخ .. وهي نازله من الدري بهذي السرعه و ما تشوف شو جامها زغها الرادار .. ههه دعمت حمد و طاحت هي و حمد على الأرض * الله يعين شو يسلمها من لسانه*
شهد و قلبها يدق بسرعه : سووري و الله ما شفتك
حمد و الشرار من عيونه: وين اتشوفيني و انت مستنه اتقولين لاحقنج جني
شهد و اشوي لا تصيح: انزين قلت سوري
حمد: اوكي اوكي لا تصيحين
شهد: انزين يلا قم
حمد: على وين
شهد: على حمر عين
حمد: يا ربي لا تحاولين اتخفيفين دمج ..
شهد: اوكي سوري .. يلا قم
حمد: ما ابى اقوم .. ما احب حمر عين
شهد: طاع الحين منو يخفف دمه .. تعال وياي المطبخ .. بيب سويت للبنات
حمد: يم يم .. أنا بعد أبى ..
شهد: بس على شرط .. اتي وياي
حمد: أوكي

وهم ماشين كان الجو هادي .. لا حمد يومس و لا شهد .. غريبه حمد اميود لسانه .. *اونه في هل مواقف محترم* .. مره وحده يقرب حمد من أذن شهد و
يصرخ: بووووووووووووووووووووووووووووووووووووووووووووووو
وشهد نقزت زين ما ضرب راسها الإيدار كملتها بصرخه هزت البيت: ماااااااااااااااااااااااااااااااااااامي
هني حمد الدموع تارسه عيونه ما يشوف شو جدامه : ههههههههههه .. أي .. ما اقدر ...ههههههه
شهد: ما يضحك انزين .. و تنقع من الضحك .. ههههه
حمد: مب توه ما يضحك
وصلوا المطبخ .. و شهد يلست اتحط السويت .. و حمد امبحلق فيها جنه أول مره يشوفها .. صدت شهد بتعطيه صحنه جان اتشوفه امبحلق فيها .. انحرجت بس ما حبت اتبين لحمد

شهد: بووووووووو .. ليش امبحلق فيه .. فيني شيء غلط
حمد: لا بس ما شاء الله عليج محلوه
شهد صدق قفطت : اتصدق ما يناسبك اتقول هل كلام
حمد : لا يكون صدقتي * ههه .. علينا .. بس احرجتك .. تعجبيني يا شهد *
شهد: جيه قالولك مينونه اصدق كلام مسيلمه الكذاب
حمد: ههه ..
شهد: يلا نمشي اتأخرت على البنات

المهم رد الهدوء من بينهم الين ما وصل كل واحد محطته
شهد: تصبح على خير
حمد: و أنتي من أهله
دخلت شهد الحجره .. ما واحلها تدخل إلا فيّ و حور يتكعكن
هههههههههههههاي
شهد: شو استوى
حور: ما شي بس شكلج كان يفطس من الضحك و أنتي تركضين
شهد: يعني أنتي اللي كنتي اتسوين الأصوات
حور: هيه
شهد: والله إني قفطت
فيّ: عاقبيها و عطيني صحنها *مفجوعه*
شهد: هي و الله .. لأنها سخيفه و أحرجتني جدام حمد
حور: حمد ؟؟

و يلست شهد اتخبرهم بكل اللي استوى .. غقب ما خلصت قامت حور عشان اتحط الفلم .. قامت فيّ بتسير الحجره
شهد: على وين
فيّ: بسير حجرتي ..برقد
حور: يلسي شوفي ويانا الفلم
فيّ: اشوف الفلم .. نسيتي إني عميا و ما اشوف
و طلعت فيّ بسرعه من الحجره و دموعها على خدها ..



دخلت فيّ حجرتها .. و يلست اتصيح .. و اتشاهق من الصايح ..
و من الصوب الثاني حور و شهد متلومات .. و لعنن الساعه اللي قررن يشوفن الفلم .. و يلسن افكرن في فيّ اللي انجرحت منهن من غير قصد .. و اللي صدق قلبها امعورنها حور .. هي اول ردي ما تستحمل اتشوف أختها اتصيح .. فما بالكن أنها هي السبب .. مره وحده شهد تسمع حد يصيح ي بصوت .. أكيد عرفتن منو .. حووووووووور *يلا انصيح .. مؤازه أخويه*

شهد: حور .. بس حبيبتي ..
حور امكمله و لا عليها
شهد: و الله تراني بصيح وياج *جي ما صحتي .. أشك*
حور تبى تتكلم بس مب قادره
شهد: اقول .. ترى الصياح ما يفيد .. هي تصيح من صوب و نحنا من صوب .. خلانا انسير انطيب خاطرها .. هذا هو الحل الوحيد * صح لسانج .. جي بترتاحن ضميريا*
حور و هي تصيح: صح .. يلا سرنا
شهد:لحظه لحظه .. أنتي بتسيرين اتسكتينها .. ولا بتكملين الفرقه وياها
حور تمسح دموعها و تبتسم على الخفيف ..

سارن لفيّ حجرتها .. دقن الباب .. بس لا جواب .. فقررن يدخلن ..يوم دخلن شافن فيّ بحاله اتقطع القلب .. كانت حاطه ايدها على ويها و تصيح .. و كل ثانيه يعلى صوت صياحها .. حور لا إراديا سارت صوب أختها و حظنتها .. و شوي لا تصيح وياها .. وشهد واقفه مصدومه اتشوف فيّ .. فيّ كانت دوم اتبن أنها قويه .. و رغم علتها إنها مب ضعيفه .. يعني أذا بتصيح .. بتصيح اشوي و من غير صوت ..
شهد يوم شافت جي قررت اتغير جوووو

شهد: شو زاقراتني عشان اصيح
فيّ و هي تصيح: سوووووري
شهد قالت في خاطرها شو قلت أنا .. و الله أني فاضيه

حور: فيّ حبيبتي أنا ما حيدج ضعيفه
فيّ و بالكاد ينسمع صوتها: بس تعبت من التظاهر .. من كنت صغيره و أنا اضغط على عمري .. يوم تقولولي بنسير نلعب .. و لا أذا لعبت كنت لازم احتاج حد يعاوني .. و يوم تلعبون ويا حمد و تضاربن.. بس كنت اسمعكم و اتمنى اني العب أشوفكم و العب وياكم لو مره وحده .. أنا وايد اضغط على عمري ها كله عشان ما اعذبكم وياي .. بس انا تعبت و ما اقدر اكثر .. أنا احس بالضعف و النقص ..
شهد: النقص ؟؟ .. حبيبتي فيّ .. مب بس انتي الناقصه .. كلنا ما في حد فينا كامل .. بعدين انتي ما شاء الله صح عمياء .. بس مثقفه أكثر عن بنات هل جيل .. تستغلين وقتج في أشياء اتفيدج .. عمرج ما استسلمتي .. درستي في مدرسه خاصه و اتفوقتي .. و دومج تقرين كتب *الكتب المخصصه للعميان* .. و اذا ما قدرتي .. تخلين حور تقرالج .. اتسوين اشياء بنات يشوفن ما يسونها .. و احمدي ربج ,,إنا نقصج جي .. و مب في أخلاقج و طاعتج ..
حور: و مثل ما قالت شهد .. متفوقه .. و لازم تتفوقين في هل الاختبار
فيّ باستغراب: أي اختبار
حور: فيّ الله بلاج بالعمى .. يختبر صبرج .. و ما شاء الله الحين أنتي كم سنه صابره و ما ضعفتي الحين بتضعفين
شهد: و في ناس تستمد قوتهم من التظاهر بالقوه .. صح بينهم و بين نفسهم تنزل دموعهم .. بس مع الأيام اتقل ..
فيّ:صح .. بس أنا احس ما لي ذكريات الطفوله معاكن و مع حمد
حور: أنتي غلطانه .. أنتي ما كنتي ويانا بعيونج .. بس كنتي ويانا ابقلبج .. و هذا أهم .. لأن مركز الذكريات القلب مب العين ..
شهد: و الدليل أنج تذكرين ضرايبنه وياه أخوج الشريييييييير
فيّ: أص عن يسمعج
شهد: خوفتيني
حور: اوه حمد انته هني
شهد نقزت ..
حور: مول ما تخافين
شهد: طيحتيلي قلبي
فيّ: و الله إني صدقت
شهد: هيه .. ما تعرفين طالبينها اتمثل لمسلسل وداد الكواري
فيّ: هههههه .. انزين ما بتشوفن الفلم
حور على طول من غير تفكير: لااااااااااااااا
فيّ: ليش ؟؟
شهد: بنيلس وياج
في: لا والله .. منو قال إني ابا اجابلكن
حور: هذي قويه
شهد: أحس بحروره
فيّ: ههه يلا فارجن .. و لا تنسن باجر بحقق وياكن عن الفلم
حور: هههه تصبحين على خير
فيّ: و أنتي من أهله
شهد: لا تنسين تحلمين فيني
فيّ: حد قالج .. اسمي حمد

طلعت على طول شهد من الحجره .. *شردتها*

قامت فيّ تغسل ويها .. بس قبل ما اتقةم سمعت موبايلها .. قالت أكيد حور ولا شهد

فيّ: أدري أدري .. ما تقدرن على فراقي .. بس لازم تستحملن
مايد: احم احم
فيّ: ها كله عشان ايج و اتشوفيني .. بس أستحملي فراقي
مايد: للأسف ما اقدر
فيّ انصدمت لأنها عرفت الصوت على طوووووول : اسمحلي أخوي .. غلطانه .. ما كان قصدي ادقلك
مايد: ما في داعي تعتذرين .. لأني أنا المتصل .. و حتى لو كنتي المتصله .. المهم اسمع صوتج
فيّ عصبت الأخ بدا يخورط: أخوي الزم حدودك .. و لا ادق على هل الرقم خير شر .. لأني مب من البنات اللي يرضن باللي تباه ..
مايد ما عرف شو يرد بس ما بغى يسكر و قرر يحاول معها: بس أنتي اتصلتي قبل
فيّ: أخوي قلتلك بالغلط .. يعني ما يستوي أغلط .. لازم أكون قاصده ..
مايد اتوهق للمره الثانيه: انزين ما فيها لو اتعرفنا مثل ما طلبتي قبل ؟؟
فيّ فولت : يا أخ ما تفهم .. اتحسبتك أخوي ..
مايد: أول مره اشوف حد يتعرف على أخوه
فيّ و صبرها بدا ينفذ: أوووووووووف .. كنت اتمصخر وياه .. حرام
مايد: مب حرام .. بس حرام اترديني خايب .. يلا وافقي
فيّ و بنبره حاده: و الله.. اتصدق أخوي ملان شو رايك يتعرف على أختك
مايد و بعصبيه: نعم ؟شو قلتي؟!! * يوم ما بترضى على أهلك لا ترضى على أهل غيرك*
فيّ: يوم بتوافق إنا أختك تتعرف على أخوي اتصل أوكي .. مع السلامه
و كالعاده ما اتريته ايرد عليها .. عقب دقيقه رد و اتصل مايد .. فيّ ما ردت حست إنا المتصل هو نفسه الريال .. فغلقت الموبايل .. و سارت اتغسلت و اتجهزت للرقااااااد *محلات الرقاد*

مرن شهرين على سالفة التليفون .. و فيّ بس قالت لحور عن المكالمه .. و قررن ما يخبرن حد عشان ما يكبر الموضوع * والله لو أنا على طول خبرت أخويه .. رويتر* .. و خاصه إنهن يتحرن إنا هذا الشخص يقرب لشهد .. و بعدين فيّ ما قصرت و عطته من الزين .. و غلقت موبايلها اسبوع عشان تثبتله إنها ما راح تعبره لو شو استوى *هل البنات و لا بلاش*
المهم .. في يوم من الأيام اللي تعتبر من أحسن الأيام في الجامعه

شهد: وينج تأخرتي
حور: و الله شو اسوي .. يلا يلا نشيت .. قلت لا ناخذ كلاس ات أيت .. بس اتصدقين جنه مكينة الأي- دي خربانه .. لأنها ما طلعتني ليت .. و أنا متأخره عشر دقايق
شهد: حتى أنا ما ولع الليت الأحمر يوم دخلت
حور:جي أنتي متي وصلتي
شهد: احم احم قبلج بدقيقتن
حور: نعم .. و محتشره عليّ .. اللي يشوفج اقول يايه قبل الكلاس بربع ساعه
شهد: حور شو رايج ؟؟
حور: في شو ؟؟
شهد: نشرد
حور: و الله فكره جهنميه
شهد: لا لا اخاف ننكشف و لا نفتشل
حور: بلاج أنتي خوافه .. خلانا انجازف .. بنطلع في البريك .. اوكيك
شهد: اوكيه
حور: بس لا تنشرين الخبر .. أخاف يعدلون المكينه قبل ما نظهر *قولي أخاف يشكون من كثر البنات اللي بيسون شراتكن*
شهد: ههه .. أوكي
و عقب التخطيط لشرده .. اتفيقن حور و شهد يسمعن الشرح ..

الساعه اثنعش

شهد: يل جربي حظج .. أنا ما استحمل التقفيط
حور: أنتي ليش جيه .. أنا متأكده أنها خربانه
شهد: اوكي .. انتي قبلي ..
حور: اوكي بس المره اليايه أنتي
شهد: ههه .. إذا إذا شيء مره ثانيه

المهم طلعن البنات على خير و نجحت الخطه .. طبعا البنات كان في خاطرهن يصرخن و ينطن من الفرحه .. بس ما قدرن .. حبن ابينن أنا شيء طبيعي عشان ما ينكشفن .. على طول ركضن صوب سياره حور ..

في السياره
شهد: ما بنمر على فيّ
حور: جيه وين بنسير
شهد: مكان ناكل فيه .. بس مب زحمه
حور: وين
شهد: اممم
حور: امممم
شهد: صحارى
حور: اوكي
شهد: و فيّ
حور: الحين بتصل البيت يقولوها تتزهب
شهد: اوكي

اتصلت حور البيت و قالت للبشكاره اتقول لفيّ تتزهب للطلعه .. فيّ استغربت لأنها اتحيد دوامهن يخلص على الساعه اربع أو تربع و نص .. بس ما ضيعت وقتها اتزهبت من غير تفكير *السالفه فيها طلعه وين بتفكر* .. غقب عشر دقايق وصلت حور البيت و نزلت عشان تيب أختها .. و شهد ركبت ورى لأنها فيّ ما تحب تركب ورى و خاصة في البيتل ..

حور: في. .فــــــــيّ .. (دخلت حجرة فيّ) ..يلا
فيّ: على وين .. أنتي ما وراج حامعه
حور: شهد تتريانا في السياره.. بخبرج بعدين السالفه
فيّ: حووووووووووووووووووووووووووووور
حور: أي قلبي .. أنتي متى بتصطلبين
فيّ: الله بنطلع *مب مصدقه*
ركبن السياره بسرعه .. جنه صحارى بيطير .. ههه ..

فيّ: ممكن وحده فيكن تتكرمن و تخبرني السالفه
حور: أي سالفه
فيّ: عن الاستهبال
شهد: الله يسلمج .. مكينته اللأي-دي خربانه ..
حور: فقلنا هذي فرصه نشرد
شهد: هي والله بريك ثلاث ساعات
حور: و لا ما يستوي نطلع
شهد: بس الله راواهم
حور:هههه

فيّ كانت تسمعهن و اتقول في خاطرها .. أنا لو كنت مكانكن جان ما شردت و اتودنت في الجامعه .. و الله أنا خاطري اسير الجامعه *كل ها كلام يا حبيبتي*

وصلن البنات و سارن صوب الفود كورت .. و يلسن سنه يتناقشن من وين بيطلبن .. غقب ما قررن يلسن سنه ثانيه يفكرن شو بيطلبن .. *في التأني السلامه و في العجله الندامه * .. على العموم طلبن من ماكدونلدز .. و سارن فيّ و شهد يحجزن طاوله *من زود الزحمه* .. يابت حور الأكل .. و يلسن يضحكن و يسولفن جنهن في البيت *ما صدقن شيء سنتر فاضي في الإمارات* .. عقب ما خلصن .. نزلن تحت .. و يوم شافت حور استاربكس اتخبلت .. عوقها الفرابجينو ..

حور: أقول ما تبن شيء من استاربكس
فيّ: لا ما اقدر توني داحه
شهد: و أنا ما احبه وايد
حور: انزين انا ابا .. اتعرفن إني ما اقدر اقاوم .. و بعد استاربكس فاضي
فيّ:اوكي يلا ندخل ..

في استاربكس

حور: ما تبين شيء
فيّ: قلنا لا
طلبت حور لها موكا فراب .. و في هل لحظه مشن البنات صوب المكان اللي ياخذون اللأوردر منه .. ردت حور و سألتهن
حور: متأكدات ما تبن شيء .. تراني ما اعزم كل يوم
شهد حركت راسها بالنفي .. حور استغربت من هدوئهن .. طلعت بوكها بتدفع .. بس لمحة ابطرف اعيونها شيء ابيض .. قفطت حور .. و اتقول في خاطرها و انا اقول ليش صخن مره وحد .. و لا يخبرني .. كان الريال لاصق في حور .. بينه و بينها شعره .. كان في خاطر حور تشرشهه .. بس ردت و قالت ليش أسوي فضيحه .. دفعت البيزات و لا اتريت الباقي .. و مشت صوب البنات .. و خذت الفارب و هي يايه تطلع زقارها الموظف عشات تاخذ البيزات .. فردت حور تاخد البيزات .. بس اليال كان و اقف بيطلب ... بس ما تحرك عشان حور تاخذ البيزات .. فخذت حور البيزات بطرف صبوعها و بطريقه انها تعطي الريال ظهرها .. بس ما شاء الله عليها كانت ترتقل .. ههه .. بسرعه طلعن البنات

حور: و الله أنه قاهرني .. واااااااي .. باقي يحضني
شهد: هيه والله .. بس غريبه إنتي ما قلتي شيء
حور: ابصراحه .. ما حبيت اسوي فضيحه .. شكله أهبل .. يشوفني ابتعد ..
شهد: هيه و الله .. ما فكر يوقف عللى الطرف
فيّ: خايف حد ياخذ مكانه في الكيو .. ههه

طلع الريال و ربيعه من استاربكس ويلحقونهن .. و كالعاده بدوا تعليقاتهم اللي ما لها نهايه .. و شيء طبيعي البنات يتوترن .. فمشن مشيتهن السريعه * الله يستر* ..

عبدالله: الله يخليكن لا تمشن ابسرعه .. ترى أذا وحده طاحت فيكن .. ما بقدر ايود عمري .. و عقب بتهزأ .. و بحصل محاضره و لا أطول نفس المره اللي طافت

اهني البنات عرفن إنا هذا الريال واحد من الشله التعيسه اللي في السيتي سنتر .. البنات ما اهتمن و داسن ريـــــس .. بس الله ستر وصلن السياره سالمات ..

عبدالله هو ربيع مايد أذا تذكرونه .. صاحب التعليقات السخيفه .. من ركب سيارته اتصل على طول في مايد

مايد: ألوووووو
عبدالله: بابا فين
مايد: هنه هو *ما عرف الباقي*
عبدالله: علومك
مايد: و الله تمام .. خير أن شاء الله .. متصل بي .. مب من عوايد .. دوم أنا اتصل .. اتعرف أنك زطي
عبداللخ: أوهو بدينا بالمذله .. و الله أني مشغول .. بس متصل اقولك توقع شفت منو اليوم
مايد: منو .. لا يكون نانسي عجرم *وووووووووووع*

قال عبدالله لمايد شاف منو .. و شو سوى .. حس مايد بضيجه ..

مايد بضيق: الله يهديك عبود ليش جي اتسوي
عبدالله: شو سويت .. كنت ملان و حبيت العوزهن .. و ابصراحه أنا سمعتهن و هن يطيحن فيني
مايد: حرام عليك .. البنت عمياء
عبدالله: انزين انا ما يت صوبها .. بس لعوزت هاي أم السانين .. اللي عطتنا محاضره
مايد براحه: أها .. بس لا تعيدها مره ثانيه
عبدالله: جيه انا اشوفها كل يوم
مايد: ههه .. بلاك جي اتقولها بتحسر
عبدالله: أنا ؟؟ .. إن شاء الله ما اشوفها مره ثانيه .. ما استحملها عوار رأس *اللي يسمع يالسه عللى راسك .. يا بو راس*
مايد: ههههه
و كملوا سوالف ..

في الليل مايد كان يحاول يرقد بس مب قادر .. كله يفكر في فيّ .. و مقهور على عبدالله شوي .. و يحس بالغيره منه لأنه شافها و هو ما شافها من سالفة الممزر .. فقرر يرمس أبوه في اليوم الثاني .. رقد مايد و هو يفكر بقراره ..

مايد: أبوي ..
بو مايد: خير .. آمر
مايد: الله يخليك .. ما يآمر عليك عدوه (سكت اشوي ) ابوي تدري إني أحبك وايد
بو مايد: ههههه ..قول شو تبى .. بيزات .. سياره
مايد: اممممم .. أباك تخطبلي ..
بومايد: و الله و كبرت يا ميود .. أمك بتستانس

و خبر مايد أبوه عن فيّ .. و قرروا أنه يسيرون باجر يخطبونها .. و بالفعل ساروا .. بس أهل فيّ طلبوا يومين يشاورون البنت .. عقب يومين يتهم الموافقه .. فطلب مايد أن برمس خطيبته .. و الأهل ما رفضوا .. طبعا مايد ما صدق على طول اتصل

فيّ: ألوو
مايد بفرحه ما توصف: ألللوووووو .. شخبارج ؟؟
فيّ و هي مستحيه: تمام
مايد: و الله أني مب صدق .. أنا قلت أكيد بترفضيني عشان ضحكت عليج
فيّ: هههه
مايد: اقوووول
فيّ: نعم
مايد بكل حب و حنان : أحبجججججججج
فيّ ما عرفت شو تقول *والله قفطه*
مايد: انزين انتي قوليلي
فيّ بصوت واطي : شو
مايد: إنج اتحبيني

بسسسسسسسسسسسسسس ... و يا خوفي من البسسسسسسسسسس




يتبع

انزين خلنا انرد للعاشق الولهان ميووووود .. هههه

مايد: يلا حبيبي .. قوليها عشان خاطري
فيّ مب قادره ترمس من القفطه: انزين اشوي اشوي عليّ
مايد: انزين يلا بعد للثلاث *شو سباق*

مره وحده يسمع مايد الكلمه اللي متقطع عشان يسمعها بس بصوووووت عالي
عليا: أحبككككككككك .. والله أحبك يا خوي بس لا تصيح عليّ و تفر عليه المخده
مايد ينقز و شوف عليا جدامه .. و كل علامات الدهشه و الاستغراب على ويهه ..
عليا و هي تبتسم ابتسامه خبيثه: والله إنك حبيبي .. يالله من متى تحلم إني أقولك أحبك .. يا أخي لو قلتلي جان ما قصرت و اتصلتلك كل خمس دقايق عشان أقولك (وتغير صوتها)*أحبك* ..
مايد وده يزغدها: ما حبيت إني أجبرج .. حبيتها تطلع تلقائياَ و من خاطرج
عليا: و حليلك يا خوي .. مب جنك كنت تضغط عليّ في الحلم
قفط مايد و ابتسم ..بس هل مره غيـــــــر *أكيد غير .. انعرف السبب*
مايد: خير .. أختي االي احلم فيها ليل و نهار اهني عندي في الغرفه .. ما صدق
عليا: لا صدق .. ميووود
مايد و حس أنها بتسأل عن الحلم: ادري ادري شكلي يزيغ و شعري كشه .. بسير الحين ببدل و يتزقرت وبيج تحت
عليا: أولا الاعتراف بالحق فضيله .. ثانيا لو تحاول من اليوم الين باجر .. شيفتك عمرها ا بتتغير .. بتم فلم رعب .. و ثالثا مب جنك تطردني
مايد: اولا ما حيدج بهذا الذكاء .. ثانيا لا تنسين إنا شيفتي مليون مره أحسن من شيفت ريلج اللي و لا مليون عملية تجميل تنفع فيه .. و ثالثا اجلبي ويهج
عليا: أن شاء الله .. بس حبيت أخبرك إنا حرمتك ما بتكون أحسن عن ريلي ..
مايد من قالت حرمتك سرح .. و اتذكرحلمه فيّ .. *يت على العوق* .. عليا يوم شافت أخوها رايح فيها .. طلعت من الحجره وهي ميته من الضحك ..


*سيتي سنتر – دبي*

الشله الكريمه (شهد و حور وفيّ) .. يكملن الشوبينق للسفره بما إنها قريت .. طبعا هل المره يشترن أشياء صيفيه .. ترى جو لندن مودي .. يعيشج الفصول الأربع في يوم واحد .. طبعا البنات ما خلن محل و ما دخلنه .. *ما يسوى عليكن هذي السفره* .. و ما يحتاي اقول إنا البنات ما قصرن و خمن المحلات .. و كثل ما قلت البنات لازم يمرن على دبنهامز .. بس هذي المره .. يلسن ايشوفن البضاعه عشان ما يفوتهن شيء .. و كالعاده مسويــــن حشره .. فيّ و شهد واقفات عند الأكسوسريز .. شهد تختار الكواشي .. و حور تختار لبس ..
حور بصوت عالي: شهوووووووووووووده ..
صدت شهد وهي قافطه و ودها تكفخ حور
حور: شو رايج في القميص
شهد أشرت بيدها إنّ أوكي .. و حور اتقول في خاطرها بلاها تتكلم بالإشارات .. المهم صدت عنها عشان تأخذ قميص الها و لفيّ .. بس قفطت من الزين يوم صدّت .. شافت عبدالله و ابتسامه عريضه على ويها *ينفع حق دعاية معجوووون* و طبعا امبحلق فيها .. حور ارتبكت و ما عرفت شو تسوي .. نزلت عينها .. و ردت القميص و لا خذت لشهد و فيّ .. و سوت عمرها عاديه و لا كأنها شافت شيء .. وسارت ادورلها شيء ثاني .. و كل ما تختار شيء و ترفع رأسها اتشوف عبدالله في ويّها .. تعبت من كثر ما اتسوي أي كونتكت وياه .. فقررت اتسير صوب شهد و فيّ .. عبدالله من شافها سايره صوبهن .. مشى

عبدالله يزقر مايد اللي كان في عالم ثاني .. سرحان في حلمه فيّ : مايد .. ميووود ..

مرررررررررررررره وحده .. اتخرطف عبدالله و بغى يطيح .. حور اهني ما قدرت اتيود عمرها .. التفتت عنه و نقعت من الضحك .. و مايد امبهت يشوف ويه اربيعه المحرووووووق *الله راواااك* .. و كان شيء شلة بنات يضحكن عليه بصوت عالي .. و الأخ عبدالله المغرور في هل لحظه محد شافه دق سلف و داس على الريس .. و مايد نفس الشيء .. ما يبى يرد بتاكسي .. بس والله شكلهم كان اتنيكه ..

حور: هههههه .. الله راوه .. من حوباتي
شهد و هي ميته من الضحك: بنت الذين مب حوبات عليج
فيّ: بلاكن
حور: و الله هذا واحد امطفربي .. كل ما اسير اشوف شيء اشوف شيفته جدامي .. اتعوذ من بليس و اسير مكان ثاني ما شيء فايده .. آخرت حركات العبيطه إنه اتخرطف
فيّ: هههههه
حور: الله راواه مثل ما ضحك عليج .. البنات ضحكن عليه و بنفس الطريقه
فيّ باستغراب: عليّ؟؟
شهد: هي تراه هو واحد من الشباب اللي ضحكوا عليج
فيّ: يا حرام
حور: بس اعتقد أنا ربيعه اللي كان يلاحقج موجود
شهد: هي شفته و كان مب امقصر امبحلق فيج و الابتسامه ما فارقت ويهه
فيّ استحت و يلست تذكر مواقفها وياه .. غقب ما خلصن البنات فلوسهن * ما بقول شوبينق .. لأنهن موووول ما يخلصن * .. ردن البيت .
سيارة عبدالله

عبدالله يسوق و مبين عيه أنه معصب و مفول و متضايق من الموقف .. و مايد ساكت لأن لو رمس بينقع من الضحك .. و هو في داخله ميت من الضحك على شكل عبدالله .. عقب خمس دقايق من الصمت مل مايد و قرر أنه يرمس
مايد: عبووووووووود
عبدالله من غير نفس: هاااا
مايد:بسم الله .. بلاك
عبدالله: تستهبل .. و الله شكلي أني ما بطيح هل السنتر مره وحده .. و كله صوب و هل البنات الطفسات اللي يضحكن بصوت .. الله يبحصهن ما يعرفن إنا صوت المرأه عوره *ما صدق يرمس*
مايد: بس بس لا تصيح .. قطعت قلبي
عبدالله يكف مايد على راسه: سخيف
مايد: شو شعورك
عبدالله: اتعرف الحين حسيت بموقف البنت اللي طاحت جدامنا .. *طبعا من طرى عبدالله فيّ .. طار مايد لعالمه الثاني* .. بس تدري الله راواني .. لأني أنا وايد كنت نذل و سخيف .. سكت عبدالله .. مرة دقيقه .. دقيقتين .. مايد ما يرد عليه .. اتفت عبدالله صوبه و شافه موووووول رايح فيها .. و الابتسامه مثل ما اتعودنا على ويهه ..
عبدالله: هههههههههه .. ميووووود .. ميووووووووووود
و مايد لا حس و لا خبر
فما كان جدام عبدالله إلا إنه يضرب بريك بالقوووو ..
و مايد انتطر من مكانه و رد لعالمنا
مايد: حووووووو .. بلاك أنت ما اتعرف اتسوق
عبدالله و هو ميت من الضحك: و الله اعرف .. بس ما كان عندي إلا هل حل من متى ازقرك و لا ترد عليّ .. اللي ماخد عقلك يتهنابه *و يغمز له*
مايد حس بالأحراج: و الله كنت اتذكر شكلك و انت تتخرطف و الغتره طايره وراك
برطم عبدالله لثواني بسسسسسسسس عقب
مايد و عبدالله: ههههههههههههاي

من الصوب الثاني أول ما وصلن البنات هجوووووووووووووووووم على الغنفه .. *هلكن من الحواطه* .. حمد كان في الصاله و من شافهن جي حب يغلس عليهن * احم احم .. على شهد*

حمد: عووووووووووووووذ بالله .. بسم الله بسم الله .. اللهم سكنهم في مساكنهم
شهد كانت تعبانه و ما اتفيقت اترد عليه أصلا ريجها ناشف ..

حور: حمد و الله إنك فاضي .. بدال ما اتقول وحليلهن خواتي .. هلكن من الحواطه في السوق .. خلني بهمزهن
حمد: و الله .. محد ضربج و قالج سيري اتسوقي .. بعدين .. أنتن اللي ما اتفكرن و تقولن حرام فلسنا أبونا
فيّ: أقووووووول ,, هو اشتكالك
حمد مستغرب ليش شهد ما اترد .. فحب ينطقها : لا بس عمي اشتكى
اطالعته شهد بنظره اتقوله إنت وايد فاضي .. بس ما نطقت و قامت سارت المطبخ ..

حور: حرام زعلتها قوم راضها
حمد: الحين أنا شو سويت عشان تزعل
حور: مول ما سويت شيء كل ما اتشوفها تستلمها
حمد : أهوووووووو .. أنا بطلع .. مع السلامه
فيّ: بلاه هذا مستوي جبريت
حور: ما ادري ..
فيّ: أنت شو تعرفين
حور: ابصراحه ما ادري ..

حمد يوم طلع ..سار صوب المطبخ .. أونه عطشان بيشرب ماي .. بس هو أصلا ساير عشان يراضي شهد ..
أول ما دخل شاف شهد و هي مندمجه في الأكل .. كانت تأكل صمون و جبن .. و تشرب حليب .. و لا حست بالجني حمد و هو يدخل المطبخ .. فقرر يزيغها *توك ياي اتراضيها .. ما يروم يقاوم النذاله*

فصرخ بأعلى صوته: هاااااااااااااااا يا الدلوعه لا يكون زعلتي -> شهد كانت تشرب الحليب و زين ما حرقت عمرها
شهد و بقهر ملحوظ و تنافض مستمر: هي أنتا .. شو ها لا أحم و لا دستور .. زين ما وقفتلي قلبي ..
حمد و هو يطالعها بكل حب و حنان : بسم الله .. إن شاء الله أنا و لا أنتي
شهد و هي مستغربه و متوتره في نفس الوقت من نظراته: اتصدق .. صدقت *تتطنز الأخت*
حمد انقهر اشوي: انزين ما قلتيلي زعلانه
شهد تستهبل: من منو ؟؟
حمد و هو عارف أنها تستهبل: من حبيب قلبج حمد *و يغمز لها*
شهد انصدمت منه بس كالعاده ما حبت اتبينله بس ويها غادي تفاحه حمره: حبيب قلبي ؟؟ .. و حمد .. الظاهر أنك مصطل .. بعدين ليش أزعل عليك .. الناس يزعلون على ناس يهمونهم مب على كل من هب و دب
عصب حمد من ردها مع إنها دوم اترد جي عليه: مشكوره
و طلع من المطبخ و هو امفول عليها .. الحين أنا أحاول أقردنها و هي تقطعني .. أوووووف .. بس والله لا أراويها إني أهمها غصب عنها و عن اللي يابوها *بدى يخورها الريال * .. أوبس بديت أغلط .. لا حووول .. بس أنا وراج و الزمن طويل يا شهدوووووووه *الله يعينج على بلواج يا شهوده .. قلبي معاج* .. طبعا شهوده ما اتوقعت إنا حمد عصب لأنهم متعودين على الضرابه و مب متعودين على التقردين و التفاهم ..

المهم البنات طول الشهر يتزهبن حق سفرتهن .. اللي يشوف يقول أول مره يسافرن .. حوركانت تشرى لأخوها حمد و طبعا لازم تاخذ راي شهد .. و شهد تشرى لأختها حصه اللي ما قدرت اتي وياهن بسبت امتحانات الثانويه العامه .. و البنات كانن وايد متحمسات للسفره لأن هل المره حصه بتكون وياهن .. حصه أول مره اتسافر وياهن .. دوم اتسافر ويال خالها و عياله بس للأسف هل سنه ما بيسافرون .. فاقترحت عليها شهد إنها تسافر وياهن .. فوافقت من غير تفكير .. أهل شهد ما يسافرون لأن أمها ما تقدر على السفر ..
و أخيرا يوم السفره .. سار بو حمد و أم حمد و حور و في سيارة بو شهد .. و حمد و فيّ و حصه و شهد في سيارة دريول بو حمد .. و طبعا يى اليوم اللي بيقدر ينتقم حمد فيه من شهد و يراويها الويل ..

في السياره

حمد: ها حصوص .. ما قلتيلي رايج في لبسي * و ينقل نظره صوب شهد*
حصه و هي مستحيه لأنها مب متعوده وايد عليهم: وايد حلو
فيّ: أكيد حلوووو .. لأنه ذوق شهد* وتشدد على الاسم* و حور
حمد وهو يطالع شهد: ذوقج ؟؟
شهد و هي اشوي لا تضحك في ويه حمد اللي انصدم شوي: هي .. حور ما تاخذ شيء من غير ما تاخذ ذوقي
حمد: اها .. بس اتعرفين .. أحس إن هل البدله ما تنلبس إلا مره .. لأنها مب وايد حلوه .. و أنا لابسنه بس عشان خاطر حوور
شهد منقهره منهو لا ردت عليه .. و حمد حس بها الشيء و تفجج .. رد يكلم حصه
حمد: اتعرفين يا حصوص أن هذي السفره بتكون أحلى سفره
حصه باستغراب: ليش؟؟
حمد و هو يشوف شهد: لأنج أنتي ويانا
حصه استحت من الخاطر: مشكور
بس حمد ما كان وياها لأن كان يشوف شهد اللي اشوي لا يطلع الدخان من إذنها .. و رد حمد اسوي حركاته عشان يقهر شهد أكثر و أكثر .. و شهد الطفرانه .. ملت و كانت اتحس إنا المطار بعيــــــد .. و فيّ كانت كل اشوي اتحاول اتغير الجو .. بس حمد ما يستسلم .. وصلوا المطار .. و أول وحد تنزل من السياره شهد و تقول في خاطرها فكــــــــــــــــــــه ما بغينا نوصل .. و حصه نازله من السياره متفججه و تقول في خاطرها صدت يا حمد هذي السفره بتكون أحلى سفره .. و نزلت شهد فيّ من السياره و فيّ اتقول في خاطرها الله يعينج يا شهوووووووده بتكون أخس سفره في حياتج .. و حمد نزل من السياره و ابتسامه النصر على ويهه و يناظر شهد و يقول في خاطره *انا وراج و الزمن طويل* .. اتلاقوا ويا بقية الشله و دخلوا المطار .. و البنات سارن ويلسن على صوب الين ما يخلصون الجوازات و هل خرابيط ..
مره وحده تصرخ الأم من الوناسه : الله .. شوفن من ياي صوبنا؟؟












يتبع
أوكي خلنا انكمل .. وصلنا عند صرخة الأم * الله يهديها طرت طبله أذني*
أم حمد: هلا والله .. هلا و غلا ..
*البنات فاجات حلوجهن .. و يبحلقن .. و أنا وياهن .. هه*
الحرمه: هلا والله بحبيبتي
* طبعا كل وحد شفطت خد الثانيه من كثر البوس *
أم حمد: عاش من شافج .. من زمان ما شفناح .. وينج .. مختفيه ..
الحرمه: شو اسوي .. الدنيا ماخذه كل وقتي .. اتعرفين العيال و بلاويهم .. و بو العيال و بلا ويه على صوب
أم حمد: ههههه .. ها على وين إن شاء الله
الحرمه: سايرين إن شاء الله لندن
أم حمد: لالالالالالالاه .. عيل ويانا
الحرمه: والله .. أنتي و منو ؟؟
و أم حمد اتعرف الحرمه على البنات .. و يقومن البنات يسلمن على ربيعة أمهن .. و تأشر على بو حمد و حمد اللي كانوا مشغولين بالجوازات
أم حمد: و أنتي و يا منو .. لا تقولين أنتي و حبيب القلب و بس
الحرمه: هي أنا و حبيب القلب و عيال حبيب القلب ههه ..
أم حمد: وينهم ما اشوفهم ..
الحرمه تأشر على بناتها ..
الحرمه: هذيل بناتي توأم .. ريم و مريم و سلمن البنات ..
الحرمه تأشر على ولدها: و هذا أخوهم مايد
أم حمد: ما شاء الله عليه .. هذا مايد .. وين آخر مره شفته كان صغيــر .. ازقريه بسلم عليه .. وايه فديته
البنات كانن يسولفن .. و ريم و مريم يطالعن البنات بنظرات الله لا يراويكن .. ريم ومريم وايد حلوات .. و يعرفن هذا الشيء.. و دوم يطالعن غيرهن على إنهن و لا شيء .. المهم
أم مايد: مايد مايد .. حبيبي تعال سلم على خالتك ..
مايد يقول في خاطره شو هل بلشه .. وايد بنات وين أبى أسير أدز بويهي .. مايد ما لاحظ إن فيّ موجوده بين البنات .. و أصلا ما شاف البنات *مستوي شريف مكه * .. اتقرب مايد و هو قافط .. و سلم على خالته .. و ريم و مريم متفججات إنه مايد يا صوبهن .. عشان يخقن على البنات * و حليلكن ما تعرفن إنا هو متخبل على وحده منهن* .. كان مايد يرمس و يا أم حمد .. و بالغلط صد صوب البنات و زين ما وقف قلبه يوم شاف حبيبت القلب موجوده .. و أم حمد اترمسه و الأخ في عالم ثاني يرد عليه بهي و لا لا .. *وايد عليك ... لو ما نطقت أحسن* ..
أم مايد: يلا حبيبي سير ويا ابوك و دقه على جتفه عشان يحس
مايد: ها ,, إن شاء الله .. مع السلامه خالوه .. و مب تقطعينا و عيونه على فيّ *زين ما كلها*
أم حمد : ههههه ... إن شاء الله ما يهمك

حور و هي تصاصر فيّ: الحقي طلع اسمه مايد
فيّ و باستغراب: منوووو
حور: هذاك راعي السوالف البطاليه
فيّ: ههه ... بعدني ما عرفته
حور: يا ربي .. وايد ذكيه .. من وين يايبه هل ذكاء كله
فيّ: أكيد منج .. انزين قولي منو
حور: هذال اللي هزأته .. و ربيعه اتخرطف في السيتي
ويضحكن البنا ت و خاصه حور لأنها اتذكرت شكل عبدالله الأنتيكه *و الله و استوت مصخره يا عبود*

عقب ما خلصوا الجوازاات .. عرفت أم حمد الريايل على مايد و ابوه عشان يستون ربع نفسه و نفس أم مايد * ههه .. خبث الحريم* .. و كالعاده البنات طايحات في سوق الحره يتشرن .. و فيّ حاشرتهن تبى تشتري أكل .. لأنها ما تحب أكل الطياره .. بس لا حياه لمن تنادي على حظها شافها حمد .. و أسعفها و وداها تتشرى أكل *يعت* .. عقب سار وياها الكافي .. و كان مايد و خواته هناك .. مايد كانت عيون بتطلع من كثر ما يبحلق في فيّ .. و خواته عيونهن بطيح من كثر ما يبحلقن في حمد *ما شاء الله عايله التبحليق* .. حمد ما لاحظ إن حد يبحلق فيهم لأنه كان مندمج في السوالف .. مررررررررره وحده

شهد: طاع الخونه .. ليش ما عزمتونا
حمد و هو يطالعها باستخفاف: و ليش إن شاء الله نعزمج
شهد انقهرت و حور حست إنا الحرب العالميه بتقوم فنطقت: حراام عليك حمد .. و الله إنا يوعانين
حمد: محد قالكن تسوقن .. ما تلوع جبودكن من السوووق
شهد: حمد قول إنا ما عندك بيزات .. لا تيلس تتفلسف
حمد انقهر من لسانها الطويل: حتى لو عندي ما بعزمج .. و التفت صوب حصه .. ها حصه شو بغيتي أطلبلج ؟؟
حصه عاد اتفججت و في نفس الوقت ميته من المستحى .. و شهد الله لا يقول اتشوفون ويها .. مستووووي أحمر و يدخن .. روحت شهد عنهم بسرعه صوب عمها و مرته

حور: حرام عليك يا حمد .. ليش جي اتسوي فيها .. هذي زعلت و ما كلت شيء
حمد : مشكلتها

طلبوا حق حور و حصه .. و يلسوا يتريتقققققققققون .. و شهد و حليلها عقب اللي استوى ما اتفكر اتسير صوبهم .. و ما كلت شيء .. و عمها يحايل فيها .. و هي اتقوله إنها ما تشتهي .. المهم يوم كانوا بيقومون .. قام حمد و طلب حق شهد .. و عطى حور تعطيها .. و قالها لا تقوليـــن إني أنا اللي اشتيرتلها الأكل .. و حور نفذت كلام حمد .. و شهد ما شاء الله قضت على الأكل ...

* الطياره *

فيأول سيد .. كان بو حمد و أم حمد .. و وراهم حمد .. بس محد كان يالس حذاله .. * الحمدالله و الشكر .. ولا جان ما سلم من لسان حمد..ههه* .. و وراه .. فيّ و حور .. و عقبهن حصه و شهد .. و ما يخصنا في اللي عقبهن .. طبعا كانوا في يمين الطياره .. و في يسار الطياره .. كان ترتيب عايلة بو مايد تقريبا نفس ترتيب عايله بو حمد .. بو مايد و ام مايد .. بعدين التوأمين ريم و مريم .. و وراهن مايد و يالس حذاله واحد أجنبي *الله يعينك .. وووع*

أول ما طارت الطياره .. رقدوا الشواب *ما صدقوا .. هههه* .. و مايد كل دقيقه يصد اشوف حبيبت القلب بالدس * والله أخاف لا تيك اعصبه* .. و حمد يالس يفكر بالخطه اليايه .. طبعا خطه التطفير بشهد * و الله إنك فاضي* .. و البنات دق سوالف *وش الجديد* .. المهم حمد كان كل دقيقه يقوم و يسير صوب البنات .. ويتمصخر وياه حصه .. و مطنش شهد .. كان يعبرها شوي .. بس كلنا انعرف إذا عبرها يعني طفر بها .. و مايد على حالته .. برج مراقبه .. خلنا انرد لشلة الأنس ..

شهد: اظاهر راضي علينا .. كل دقيقه ولا دقيقتين شرفتنا
حمد: لا تستانسين وايد .. مب ياي عشانج .. ياي اسولف ويا حصوص
شهد: حصوص و لا البنات اللي في الصوب الثاني تراني لاحظت إنهن ما خوزن عينهن عنك .. و أكيد إنته ملاحظ .. عشان جي مرتز اهني .. اعترررررررف
حمد: وإنت شو امعورنج ؟؟ .. لا يكون اتغارين
شهد: أنا و ليش يا حسره .. يمكن حصه اتغار
حمد وايد انقهر .. بس عقب استانس يوم قالت حصه .. حس إنها اتغار
حمد: لا كلا و لا حصه .. لو تبى بيلس في مكاني و بغمض لين ما نوصل ..
حصه و شوي لا تموت علينا من المستحى: تسلم
عاد ما يحتاي اوصف حاله شهد .. و حمد حس بهذا الشيء .. حتى حور ..
حور: شهد اتعرفين منو اشترالج الريوق
حمد و هو يطالع حور و ده يكفخها
شهد: هي أنتي
حور: لا مب أنا .. حمد
شهد باستغراب : حمد ؟؟؟؟؟ .. مشكور ما قصرت
حمد: العفو .. بس لا تصدقين عمرج .. لو مب حصه طلبت مني .. جان ما افتكرت فيج
*وحليلهات حور اونها بتلطف الجو .. سار حمج و عفس الجو*
حصه و حور مستغربات من كلام حمد .. لأنه حصه ما طلبت منه شيء ..
شهد و اشوي لا تصيح من القهر: ممكن اتفارج أبا ارقد
حمد: اوكي ارقدي حد ميودنج ..
شهد و الدمعه في عينها: أفففففف
حمد حس إنا وايد مصخها .. و شاف الدمعه .. و قال ما فيني على دلع البنات *أصلا ما يستحمل يشوفها اتصيح*
حمد: انزين انا أبى أسولف ويا حصوص ,, أنتي سيري مكاني و ارقدي
شهد ما قالت شيء لأنها لو رمست بتصيح . .قامت ويم مرت حذال حمد عطته نظره اتقطع القلب .. حتى حمد استغرب و قلبه عوره و سارت مكان حمد .. و لحفت ويها ويلست اتصيح .. محد درابها .. حور حست إن شهد واصله حدها .. عشان جي ما سارت صوبها .. بس هي ما كانت تدري إن شهد اتصيح .. و لا جان سارت اتأزرها من غير تفكير .. و حمد كان يسولف ويا حصه بس شوي و أكثر الوقت ويا حور و فيّ المراقبه .. بس كان حاس إنه شوي متضايق ..

حمد: اوكي أنا بسير مكاني
فيّ: وين بتسير ..شهد اهناك ..
حمد: ويعني؟؟
حور: حمد حرام عليك ارحمها
حمد:انزين انا ما بكلها بيلس بهدوء و ما بخرب رقادها
فيّ: أوكي حمد .. بس مب اتسوي شيء .. ترى شهد وايد حساسه .. و زين منها مستحمله سخافاتك
حمد: شو قصدج أنا سخيف
فيّ: لا حبيبي .. بس أنته وايد اتمصخها
حور: ليش اتجاملينه .. حمد ابصراحه شهد دوم تقول عنك سخيف .. حور اتعمدت جي اتقول عشان اتشوف ردت فعل حمد
حمد بعصبيه ممزوجه بحزن: شوووووووووو
فيّ: حرام ليش تجذبين .. هي أصلا عمرها ما طرتك بالشر .. طيوووبه بنت عمي
قام حمد و مشى عنهن .. حصه كانت طول اليلسه اتشوفه .. وتتفداه في خاطرها .. و اتقول بليـــز تم لا تسير .. حمد سار و يلس حذال شهد .. و يلس يشوفها بكل حب و حنان .. صح إنه ما كان يشوف ويها .. و يقول في خاطره .. ادري إني وايد اطفربج .. بس ما ادري ليش احب إني أطفربج .. الله يعين عيالنا علينا .. عيالنا ؟؟ هههه .. جني قمت اخورها .. انا احبج بس مثل حور و فيّ .. يعني حب أخوي .. امم .. بحاول إني أقاوم و ما ألعوزج .. قطع حبا أفكاره حرك من شهد .. شلت شهد اللحاف من علو ويها لأنها حست بحد حذالها .. كانت تتحسب إنها حور.. بس شافت حمد .. عيونهم التقت .. و شاف حمد عيون شهد إنها حمره .. ويليس يرمس عمره .. أفف مني صيحتها و الله إني ما استحي *توه الناس* تموا على هل حاله دقيقه .. هو يشوفها و هي تشوفه .. عقب حست شهد بشيء غلط .. نزلت عينها على طول و ردت مكانها ..

خلنا انرد للبطل مايد .. مايد يوم حس إنه رقبته قامت اتعوره من كثر ما يتلفت .. يته .. فكره .. استوى كل نص ساعه يقوم .. أونه بسير الحمام .. و طبعا لازم يتريا اشوي لين ما يفضى الحمام .. و هو يستغل الفرصه و يبحلق في حبيبت قلبه .. *يقدر يرسمها وهو مغمض عينه .. ههه* .. المهم .. و أول مرتين يوم سوى الحركه .. محد انتبهله لأن البنات كانن مشغولات .. كرر مايد الحركه فوق الخمس مرات و في المره الأخيره كانت حور تقرا كتاب بصوت اشوي عالي لفيّ .. و فيّ تسمعها و الابتسامه على ويها و طبعا الغمازه ظاهره .. فيّ وايد اتحب الكتب .. بس لأنها ما تقدر تقرا اتخلي حور و لا شهد يقرولها الكتب .. مايد .. كان يشوف فيّ و يقول في خاطره .. فديت هل الغمازه ,, و الله إنج اتينين .. و لا بعد ما شاء الله تحب الكتب .. ما شاء الله عليج عمري ما تيأسين .. و الله إنج فنانه .. آآآآآآآآآآآآآه يا قلبي .. *سلامة قلبك من ال آآآه * .. شهد لاحظت حركه مايد . .قامت و طلعت راسها من فوق كرسي حور

شهد: ما ادري بلاه هذا .. كل نص ساعه قام و سار الحمام و بحلق صوبكن ..
حور: يمكن فيه سهال ... هههه
حصه: صدقها شهد .. جنه متيم الساعه .. كل نص ساعه بالضبط نش و سار الحمام
فيّ: منو ...
حور: العاشق الولهان ..
فيّ و بدت اشوي اتعصب: لا يكون راعي السيتي
شهد: هي
فيّ: أوف منه

مايد حس إنه انكشف .. بس ما حب يبين للبنات .. و خلى كل شيء عادي .. رد مكانه و لا قام من مكانه الين ما وصلو لندن .. و حمد من الصوب الثاني ما سار صوب البنات .. *يقاوم*

عقب كمن ساعه .. وصلوا أبطالنا لندن .. و كل عايله انشغلت بشنكها و هل الخرابيط .. و صوب الشنط .. و عقب ما خلصوا و خذوا قشارهم .. سلمت ام حمد على أم مايد و عطتها رقم بطاقتها في لندن .. و مايد القى آخر نظره على حبيبت القلب و يقول في خاطره الله يعلم إذا بشوفج مره ثانيه .. إن شاء الله اشوفج كل يوم.. آميـــن ..

طول الدرب في السياره من المطار الين الشقه .. حمد كان يرمس عادي بس ما حاول إنه يستفز شهد .. و شهد كانت اتشارك في النقاشات بس مب وايد .. المهم وصلوا الشقه و دخلوا الشنط .. و وزعوا الحجر .. كانت الشقه عباره عن طابقين .. الطلبق الأول فيه ثلاث غرف .. غرفه بو حمد و الغرفه الثانيه لشهد و حصه .. و الثالثه لحمد .. و في الطابق الثاني كانت غرفه وحده لحور و فيّ .. و الصاله كانت في الطابق الثاني ..
أم حمد: حووووووور حوووووووووور
حور: نعم .. آمري يا ست الكل
أم حمد: حمد يترياج تحت عشان اتسيرن السينسبري تتشرون أغراض للمطبخ و الشقه ..
حور: أوكي شو تبيني أيب ..
شهد: هذيه السته عندي .. خذيها
حور: اوكي بسير البس سكارفي و برد
سارت و ردت ..
حور: ها شهد ما بيتين ويانا
شهد: لا ما اقدر .. و بيلس هني و يا فيّ ابركلي
حور: اوكي .. بااااااااي

طلعت حور بسرعه .. بس للأسف انصدمت إنا اللفت خربان .. فاضطرت تنزل بالدري .. و طول الوقت كانت محتشره .. يوم وصلت آخر طابق .. فتحت الباب مال الدري .. و أول ما لفت نقزت حور و شهقت بصوت عالي و حطت ايدها على قلبها ..

يتبع
ويــــــــن وصلنا .. هيه ..
أول ما لفت حور نقزت و شهقت و حطت إيدها على قلبها .. و ابصراحه مب بس هي اللي خافت .. حتى عبدالله ..

عبدالله و هو زايغ: اسمحيلي أختي و يقول في خاطره طيحتي قلبي يا قلبي

حور اكتفت بهز رأسها .. و ميوده ضحكتها .. و مشت بسرعه .. بتسير صوب أخوها .. و الأخ الخجول عبدالله ما خوز عينه عنها .. و حور اتقول في خاطرها بسم الله من وين طلع هل جني .. بس كسر خاطري و الله .. زاغ من الخاطر .. و الله و حليلي أنا زين ما و قف قلبي ومت عليه .... هههه

حمد: حوووو . .بلاج .. شاق الحلج .. ما تم ضرس ما شفته .. حتى العقل شفته
حور: الحين أنته شو مشكلتك في الوجود .. تراني مب شهد عشان اسكت عنك ..
حمد و هو معصب: الحين شو دخل شهد في الموضوع
حور: حمد .. بسألك
حمد: نعم
حور: ولا أقول خلاص
حمد: يا ربي .. كم مره قتلج لا تسوين هالحركه ..
حور: انزين أخاف أقول شهد و تعصب
حمد و هو يبتسم: اللي يسمع مول توه ما قلتي شهد
حور: فديتها والله .. و الله إنها جناان
حمد بصوت واطي: و عذاب
حور اتشوفه بنظرات خبيثه: سمعتك
حمد منحرج فحب يغير الموضوع: يلا وصلنا .. اتشري بسرعه مب تيلسين تستخيرين على كل شيء تاخذينه
حور: إن شاء الله يدي

و يلست حور تتشرى بسرعه .. و مع هذا حمد حاشرنها يلا بسرعه و يلا بسرعه .. و حور تتحرطم و اتقول الله يعين حرمتك .. و هي من اتقول جي يصخ دقيقتين ويرد على الموال نفسه ..

عقب يومين

حور: شهوووووده .. بنسير استاربكس باتين
شهد: منو بسير
حور: انا و فيّ
شهد: و حصوه؟؟
حور: ما تبى ..
شهد: عيل خلاص بيلس وياها ..
حور: أوكي
شهد: ما صدقت .. انزين لا تنسيني
حور: ههههه .. إن شاء الله ما بنسى الفراب

طلعت حور من الصاله و سارت عند فيّ الحجره عشان يظهرن .. و في نفس الوقت دخل حمد و وراه حصه .. يلسوا يسلفون اشوي .. و لأول مره حمد ما لعوز شهد .. لأنه ما كان امعبرنها .. يسولف ويا حصه .. و شهد بعد و لا همها اتشوف التلفزيون و ما اتعرف شو اتشوف .. ههه .. و حمد يسولف و ياه حصه و عيونه على اللي مجابل التلفزيون .. و ميت من القهر من التطنيش .. دخلن حور و فيّ

فيّ: يلا حبايبي .. مع السلامه
شهد: حبيبتي فيونه لا تنسين أختج *وتنش تلوي عليها* و حبيبت قلبج شهوووده
حمد كان يشوف شهد و هي تتدلع و يتفداها في الدقيقه 120 مره .. و يقول في خاطره و أخيرا نطقتي والله اتولهت على صوتج يا بقره *ههه .. ما يقاوم .. لازم يسب* ..
حور: و الله ما بننساج .. ذبحتينا لا تنسوني و لا تنسوني ..

طلعن حور و فيّ .. و ردت شهد مكانها .. و ردت لنفس الحاله ... انقهر حمد .. أوووووف إلا أخليها ترمسني

حمد: أقوووووووول .. وين بسيرن حور و فيّ
شهد ما قالت أه و لا صدت ..
حصه: سارن استاربكس
حمد في خاطره حد رمسج .. رازه ويهج : أها .. و أنتي ليش ما سرتي وياهن
حصه: ما أبى ما أحب استاربكس وايد .. و شهد ما عرف ليش ما سارت
حمد يلتفت لشهد: ها شهد ليش ما سرتي ؟؟
شهد من غير ما تلتفت: قلت بيلس ويا حصه ... حرام تيلس روحها ..
حصه: وين روحي .. حمد ولد عمي وياي
شهد بقهر: يمكن يطلع.. يسير عند ربعه
حمد حس بقهر شهد : افا .. اكنسل الطلعه و ايلس ويا بنت عمي حصوص
شهد: و الله ؟؟؟
حمد: ما ادري ليش ما سرتي ترى وجودج مثل عدمه

حصه و حمد يضحكون .. و شهد اتشوفهم انقهرت و فولت و ما اتشوف شو جدامها .. حمد جرحها.. و الله لا راويه .. عطته بنظره .. و يت بتطلع .. شافت حور داخله عليهم

شهد: رديتي
حور: هي نسيت بوكي ...ههه
شهد: أوكي اتريني بسير وياكن
حور مستغربه: و حصه
شهد و بصوت عالي: عندها ولد عمها
حمد من سمعها يلس يضحك .. و حصه وياه .. و حور ما اتعرف شو السالفه مثل الأطرش في الزفه .. سارت حور تاخد بوكها ..

فيّ تتريا حور .. في الممر .. و فجأه حد فتح باب الشقه المجابله .. فيّ تقول في خاطرها .. شو هل حاله.. ما اقدر اشوف و الله حاله .. بسم الله إن شاء الله كل شيء اعدي على خير ... الشاب اللي طلع من الشقه .. وقف مبهت .. يااااااااي ما صدق إني أشوفها مره ثانيه .. فديتها و فديت هالبنايه و هالشقه .. فديت لندن بكبرها .. يااااااااي والله إني بطير من الفرحه

مايد: يغني بصوته العذب:

من عيوني لو تطلب عيــــــــوني
حبيبي و حبك في قلبي جنونــي
عيون الناس تسأل ليه أحبك
و أنا ما همني لو يسألونـــــــي

فيّ ارتبكت و اتوترت .. اتقول اووووووووف شو هالورطه .. الله يهديها حور دوم تنسى بوكها .. ما منها فايده .. و هذا السخيف ما صدق شاف بنت مسكينه و روحها على طول اطربنه بصوته العذب .. فيّ اشوي لا تصيح ... مايد لاحظ توتر فيّ .. بس الأخ مب قادر يود عمره .. فيّ قالت خلني أدخل الشقه .. لفت .. بس قبل ما تلف .. سمعت صوت باب الشقه الثانيه .. مايد دخل الشقه لأنه سمع صوت حور و شهد و خاف يشوفونه .. مايد يلس يراقب فيّ من العيون السحريه .. فيّ يوم لفت طلعن شهد و حور من الشقه ..
فيّ: كل هذا تيبين بوكج
حور: بل بل ليش امعصبه
فيّ: لا والله .. مليت روحي .. و واحد سخيف طلع .. ويلس يغني جنه في حفله .. طيح قلبي .. زين ما مت
شهد: انزين ما استوى شي
فيّ: أوه شهد اهني
شهد:لا هناك .. ههه
فيّ: أنا في حاله و أنتي في حاله
حور: يلا نسير

مايد كان ضايع في عالم ثاني .. و يضحك على فيّ .. الحين أنا سخيف .. فديت قلبج .. و الله أنه شوفتج عيد .. يالله شو سويتي فيني .. بس لو تحسين .. والله حماره أونه زين ما مت .. يعل يومي قبل يومج *الأخ رايح فيها* .. المهم دخل مايد الصاله عند أمه يبشرها ..

أم مايد: أوه مايد .. ليش ما طلعت ؟؟
مايد: لا الحين بطلع .. أمايه .. قولي شفت منو ؟؟
أم مايد: منو ؟؟
مايد: بنات ربيعتج
أم مايد : أي ربيعه ؟؟
مايد و الابتسامه ما فارقت ويهه: أم حمد .. اللي شفناها في المطار
أم مايد: انزين و أنت ليش متفجج .. لا يكون هي ربيعتك و أنا ما دري
مايد منحرج: أنا ؟؟ ,, الحين أنا مستانس عشانج .. لأني أحس إنج ملانه .. و بناتج التنبل ما يظهرنج
أم مايد: هي والله يا وليدي .. ما يحبن يظهرن وياي .. مادري ليش
مايد: خلاص انحلت مشكلتج ..
أم مايد: هي والله .. بس ما عرف أي شقه
مايد : ههههه ..
أم مايد معصبه: قلت شيء يضحك
مايد و بخبث: أنا اعرف
أم مايد بطير من الفرحه: والله ؟؟؟؟
مايد: هي الشقه اللي مجابلتنا شقتهم ..
أم مايد: يا سلام

حب مايد أمه على رأسها ... و طلع سار عند ربعه .. خلنا انرد للبنات ... طبعا البنات سارن استاربكس .. و طلبت كل وحد شو تبى .. عقب يلسن على طاوله .. *هالحلو في السفر تقدرين تلسين في الكافيه ... ههه* ..
المهم البنات اندمجن في السوالف و لا عليهن من الناس .. و يضحكن ماخذين راحتهن .. عقب ما خلصن البنات قامن .. و هن رادين الشقه ..

شهد: الله أنا أبا ايس كريم
حور: بل توج ماكله
فيّ: قولي ما شاء الله ترى عيونج ما ترحم
شهد: هي والله ..

طلبت شهد أيس كريم فراوله في كون ... وردت لهن ..

شهد: تذكرين حور يوم طاحن البنات من عينج
فيّ: متى هذا ؟؟
شهد: اسكتي يا فيّ لو تعرفين أختج شو سوت في البنات
حور: هههههه
فيّ باهتمام: شووووووووووو *الله على الفضول*
شهد: اقولج مره كنا في السينما ..
في:ّ انزين
حور: هههههه مب قادره تسكت
شهد: شافت أختج في السينما ثلاث بنات يركبن الدري و كل وحده قابضه موبايلها اتشيك .. و كان ظلام .. قالت أختج.. بللللل . كيف يقدرن يركبن الدري جيه .. أنا من غير ما اجيك شيء يالله يالله اقدر اوصل مكاني .. قلبي على إيدي أخاف أطيح .. أقولج ما وحى لها اتخلص الجمله إلا كل بنت اطيح ورى الثانيه ... هههه
فيّ: ههههههههه .. مب عين .. زين قلتيلي شهوده .. عشان مره ثانيه اقرى على عمري ..
حور: هههه .. احلفي أنتي
فيّ و شهد: و الله .. ههه

مره وحد يمر ولد حذالهن و يقول لشهد:
الريال: يا ليتني أنا بدال الأيس كريم
شهد شافت الأيس كريم و قالت: وووووووووع *صدقها والله وعععععع *
الريال اتجدم و صد صوب شهد و قال: يا عيني على الحلو

شهد و حور و فيّ ما قلن شيء و ما حاولن يصدن صوبه .. مره وحده يدعم الريال الليت .. و يصرخ : أأأأأأأأي * من كثر ما يتلفت ... ههه .. الله راواه*

البنات اهني اشوي لا ينقعن من الضحك .. في هالوقت كانن البنات عند باب البنايه .. دخلن على طول ... ويلسن يضحكن من الخاطر ... البنات ما وقفن في اللفت يضحكن حتى يوم وصلن الشقه .. أول ما دخلن اتفجج حمد .. قال في خاطره ما بغيتن ..

حور: و الله شكله يموت من الضحك
شهد و فيّ: هههههههههه
حور: ها شو الأيس كريم شهوووده
شهد: اسكتي ما كملته كله من كلامه
فيّ: ههههه
حمد: شو مستوي ؟
حصه دازه بالويه: هي ضحكونا وياكن
حور: واحد معجب في شهوووووده
حمد و هو معصب بس يحاول ما يبين: في شهوده ؟؟ منو هل عميّ
شهد انقهرت بالقو .. و يلست تتحلف له
حصه: ههه
حمد يقول في خاطره بلاها هاي كل ما قلت شيء تضحك .. و لا جني ارمس عن أختها
فيّ حبت اتلطف الجو: ايقول لشهد يا ليتني أنا بدال الأيس كريم
حمد فول .. : صدق ما يستحي على ويها .. و أنتي *يصد صوب شهد* ليش تاكلين ايس كريم
شهد انصدمت من أسلوبه و حور وفيّ ما ادخلن لأنهن يغرفن حمد يوم يعصب محد يقدر يتفاهم وياه
شهد انقهرت منه: انزين انته ليش امعصب
حمد: لا والله .. يعني عايبنج كلامه .. مره ثانيه ما تاكلين ايس كريم في الشارع
شهد وهي مفوله: لا والله .. أنا ما قلته تعال غازلني ... و بعدين باكل ايس كريم وقت ما ابى محد يقدر يمنعني
حمد: قلتلج ما بتاكلين يعني ما بتاكلين
شهد: مب على كيفيك .. أنت منو عشان تتحكم فيني ؟؟
حمد و اشوي لا يكفخها: هي أنا حمد اتعرفين منو حمد
شهد: خوفتني ,, كلمتك ما تمشي عليّه و أنا مب حور ولا فيّ و لا حصه عشان اسمع كلامك
حمد: شوف لا تتحسبن بخليج اتصيعين على كيفيج
شهد وايد عصبت من كلامه: احترم نفسك أنا مب صايعه و لا ضايعه أهلي عرفوا يربوني .. و من يوم ساير لا تحاول تكلمني .. أكرهك .. ويلست اتصيح .. و ركضت بستير حجرتها
حمد انصدم من كلامها .. شهدد أي شهد .. لحظه .. وهو يركض وراها ..

أوكي خلنا انرد للأكشن ... ضرابة حمد و شهد .. يالله شقايل استانس علر الضرايب .. ههه

حمد: شهد .. إيه شهد ...
بس شهد ما عبرته و ركضت حجرتها و قفلت الباب ...
حمد و هو يدق الباب: شهد .. شهد افتحي الباب ..
شهد ما ترد عليه .. بس كانت اتصيح *هذا اللي فالحين فيه البنات .. الصياح*
حمد: شهد افتحي الباب خلنا نتفاهم ..
و شهد لا حياه لمن تنادي ..
حمد و خلاص مب قادر يتمالك نفسه أكثر: باللعنه .. علج ما فتحتي الباب .. وايد قاصه على عمرج أنا ما بيلس أترياج طول عمري .. و سكت يوم سمع صياحها .. و رد الصاله و هو معصب .. و شاف البنات هناك .. دخل و لا رمس وحده فيهن ..



حصه: حمد لا تتضايق.. ما يسوى .. شهد بترضى روحها
حمد و ميود عمره عن يكفخها .. و يقول في خاطره أقوم أدوسها في بطنها .. يالله على هالبرود .. أختها مسويه مناحه و ذابحه عمرها من الصياح و الأخت اتقول ما يسوى .. اطالعها حمد بنظرة قهر ..
و الأخت و لا عليها مكمله: مثل ما زعلت روحها .. بترضى روحها .. ابصراحه هي غلطانه
اهني حور ما قدرت اتيود عمرها من متى ساكته لأنها ما تبى حصه تتكدر و هذي أول سفره لها معاهم
حور: لا والله .. يعني لو أنتي كنتي مكانها .. شو بتسوين .. بتسكتين
حصه شافت حور باستغراب : انزين أنتي ليش معصبه
حور: لا سلامتج ما فيني شيء .. بس أختج شهد اشوي لا تمت علينا من الصياح .. و إذا ما كنتي اتعرفين هي من النوع الحساس
حصه و بكل وقاحه: و الله هي تدلع .. ما دري ليش يمكن تبى تلفت الانتباه اتقولها و هي تشوف حمد * يلا اشتغلن .. طيحن فيها طيحت شر*
حور و هي معصبه: كلن يرى الناس بعين طبعه
فيّ ادخلت اهني ما بغت الموضوع يكبر
فيّ: بس أنتي و هي .. و الله إنكن فاضيات هي في حاله و أنتن في حاله .. حمد حبيبي ممكن انسير حجرتي ابى أكلمك في موضوع ...
حمد: أوكي ..
نش حمد و سار صوب أخته و يقول في خاطره و الله أعرف شو هو الموضوع و ما ودي اناقشه .. بس بسير وياج عشان افتك من كلام و برود هالحصه .. و طلع حمد و هو ميود أخته فيّ من الصاله ..
حور فتحت التلفزيون عشان ما تريد اترمس حصه .. لأنها عادي ترتكب فيها جريمه..

حصه: اقول حور .. شو هو الوضوع ؟؟
حور ما ردت عليها و اتقول في خاطرها الله على اللقافه
حصه: أي أنا ارمسج
حور ما كلفت عمرها اتصد و اتشوف حصه .. يعني مسوتلها طاااااااااااااااااف من الخاطر .. هي و اليدار واحد

حجرة فيّ

فيّ يالسه على الشبريه و حمد يالس حذالها .. و فيّ تمت ساكته فتره تتريا أخوها يرمس لأنها اتعرف إنه يعرف الموضوع .. بس حمد عنيد .. ما رمس و تم ساكت .. أصلا مايقدر يرمس لأنه وايد مضايق .. و تموا على هالحاله خمس دقايق حمد مب طايع يرمس و لا فيّ

فيّ: حبيبي حمد ما بتقول اللي في خاطرك
حمد بضيق: ما دري .. ما عرف .. أحس إنه قلبي تعبان ..
فيّ بكل حب و حنان: سلامت قلبك
حمد: المشكله إني مضايق من اللي استوى و في نفس الوقت ما أحس إني غلطت .. اللي سويته أي شاب يغار على خواته بيسوي مثلي ..
فيّ: حمد حبيبي .. اسمعني عدل .. أنت شعورك مب غلط .. يعني أنته مثل ما قلت تصرفك كان نابع من شعورك بالغيره على هلك .. بس طريقتك كانت غلط
حمد باستغراب و شوية عصبيه: غلط ؟ يعني أنا الغلطان
فيّ: شفت .. هذا عيبك و عيب كل الشباب العصبيه الزايده ... ما تعرفون اتفكرون قبل ما اتسوون الشيء .. بس فوق ها كله عندكم قلب طيب .. و في داخلكم تحسون بتأنيب الضمير .. بس غروركم يمنعكم من الاعتراف ... حمد حبيبي أنا ما قلت إنك غلطان .. بس طريقتك .. يعني كل شيء بالهداوه و التفاهم حلوووو .. فكر .. لو رمستنا بكل هداوه و ناقشتنا في الموضوع و أقنعتنا .. بدال ما تأخذنا بشراع و ميداف .. شو كان بيستوي ؟؟
حمد بكل اهتمام: شو ؟؟
فيّ: كنا بنستحي (و تبتسم) .. و بنوافق على اللي تباه .. لأن طريقتك في طلب الشيء رايقه .. مب تعطينا الأوامر و تحسسنا إنا مضطهدات( وتبوز) ..
اهني حمد ابتسم
فيّ تكمل كلامها: و بعدين حمد نحنا ما نقدر انلوم شهد .. اتعرف ليش .. لأنك بصراحه و من غير زعل وايد غلس .. ههه .. يعني كل ما شفتها اتقول شايف جني .. على طوووووووول تشتغل بالمغايض ..
حمد وهو حزين: بس
قاطعته فيّ: أعرف إنك ما تقصد و تتمصخر .. يعني أنا و حور خواتك أنعرف طريقتك .. أنعرف متى اتكون جدّي و متى تتمصخر .. بس شهد و حليلها لا .. و بعدين يا حمد حتى لو بالمصخره فكر في الكلام اللي تعقه .. لأنه ساعات يجرح الشخص الثاني من غير ما نحس
حمد باستغراب: يجرح ..؟؟ .. بس أنا عمري ما فكرت أجرح شهد .. و لا قلت كلام يجرح .. انتي اتعرفين كيف أعز شهد و مكانتها عندي ..
فيّ: فكر عدل .. اليوم مثلا أنت قلت كلمه لشهد و جرحتها من غير ما تحس .. جرحتها و أنت آخر شيء اتفكر فيه هو إنك تجرحها .. و بعدين يا حبيبي شهد كيف بتعرف مكانتها دامك دوم اطفرها و اتسمعها كلام ما يفرح .. بس أنا و حور انعرف من غير ما تتكلم ( وتغمز له)
حمد و ويها غادي قوطي طماطه : انزين الحين شو اسوي؟؟
فيّ: بسيطه .. سير اعتذر لها .. و شهوده وايد طيبه ما تعرف تزعل .. لو شو اتسوي و عقب دقايق اتسير اترمسها عدل تنسى كل شيء .. و حليلنا نحنا البنات مقصه .. أهىء أهىء
حمد: ههههه .. و الله إني أحبج و أموت فيج (و يلوي عليها من الخاطر .. دفنها في حضنه)
فيّ: حبيبي و الله .. ما أدري إنك تبى الفكه مني ..
حمد هدها و علامات التعجب على ويهه: الفكه .. ليش شو سويت (و يبوز)
فيّ و ميوده ضحكتها: لا سلمتك بس كنت اشوي لا تخنقنييتبع
حمد: ههههه .. من الفرحه .. صح أنتي أصغر وحده فينا .. بس أعقل وحده فينا .. تفهمينا من غير ما نرمس .. و ما ترتاحين إلين ما تضحكينا ...
فيّ: شو اسوي لأني أحبكم وايـــــــــــــــــــــــــــــــــــــــــــــــ ـد .. صح إني عميى .. بس أشوفكم بقلبي .. ما يحتاج أشوف و يهوكم عشان أعرف شو فيكم .. من رمستكم أعرف .. (سرحت اشوي .. و بانت لمحات حزن على ويها)
حمد حس بهالحزن فبغى يغير جو: يلا أنا بسير اعتذر من هالدلوعههه .. و الله أنتن البنات حركات
فيّ و بخبث: و أنتوا مب أحسن عنا .. اتحبون الوحده .. و اتقولون انغار على خواتنا .. قول يا حبيبي اغار على زوجة المستقبل ..
حمد منحرج: ههه ,, و الله إنج داهيه و أم لسانين و نص
فيّ: حمد .. اسمعني .. إذا ما كنت مقتنع إنك لازم تتعتذر .. لا تعتذر .. يوم بتسوي الشيء سوى باقتناع .. و لا ما بيكون له جيمه .. بس اتذكر الاعتذار ما بيبن ضعفك أو غلطك و لا بينقص من رجولتك .. بالعكس بيحسن من صورتك عند نااااااااااااااااااس (و تغمز له)
حمد: ههههه
فيّ: يلا فارج و سو اللي يقولك قلبك عليه
حمد سار صوب أخته و مسك ايدها: يلا .. قومي .. ما بطلع بدونج ...
فيّ بفرحه لا توصف: الله بتحوطني
حمد: هيه كم في ّ عندي
فيّ: ويـــــن بتحوطني
حمد: وين بعد .. في صاله الشقه ..
فيّ: والله .. غريبه .. ناس متودنين في الشقه .. الله هذا كل عشان حبيبت القلب
حمد يمط فيّ من غزوزها
فيّ: أي أي خلا ص ما بطري حبيبت القلب مره ثانيه
هدها حمد
فيّ: الله ها كله عشانها ..
و طلعوا من الحجره و ساروا الصاله .. بس للأسف شهد ما كانت موجوده .. و حمد فطس من الضحك على شكل حور و حصه .. كل وحده بينها كيلو .. و إلا البرطم مدلي مستوي زوليه .. ههه

على العشى
كلهم كانوا موجودين .. إلا شهد .. و حور حاولت تقنعها تتعشى .. بس شهد مب أحسن عن حمد .. عنيـــــــده .. فحور ما بغت اتحن على رأسها .. لأن شهد يوم مضايقه ما تستحمل المصخره و الحنّه و اتحب تيلس روحها ..

بو حمد: عيل شهد وين
حمد اهني اتغير شكله و بان الحزن عليه .. و قبل ما تنطق حور
حصه: عمي هذي شهد دلووعه ..
فيّ قاطعتها قبل ما تكمل حصه .. و تشخل السالفه : اتقول راسها يعورها ..
أم حمد: ويه .. رأسها يعورها .. ليش ما قلتولي .. جان عالجتها
حور: ما شاء الله أمي دكتوره و أنا ما أدري ..
بو حمد: حور حبيبتي قومي ازقري شهد .. و قوليلهل عمج ما بياكل إذا ما يتي ..
بو حمد و أم حمد وايد يحبون شهد .. و يعتبرونها مثل بنتهم .. ما شيء فرق من بينها و بين حور و فيّ .. حور قامت تزقر شهد ... اهني حمد بغى يطير من الفرحه .. و أخيرا بشوف حبيت القلب .. اتوله عليها .. حور سارت و قالت لشهد اللي قالها بو حمد .. في البدايه رفضت .. بس في الأخير وافقت و قالت في خاطرها .. و الله أخلي عمي بيوعه .. و أكسر خاطره عشان واحد سخيف مثل حمد .. والله براويه .. خله حصوووووه تنفعه .. و سارت شهد ويا حور الصاله .. و أول ما دخلن .. كل الأنظار اتوجهت صوب شهد ما عدا نظر فيّ .. بس فيّ حست من الهدوء إنا شهد وصلت .. أصلا هي كانت متأكده إنا شهد بتي لأتها اتعرف إن شهد ما بترد عمها اللي تموت فيه .. دخلت شهد الصاله و سارت صوب طاوله الأكل .. و باست عمها .. حمج كان يالس حذال أبوه و كل ما اتقربت شهد دقات قلبه اتزيد .. و شهد ما كلفت عمرها أنها تلفت و اتشوف حمد و لا جنه موجود .. و حمد اشوي لا يأكلها بنظرات الوله .. عقب سارت شهد و باست أم حمد

أم حمد: فديتج .. (و بكل اهتمام) .. شو فيج حبيبتي
شهد: صداع خفيف
بو حمد بحزن : ما اتشوفين شر .. خذتي الدوا
شهد: الشر ما ييك .. عمي أنتو دواي .. اليلسه وياكم بتطير الصداع
حمد:تسلمين حبيبتي
و يلست شهد اتسولف ويا الكل حتى حصه و تتمصخر و ردت لطبيعتها .. بس طبعا مسويه أكبر طااااااااااااف لحمد .. على قولته وجوده مثل عدمه .. حمد لاحظ هالشيء .. لأنه كل ما يرمس تسكت شهد .. و بعد ما فكرت اتشوفه .. و حليله حمد من دخلت شهد ما كل شيء و در أكله و يلس يشوفها و هي تسولف ..
* يالله كيف متوله عليها *

في المطبخ عقب العشى .. كانت شهد امسويه هوت جوكلت للبنات .. دخل عليها حمد بالصدفه .. و استنانس يوم شافها .. و بغى يطير من الفرحه يوم عينه التقت بعين شهد .. بس شهد ما عطته ويه .. و حرقت فرحته .. صدت صوب القلاصات و خذتهن .. و طلعت من المطبخ من غير ما اتقول و لا كلمه .. حمد قال في خاطره * الله يعين .. ها كله و ما تعرف تزعل .. عيل لو تعرف .. كيـــــــف .. آآآآه يالقهر ما عزمتني على الهوت جوكلت .. براويها العين الحمره بعدين*

عقب يومين ..

أم حمد .. و فيّ .. طالعات من الشقه بيسيرن السينسبيري يتشرن أغراض للعشاء .. و مره وحده تشهق أم حمد و تصرخ .. واااااااااي
فيّ تنقز من الزياغ: أي قلبي .. أمايه أنتي بتيبين أجلي من كثر ما تشاهقين و تصارخين .. حشى من أدناة الشيء تصرخين .. يالله .. قلنا صوتج حلو .. الحين لا يكون هالصرخه عشان حشره ..
اهني أم حمد مب عارفه كيف اتلقط ويها .. أم مايد و مايد فجو عيونهم .. و عقب ابتسموا .. و أم حمد من القفطه قامت تضحك
فيّ: طااااااع .. تضحكين بعد .. و الله لو ما كنتي أمي جان عقيتج من الدريشه
اهني أم حمد الود ودها تيب لزقه تلوق حلج بنتها .. و لا تيب دباسه و ادبسه .. هي ااتعرف إنه فيّ تتمصخر ويا أمها .. و هي اتعامل أمها مثل ربيعتها .. بس عمرها ما قلت أدبها ..
فيّ تلوي على أمها: فديــــــــــــــــتج ... والله أحبج أحبج
مايد اقول في خاطره و أنا أموت فيج
فيّ اتكمل: و اتخبل عليج يوم تصرخين (وهي تقلدها) وااااااااااااي
اهني كلهم ضحكوا أو حمد و أم مايد و مايد .. بس و حليلها فيّ من سمعت ضحكات ما تعرفها تيبست في مكانها .. و يتها اضطرابات معويه ..
أم حمد: فديتج والله .. أمي هذي الصرخه لحبيبت القلب أم مايد .. و ولدها مايد
اهني يلست فيّ تدعي على عمرها و على لسانها الطويــــــل ..
ومايد من فرحته حاس إنه قلبه ما يسع لفرحته ... لأنه شافها على طبيعتها .. مب خايفه و لا مرتبكه مثل كل مررررره ..
فيّ ما قالت شيء ..
أم مايد: أي وحد هذي من بناتج
أم حمد: هذي أخر العنقود فيّ
اهني عاد لا ادورن مايد .. خلاص عرف اسمها .. و أخيرا
فيّ اتيود أمها عشان اتوديها عند أم مايد اتسلم عليها .. و سلمت فيّ على أم مايد و هي ميته من المستحى و القفطه .. و الأخ مايد ناسي عمره .. طوووووول الوقت فاج عيونه و امبحلق في فيّ ..
أم حمد: ميــــــود اشوف كبرت و كبر راسك وياك
اهني مايد نقز ,, قطعت عليه تأملته و أحلامه
مايد: ههههه .. أفا ..( وسار صوب أم مايد و باسها على رأسها) .. كلا و لا أم حمد حبيبت قلبي (و نظراته كلها لفيّ)

المهم ركبوا اللفت .. أم مايد و أم حمد اتجابلن و يلسن يسولفن .. *حريــــــــــم* .. أما الحبيب مايد استغل الفرصه و جابل فيّ .. و طبعا كلنا انعرف شو يلس يسوي .. و فيّ ما كانت تدريبه .. بس اتحس بتوتر و إنه حد يشووووووفها .. و صلوا الطابق الأرضي .. و طلعن أم حمد و أم مايد من اللفت و هن يرمسن *وش اليديد* .. و تم في اللفت مايد و فيّ .. فيّ ما تدري أنهم و صلوا ..

مايد: أختي ( و يقول في خاطره .. وووووع شو أختي ,, حبيبتي .. عمري .. عيوني ) وصلنا
فيّ ما قالت شيء و طلعت من اللفت و وقفت عند الحريم .. قدر اتميز مكانهن من حشرتهن .. و طبعا مايد غارق في أحلامه و ومشغول في التبحـليق .. و بعدين افترق الحريم .. بس قبل اتفقن وين بيكون لقائهن الثاني ..

و في يوم من الأيام ..
حور كانت طالعه ويا ولد يرانهم .. عمره 10 سنين .. اتعرفن البنات عليه .. اسمه سعيد و هو مريض فيه السرطان .. و هو كان وايد يحب فيّ و حور و شهد .. و هو مثلكن ما يرتاح وايد لحصه .. ههه .. المهم حور سارت ويا سعيد المكتبه يشتريله دفتر رسم لأنه يحب يرسم .. و كل شيء عدى على خير .. و ردوا .. و ركبوا اللفت .. و اللفت سكر .. بس مرررررررررررررره وحده يتبطل باب اللفت .. حور يوم رفعت عينها طاحت عينها في عين عبووووود *عبدالله* ,, اهني حوووووور اتيبست ..

عبدالله يرمس سعيد و يشوف حور: ممكن أدخل
حور ادز سعيد و اتقوله لا .. و عبدالله لاحظ حركاتها .. بس سعيد فقط و قاله : هيه
اهني حور و دها تكفخ سعيد .. دخل عبدالله اللفت .. ويلس يشووووووف حور بنظرات .. و ابتسامه خبيثه على ويهه .. و حور ويها غادي تفاحه .. و معصبه على عبدلله السخيف و النذل لأنها اتعرف إنه شافها و هي تقول لا بس ما عبرها .. المهم نزلوا حور و سعيد من اللفت .. حور نزلت ويل سعيد مع إنه مب الطابق اللي فيه شقتها .. بس هي ما بغت اتم روحها ويا عبدالله في اللفت ..


مر أسبووووووع على ضرابة حمد و شهد
و طوووول هل الأسبوع شهد ما رمست حمد و لا عبرته .. و كل ما حاول يرمسها ما تعطيه ويه .. مثلا إذا كانت يالسه في الصاله و دخل حمد على طول تطلع .. بسسسسسسسسسس مره كانت شهد في المطبخ ..
دخل حمد و شافها .. بس شهد ما انتبهت له ..

حمد: احم احم
شهد يوم شافته بغت تطلع بسسسسسسسسسسس حمد وقف عند الباب و ما خلها تظهر ..








يلا نرد لحبايب القلب حمد و شهد ..
شهد يوم شافته بغت تطلع بسسسسسسسسسسس حمد وقف عند الباب و ما خلها تظهر . اهني شهد وايد اتوترت .. و يلست تدعي على عمرها .. يعني لازم اشرب ماي .. يالله منو بينقذني .. كل البنات تحت في الحجره .. و عمي و حرمته رقووووود .. ياي و الله بصيح .. و حمد يشوفها ويبتسم .. بس كلنا انعرف انها ابتسامة خبث ممزووووووووجه بالشوق ..

حمد: احم احم
شهد مب عارفه شو اتسوي .. هو واقف في طريجها و الحل الوحيد إنها ترمسه
شهد: ممكن
حمد: أكيد لا
شهد فجت عيونها
حمد: يعني إذا أباج تطلعين بوقف في طريج .. جيه غبي ..
شهد ما ردت عليه و ما رمست .. عقب دقيقتين
حمد: اتولهت عليــــــــــــــــــــــــج و على سوالفج ..
اهني شهد زين ما اغمى عليها .. و يها استوى أهلاوي .. ههه
حمد حس بشهد و هو بعد انحرج ما اتوقع انه في يوم بيقولها هالكلام
حمد: اقصد إني اتولهت على المغايظ .. قبل كله أغايظج .. بس من زعلتي ما عندي حد.. حوووووووور عادي اتعقني من الدريشه .. و حصه دلوووووووعه و ما تنفع أصلا .. و فيّ ما تتغايظ بسررررررعه .. و بعدين حلاة المغايظ وياج
شهد غارقه في أحلامه و أفكارها .. معقووووووله هذا حمد .. حمد ولد عمي .. مستحيــــــــــــل .. الله يعلم شو شارب الأخ ..
حمد: شهد .. و الله إني أسف .. ما كنت أقصد .. حرام عليج .. و الله ما اقدر على زعلج .. و إذا تبين إني أوعدج ما أتغايض وياج و أطفرج .. أنا حاضر .. (ويبتسم) حتى لو إ،ي ما استحمل الحياه من غير مغايضج
شهد من التوتر مب عارفه شو اتقوووووول : طااااع ها .. منو قالك إني زعلانه ؟؟
حمد في خاطره يالله فديتها و أخيرا رمست عقب طلعت روووووح
حمد: عيل ليش ما ترمسيني ؟؟ و كله تجنبيني
شهد: أنته قلت وجووودج مثل عدمه .. عشان جيه قمت اطنشك عشان اتعرف جيمتي .. حمد اعترف
حمد باستغراب : بشووووووو ؟؟
شهد: إنا وجوووودي وايد مهم .. و اليلسه ما تحلى إلا بوجوووودي ( و اطلع له لسانها)
حمد: ههههههه .. وايد قاصه على عمرج .. اظاهر تبينا نضارب ..بس أنا مابى ما وحالنا تونا متصالحين .. عشان جيه باخذج على قد عقلج .. اعترف إنه اليلسه مالها طعم من غيرج
شهد: يااااااااااااااااي .. و أخيرا اعترفت .. ما يهمني إذا كنت صادق و لا لا .. المهم أعترفت
حمد: ههههههههه
شهد:الحين ممكن أطلع
حمد بلعانته المعهوده: لحظه .. بفكر
شهد و بدت اتعصب: قم عني لا أصب عليك المااااااااي
حمد: اتسوين زين والله .. أحس إني أبى اتسبح
شهد و بيأس: حمد بليـــــــــز ,, حور تتريا الماي
حمد: أوكي .. بس عشان خاطر حصوص (بو طبيع ما يوز عن طبعه)
شهد حاولت تتمالك نفسها: المهم أطلع
طلعت شهد من المطبخ .. و لفت صوب حمد عشان تقهره
شهد: حمد .. قررت مره ثانيه ما أزعل عليك .. لأنك ابصراحه اتخبس في الكلاااااااام .. و اتخورها .. ها كله عشان فراقي ...
حمد قفط و ابتسم و نزل رأسه .. و شهد نزلت عند البنات و خبرتهن بالسالفه .. لأنها مب مصدقه إن االي كان يرمسها في المطبخ حمد .. حمد عمره ما اعتذر لشهد .. و دوم يقهرها بدال ما يراضيها .. البنات وايد استانسن لشهد .. حتى حصه .. بس حصه حست بغيره شويه ما اتعرف سببها ..

في يوم من الأيام و في طلعه من الطلعات .. سارن البنات ويا حمد الهايدبارك ..

حصه: خلنا نيلس على هالكرسي .. فاضي .. و محد يالس عالكرسي اللي حذاله ..
حور: هي والله ..
شهد: يالله ما ورانا شغله .. بس انشوف الساير و الياي
و يلسن البنات .. و حمد واقف امجابلنهن
حمد: عفانا الله .. أول مره اتشوف ناس ..
شهد و تبى تقهره كالعاده: لا في ناس دوووم امجابليني .. بس اللي بشووووفهم الحين غيـــر .. يالله كل واحد أحلى عن ثاني .. محلاة شباب الإماراااااااااااااااات .. و الله اتولهت عليهم و على البلاد ..
حمد و هو معصب: لا والله .. احلفي .. صدق ما تستحين على ويهج الحين تبيني ادوسج في بطنج .. هذا و أنا موجود جيه اتقولين .. عيل يوم أنا محد شو اتسوين ..
شهد و بدلع عشان تقهره زياده: بقول نفس الكلام اللي قلته .. بس الفرق بيكون إنك محد عشان اطنشك
حور: هههههه .. اقول اشم ريحت حرق ...
شهد: ههههه
فيّ: طااااااع .. أي تراني ما ارضى .. كل و لا حبيبي حمد
حصه: هي والله .. أصلا حمد مب خسف .. و ما شاء الله عليه .. البنات هن اللي يركضن وراه*جملة كل الشباب* .. صح حمد ؟؟
حمد: صدقتي يا بنت العم .. و الله إنا الحص أعقلكن .. حبيباتي سيرن أفحصن نظركن
فيّ: لا والله .. ما جني دافعت عنك .. صدق الخير في البقر
حمد: هههه .. أصلا أنتي أعقلهن و أحلاهن ما يحتاي أعيد و أزيد في الموضووووع .. هذا شيء معرووووووووف .. بس أنا ما حبيت أقول جيه جدامهن .. أخاف يسون فيج شيء.. ما شيات .. تراج دوم امجابلتنهن ..
حور و شهد فجن عيونهن ..
فيّ وحصه : ههههههههه
حمد: فديت هالضحكه ..
حمد كان يقصد فيّ .. و الأخت حصه قفطت تتحسبه ايقولها *مشكله الثقه اللي مالها معنى* ...
شهد بعد فهمت إنه يقصد حصه .. و حست بشء غريب .. نقدر انقول غيره ..
شهد: حووور .. قومي بنسير نشتري أيس كريم
حمد استغرب من تحول شهد المفاجىء .. و ابصراحه الكل .. حتى حور و فيّ .. ما اتوقعن إنه شهد بتفهم السالفه غلط
حمد: امممممم .. لا أنتن تمن اهني .. أخاف حد يأخذ المكان .. ما شاء الله العرب تارسين المكان .. بس أبى حد يسير وياي .. ها شهد باتين وياي .. *حمد يدعي ربه إنها اتوافق .. عشان يقدر يفهم شو اللي جلبها*
شهد: لا ما فيني .. بيلس اهني أحسن .. خذ حصه و لا فيّ و لا حوووور
حصه كانت بتقووووووووول إنها تبى تسير وياه .. بس حمد سبقها
حمد: على راحتج .. فيّ تعالي انسير نشتري أيس كريم للشيخات .. *حمد كان يحاول يغير مود شهد .. حتى لو إنه ما كان يعرف السبب *
حصه حطت في خاطرها .. لأنها كانت تبى تسيــــــر وياه و هو ما عزمها ...
فيّ:أوكي ..ب سلحظه خلنا ناخد اوردرهم .. ههه
حور: أنا أبى أيس كريم جوكلت
حصه: أنا بعد
شهد: و أنا أبى
حمد: ما يحتاي اتقولين .. معروف.. أيس كريم استروبري
شهد و هي قافطه: هي صح و في خاطرها تتفداه "فديـــــــــــــــــتك .. اتعرف شو أحب"
حصه اهني وايد انقهرت .. بس يوم فكرت في الموضوع و حللته .. شافته شيء طبيعي إنه حمد يعرف شو شهد اتحب.. لأنها مداومه في بيت عمها .. و دوم وياهم .. بس حصه لا .. فقررت حصه إنه تتستوي مثل شهد .. باختصار .. يعني تستوي لزقت عنزروووووووت
حمد و فيّ: يلا سي يو ..
سار حمد و ياه أخته فيّ يشتورن الأيس كريم .. و البنات (شهد و حور و حصوص) تمن يحجزن المكان .. و طبعا يلسن يبحلقن في الساير و الياي .. و ما خلن حد في حاله .. تمن يعلقن على كل شخص يمر .. لو ما فيه شيء بيطلعن شيء فيه من تحت الأرض .. و الأخت حور ما شاء الله عليها فضحتهن .. ما تقدر اتيود عمرها .. تضحك في ويهم .. مرت شلة شباب و يلسوا على الكرسي اللي حذالهن.. و طبعا البنات امسويلهم بو لبسيق .. و تمن يسولفن و يتكعكعن كالعاده .. حتى الشباب كانوا يسلفوون و بعد يشوفون البنات و يسمعون رمستهن *ما شاء الله ثري إن ون* ..
صوب الشباب ..
أحمد: هالبنات شكلهن مب غريب عليّ .. يا ربي وين شايفنهن ..
عبدالله سرحان في حووووور .. و مايد ادور على حبيبت القلب فيّ ..
خليفه: الله يهديك حموووود .. أنته في بنت مب غريبه عليك .. ما شاء الله عليك ما خليت سنتر ما داومت فيه ..
مبارك: يعني شايف بنات البلاد كلهن ..
مايد يرد بفكره عندهم: يا أخي أنته إذا شفت بنت لازم اتقول هالبنت غريبه عليّ .. مب مب غريبه عليّ ..
و عبدالله بعده غارق في التبحليق
أحمد: حوووووووووووووووووو .. عبوووووووود
و يضرب عبدالله على جتفه
عبدالله ينقز: نعم يالملقووووووف ,, بلاك .. خير .. أمر تدلل..
خليفه : هههههه .. أشوي أشوي عليه .. ما يسوى ..
أحمد: بس قطعت البنات .. بسك من التبحليق ارحم عينك .. مب زين
مايد: بو حميد ابوي اسمع اسمع النصيحه من مثلنا الأعلى .. هههه
مبارك: هههه .. ترى حمووود ما يرضى حقوق الطبع محفوظه.. الأخ نعلق عليه و ما يرد .. ترا حاله من حالك .. امبحلق في البنات ..
عبدالله: ياحبك للتقليد .. يا أخي ما يستوي اسوي شيء و لا سويت مثله
أحمد: شو اشوي أغار ما استحمل ..
و يسلوا الشباب يضحكون .. و عبدالله غير الموضوع .. هو أصلا معصب ليش أحمد يبحلق .. يغااااااااار الحبيب .. و مايد يحمد ربه في الثانيه مليون مره إنه فيّ مب وياهم .. لأنه كان عادي يجلع عين حموووووووود ..

صوب البنات
حصه: و الله ما اقدر .. بموت من الضحك
حور: هههههههههههه و عيونها ادمع من كثر الضحك
شهد: بس بس يا حبيبتي .. و الله قطعتيلي قلبي ما يسوى عليج ..
حصه: هههه
شهد: أحس هالجلب بي صوبنا
كانت عيوز تتمشى ويا جلبها *البوديقارد*
حور: والله إ،ج خوافه .. الحين هالكلب الصغنوني شو بيسوي فيج ..
حصه: هي و الله .. عقدتج الجلاب
شهد: و الله أنا ما ارتاح لجلابهم
فجأاااااااااااااااااااااااااااااااه يشوفون الجلب يركض صوبهم *هجوووووووووم* .. البنات ما قصرن .. شهد وقفت على الكرسي بس ما صرخت و لا شيء .. و حصه تركض و اتزاعج .. و المصيبه الكبرى حووووووووور .. و قفت على الكرسي و اتصارخ و اتقول للجلب
حور: Plz Noooooo .. Plz Nooooooooo .. Excuse Me .. No No No
* يالله شو هالاحترام و لا حق جلب *
شهد : هههههههههه
وحصه سارت ورا الكرسي ...
يت صاحبت الجلب .. و يلست اتشوف البنات بنظرات استغراب على سخريه ..
حور: مالت عليج .. شلي جلبج .. ويا ويهج
سارت العيوز و يا حبيب قلبها و توأم روحها ...
و ردت حصه لمكانها
شهد: هااااا .. يوم قلتلكن .. بس فالحات تضحكن عليّ ..
و مره وحده يسمعون الشباب يضحكووووووون عليهم .. ككعكعكعكعككع
طبعا البنات منحرجات .. و كل وحد ادور وياها عشان اتلقطه و بالذات حووووووور .. و خاصه يوم شافت عبدالله .. و تقول في خاطرها *ويا ويهك هذا اللي فالح فيه بس تضحك و لا تزيغ و لا اتعاند .. أفففف منك .. الله ياخذ الجلب* ..

حصه: أي ويهي ..
شهد: اقول دقي للمطافي بسرعه
حصه: ليش ؟؟
شهد: حله يطفون الحريجه اللي في ويه حور
حصه: هههههه
حور: هي هي اضحكي اشعليج .. أنا اللي طلعت هبله في الموضوع
شهد: هي و الله الحين حد يرمس جلب .. و لا تترجاه و بالأنقلش ...ههه
حصه: هههه .. و اتقوله بليــــــــز نو
حور: جب جب .. أنتي مب أحسن عني ..
شهد: ههههه و الله لو اتشوفن أشكالكن .. كنتن انتيكا .. و حصوه اتباغم و تركض ... هههه
حور: أففف من جلابهم .. ومن الجلاب اللي يالسين حذالنا
حصه: هههه ..
شهد: يااااااااااااااااااااااااااااي
حور: طاع والله الحين بفرج عند الجلب ليش اتصارخين ناقصه فضايح أنا
شهد: الأيس كريم وصل وصل
حصه: عافانا الله .. أول مره بتاكل أيس كريم
وصلوا حمد و فيّ.. و وزعوا الأيس كريم .. و شاف حمد مايد .. و سار صوبه يسلم عليه و على الشباب اللي وياه .. طبعا البنات على طول خبرن فيّ السالفه .. و يلست تضحك على أختها .. و مايد طول الوقت مب منتبه لحمد .. كله حواسه عند حبيبت القلب فيّ .. بس حمد ما لاحظ.. من كثر الشباب .. مستانس عليهم .. عقب اعتذر حمد و سار صوب البنات و ردوا الشقه ..

حمد و شهد .. مغايظهم ما قل عقب الضرابه بالعكس زاد .. بس طبعا شهد ما كانت تزعل لأنها اتعودت عليه .. و حصه كل يوم تتعلق في حمد أكثر و أكثر .. في يوم من الأيام كل العايله في صاله الشقه (أم حمد .. حمد .. حور .. فيّ .. شهد .. حصه)

حمد: مس دبووووووووووووووووه .. شو تشربين ؟؟
شهد كانت تشرب هوت جوكلت .. و هي الوحيده اللي كانت تشرب .. و اتعرف إنه حمد يقصدها .. بس حبت تستعبط عليه .. فيلست تلتفت يمين و شمال ادور مس دبوووووووه ..
حمد: هههه .. و الله إنج غبيه .. هي شهد أنتي مس دبوووووه
شهد: و الله؟؟ .. حمد .. بسألك سؤال و جوابني بكل صراحه
حمد: أوكي ...
شهد: اوعدني
حمد: أصلا أنا ما اعرف أجامل ..
شهد: بس اتعرف تجذب ..
حمد:أوهو
شهد: خلاص ما بسأل
حمد:خلاص وعد
شهد: متى فاحص نظرك
حمد باستغراب : من زمان ما أذكر .. ليش؟؟
شهد: لا بس تحتاج تفحص .. من كمن يوم ما تشوف عدل
حور و فيّ: ههههههه
حمد: أي ما أقدر أضحك .. بطني يعورني .. أي أي .. أونج اتنكتين
حصه: هههههه
حمد: مس دبووووووه .. قومي يبيلي .. هوت جوكلت ..
شهد: أطلب بكل أدب و احترام .. و بعدين بفكر
حصه: ما يسوى عليه .. أنا بسويلك ..
حمد: انزين .. بسير أبدل ثيابي .. و برد
طلع حمد من الصاله ..
حصه: حبيبتي شهد ..
شهد: نعم ..
حصه: قومي سوي هوت جوكلت حق حمد
حور: يا سلام .. مب جنج أنتي اللي بتسويله


يتبع

حصه: ما عرف
حور: يوم ما تعرفين ليش تعرضين خدماتج
أم حمد: خلاص .. شهد حبيتي قومي سويله ..
شهد: إن شاء الله .. بس عشان خاطرج .. و لا هو ما يستاهل
أم حمد: هههه .. الله يخليج
و سارت شهد اتسوي لحمد الهوت جوكلت .. و سارت وياها حصه اتسليها .. و عقب ما خلصت شهد طلبت من حصه أنها اتودي لحمد الهوت جوكلت .. و سارن الصاله .. حمد كان موجود .. و سارت حصه تعطيه الهوت جوكلت ..
حمد: مشكوووووووووره ..
و شرب حمد الهوت جوكلت ..
حمد: شهد .. شو ها الهوت جوكلت مب حلوووووو
شهد اهني بطلت عيونها كيف عرف أن هي مسوتنه .. يوم شافت حور و فيّ و أم حمد يضحكن عرفت إنه وحده منهن خبرته ..
شهد: و الله قول لحصه .. هي اللي سوته .. أنا بس قلتلها الطريقه و هي سوته ..
حصه بطلت عيونها ... و حمد اتوهق
حمد: و الله .. لحظه خلني بطعمه مره ثانيه
شهد اتحاول ما تبتسم .. و حمد رد و شرب الهوت جوكلت
حمد: اللـــــــــــــــــــــــــــــــــــــــــــــــ ــــــــــــــــــه .. وايد حلو .. أكيد مب حصوص مسوتنه .. لذيــــــــــــــــــــــــذ
شهد: متأكد .. ؟؟
حمد: جوووووووووووواب نهائي .. ابصراحه روعه .. حصه دوم سويلي ..
شهد: و الله مب فاضتلك
كلهن ضحكن .. حمد استغرب
حمد: و أنت شدخلج .. حصه اللي بتسويه
شهد: أصلا حصه ما تعرف اتسويه .. بس أنا إذا اتفيجت مره ثانيه بسوي لك ..
حمد: يعني أنتي مسوتنه
شهد: هي ما تشوفه (تقلده) .. رووووووووووعه .. لذيـــــــــــــــــــــــــــــــــــذ .. وايد حلو
حمد: ههههههه .. ما عليه قصيتي علي هالمره .. بس بردلج إياها ..
وعقب يلس الكل يسولف .. و حمد و شهد كل ربع ساعه يتغايظون ..

يوم من الأيام الحلوه في لندن .. أم مايد كانت يالسه عند أم حمد في الشقه .. و دق سواااااااااالف .. و طبعا البنات موجودات و يالسات على صوب .. و يرمس بلغتهن .. و الحريم بلغتهن ..

* البنات *

فيّ: خلنا باجر انسير السوووووووق .. أوكسفورد
شهد: هي والله من متى ما سرنا
حور: هي والله من زمان .. من يومين
فيّ: و الله حرام وايد .. أنا قلت من أسبوعين ..
شهد: هههههه
حور: حصوووووووه وين ..
فيّ: تسبح
شهد: بس وايد اتأخرت .. بسير اشوفها ..
حور: بنزل وياج .. أبى أصلي ما صليت
فيّ: انزين لا تتأخرن .. تراني بمل .. و مكا فيني على رمست الحريم .. هههه
شهد و حور: أوكي
و سارن البنات .. و مررررررررره وحده حد يدق باب الشقه ..
أم حمد من غير ما تلتفت صوب البنات : هي وحده منكن اتقوم اتفج الباب .. ويلست اتكمل سواااالفها ... قامت فيّ عشان تفتح الباب لأنها اتعودت على الشقه و قامت اتعرف توزيع الأغراض و الأثاث .. أول ما فتحت الباب ..
مايد اتيبس مكانه .. يالله سو هاليوم الروووووووووعه .. شكلي ما برقد طووووووووول حياتي .. محلاتها .. و يلس مايد يتأملها و يتفدها كالعاده
فيّ عقب ما ملت: منوووو
مايد: السلام عليكم

اممممممم .. وين وصلنا ... هي .. عند مايد و فيّ ..

مايد: السلام عليكم
اهني فيّ اتقفطت و لا عرفت شو اتسوي .. يالله منو هذا .. أووف من هالحور و هالشهد .. سارن و لا ردن ..
فيّ: و عليكم السلام
مايد: الشيخه ممكن تزقرين أمي
فيّ اتقول في خاطرها .ز هي بزقرها لو أعرفها .. و الله الأخ يتحسب أمه مشهوره .. الحين أنا من وين أعرف أمك .. أوه أوه .. لا يكون هذا مايد ..أي ويهي دومي اتقفط ..
فيّ: لحظه
مايد في خاطره محلات خدودج الحمر

سارت فيّ عند الحريم في الصاله و قالت لأم مايد أنه مايد يباها .. فطلبت أم حمد من فيّ اتقوله يدخل .. طبعا فيّ ماتت .. شو ها الحين لازم أردله .. و الله تستولي تقلصات في أمعائي من أسمع صوته .. و الله براويهن شهد و حور .. لو وحده منهن موجوده جان سارت هيه .. سارت فيّ عند مايد و هي تتحرطم ..

فيّ: اتفضل أخوي .. الوالده مصره أنك تدخل
مايد: إن شاء الله
و في خاطره توه الناس اموقفتني من ساعه .. بس ما عليه دامج رديتيلي و رمستيني .. يالله محلات هالسفره .. أحس إني شارب رد بول .. يااااااي بطير من الفرحه

دخل مايد الصاله و عقب فيّ ... و سلم على الحريم ..

مايد: ها أم مايد .. اظاهر ناويه اتباتين اهني
أم مايد ويها معورنها: ليش ..
مايد: بس ما شفناج اليوم .. كل ما سألت البنات قالن أنج عند خالوه أم حمد ..
أم حمد: انزين شو فيها .. خلها اتبات .. و الله إنها امونستني ..
مايد: و الله خالوه الشور مب شوري .. إذا عليّ أنا موافق .. بس ما دري الشيبه بيستغنى عنها الليله و لا لا .. تدريبه كيف يموت عليها .. ههههه
أم مايد متفججه: هي و الله صدقت .. ما اعتقد بيوافق
مايد: إلا ما بيصدق ... هههه
ضحكن أم حمد و فيّ .. و مايد بغى يغمى عليه من سمع ضحكت فيه .. أصلا مايد معظم الوقت كان يشوف فيّ .. صح إنه يسولف ويا العيايز بس قلبه و عقله عند فيّ ..
أم مايد: أقول قم قم .. اطلع .. مول ما اتعرف ترمس
فيّ قفطت لأنها ضحكت على أم مايد و كانت ضحكتها اشوي عاليه .. من سمعت أم مايد ترمس .. يودت ضحكتها
مايد: أفا يا أم مايد لا يكون بس زعلتي ..
أم مايد: لا حبيبي ليش أزعل .. أنا ما اتريا كلامك الحلو .. أنته معروف كلامك الحلو لمنو .. هالبنات الخايسات اللي يرمسنك ..
مايد انحرج .. لأن أمه طرت المغازل و البنات جدام فيّ .. و تذكر على طول موقفهم الأول و يوم كان يلاحقها .. الله يهديج أمايه لسانج متبري منج .. فضحتيني ..
مايد هو يبى يغير السالفه: أمايه تراه أتأخرنا .. و شيبتج من متى في البيت يترياج .. أكيد عصب .. ترى كلا و لا عصيبته .. إذا طلقج و ين بتسيرين .. أهلج محد .. هههه
أم حمد: فال الله و لا فالك
أم مايد: يوم أقولج ما يعرف يرمس .. قم قم خلنا انسير عند أبوك
مايد: خلاص خالوه طاح سوقج من سمعت أنه أبةي في الشقه
أم حمد: هههه .. من لقا أحبابه نسى أصحابه ..
سلمت أم مايد على أم حمد و فيّ .. و ردت ويا مايد الشقه .. فيّ كانت طول الوقت تسمع مايد شو يقول و اميوده ضحكتها .. و مايد ما كان يبى يظهر بس ما في اليد حيله ..
عقب ما ظهروا مايد و أمه .. دخلن البنات الصاله ..
حور: يالله محلاته ..
فيّ: حلو ؟؟
شهد: وايد
فيّ: للأسف ما اقدر اشوفه
حور بغت اتغير الجو: ها ها .. شو اسمع .. و ليش إن شاء الله تبين اتشوفينه
فيّ أحمرت
شهد: اعترفي .. طاع كيف أحمرت ؟!!
فيّ: سخيـــــــــفه .. تعالن .. مب جنكن اتأخرتن .. و حليلي اتوهقت
حور: و الله من زمان نحنا اهني .. بس استحيما ندخل يوم سمعنا صوت الريال
شهد: اونه اتوهقت .. الأخت متفججه و اتقول اتوهقت
حور: احم احم تقصد أحلى وهقه .. هههه
فيّ شلت المخده و فرتها صوب مصدر حسهن ..
شهد: أااااااااااااااااااااي .. ما ضربتني .. نا نا
فيّ: و الله إنج ياهل ..
و مره وحده
شهد: أاااااااااااااااااااي
فيّ باستغراب : شو استوى ؟
حور: هههههههه
شهد: حمد .. حرام عليك .. ليش تفلعني بقوطي الكلينكس
حمد: عشان ما اتلعوزيني حبيبت قلبي *يسير و يلوي على فيّ* شهد
فيّ: احم احم .. حمد اسمي فيّ
شهد قفطت و حمد مات من الضحك على عمره و حور ما وقفت .. من البدايه تضحك ..* وش الجديد*

عقب أسبوعين في دبي
سيارة حمد ...
حمد كان يفكر في شهد .. الحين كملوا أسبوع من ردوا من لندن .. و حمد ما شاف شهد .. و صدق متوله عليه .. شهد كا كانت اتسير بيت عمها وايد لأنها توها راده من السفر و تبى تيلس ويا أمها و أبوها و أخوانها و ما تقدر اتسير كل يوم .. أما حصه فكانت اتسير يوم هي و يوم لا .. و شافت حمد مرتين
حمد: أوووووووووووووف شو هالحاله .. و الله اتولهت عليها .. و السخيفه و لا عليها ..
شل حمد تلفونه و اتصل في حور
ترن ترن .. عقب فتره
حور: ألو
حمد: أقول عطيني رقم شهد
حور: و عليكم السلام
حمد: ما أذكر أني سلمت
حور: احلف أنته بس ..
حمد: يلا بسرعه
حور: ليش ؟؟
حمد: سر المهنه
حور: لا والله
حمد: يا الله .. أبى أسلم عليها .. من ردينا و ما شفتها .. و بعدين أباها اتسويلي هوت جوكلت
حور: أها
حمد: شو أها
حور: أوكي أوكي بطرشلك الرقم
حمد: اقووووول
حور: نعم
حمد: اجلبي ويهج
حور: أوكي .. بس دور حد يطرشلك الرقم
حمد: أنتي ليش جي عصبيه .. خليني أكمل الجمله .. أجلبي ويهج الحلو ..
حور: ههههه .. أوكي .. باي
حمد: مع السلامه

عقب دقيقتين وصله الرقم .. و يلس حمد يفكر اتصل و لا لا .. انزين .. اذا اتصلت شو اقولها .. و يلس يفكر .. أها حصلتها .. ليش ما أطفرها و أخسس فيها .. أكيد ما تعرف رقمي .. و اتصل حمد
ترن ترن .. ترن ترن .. ترن ترن .. ترن ترن ..
شهد: ألو
حمد: ألو السلام عليكم ..
شهد: و عليكم السلام
حمد: امم .. هذا مب تلفون فيصل ..
شهد: لا
حمد: اسمحيلي أختي ..
شهد: مسموح .. و سكرت التلفون على طوووول
و عقب ثلاث دقايق .. رد اتصل حمد

ترن ترن ..
شهد و بتأفف: ألوو
حمد: هلا أختي ..
شهد: نعم
حمد: الله ينعم عليج .. بس حبيت أسالج ..
شهد: أووووووووف
حمد: أشوي أشوي .. زين ما طيرتيني
شهد: ها ها ها .. وايد يضحك ..
حمد: أنزين
سكرت شهد التلفون في ويهه
و على طول يرن موبايلها

شهد: نعم يا أخ شو تبا
حمد: ما شي بس حبيت اتعرف ..
شهد: و أخيرا ما بغيت .. يلا خلنا نتعرف .. شو ورانا
حمد عصب ما اتوقع أنه شهد بتمون من هالصنف ..
حمد: صدق ما تستحين .. أقول يلا باي
وسكر التلفون من غير ما ترد عليه
وعقب خمس دقايق يرن موبايل حمد .. و يو م شاف الرقم .. عص وايــــــــد .. كانت شهد متصله .. قرر يرد عليها و يهزأها .. و يقولها كشفتج على حقيقتج
حمد: أنتي ما تستحين على ويهج
شهد: ههههههه
حمد: و الله أنج قليلت أدب .. أهلج ما عرفوا يربونج
شهد: أي حمد .. حدك كلا و لا أهلي ..
حمد استغرب كيف عرفت اسمي ..
شهد: هههه ..أقول حمد ممكن نتعرف
حمدو هو مصدوم: أنتي من وين اتعرفين
شهد: ما يباها ذكاء يا ذكي .. أنته ولد عمي و شي طبيعي إني أعرفك
حمد: يعني كنتي اتعرفيني
شهد: هي .. يعني لو ما كنت اعرفك كنت جي برمسك ؟؟ .. إن شاء الله تتحسبني مغازلجيه
حمد: انزين .. كيف اتعرفين رقمي .. اعترفي ..
شهد: اعترف .. امممم .. ما بقول .. يو بتعرف بعدين بخبرك ...هههه
حمد:أوهو .. بس لا تضحكين عليّ
شهد: أنته يوم اتصلت في حور.. أنا كنت أرمسها .. و خبرتني أنك اتصلت تبى رقمي ..
حمد: و الله أنه مشخله
شهد:هههههه .. انزين سمعنا تبى هوت جوكلت
حمد: هي ..
شهد: انزين قولي متى تبى عشان اسويلك .. بس ما عنجنا هوم دلفري .. و لا تنسى تيب بوكك عشان تدفع
حمد: الله يا الزط ..
شهد: طالعه على ولد عمي
حمد: أقول .. شهد .. اه أه .. ما اتولهتي عليّ
شهد اتيبست في مكانها ما اتوقعت إنه حمد يسألها ها السؤال .. ما عرفت شو اتسوي .. و حمد بعد انصدم من عمره ما انوقع إنه بتكون عنده الجرأه يسألها هالسؤال .. و يو حس بالأحراج
حمد: اقصد ما اتولهتي على لندن
شهد: هي .. بس بعد ما شي مكان مثل دبي
حمد: ابصراحه أنا وايد اتولهت على لندن .. شو اسوي ناس اتعودت اشوفهم .. الحين مول ما اشوفهم ..
شهد: امنو ؟؟
حمد: لا تستهبلين
شهد: حصوه دوم موجوده في بيتكم
حمد: انزين و أنتي امسويه اضراب عن بيتنا
شهد: لا ..يتكم مرتين .. بس أنته منت محد .. اتلاحق البنات في السناتر
حمد: لو سمحتي ..
شهد اتقاطعه: بس بس لا تكمل .. لا تتعذر
حمد: انزين شو اسوي.. ما اقدر ايود عمري .. أحب البنات .. ما شاء الله ع بناتنا حلوااااااااااااات
شهد انقهرت: اقول اجلب ويهك
حمد: ههههه .. عصبيتي .. لا يكون اتغارين ..
شهد: لا اغار و لا شي .. يلا مع السلامه ..بسير أمايه تزقرني
حمد: أوكي سلمي عليها ..
شهد: الله يسلمك
حمد: و لا تنسين اتسلمين على دلوعتنا حصوص
شهد عصبت وايد بس اتمالكت نفسها: تبى سلم عليها بروحك .. هي في بيتكم .. باي
حمد:باي

و عقب ما سكر حمد عن شهد يلس يضحك ع الموقف .. و ع شهد و عصبيتها و غيرتها .. و شهد من الصوب الثاني تتحلفله .. و مشوووووووووووطه

خانا انسير صوب ميوودي ...
مايد كان يالس في حجرته و مضايق .. متوله على فيّ .. و حبها معذبنه .. و مب قادر يوصلها .. فكر يتصلبها بس شل الفكره من راسه ..لأنها اكيد بترده مثل أول مره .. و ما حب يشوه صورته جدامه .. و خاصه إنها اتعرف الحين .. *وحليله ..مب مثل حمد .. من اتوله على طول اتصل * .. دخلت عليه أخته عليا .. بس ما انتبه لها .. سارت عليا و يلست حذال أخوها على الشبريه و يودت ايد مايد
عليا: مايد حبيبي .. شو فيك ؟؟
مايد: ما شي
عليا: لا شي .. أنته من راد من السفر و مب عايبني .. خير شو استوى
مايد: ااااااااه
عليا: مايد قولي .. انا اختك
مايد: عليا أنا احب
ابتسم عليا: لا لا ما صدق أخوي يحب ..
ابتسملها مايد
عليا : انزين ..منو هي سعيدت الحظ ..
مايد: انا سعيد الحظ
عليا: يا عيــــــــــــــــني
مايد:ههههه
عليا: انزين ما قلتلي منو
مايد: فيّ بنت خالوه أم حمد .. هي نفسها البنت اللي طاحت في السيتي
عليا امبطل عيونها : العميا ؟؟!!!!!!!!!!!!!!!
مايد: اشوي اشوي لا اطيح اعيونج
عليا: بس مايد هذي عميا
مايد وبدى يعصب : انزين شو فيها .. ما اعتقد إنه هذا عيب .. و بعدين البنت بأخلاقها مب بجمالها
عليا: انزين لا تعصب .. بس أنته بتقدر اتعيش ويا وحده عميا طول حياتك .. ما بتندم عقب ..
مايد: اندم ؟؟ .. بندم إذا ماخذتها
عليا: متأكد إنه حب مب إعجاب
مايد: اميه بالأميه
عليا: بس هي عميا
مايد عصب: ردت و قالت عميا .. أنا أحبها عشان هي عميا .. اوكي ارتحتي
عليا: بس هذا مب حب .. هذي شفقه
مايد: أنا أحبها .. و العمى مب عيب .. و ما اعتقد إنه ذنبها إنها ما اتشوف ..
عليا: كيف اتحب وحده عميا ؟؟؟؟
مايد فوّل: ليش .. العميا مالها رب .. و لا حرام تنحب .. أنا ما اهمني نظرها .. أنا اللي يهمني نفسها الحلوه و شخصيتها و أخلاقها
عليا: مايد .. ما اعتقد أمي بتوافق .. و أنا بعد مب موافقه
مايد: امي بتوافق .. لأنه تفكيرها مب مثل تفكيرج .. و بعدين هي اتعرف البنت و أهلها زين ما زين
و طلع مايد من الحجره و سار صوب حجرة أمه ,, و لحقته عليا ..
أم مايد: هلا و الله بمايد .. غربيه ما طلعت اليوم
مايد: أمايه أبى أرمسج في موضوع مهم
أم مايد: خير يا وليدي
مايد: أمايه أنا أبى أعرس
أم مايد ما صدقت و طارت من الفرحه : و الله
عليا اتشوف فرحه و أمها و اتقول لو اتعرفين يا أمي منو
مايد: و الله .. و أنا روحي اخترت العروس .. شفتها و عيبتني
أم مايد: منو ؟؟
مايد: بنت خالوه أم حمد ,, الصغيره .. أظن أسمها فيّ
أم مايد و جنه صابين ماي بارد عليها: منو
مايد: قتلج.. فيّ بنت خالوه أم حمد
أم مايد و بحزن: بس هذي عميا
مايد: اعرف
أم مايد: لا يا وليدي .. أنا ما ريدها .. خذ أختها .. ما شاء الله عليها حلوه
مايد: ما ريـــــــــــــــد
أم مايد: انزين شو رايك في بنت خالك هدى
مايد: ما أبها .. أنا أبى فيّ و ما بخذ غيرها ..
أم مايد : ما بتخذها يعني ما بتخذها .. أنته شو تباني أموت من القهر
مايد: أمايه أنتي ليش توقفين في ويه سعادتي
أم مايد: أي سعاده هذي .. أي سعاده .. بتعيش وياه وحده عميا اتقولي سعاده .. ما بتخذها يعني ما بتخذها .. و قرر تبى أختها و لا بنت خالك .. خالص أنا ما بتريا أكثر .. اختار وحده منهن عشان أسير أخطبها ..
مايد عصب: ولا وحده .. خلا ص ما ابى أعرس ..
طلع من الحجره و هو معصب .. لحقت عليا
عليا: مايد مايد
مايد: خير
عليا: هد أعصابك
مايد: كيف أهدي.. اتوقعت تفرحن يوم اقولكن اني بعرس
عليا: انزين نحنا فرحانين .. بس اعتراضنا على البنت
مايد: البنت ؟؟ .. و الله إنه البنت شيخت البنات
عليا: بس أمك مب اموافقه
مايد: أدري .. هذا اللي قاهرني .. إني مب قادر أعصي أمي .. أنتي تعرفين إنه أهم شي عندي في هالدنيا رضاها
عليا: عيل خلاص .. انسى الموضوع
مايد: كيف انساها .. أنا أحبها
عليا: و تحب أمك
مايد: أأأأأأأأأأأأأه .. و الله ما عرف شو اسوي ..
عليا: أنا عندي لك حل .. استخير ربك على اللي قالته لك أمك .. أنك تخطب وحده من اللي اقترحتهن
مايد: أنا ما اقدر أخذ أختها .. كيف بنسها إذا خذت أختها
عليا: خلاص عيل بنت خالك .. حبيبي مايد استخير .. و صدقني راح ترتاح
مايد: إن شاء الله .. يالله أنا طالع
عليا: مع السلامه و لا تنسى اللي وصيتك عليه
مايد: إن شاء الله

عقب أسبوع
حجرة أم مايد
مايد: أمايه
أم مايد: خير
مايد: أنا قررت أخطب
أم مايد: لا تقول فيّ .. ترى و الله ما برضى عليك دنيا و أخره
مايد: و أنا ما اقدر على غضبج .. أخطبيلي بنت خالي .. و اللي تبينه بيستوي
أم مايد و الابتسامه شاق ويهها: فديتك .. إن شاء الله بنسير و بنخطبها .. و لا اتحاتي .. ما شاء الله عليها بنت و لا كل البنات .. اتعق الطير من السما ..
مايد: إن شاء الله .. حب أمه على راسها و طلع و سارت حجرته .. رد لهمه و غمه ..

بيت بو حمد
البنات في الصاله .. حور .. شهد .. فيّ .. حصه ..

شهد: أقوووول ما عرفتن ..
حور: شو
شهد: هدى انخطبت
فيّ: و الله ؟؟ .. منو خطبها
شهد: يقولون ولد عمتها .. بس اتعرفون منو ولد عمتها
حور: منووووووو
شهد: مايد .. اللي كانوا يرانا في لندن
حصه: منو هاي هدى
شهد: هذي كانت ويانا في المدرسه .. وياي أنا و حور .. ما شاء الله عليها وايد حلوه
فيّ ما كانت وياهن .. كانت غارقه في أفكاره .. و اتعاند .. و تحاول تمنع دموعها .. بس حست إنها مب قادر اتكابر و اتعاند أكثر .. فقامت
حصه: فيّ و ين بتسيرين
فيّ: بسير الحمام ..
حور: انزين لا تتأخرين
و طلعت فيّ و سارت حجرتها و قفلت الباب و يلست اتصيح ... *الله يعلم ليش*

يلسن البنات يسولفن و يا بعض ..

حور: مب جنه فيّ اتأخرت
شهد: هيه .. غريبه
حصه: يا ربي ما تخلن حد على راحته .. أكيد الظروف أخرتها .. ههه
حور: انزين انا بسير اشوفها ..
حصه: اوكي .. انا برافقج
شهد: لا لا .. ايلسي وياي ..
حصه: ليش ؟؟
شهد: وحليلي أنا منو بيسليني
حصه: ههه .. أوكي خلاص بيلس .. كسرتي خاطري
حور: اوكي عيل .. دقايق و بنكون عندكن
شهد: اوكي .. تيك كير

شهد وحور لاحظن تغير ملامح فيّ من سمعت عن خطبت مايد .. بس ما حبن يحرجنها جدام حصه .. عشان جي شهد ما خلت حصه اتسير ويا حور .. لأنها اتعرف إنه فيّ ما بترمس .. فيّ من النوع اللي ما يبين مشاعره وايد .. و زين من حور إذا قدرت اتخليها اطلع اللي في خاطرها
.
.
.
.
.
عقب خمس دقايق ..

حصه: شهووووده .. أنا يوعانه
شهد: احلفي
حصه: والله
شهد: انزين .. اتشوفين هالباب
حصه: هيه
شهد: اوكي يوم بتطلعين منه شو اتحصلين .. ؟؟؟
حصه: ملحق و مطبخ
شهد: عيل اطلعي من هالباب و امشي و سيري المطبخ و يبيلج أكل
حصه: احلفي
شهد: و الله .. أصلا أنا ما عرف أجذب

و من القهر ..شلت حصه الكوشن و فرتها على شهد

شهد: أي يا الشريره .. ما عورتيني
حصه: أففف .. أسير أيبلي شي أكله أبرك لي
شهد: اقول
حصه: خير
شهد: حتى أنا يوعانه
حصه: بشري أمج
شهد: ليش أمي .. الحين أمي ما بتفيدني .. عشان جي أقولج .. بليز أيبلي شيء وياج
حصه: و ليش ما تقومين روحج ..
شهد: يالس أتابع الفلم .. و الله إنه عجيب .. حبيب الشعب فيه .. سلماااااااان خان
حصه: لا إذا سلمان خان ما الومج ..
شهد: ثاااااااااانكس
حصه: اني تايم حبيبتي
شهد: اوكي اجلبي ويهج
حصه: اقول .. دوري حد يبليج أكل ..

طلعت حصه .. و سارت المطبخ .. و يلست شهد اتفكر في فيّ و ما كانت اتشوف الفلم عدل .. هي لاحظت تغير فيّ المفاجىء .. و الأهم لاحظت الدموع المتيمعه في عيونها ..

.
.
.
.
.
عقب خمس دقايق ...

كانت شهد غارقه في أفكارها .. و ما حست بحمد اللي دخل الصاله .. حمد أول ما شاف شهد استاااااااااانس .. لأنه من فتره بالنسبه له طويـــــــــــــــــــله ما شافها .. يلس يشوفها و يراقبها .. لاحظ إنها سرحانه و اتفكر .. كانت اترمس عمرها .. و ترفع حاجب و تنزل الثاني .. و تغمض .. و تحج راسها .. واتحرك ايدها .. يعني موووووووول ما كانت منتبه لحمد .. و مرررررررره وحده خطر في بال حمد فكره جهنميه .. فقرر ينفذها *الله يستــــــــــــــر* .. فتح حمد غرشت الماي اللي في ايده و اتقرب من شهد .. و رش الماي على ويها .. و تفز شهد من مكانها

شهد: ا ه ه ه ه ه .. بسم الله
حمد: هههههههههههه .. أي أي بطني .. ما قدر * و هو طايح على الأرض*
شهد: أي أنته .. و الله أنك مينون .. بغيت اتغرقني .. و تضحك
حمد: هههههه .. شكلج كان يفطس من الضحك ..
شهد: أقول أدل مستشفى الأمل ..
حمد: هيه .. ههههه
شهد: مكانك اهناك
حمد: هههههه .. مكاني و لا مكانج
شهد: مكاني و مكانك .. أنت المينون و أنا الدكتوره
حمد ( يعدل يلسته): و الله إذا أنتي بتكونين اهناك ما عندي مانع .. المهم اشوفج كل يوم .. ما اقدر على فراقج *يغمز لها*
شهد و ايد انحرجت ما عرفت شو اترد .. ويها غادي قوطي طماطه .. بس الحمدالله يت حصه و نقذتها
حصه : هههه .. بلاج شهووووده
شهد: ما شيء
حمد حب يحرجها أكثر: عيل ليش ويهج غادي طماطه
شهد بطلت عيونها .. و اتحس بحراره في ويها * لو انحط بيضه على خدها بتفور*
حصه حست إنه شيء غلط مستوي من بينهم .. و حست بالغيره .. فغيرت الموضوع
حصه: اقوووول حمد ..
حمد: أمري وهو يطالع الإشاره الحمره شهد
حصه: متى بتودينا السينما .. و بتحوطنا .. أنته وعدتنا ..
حمد: متى ما بغيتي يا بنت العم .. أنتي تامرين
شهد: حصوص .. وين أكلي
حصه: ههه .. ما يبتلج .. أ،ا قتلج دوريلج حد يبليج ..
شهد: اووف ما منج فايده
حمد: خلاص و لا يهمج شهوده .. الحين بوديج المطعم و اشترليج اللي تبينه ..
شهد: تسلم يا ولد العم .. بس أنا يالس أشوف فلم حبيب القلب سلمان خان و ما ابى افوته ..
حصه: عاد شهوووووده كلا و لا سلمان خان
حمد حس بالغيره .. *يا حافظ يغار من ممثل* .. و بغى يخرب عليها
شهد: أوكي انا بسير ايبلي شيء اكله
حمد: اوكي .. أنا بعد يوعانه سولي .. ساندوج .. و حطي في بيض امفور
شهد: اوه .. جي بفوتني الفلم
ابتسم حمد بخبث وقال بصوت واطي: و هو المطلوب
شهد سمعته و انقهرت منه
شهد: حصوص .. قومي سوي لحمد
قبل ما ترد عليه حصه
حمد: لا لا .. أنا أبا أجلاب طبخج ..
شهد: شو طبخه يا بن الناس .. الحسن بيض اتسميه طبخ ..
حمد: كيفي ..
شهد: طااااااع .. حد قالك أني حرمتك
حمد: لا محد قالي .. بس إن شاء الله بتكونين

حصه و شهد فجن عيونهن .. و اتخيلن موقفهن .. حصه محمره من القهر ,, و شهد محمره من الحيا .. و حمد يتأمل شهووووووده .. و حصوص اتشوفه و ودها تكفخه .. و اشوي لا تصيح .. طلعت شهد على طوووووول .. من غير ما تكمل النقاش ... * واااااااااااااااق .. عرف يقص عليها *
.
.
.

في الصوب الثاني من البيت
(حجرت فيّ)

فيّ يالسه على شبريتها و اتصيح .. وكل ثانيه تمسح دموعها .. و اتقرر اتوقف صياح .. بس للأسف ما تتمالك نفسها و اتصيح ... و حور يالسه حذال فيّ و تترياها ترمس *شكلج وايد بتترين* .. ملت حور من الانتظار .. مرن ثمان دقايق و هن ع هالحال .. فقررت حور تسحب الكلام من فيّ لأنها اتعرف إنه فيّ ما بتقول شو فيها ..

حور: حبيبتي فيّ .. بلاج ؟؟ ليش اتصيحين ؟؟
فيّ بصوت كله صياح: ما شيء ( و تمسح دموعها)
حور: حبيبتي .. قوليلي شو فيج .. و الله بترتاحين
فيّ: قلتج ما فيني شيء
حور: لا فيج .. أول ما سمعتي خبر خطبت مايد و أنتي مب على بعضج
فيّ ما ردت عليها و يلست اتصيح بصوت .. لوت حور على أختها و مقاومه دموعها .. حور أبد ما تحب اتشوف أختها اتصيح ..
حور: بس حبيبتي .. بس
عقب دقيقتين هدت اشوي فيّ .. و حور قررت ما تسكر الموضوع .. لأنه الوقت المناسب
حور: فيّ .. أنتي تحبين مايد ؟؟؟
فيّ انصدمت من هالسؤال .. عمرها ما اتوقعت إنها بتظطر اتجاوب سؤال مثل هذا
فيّ: أحبه ؟؟ .. ما اقدر اقول إني أحب .. لأنه عمري ما عرفت شو هو الحب .. و بعدين معقوله أحبه بهاي السرعه .. الصراحه أنا ارتحتله وايد .. و يمكن يكون شعوري اتجاهه إعجاب .. ما اعرف افسر شعوري ..
حور: الصياح ها كله بسبت إعجاب
فيّ: يمكن.. و يمكن بسبت ضياع أمل
حور باستغراب: أمل ؟؟
فيّ: هي .. من مواقفي و يا مايد .. حسيت أني مثلكن طبيعيه .. يعني عادي حد يهتم أو ينعجب فيني .. و ما اعرف كان عندي إحساس أنه في يوم من الأيام مايد بيخطبني .. و بيعيش حياه طبيعيه .. يعني ما شيء موانع .. بس خلاص ضاع الأمل
حور: انزين أنتي ليش بس تذكرين مايد .. وايد خطبوج .. و وايد اهتموا فيج
فيّ: حور نسيتي كل اللي خطبوني أول ما عرفوا أني عمياء فصخوا الخطوبه .. حتى اللي أنتي تقولين كانوا يهتمون فيني .. كان اهتمامهم مجرد شفقه
حور: انزين .. و مايد؟؟




يتبع
فيّ: مايد .. امم .. ابصراحه .. عمري ما حسيت أنه يشفق عليّ.. بالعكس حسيت أنه يعاملني كانسانه عاديه .. ترى قتلج هو اللي حسسني إنه ما ناقصني شيء و اقدر اعيش طبيعي مثلكن .. بس .. خلاص كل شيء ضاع
حور: لا ضاع و لا شيات .. اللي خلق مايد خلق غيره .. و بعدين ما تعرفين .. يمكن ايكون من نصيبج
فيّ: اقول مب جنه انتقلتلج العدوه ؟؟
حور: أي عدوه ؟؟
فيّ: عدوت الأحلام ..
حور: ههه .. ما شيء بعيد ع الله .. و بعدين يا حبيبتي الأحلام مب مرض و لا حرام . .خلينا نحلم ..
فيّ: إن شاء الله حبيبتي .. بس لا تتعلقين وايد بالحلم .. عشان قلبج ما يتحطم إذا ما تحقق الحلم ..
حور: إن شاء الله عموه .. ممكن ننزل
فيّ: اممم .. لحظه بستخير ؟؟
حور: شفتي .. قتلج قوليلي و بترتاحين .. ما شاء الله .. رديتي فيّ أم لسانين
فيّ: انا ام لسانين .. حرام عليج .. وحليلي .. اتغارين مني
حور: اقوووووووول
فيّ: نعم
حور: شخبارج
فيّ: هههه .. قومي ننزل تحت .. و أول ما ننزل يبيلي كيكت الجزكلت
حور: يا سلام .. بدينا بالتشرط ..
فيّ: كيفي ...

طلعن البنات و نزلن تحت .. و يلسن ويا حمد و شهد و حصه .. يلسووووووا يسلفون و يتمصخرون .. و شهد يوم شافت فيّ تضحك و تتمصخر ارتاحت و استانست وايــــــد .. أما حصوص كانت اتشاركهم السوالف بس مب وايد .. لأنها كانت مقهوره اشوي من حمد .. بس عقب فتره نست الموضوع و احتشرت وياهم .. و يلست اتحن على حمد يحدد اليوم اللي بيحوطهن فيه .. و بعد نقاشات حاده .. حددوا اليوم اللي بيظهرون فيه .. و كان الموعد عقب أسبوعين *الله .. بزنس مان *
.
.
.

سيارت عبود *عبدالله*

عبدالله: ها ميود شو تبى اتقول
مايد: كيف عرفت أني أبى أقولك شيء
عبدالله: أفاااا ,, نسيت أني وياك من كنا صغار .. و يوم اتم ساكت و ما ترمس .. و اتهز ريلك .. يعني تبى اتقول شيء بس مب عارف كيف .. و لا أنك مب متحمس للموضوع
مايد: ما شاء الله .. خبير
عبدالله: احم احم .. ههه .. يلا قول
مايد: اممم.. انا خطبت
عبدالله: أه يا الخاين .. من وراي .. ليش ما قتلي .. ها منو سعيدت الحظ
مايد سكت و ما رد
عبدالله: عرفتها .. راعية الستي و لندن
مايد فز قلبه: منوووو
عبدالله: البنت العميا أخت حمد
مايد و بكل حزن: لا
عبدالله: لا تقص عليّ .. أدري إنك ميت عليها .. و لا تسألني كيف عرفت .. لأنه مبين من عيونك
مايد: و الله مب هي
عبدالله: اقول .. قولي السالفه بالتفصيل ..
و خبر مايد عبدالله بالسالفه كلها .. من أول ما رمس أخته عليا ,, الين ما اقترحت أمه إنه يخطب أخت فيّ و لا بنت خاله .. عبدالله من سمع أخت فيّ.. مات .. و قاطعه على طول
عبدالله: و إن شاء الله خطبت أختها
مايد: مينون أنا ..إذا خطبت أختها بشوفها كل يوم ..
عبدالله ارتاح: انزين الله يهداك ليش رضيت تخطب بنت خالك .. لو أصريت ع موقفك ..
مايد: امممم .. شو اقولك .. أنا وايد كنت محتار .. كنت بين نارين .. بين رضى أمي و لا حبي لفيّ .. بس كل ما افكر فيها .. القى رضى أمي أهم .. و ساعات افكر لو خذت فيّ أمي بتتقبلها .. ولا بتحسسها إنه غير مرغوب فيها .. و في هالحاله البنت بتتأثر و ما راح تسعد وياي ..
عبدالله: و الله إنه حالتك تكسر الخاطر
مايد: و الله أنا في البدايه تميت مصر على رأي ,, و قلت ما راح اتزوج .. و عقب ما تعبت من التفكير .. اتذكرت إنه أختي قالتلي صل استخاره .. فشفت الحل في صلاة الاستخاره .. و عقب ما استخرت إني أخطب بنت خالي .. ارتحت .. اتعرف إني أربع مرات مصلي .. و كلها يطلع نفس الشيء .. فقررت أخطبها .. تدري لو أني حزين بس مرتاح .. يمكن هالشيء يكون فيه الخير لي و يمكن يكون لفيّ بعد ..
عبدالله: الله يوفقك .. المهم أنه قرارك هذا ما يا من فراغ .. اقول
مايد: أمر
عبدالله بابتسامة خبث: احم احم خطيبتك حلوووووه
مايد: و الله إنك ما تستحي .. ابصراحه أنا من ثلاث سنين يمكن ما شفتها ..
عبدالله: احلف
مايد: و الله .. كل ما اسير بيت خالي يا اتكون محد و لا مشغوله
عبدالله: الله يعينك
مايد: ليش
عبدالله: ها ما شيء .. اقوووول .. شو رايك انسير نتعشى في شيليز
مايد: و الله إذا ع حسابك أنا موافق
عبدالله:هههه .. أكيد ع حسابي .. هالعزيمه بمناسبة خطوبتك ..
.
.
.
.
يوم الخميس .. تقريبا عقب اسبوع

سارت أم حمد بيت أم مايد لأنها عازمتنها .. ما صدقت شافت ربيعتها عقب سنين .. سارن حور و شهد و فيّ وياها .. فيّ بالبدايه رفضت اتسير .. بس مثل ما انعرف حور و شهد ما خلنها .. حشرنها الين ما وافقت ..

بيت بو مايد

أول ما وصلن .. حصلن ذاك الاستقبال .. ابصراحه ما قصرت أم مايد في الترحيب حتى بناتها .. بس أم مايد سلمت على فيّ من ورى خاطرها .. مب مثل العاده و فيّ حست بهالشيء .. و عليا سألت عن فيّ و يلست تتفحصها
و عقبها سارن البنات على صوب يسولفن ...
ريم: و الله اتولهت على لندن
شهد: هي والله .. أيام لندن حلووووووه
مريم: اتعرفن .. ربيعتي ما تحب اتسير لندن
حور: هي أنا اعرف بنات وايد ما يحبن لندن .. بس بعد اعرف بنات ما يتخلن عن لندن .. سبحان الله يا دحق يا محق ..
و كملن البنات رمستهن عن السفر .. و كل وحده اتقول موقف استوى لها في لندن .. و يلسن يشوف ن صور لندن ما عدى فيّ .. فيّ ما كانت اتحس بالراحه .. و ما اتشاركهن الرمسه .. كانت اتفكر .. و مكانت تشرب العصير .. مره ومحده دزتها شهد بالخفيف يوم شافتها سرحانه .. فيّ نقزت و انصب العصير اشوي عليها

شهد: اووووووووبس .. سوري ...
فيّ: اوهو .. الحين شو اسوي
ريم: تعالي حجرتي .. بنظفلج لبسج و بنشفه بالسشوار .. ههه
فيّ : اوكي

قامت فيّ و سارت ويا ريم حجرتها عشان اتنظف لبسها ..

شهد: حووووور .. مب ألبوم السفر في سيارتج
حور: هي والله ..
مريم: الله .. سيري هاتيه .. بنشوفه
حور: اوكي ..

طلعت حور المفتاح من سيارتها و سارت صوب سيارتها .. يوم طلعت شافت سياره ما كانت موجوده بس ما قجرت اتميز إذا حد داخل و لا لا .. الله يخلي المخفي .. سارت حور صوب سيارتها و يلست ادور الألبوم .. و أخيرا لقت طايح تحت .. شلته و سكرت الباب أول ما صدت سمعت

عبدالله: بوووووووووووووووو .. مفاجأه
حور صرخت و يوم انتبهت لعبدالله اتيبست مكانها ..
عبدالله: اسمحيلي ما كان قصدي أخووفج
حور و دها تكفخه .. وتقول في خاطرها .. لا وحليلك .. أبد ما كنت تبى تخوفني .. لازم كل ما اشوفه يقهرني .. أووووووووف منه .. دمه ثقيـــــــــل
ردت عليه بعصبيه: مسموح
و روحت عنه بسرعه .. و عبدالله يضحك يالله كيف شكلها ينن و هي معصبه ..

خلنا انرد للبنات فوق *فيّ و ريم *

نظفت فيّ ثيابها و ساعدتها ريم .. و طلعن من الحجره .. و في الممر .. وقفت ريم مرره وحده ووقفت فيّ

ريم: اووووه نسيت موبايلي ف الحجره .. حبيبتي فيّ دقيقه .. بسير ايبه ..
فيّ: اوكي بس دقيقه .. يالله بسرعه .. ببدى أعد ..ههه
ريم: ههه .. أووكي
و سارت ريم حجرتها اتيب موبايلها .. و فيّ تتريا ..
مررررررررررررررره وحده يتبطل الباب اللي واقفه حذاله فيّ .. و عرفت فيّ انه اللي طالع من الحجره واحد .. من ريحة العطر اللي شاله البقعه .. فيّ بدى قلبه يطق بالقو زين ما طلع من صدرها .. و مايد مب مصدق أنه اللي جدامه فيّ ..

StooooooooooooooooooooP




.. اوكي وصلنا يوم مايد طلع من الحجره و شاف فيّ جدامه .. و فيّ بغى قلبها يطلع من صدرها مثل ما طلع مايد من الحجره .. و مايد فاج عيونه ع الآخر .. مب مصدق انه اللي جدام عينه .. فيّ .. مايد من الصدمه ما نطق بربع كلمه .. وبس يالس يشوف قيّ و يفكر إذا هو في حلم و لا علم .. و فيّ بدت الدمووووع تتيمع في عيونها .. مب عارفه كيف تتصرف .. و اتحس بضعف .. لأنها مب قادره تتحرك .. ما اتعرف المكان عدل .. و حاولت تتمالك نفسها .. و مايد كان يراقبها .. و يلاحظ ملامح ويها الي تتغير كل دقيقه .. تتغير حسب الفكره اللي تخطر في بالها .. فيّ حست أنها مب قادره تستحمل الموقف أكثر .. قلبها يقولها أنه مايد موجود و يالس يشوفها.. و تذكر أنه الموقف اللي هم فيه غلط .. حتى لو أنه مب بيدها .. خلاص ما يحقلها انها تفكر في مايد .. و تنهدت بصوت عالي .. كانت تنهيده حامله حزن الدنيا .. و تعلن عن هطول دموع غزيره من عيون حبيبنا فيّ .. مايد اهني حس بفيّ .. و حس أنه بتصيح .. فقرر يرد غرفته .. لأنه متأكد أنه ما بقدر يشوف دموع فيّ .. و بيضعف .. و يمكن يسوي شيء غلط .. لا هو يرضاه به و لا فيّ ... فمسك مقبض الباب عشان يدخل .. بس قلبه ما طاوعه أنه يدخل .. يقول في خاطره يمكن هاذي أخر مره أشووووفها .. يعني ما بشوفها مره ثانيه .. و بيتم لي بس صورتها .. صوره مطبةعه في قلبي و عقلي و عيوني .. مايد سكر باب حجرته بس من غير ما يدخل .. سكر الباب عشان يطمن فيّ .. و يقلل من توترها .. هو يعرف أنها ما تقدر اتشوفه .. و بتتحسب أنه رد الحجره .. بس مايد ما عرف أنه فيّ ما تحتاج عيونها عشان اتحس بوجوده ,, فيّ ارتاح بالها لثواني .. بس قلبها بعده كان يدق بسرررررررررعه فظيعه *الحمدالله ما شي رادار* .. قلبها يقول انه مايد موجود حذالها .. وانه ما دخل .. و ردت حست بالضعف .. و بدت اتحس بالحزن و اتقول في خاطرها .. يا ربي .. شو اسوي .. حشى مب موبايل بتيبه الأخت .. يالله .. ليش أنابالذات ؟؟ .. اف ليش ما اقدر اشووووووف .. و ليش هو يستغل هالشيء .. بس أنا ببينله أني مب ضعيف و بتغلب ع هالضعف ... مايد تعب من كثر ما يتمالك نفسه .. و قرر يكلمها .. بس في هاللحظه فيّ بعد تعبت و ملت من الوضع اللي هي فيه .. و قبل ما يبدا مايد جملته .. اتحرك في ّ بسرعه .. هي ما كانت اتعرف وين سايره .. و مايد حس بضيجه .. و دخل حجرته .. و هو يستغفر ربه .. يا ربي أنا شو كنت بسوي .. كنت برمسها .. و كنت بعترفلها بحبي .. آآآآآآآآآآآآآآآآآآآآآآه .. و الله يعلم شو كانت بتكون النتيجه .. أحمدك يا ربي .. بس مرررررررره وحد يبطل مايد عيونه و يركض صوب الباب .. تذكر أنه فيّ ما اتشوف و كانت تمشي سايره صوب الدري .. بس يوم فج الباب سمع أخته ريم تزقر فيّ

ريم: فيّ فيّ حبيبتي .. لحظه ..
فيّ كانت تمشي بسرعه و ما تسمعها ..
ريم تركض صوب فيّ: حبيتي .. اتحملي .. جدامج دري .. فيّ .. (و يدتها من الدري)
فيّ من متى ازقرج .. بلاج ما تسمعيني ..
مايد رد الحجره قبل ما اتشوفه أخته .. و عقب ما اطمن على فيّ
فيّ: سوري ما سمعتج
ريم: انزين ليش اتحركتي ..
فيّ: ها مليت .. أنتي تأخرتي .. قلت أكيد نستني .. و بعدين قلت بحاول أنزل ,,
ريم: افا .. و الله ما نسيتج .. بس ما لقيت موبايلي .. يلست أدوره و ما حصلته .. يمكن نسيته تحت ..
فيّ : *في خاطرها توه الناس* .. حتى أنتي هاذي حالتج .. حور ف البيت جي .. دومها ادور موبايلها ما تذكر و ين فارتنه ..
ريم: ههه .. يالله بننزل .. تأخرنا عليهن
فيّ: يلا .. تلقين الفضول بيذبحن ..
ريم: صدقج ..
فيّ: بس لا تقوليلهن ليش تأخرنا,,
ريم: إن شاء الله ... هههه
نزلن البنات الصاله .. و طبعا مثل ما اتوقعت فيّ .. فتحن تحقيق وياهن عن سبب لاالتأخير .. و فيّ و ريم يضحكن و ما يرمسن بس عشان يغايظن البنات ..
مايد من الصوب الثاني .. عقب ما دخل الحجره.. تم واقف عند الباب و يلس يسمع سوالفهن .. و يلس يضحك ع فيّ يوم قررت أنه ما تخبر البنات .. يالله توها كانت زعلانه ع الموقف و متوتر .. بس ع طول نست الومقف و ردت لطبيعتها .. و الله إنها طيبه .. يالله خبلتني .. اوه انا شو يالس اقوول .. خلاص المفروض ما افكر فيها .. ليش يا أمي .. ليش ما وافقتي عليها و ريحتيني ... و سار يلس ع شبريته .. و كمل تفكيره .. نقز مايد مره وحده ..

مايد: اوووووووووووبس .. عبود يترياني برع .. نسيته .. الله يعيني ع لسانه ..

و اتصل مايد بأخته ريم عشان يقولها أنه بينزل .. يبى يطلع .. خله اتسويله درب .. و هو كان مستانس لأنه بيشوف فيّ .. بس للأسف طنه خاب .. لأنه قالتله ينزل .. لأنه الضيوووف يالسين في غرفة الطعااام .. و طلع مايد .. و سار صوب سياره عبدالله .. أول ما ركب السياره

عبدالله: تووه الناس .. سير سير كمل اللي اتسويه
مايد: ههههههه
عبدالله: اشعليك اضحك اضحك .. أنا اللي عفنت مب أنت
مايد: سوري و الله .. اتعرف عندنا ضيوووووف
عبدالله: هيه .. إذا جي معذوووور ,, الين ما طبخت .. و الين ما قدمت العصير و هالسوالف .. لا لا .. أذا جيه لازم تتأخر ...
مايد: ههههه .. لا بس الين ما سو لي درب .. اتعرف ما يستوي اهجم عليهن ..
عبدالله: اوكي فكنا من هالأعذار .. قوولي و ين تبنا انسير
مايد: أي مكان ..
عبدالله: اوه صح .. اليوم كل شيء بيكون ع كيفي ..
مايد: ليش
عبدالله: بعد لك ويه ترمس و تتأمر عقب اللي سويته ..
مايد: ههه .. حشى ما يسوى
و كملوا الشباب السوالف و الحواطه ...

البنات و أم حمد .. عقب ما خلصن السوالف .. و ترسن بطونهن .. ردن البيت ,,, في السياره

حور: ها شهد .. شو قررتي .. بتباتين عندنا .. ؟؟
شهد: لا ما ببات .. بسير بيتنا ..
حور: ليش ؟؟
شهد: ما قلته حق أمايه .. و بعدين أنا من الصبح عندكم .. و ما شفت أبوي ,, اتولهت عليه ..
حور: اوكي ع راحتج
فيّ: حور .. و صلينا البيت قبل ..
حور: ليش ؟؟
فيّ: راسي يعورني .. مب قادره استحمل .. أبى أرد البيت و أرقد
أم حمد: خلاص حور .. ردينا البيت .. و عقب وصلي شهوده
حور: بس عقب برد بروحي .. و الوقت أتأخر
أم حمد: خذي وحده من البشاكير وياج .. أختج تعبانه .. ويها مصفر .. ما دري بلاها ..
فيّ: ما فيني شيء .. بس راسي يعورني .. احتاج للرقاد ..
شهد: ما تشوفين شر حبيبتي ..
فيّ: الشر ما اييج

وصلن البنات البيت ..

حور: يالله وصلنا
أم حمد: مب جنه هذي سيارة حمد
حور: هيه ..
أم حمد: عيل خلاص .. حمد بيوصل شهد .. أنتي سيري وياهم
حور: إن شاء الله أمايه

دخلت أم حمد و فيّ البيت .. اول ما دخلن قام حمد يسلم على أمه
أم حمد: حبيبي حمد .. قم وصل بنت عمك ..
حمد افجج يوم سمع بنت عمك .. بس انحبط يوم اذكر حصه .. مول ما فكر أنه تكون شهد .. لأنه مثل ما خبرتكن حصوص مداومه في بيت عمه ..
حمد: أمي تعبان ما قدر .. خلي حور اتوصلها
أم حمد: احلف .. يعني أخليها اتوصل شهد .. و عقب اترد روحها ..
حمد من سمع شهد كان بيطلع على طول برع عشان يشوفها .. متوله عليها .. بس ما حب يبين هالشيء
حمد: ليش في| ما بتسير وياهن
فيّ: لا أنا تعبانه
حمد: اوكي خلاص .. بوصلها أمري لله .. وينهن ؟؟
فيّ: برع يترينكن ف السياره
حمد: أوكي .. أنا ساير .. تأمريني بشيء يا شيخة الحريم ..
فيّ: احم احم .. هي أبى
قاطعها حمد: مع السلامه
أم حمد: هههههه
فيّ: هي منو قدج .. مع السلامه ..
طلع حمد و سار صوب سيارت حور .. و فيّ سارت غرفتها عشان اتريح .. المهم حمد خبر البنات انه هو اللي بيوصل شهد .. و طلب من حور اتقوم عشان هو بيسوق ...
في السياره
حمد طوووووول الوقت يراقب شهد من المنظره الداخليه .. و طبعا حمد و شهد يتلاقون و ما يتغايظون .. ما تستوي .. فنطق حمد و قرر يقهرها
حمد: اقول حوووور
حور: نعم .. خير
حمد: اممممم .. إذا قتلج اخطبيلي وحده .. منو بتختارين *و يغمز لها*
حور فهمت قصده: امممممم .. ليش تفكر تخطب
حمد: يمكن
و شهد امبطله عيونها و أذنها ,,
حور: عيل بخطبلك فاطمه
اهني شهد شهقت و حمد اتفجج لأنه عرف أنه فكرته نجحت
شهد: ووووع .. ما حصلتي غير هاي أم الميك أب ... حرام تجنيين ع أخوج ,, ارحمي من في الأرض .. يرحمج من في السماء ..
حمد و هو متفجج: بل بل .. بلاج ع البنت
حور: ما ادانيها
حمد: ما ادانيها و لاتغار
شهد اهني انحرجت و انقهرت .. بس كشفت لعبت حمد .. فقررت تأخ\ه ع قد عقله
شهد: ويــــــه ,, لا غار و لا شيء .. أصلا أنا عندي بنت أحسن عن هاي الفطوووم
حمد اهني استغرب و بدى ينقهر: منو ؟؟
شهد: حور .. شو رايج في عاشه ؟؟ ..
حور عقب ما اتوهقت : مب جنها مخطووبه
شهد: لا لا .. حلوه .. و طيبه و أمووره .. و عندها مقدرت صبر عجيـــــبه .. يعني باختصار تستحمل السخافات
حمد: ها ها .. اقوووول يوم بقرر أخطب ما باخذ وحده ع ذوقكن .. باخذ وحده ع ذوق قلبي .. (و يغمز لشهد)
حور: يلا وصلنا .. ممكن اتفارجين
شهد: يالله مليتو مني .. ما عليه ما بتشوفون رقعة ويهي أسبوووووووع كامل ,,
حور: افا .. انا اصلا ما استغنى عنج .. أنتي توأمي
حمد يقول في خاطره : لا الله يخليج .. نحن جيه و ما انشوفج .. حتى أنا ما استغنى عنج .. أنتي روحي و عمري
شهد: هيه هيه .. قصي عليه ب هالكلمتين .. اتعرفين إني ما عرف ازعل .. و أرضى بكلمتين
حور:هههه
شهد: اوكي يلا .. باي
حور: باي
شهد شافت حمد سرحان : حمد لا تفكر وايد .. بدورلك وحده فنانه .. لا تحاتي ...
حمد: ما يحتاي ادورين هذيه جدامي ..
شهد قفطت : يلا مع السلامه و سكرت الباب ع طوووول
حور صدت صوب حمد و يلست تبتسم له بخبث
حمد قفط: ههه .. و عرفت اشردها
حور: هههههههه
.
.
.
اليوم الثاني – العصر
بيت بو حمد



ت ك تك
فيّ يالسه في حجرتها .. و اتفكر في مايد .. و موقفها وياه .. إحساسها يقول أنه مايد يحبها .. و لو أ،ه خطب وحده ثانيه بس بعده يكن لها مشاعر .. و أنه مغصوب ع هالخطوبه .. و مب راضي .. و أكيد عنده ظرووووف بس مب عارفه شو هاي الظروووف .. يمكن يمكن أهله مب قادرين يتقبلوني و يتقبلوني عيبي .. أكيد هذا السبب .. و هاي الشيء يفسر طريقة أم مايد في السلام .. سلمت ع الكل بفرح إلا أنا .. انزين انا شو ذنبي .. و بعدين العمى مب عيب .. بس مايد ليش وافق .. اممم .. أكيد أمه أجبرته .. ز بعدين اللي ما فيه الخير لأهله ما فيه الخير للغير .. أوووووووف .. تعبت من التفكير .. أنا محتاره .. و مب قادره أفكر .. يالله .. أهههههههه
تطاااااااااااااااااااااااااااااااااااااااااااخ
فيّ: بسم الله الرحمن لاالرحيم .. حووووووووووور ... يا سخيفه زين ما طاح قلبي
حور: هههههه .. تستاهلين .. من متى أرمسج .. و أنتي مسوتلي أكبر طاااااااف .. جني أرمس اليدار .. حتى لو رمست اليدار جان رد عليه
فيّ: اشوي اشوي .. حشى بالعه راديو .. أنا أنا ريجي نشف من رمستج
حور: هيه والله عطشت .. امم قو مي يبلي عصير
فيّ: نعم نعم ..الحين أنتي بدال ما اتعوضيني ع هالأضرار اللي تسببت فيها يالس تتأمرين
حور شهقت: أضرار ؟؟؟ .. أي أضرار يا الجذابه ..
فيّ: أولا كانت بتيني سكته قلبيه من وراج .. ثانيا أذني التهبت من رمستج ..
حور: قولي والله .. كسرتي خاطري .. يا حرام .. أوديج المستشفى
فيّ: لو مستشفى خاص .. أنا ما عندي مانع
حور: أقول ..
فيّ بتأفف: قووووووووولي
حور: بلاج .. قومي قومي بدلي ثيابج
فيّ: ليش؟؟ لا يكون اتفكرين اتوديني المستشفى .. والله ما ابى أخرب أذني أكثر
حور: هههه ... لا بنسير المكتبه .. مب أنتي طالبه مني كتب
فيّ: أوكي أنتي سيري أنا مالي بارض
حور: ليش .. الكتب حقج مب حقي
فيّ: انزين أنا ما اقدر اشوف .. أنتي اللي بتختارين الكتب و بتقرينهن حقي ..
حور: انزين تعالي ساعديني أختار ..
فيّ: حور حبيبتي والله ما قدر .. أنتي سيري و ردي بسرعه .. أنا بترياج ع أحر من اليمر
حور: يعني مصره
فيّ: هي .. يالله بسرعه سيري .. تحمست
حور: ههههه .. أوكي .. مع السلامه
فيّ: مع السلامه ...

طلعت حور .. و سارت اتخبر أمها أنها بتسير المكتبه تشتري كمن كتاب .. و وافقت أمها ..
و توكلت حور و سارت المكتبه .. و أول ما وصلت ع طووول اتوجهت صوب الكتب عشان تبدا عملية السيرج .. و في الصوب الثاني من المكتبه

عبدالله: يالله يا أخت بسررررررعه .. عندج عشر دقايق تاخذين اللي تبينه
أخت عبدالله: اووووه .. يالله .. كيف اتحب اتذل .. شو عشر دقايق ..
عبدالله: كيفج اتصرفي .. أنا ما حب هالسواااالف
أخت عبدالله: إن شاء الله يا أخ عبدالله
و سارت عنه أخته بسرعة البرق * وحليلها ما عندها غير عشر دقايق *
و يلست عبدالله يتلفت .. و كل دقيقه يشوف مكان .. الأخ ملان واصل حده .. بس مره وحده اختفى هالملل .. و حل مكانه شعور بالفرح و الإثاره .. طبعا كلانا عرفنا ليش .. الشعور بالملل تبدد أول ما طاحت عين عبدالله ع حوووور و هي مندمجه ادور كتب .. كل دقيقه تختار كتاب و تقرا محتواه .. و عقب ترده .. الين الحين ما حصلت شيء يعيبها .. تقرب عبدالله من حور .. بس هي ما حستبه .. مل عبدالله من تجاهل حور .. و قرر يسوي شيء عشان يلفت انتباها .. و مشى عشان ينفذها .. سار عبدالله و جابل حور .. امم .. يعني كل ما اتشل كتاب بتشوف ويهه من الصوب الثاني .. لأنه سار الصوب الثاني عشان يجابها .. و شلت حور اول كتاب .. و فجت عيونها يوم شافت عبدالله جدامها .. و بطلت عيونها .. و كانت ردت فعل عبدالله أنه ابتسم لها .. ردت حور الكتاب بسرعه .. و سارت جهه ثانيه .. و اختارت كتاب ..و يوم شلته شافت عبدالله يبتسم لها .. و قال *السلام عليكم*
حور ماتت من القهر .. و عرفت أنه عبدالله مب ناوي يفكها .. و قررت تجاهله .. و كانت اتفوور من داخل .. و عبدالله يعرف و مستانس .. يتخبل يوم اشوفها معصبه .. ردت حور الكتاب ممن غير ما اترد عليه .. و سارت تختار كتاب ثاني من الجهه الثانيه .. و يوم شلت الكتاب شافت عبدالله و الابتسامه بعدها ع ويهه ..
عبدالله: انزين ردي السلام ..
حور: أفففففففففف

انقهرت حور من الخاطر و ردت الكتاب للمره الثالثه و ما ردت عليه .. بس كانت اتحس أنه تغلي من القهر .. و اختارت حور زاويه .. قالت في خاطرها أكيد عبدالله ما بيلحقها .. لأنها ما تبين وايد .. و سارت .. و شلت أول كتاب و استاست وايد يوم ما شافت ويه عبدالله.. و ردت الكتاب لأنه ما عيبها وايد .. و شلت واحد ثاني .. و كانت صدمت حياتها يوم شلت الكتاب الثاني .. شافت عبدالله يبتسم لها .. و يرفع حواجبه .. اهني حوووور فقدت أعصابها و ما قدرت تستحمل أكثر .. دزت الكتب و طاحن ع ريل عبدالله
عبدالله: أأأأأأأأأأأأأأأأأأأأأأأأأأي
حور و بقهر: تستاهل يا السخيف .. (و روحت عنه عشان تدفع عن الكتابين اللي اختارتهم)
عبدالله: ههههه .. و الله أنها عجيـــــــــــــــــبه
وعقب ما خلص عبدالله مهمت التطفير .. سار يدور أخته .. و يلس يحشرها الين ما خلصت و ردها البيت *عفانا الله يذلونج لو سووا لج خدمه*
.
.
.
.
و أخيرا تحدد يوم السعد لحصه .. اتحدد يوم طلعتها ويا حمد .. بس طبعا ما بتطلع وياه روحها .. كل البنات بيسيرن وياهم .. يعني حمد و فيّ و حور و شهد و حصه .. حمد قرر يحوطهن ف الشوارع .. و يوديهن صوب المشاريع اليديده و عقب يوديهن البحر .. حصه اعترضت كانت تبا اتسير السينما .. بس شهد و حور رفضن لأنه فيّ ما بتقدر اتسير وياهم .. و حصه اقترحت عليهن أنه عقب ما يخلص الفلم بيمرون ع فيّ .. بس البنات رفضن.. و أصرن أنه ما يطبن مكان من غير فيّ و حمد و افقهن الراي .. فاضطرت حصه اتوافق دامه قرار حمد ..
المهم في السياره ..
حمد كان يراوي البنات المشاريع اليديده في دبي .. و يرمسهن عنهن .. و طبعا نظره و اهتمامه منصبين ع شهد .. *الله يخلي المنظره .. الله يستر .. بدال ما يجابل الشارع .. مجابل شهد* .. و شهد كمن مره رفعت عينها و طاحت في عين حمد .. و كل مره حمد يسوي لها حركه .. مره يغمز لها .. و مره يبتسم لها .. و مره يشلق ابعمره .. و ساعات يقفط .. هههه .. في| كانت يالسه جدام .. و حصه و شهد و حور ورى .. شهد يالسه ورى فيّ.. و ها الشيء كان مسهل عمليت التبحليق لحمد .. و حصه ورى حمد و حور من بينهن ..

حمد: ها شو رايكن في الحواطه و المشاريع ؟؟
فيّ: الحواطه ما عليها كلام دامنا وياك
حور: و المشاريه الصراحه كشخه .. روعه .. بس الله يعينا ع وصاخت الأجانب
حصه: قولي الله يعينا ع الزحمه
شهد: اممم .. أنا بخلي ريلي يشتريلي شقه من هاي الشقق .. و لا فيلا ..
حور: يالله .. عيل يبالج واحد مليونير
حمد: لا لا شهد ريلها مب مليونير ..
حصه: و أنت اشعرفك ؟؟
حمد: ما دري .. بس إحساسي يقولي أنها بتم في بيت عمها .. (ويغز لشهد )
شهد ويها غدى قوطي طماطه .. و فيّ و حور فهمن قصد حمد .. بس ميودات ضحكتهن عشان ما يحرجن شهد أكثر .. حتى حصوص ويها أحمر .. بس من الحيا .. من القهر ..
حصه وبقهر: اللي يسمع الحين هي مب مكسره بيتكم من كثر ما اتي .. غاديه لزقت عنزرووووووت
الكل ضحك .. حتى شهد لأنها منحرجه و مب عارف اتفكر عدل ...

ع البحر ..
مروا شلتنا الكافتريا و خذولهم عصير و سندويجات .. و ساروا صوب البحر ...

فيّ: الله الجو وايد حلو .. غريبه مع أنه صيف ..
حمد: احمدي ربج ..
حصه: أصلا لازم يكون حلو لأني موجوده
شهد: ههه .. وايد قاصه ع عمرج
حور: امممم .. شو رايكم نلعب
حصه: شوووووو
حور: لعبت الأغاني ..
حمد: و شو هاي اللعبه
شهد: هاي اللعبه .. انه فريق يغني أغنيه و يوقف عند أي كلمه يباها .. و الفريق الثاني لازم يغني أغنيه تبتدي بالحرف الأخير للكلمه اللي وقف عندها الفريق الثاني .. فهمت ؟؟
حمد و هو مندمج فيها : هيه ..
شهد استحت بلاه اليوم .. كله يطالعني ما جنه حد غيري موجودد في هالدنيا
حور: ها شو قلتوا ؟؟
شهد و بحماس: أنا موافقه
حمد و بنفس الحماس: أنا بعد
حور: ها حصوص
حصه: امممممم .. بفكر
حمد: يلا عاد .. خلينا نستانس .. ترى اللعب من غيرج مب شيء
حصه و هي طايره من الفرحه : أوكككككككي
فيّ: أوكي عيل أنا بكوووون الحكم .. يلا انقسموا لفريقين
حمد: يلا حصوص أنتي ويايه .. ما ابى شهوده اللي ما اتعرف شيء
شهد: امنو قال أبى أكون في فريقك .. أصلا أنا ما استغنى عن رفيقة الدرب و حبيبت القلب حور (و تلوي عليها .. عشان تقهر حمد اللي حاول يقهرها)
فيّ: اوكي خلاص .. انتوا الأثنين ما ينفع اتكونون في فريق واحد .. لازم كله واحد في فريق عشان يحلى اللعب
حمد و هو متحمس أكثر عن اللزوم: يلا نبدى
فيّ: اوكي .. لحظه بختار حرف .. عشان نبدا .. امممممممم .. امممممم
حمد و حصه: يلا
فيّ: اففففففف .. لحظه أفكر ... حرررررررررف الميم
حمد توه بيغني و اتنش حصوص و اتغني
حصه: ما فيش حاقه تقي كده
أهدا حبيب كده
و ارجع زين زمان
* ما حافظتنها .. لوووول*
المهم حصه اتغني و تدلع .. و نحنا كلنا انعرف ليش .. لأنها اتغني اغنية نانسي .. و طبعا عشان حمد .. و كملوا اللعب مره فريق شهد يغني .. و مره فريق حمد .. و الحماس كله ما ياه يزيد و يزيد .. حتى فيّ ارتبشت و قامت اتغني وياهم و اتصفق .. و الحمدالله محد كان حذالهم .. المهم وصل الدووووووور لفريق حمد و حرفهم هو التاء .. يلس حمد يفكر و حصه من الصوب الثاني اتفكر .. و شهد و حور مستانسات أنهن بيفوووزن بس حمد خيب ظنهن و نقز مره وحده وغنى

تدري أني مـوت أحبـــــــــــــــــــــك
و أنه مالي غير حبــــــــــــــــــــــــــك
واللي ينبض في ضلوعـــــــــــــــــــــــي
هذا قلبك ما هو قلبـــــــــــــــــــــــــــي

( حمد كان يأشر ع شهد و يغني و يسويلها حركان بعيووونه و شهد ملامح ويها اختفت من كثر ما كانت محمره .. و حمد و لا عليه امكمل *نب نصدق يته فرص يعبر فيها عن شعوره بطريقه غير مباشره* .. و كمل حمد .. بس وهو متخبل سار صوب شهد و حور .. و حط راسه ع ريل حور .. و يطالع شهد و يغني .. و شهد قافطه مب رايمه ترفع عينها .. )
و حصه عاد كلنا انعرف شعوووووورها .. ما يحتاي اوصفه .. المهم عقب دقايق .. ثقل حمد و حس انه وايد احرج البنت .. و كملوا اللعب .. و حصه نست السالفه و ردت لطبيعتها .. و شهد بدى لونها الطبيعي يرد .. ههه .. المهم خلصوا اللعبه و كانت التنيجه
شهد: نا نا نا نا .. فزنا فزنا
حور: و حليلك حمد .. اونك ماخذ حصوص عشان اتفوزون
حصه: أصلا أنا تعبانه و مب قادره اركز .. الرطوبه مأثره عليه
فيّ: هههه .. الله ع الرقه
حمد: حصوص من يومها رقيقه مب مثل هالدفشااات
شهد: طاع أونه دفشاااااات .. أصلا نحنا مب من هالجيل الدلووع .. نحنا من الجيل المكاافح
فيّ: عطيـــــــه من هالزين
حور: ههههه
حصه: يلا قوموا قوموا
حور: وين
حصه: نتساااااااابق
شهد: وين سارت الرقه
حمد: عقتها في البحر ... هههه
حصه: افااااا .. ما سرع ما انجلبت يا ولد العم
فيّ: هههه .. توج اتعرفين انه بو ويهين
حصه: ما عليه .. بعديها هالمره .. بس قوموا خلونا نلعب .. يلا حمد
حمد: انا ما فيني شده أركض .. بيلس اهني بسولف و يا حبيبتي في|
شهد: اوككي.. يلا عيل حور
حور: انتي شو من البشر
شهد: ليش؟؟
حور: اتعرفين أنه محد يقدر يغلبني ف الركض
حمد: و انا اشهد .. احيد يوم كنا يهال .. ما شاء الله عليج من انقول ثلاثه انتي واصله ما دري كيف
حور: تف تف تف .. قل أعوذ برب الفلق من شر ما خلق .. وي وي .. عين الحسووود فيها دود
حصه: بس خلنا نتسابق .. متحمسه ..أبا أعوض خسارتي
شهد: وايد متفائله
حمد: اوكي سيرن اشوي بعيد عنا .. ما نبى نمزر عيونا بالتراب
حصه: اوكي
و سارن البنات و حددن المكان .. نقطة البدايه و نقطت النهايه .. وكان المكان فاضي ..
حصه: اللي توصل قبل عند الزباله هي الفايزه .. اوكي ؟؟
حور: اوكي
شهد: انا بعد لثلاثه .. و عقب نركض
حور: يلا
حصه: اشوفج وايد متحمسه
حور: لأني واثقه أني بفووووز
حصه: ده بعدك
شهد: يلا .. واحد .. اثنين .. ثلااااااااااااااااااااااااااااااث
و مثلما قال حمد حوووووور سبقتهن .. بس شهد و حصه تعبن و في نفس الوقت اتفاجأن ..

شهد: خيبه وين وصلت
حصه: هيـــــه .. بس و حليلها بتقفط
شهد: ليش؟؟
حصه: ما اتشوفين اثنين واقفين اهناك
شهد: اووووووبس .. وحليلها الحين لو ازقرها ما بتنتبه .. و لا رافع عباتها
حصه: هههه .. شو رايج انرد عنها
شهد: امممممم .. ما ادري ابى استنذل اليوم
حصه: يلا
شهد: ههه يلا ..
و ردن البنات و خلن المسكينه المندمجه حووووور روحها ..

صوب الشباب ..
مايد: بل بلاها هالخبله ليش جي تركض
عبدالله: ههههه .. رياضيه البنت
مايد: لحظه لحظه .. مب جنها أخت حمد
عبدالله من سمع طاري حوووور بدى يتحرقص : هيه .. بسير العوزها
مايد: حرااام عليك ..
عبدالله: شو اسوي نذل .. ما روم اقاوم

و مشى عبدلله عن مايد و اتقرب صوب حور اللي مندمجه في السباق و لا تدري باللي يستوي .. الين ما سمعت

عبدالله: ايوووووووه .. اسرع اسرع ... دووووووووووسي ع الريس ... ههههههه

حور اتيسبت مكانها .. و يوم شافت عبدالله بغت اتموت من القفطه
و كانت ردت فعلها بسيطه و عبيطه .. ع طول صدت صوب شهد و حصه ...
حور: شهوووووده

بس انتبهت أنهن محد .. طنجرت من الخاططططططططر .. من وين بتلقها .. من هالسخيف عبدالله و لا من الخاينات حصه و شهد .. و ردت حور بسرعه صوب شهد و حصه .. و موقعهم .. بس ما كانت تركض عشان ما تبا عبدالله يكنز عليها أكثر و طول الوقت يالس تدعي عليه ..

مايد: شردتها
عبدالله: هي ..بس وين بتسير ..
مايد: ليش شو ناوي اتسوي
عبدالله: ما دري .. بس انا ما ارتاح الين ما اتسبني ..ههه
مايد: أمرك عجيب يا أخ .. بديت أخاف عليك (ويغمز له)
عبدالله: خل عنك هالخرابيط و تمش وراي ..

و مشوا عبدالله و مايد ببطء صوب حور ..

في هاللحظه وصلن شهد و حصه عند فيّ و خبرنها بالسالفه
فيّ: شريرات ليش جي اتسون .. استحملن الي بيكن منها
شهد: الله يستر .. انا ابصراحه ندمانه
حصه: خوووووووافه .. حمدوين ؟؟
فيّ: حمد سار يرمس ف التلفون .. من متى ربيعه يتصلبه و ما يرد عليه حشرنا .. قلتله يرد عليه .. و سار يرد عليه ..
حصه: اها

حور كانت تتحرطم .. بس وقفت يوم شافت غرشتين ماي طايحات ع الأرض .. و ابتسمت بخبث و زادت ابتسامته يوم اتخيت الشيء اللي بتسويه ..

مايد: هاي ليش اتعبي الغراش تراب ..
عبدالله: الله يعلم .. بس هاي البنت مب سهله
مايد: الله لا يستر ..
عبدالله: اسكت اسكت خلنا انشوف أخرتها

عقب ما عبت حور الغراش بالتراب .. مشت صوب البنات و كانن شهد و حصه عاطينها ظهرها .. و هي مشت صوبهن اشوي اشوي .. و يوم وصلت صوبهن صبت التراب ع راس كله وحده فيهن .. و يلست تضحك ع أشكالهن و هن يشاهقن و يزاعجن ...
عبدالله: ههههه .. ما قتلك أنها مب سهله .. شيطووووووونه
مايد ما يرد عليها ..
عبدالله: ابسرعه اتعصب هالبنت .. من أدنات الشيء
و مايد لا حياه لمن تنادي ..
عبدالله حس بمايد .. و قام و دزززززززه
مايد: افف ,, زين ما طيحتني
عبدالله: الحين أنا من متى أرمسك و أنته مسولي أكبر طاف .. و مبقق بعيونك يالس اتشوف حبيبت القلب ..
مايد: انزين انته شو يعورك
عبدالله: ما شيء بس مب جنه هاي حمد اللي يرمس عند السياره ..
مايد: هي
عبدالله: عيل قم انروح فضيحه يشوفنها اهني .. مب حلوه
مايد: بس انا ما شبعت
عبدالله: اذا بنترياك الين ما تشبع .. شكلنا بنموت اهني .. يا بوي انته ما بتشبع مها طووووول حياتك
مايد: قم قم .. خربت عليه الأجواء ..

و ساروا عبدالله و مايد صوب سيارتهم

صوب البنات
حصه: حمد اتأخر وايد
حور: هي والله .. اونه طالع ويانا حدنا وسار يرمس ربيعه
فيّ: انزين شو يسوي اذا ربيعه متصلبه و حاشرنه
شهد: اقووووووول .. انا بقوم ازقره .. بيبه اهني بطريقتي الخاصه
حور: يلا راوينا شطارتج ..
شهد: احم احم ..

و سارت شهد صوب السياره .. و اتيبست يوم سمعت أخر جملتين
حمد: اوكي يا شما .. اوكي حبيتي بتصل عقب .. مع السلامه
أفففف .. و كانت صدمت حمد أكبر يوم صد و شاااااااف شهد متيبسه ف مكانها و الدوموع ف عينها .. شهد يوم صد حمد صوبها .. اطالعته بنظره و صدت عنه عشان ترد صوب البنات

حمد: شهد شهد ...

شهد سوتله طاااااااااف .. و مشت بسرعه صوب البنات عشان ما يرمسها .. لأنه بتصيح إذا رمسها .. في هالموضووووووووع

بسسسسسسسسسسسسسسسسسسسس

خلص الجزززززززززززززء

هالمره ما شي ستوبااااااااااااات ..


امممم .. تراني اتريا ارائكن و بزعل إذا ما شفت ارائكن ...

و بليــــــــــــز لا تقولون البارت قصيرررره ..



و لا تزعل و لا تتعبك شعـــورك
و لا تاخد ع خاطـرك منــــــــــي
أبا اتاســف إليـــن أرضـي غرورك
و أقول إني مقصر غضب عنــــي

و سارت شهد صوب السياره .. و اتيبست يوم سمعت أخر جملتين
حمد: اوكي يا شما .. اوكي حبيتي بتصل عقب .. مع السلامه
أفففف .. و كانت صدمت حمد أكبر يوم صد و شاااااااف شهد متيبسه ف مكانها و الدوموع ف عينها .. شهد يوم صد حمد صوبها .. اطالعته بنظره و صدت عنه عشان ترد صوب البنات

حمد: شهد شهد ...

شهد سوتله طاااااااااف .. و مشت بسرعه صوب البنات عشان ما يرمسها .. لأنه بتصيح إذا رمسها .. في هالموضووووووووع

حمد: اوووووووووووووووف .. شو هالحاله ... هاي بعد ويا ويها .. ما تفهم أني ما ابى ارمسها .. ما عندها كرامه .. و أنا بعد لازم أقول حبيبتي .. بس ما كان جدامي إلا هالحل عشان اتسكر هاي الرزه .. يالله ليش شهد اللي سمعتني .. ليش مب حصه و لا أي وحده ثانيه .. امممممممم .. لازم افهمها الموضووووع و أراضيها كله و لا شهووووووده .. البنات قالولي ترضى بسرعه ..

و عقب التفكير .. رد حمد صوب البنات .. و شاف البنات يسولفن .. و شهد معاهم .. و لا جنها سمعت حمد .. و مول مب مبين عليها الضيق ..

حور: أنته وين ؟؟ .. يوم سألت شهد .. قالتلي أنك مشغول و بتتأخر و مب متفيج لنا ..
حمد: افااااااااااا.. انا مب متفيج .. أصلا هاي أحلى طلعه في حياتي .. * و عيونها ع شهد .. اللي مطنشه نظراته .. و تلعب بموبايلها *
حمد في خاطره: يالله كيف مطنشتني .. بس ما عليه .. انا وراج و الزمن طويـــــــل ..
فيّ: شهد .. *التفت شهد صوبها* .. تبين اتشوهين سمعت أخوي ها .. اتغارين منه
حمد: لا ما جذبت .. و لا تحاول اتشوه سمعتي .. أصلا أنا ما اتفيج إلا لشهوووووووده ..
شهد ما طالعته و لا عطته ويه .. ف هالحظه رن مويابلها .. قامت شهد عشان اترد عليه و مشت عنهم و خلت حمد مقهور و متحسر.. * الله يعينك يا حمـــــــــد* .. و عقب دقيقتين ردت شهد .. و حمد ما خازت عينه عنها من قامت .. و هو يطالعها .. و هو انقهر من حركتها .. انه اطنشها و اتقوم من غير ما اترد عليه و لا اتشوفه .. و فوق ها كله ما رمست جدامهم * ما تنلام*

حور: ها شهوده منو متصل ؟؟؟ لا يكون حبيب القلب *و تغمز لها*
حمد بغى ينفجر من سمع حبيب القلب .. و أذنه بدات ادخن ..
حمد بعصبيه: و منو هو حبيب القلب ؟؟
فيّ حست بتوتر الجو: هههه .. محد .. بس هاي حور اتحب تتمصخر
حمد هدى لثواني .. بس حصه نطت و قالت
حصه: وين تتمصخر .. ؟؟ سيف ولد خالي ميت عليها .. و كل ما اينا دق سوالف ويا شهوووده ما جنه كلنا يالسين .. و من غير الاتصالات كل ما يباه شيء اتصلبها .. و غير الهدايا اللي يطرسلها ف كل المناسبات .. ما يصدق شيء مناسبه و إلا طرش بوكس هدايا
طبعا تتخيلن كيف استوى شكل حمد .. هو سمع حبيب القلب دخن عقب ها كله شو؟؟ .. * نتصل بالمطافي أحسن *
شهد سكتت و ما قالت شيء .. ع عكس طبيعتها .. دوم تتضارب ويا حصوص يووم اتقول جيه و انه سيف يحبها .. هي تعتبره مثل أخوها .. حتى سيف يحبها كأخت و لا أكثر .. بس هالمره سكتت عشان تقهر حمد .. اللي يطالعه بعيونها المتروسه شرار .. و شهد اتشوفه بنظرات تحدي و مستانسه انها بتحرق قلبه مثل ما حرق قلبها .. و حور و فيّ مستغربان من شهد اللي أبد ما عصبت
حمد: لا و الله ..
حصه: هي والله
حمد: صدق شهد
شهد ما ردت عليه لسبب واحد .. تقهره أزيد ..
فيّ حست بتكهرب الجو ,,
فيّ: حشى .. جلبتوا الموضوع .. ما قلتي شهد منو متصل
شهد: هاي أمايه
حور: شو تبا
شهد بعد تفكير: تبانا انرد البيت .. قوم خالي هناك .. *و ابتسمت بخجل مصطنع عشان تقره بعض الناس*
وحصه ما قصرت ساعدت أختها: و أكيد سيف طالبنج ..
ابتسمت شهد بخجل و نزلت راسها و ردت رفعته و شافت حمد .. مفووووووووول .. لو بيده بيقوم و بيزغدها .. طبعا كلنا انعرف انه ها الخجل تمثيل في تمثيل
شهد تبى تقهره أكثر: حمد .. ممكن انرد البيت * والله أنه مب ناقص*
عاد شهد من قالت هالجمله و هو ما يشوف من القهر .. يا سلام .. طول الوقت امطنشتني .. و يوم قررت ترمس .. اتقولي ممكن انرد البيت .. معلووووم تبى ترد عند حبيب القلب .. اوووووووف .. يخسي إلا هو ,, انا حبيب قلبج و عمرج و حياتج يا شهدوووه تسمعين ،، ما بردج يعني ما بردج أوكـــــــــــــي .. كيفـــــــــي ..
حور: أكيد بيوصلج .. هذي أوامر من السلطات العليا ...ههههه
حمد في خاطره.. واي .. ما قدر .. وايد يضحك .. ويا ويهج ... خربتي مودي يوم طريت ها السيفوووووووووووه ... لا و الأخت اتعرف السالفه من زمان .. بس ما تخبر .. لاوم ربيعتها الروح بالروح وين اتخبر عليها .. احس اني بمووووووت من القهر * بسم الله عليك *
حمد بعصبيه واضحه: يلا .. ما باليد حيله ..
في خاطره.. والله بتشوفين .. بذلج ذل قبل ما اوصلج .. *بعد غلطان و يتحلف*
شهد في خاطرها مستانسه .. تستاهل ويا ويهك .. ذوووق .. ذوق اللي ذوقتني إيه *يم يم طعمه حلووو*
المهم عقب القهر .. ركبوا شلتنا السياره ... في السياره
حمد: اقووووول شهد اسمحيلي بصب بترول
شهد فهمت حركته : اوووووهو .. جي بنتأخر
حمد في خاطره و هو المطلووووب
حمد يطالعها من المنظره و يبتسم بخبث: شو اسوي .. السياره مول ما فيها بترول .. بتوقف علينا *يا عيني ع الجذب*
حصه: إظاهر وايد متولهه علي سيف ..
شهد: هههههه
حمد اهني من القهر يبى يجلب السياره على راس هالحصوص *بيبرد فوادكن إذا سوها*
حور: تعال تعال مب جنك قبل نما نمر ع قوم شهوده صبيت بترول
اتوهق حمد .. اووف منج .. مب ذاكره عليج .. اسكتي اسكتي .. انا اليوم ف خاطري أذبحج ..
حمد يسوي عمره مستغرب: هي والله .. ما دري شو ياها السياره .. باجر بوديها التجيك ..
المهم سارالأخ و سوى اللي ف راسه .. و اتوهق ازيد يوم يا بيصب البترول .. الحين بنفضح .. و شهد مستانسه و اخيرا بينكشف هالجذاااااااااااااااب
نزل حمد الدريشه و تم طبيعي .. و قال للريال صب فوووووول .. و الريال سمع الكلام
حمد صد صوب البنات : انا بنزل اخذلي بارد .. حد يبى
البنات: لا ..
نزل حمد و سار خذله بارد بسرعه .. و ع حظه شاف الريال .. راد صوب سيارته المخلصه من زمان
حمد متفجج: ها كم
الريااااااال مصدووم و مبوز: 4 درهم
حمد: هههههه ... يود

ركب حمد السياره ..
حور: دفعت
حمد: هي .. و يشوف شهد و يغمز لها
شهد انقهرت من الخاطر .. اوووف .. ليش ما انكشف .. بعد ما يستحي ع ويهه .. عقب اللي سواه يغمز لي .. انننننننف
شهد: بكم ظهر ؟؟
فيّ: و أنتي ليش تبين اتعرفين ؟؟
شهد: لا بس ابى اتثقف .. يمكن ارتفع سعر البترووول
حمد: ههههههههه .. طلع بأربعين .. و يرد يضحك بصوت عالي يوم يتذكر السعر ..
حور: باااااااااااااااااااااااال .. و حليلك أخوي .. يعني دافع جريب الميه اليوم ع البترول
فيّ: هي والله .. ودها باجر.. ما فينا تعلن أفلاسك ..
حمد:هههههه
حصه: حمد ليش ساير صوب بيتكم ؟؟
شهد بطلت عيونها و شافت حمد ..
حمد ميود ضحكته: ها .. بوصل حورو فيّ قبل و عقب بوصلكن .. لأني بسير ميلس ربيعي .. حذال بيتكم
حصه: اها ..
شهد بصوت واطي: الجذب يمشي في عروقك
حمد حس انها تتحرطم: شو قلتي
شهد: ما شي .. سلامتك ..



يتبع
تك تك
وصل حمد خواته .. و طول الدرب حمد يحاول يكون طبيعي بس من داخل يحترق .. و يرمس ويا حصه .. و شهد ساكته و مب امعبرتنه .. وصلوا عيالنا بيت البنات .. و دخل حمد سيارته الكراج و خاطره يشوف ها السيف
حصه: اوه ما شوف سيارت سيف
شهد: اوهوووووو .. حرام أكيد سواااااف * و ترفع حسها* مل من دوني و طلع ...
حمد من سمع سواااااااااااف بغى يموووووت من الغصه .. لا بعد ادلعه .. قولي الحمدالله انه روح .. و لا جان ذبحته و قطعته ستين قطعه و عقب ما اشبع بوديه عند صدام يتصرف وياه
حصه: أكيد .. شكرا حمد ع الطلعه الحلوه .. باي ..
حمد: افاا .. لا شكر ع واجب .. أي وقت ف خاطرج ف طلعه حلوه خبريني ..
حصه ما صدقت: اوكـــــــي .. مع السلامه
حمد: هههه .. مع السلامه
نزلت حصه و شهد عقبها
حمد: عافنا الله .. ما توقعتج زطيه يا شهوووووده
شهد مقهووووووره و ما تستحمل أي كلمه منه: أولا أنا مب زطيه
حمد: لا و الله .. حتى شكرا ما قلتيلي ..
شهد: مب انته قلت لا شكر ع واجب
حمد و اشوي لا يصفعها: و ثانيا
شهد: اسمي شهد مب شهوووده
حمد: و الله .. اسمحيلي .. ما بعيدها مره ثانيه حبيبتي * يرقق صوته عند هالكلمه و يغمز لها و يبتسم *
طرااااااااااااااااااااااااااااااااخ
سكرت شهد الباب بالقووووووو و دخلت البيت بسرعه قبل ما ترتكب جريمه و تنعدم .. و هي اتعرف انه هالحركه بتقهره .. يموت ع سيارته
حمد: يا السخيفه .. محد بيكسر سيارتي غيرج .. و اتذكر شكلها و نقع من الضحك ... ههههههههههها

شهد في حجرتها ميت من القهر ..ليش حمد يقولها حبيبتي .. كيف يقارنها ويا هالشمووووووه .. يعني كل من هب و دب يزقره حبيبتي .. اووووف .. يقولها هي قبل و عقب يقولي .. * لا تزعلين المره اليايه بخليه يقولج أنتي قبل* .. و الله قاهرني .. ما توقعته جي .. اتحسبته .. ما كملت .. و مره و حده تضحك بصوت عاليه تذكرت شكله يوم ترمس عن سيف .. وحليله .. كيف انقهر من سيف .. هههه .. لو يدري أنه مثل الأخوان .. لا و لو يدري أنح أمي ما طلبت منا انرد و انه سيف محد و ما يانا شو بيسوي .. خله يستاهل .. زين اني حرقت دمه مثل ما حرق دمي .. أاااااااه يا القهر .. انا يقولي حبيبتي .. يعني مستواي من مستوى هالسخيفه .. ع الأقل يغير .. يقول عيوني .. مب حبيبتي * شو رايج يقولج يا عمري .. مب أحسن.. لول*
عقب يومين
بيت بو شهد

حمد كان في الصاله .. اونه ياي يسلم ع عمه .. و بالفعل سلم ع عمه .. بس عمه اعتذر وراه شغل .. و حمد استانس .. انه عمه بيطلع و بيخلاله الجو .. يوم طلع العم .. نزلت حصه و هي متكشخه .. لأنها عرفت انه حمد موجود ..
حمد: الله الله ع حصوص .. شو هالكشخه ..
حصه اتفججت و استحت
حصه: احم احم ,, انا دومي كشخه ..
حمد: هههه .. صدقتي .. طالعه علي
حصه: الحين انته شو دخلك ف الموضوع
حمد: افااااااا .. اشوف اتعاديتي من أختج الوغده ..
حصه: ههه .. بخبرها ..
حمد: ما يحتاي اتخبرينها .. انا روحي بقولها .. *هي هي .. صدقناك .. ياي اتراضيها .. بتقولها وغده*
حصه: عيل بتقوم الحرب العالميه الثالثه ..
حمد: ههههه .. بس من الحين أقولج انا اللي بفوز
حصه: ما في شك .. لأني بشجعك ..
حمد: ما شاء الله بنت عمي طالعه ع أخوج .. خقاقه
حصه: أدري
حمد: و تدرين أنج زطيه
حصه: أنا؟؟؟!!!!
حمد: عفانا الله من يـــــت .. داقه سوالف .. ما سألتيني ولد عمي شو تبى تشرب .. حتى ماي ما يبتيلي ..
حصه: ههههه .. أوه نسيت .. سوري .. الحين بسير ايبليك شيء تشربه ..
حمد: شو ؟؟
حصه: شيء تحبه
حمد: شووووووو؟؟؟
حصه: هوت جوكلت ؟؟
حمد: الله .. شهد مسوتنه ؟؟
حصه: لاااااااا .. أنا
حمد: ويه .. ريحتيني .. بسرعه سويه ..
حصه: اوكي .. انت تامر يا ابن عمي
حمد: تسلمين
و توها يايه بتطلع ..
حمد: اقوووووول حصوص ..
حصه: خير
حمد: ازقري الوغده أختج .. ما ابى ايلس بروحي.. بمل .. و بعد ابى اطفر حد .. هههه
حصه: ههه .. إن شاء الله
ابتسمت له و ابتسم لها حمد .. و مثل ما انعرف ما صدقت البنت تخبلت ..
سارت حصه و قالت لأختها انه حمد تحت و يبى يطفرها .. و لازم تنزل لأنه محد تحت و عيب اتخليه بروحه .. شهد بعدها زعلانه عليه و ماتبى تنزل .. و هي تتجنب من يومين اتسير بيت عمها عشان ما اتشوفه .. بس هو مصر .. بدلت ثيابها و لبست عباتها و شيلتها .. و شلت شنطتها و نزلت .. اول ما شافها حمد و قف *جيه ف المدرسه* و يلس يشوفها و يراقبها .. و شهد حاسه بنظراته بس مب امعبرتنه .. شوت عمرها تعدل عباتها ..
حمد حب يلفت انتباها: هلا و الله .. ابح .. اوووبس .. بشهد
شهد انقهرت منه .. كان متعمد يسوي هالحركه .. اونه كان بيغلط و بيقول حبيبتي *الله يهديك يا حمد .. ما تعرف أنه الكلمه اتزيد الطين بله .. كم مره قلتلك قول عمري .. هههه*
شهد من غير نفس: أهلين .. شحالك
حمد: بلاج جيه .. ترمسين من غير نفس ..
شهد و بنفس النبره: انا ما فيني شيء ...
حمد: شهد
رفعت شهد عينها
حمد: أنتي زعلانه
شهد: زعلانه .. ليش أنت مسوي شي غلط
حمد وبدى يعصب اشوي ما يحب الاستهبال: شهد أنتي تعرفين انا ارمس عن شو
شهد: المفروض أزعل؟؟ .. ليش انا منو عشان أزعل .. و اعتقد انك حر و انا مالي حق ادخل ف خصوصياتك
حمد: شهد .. أنتي اتعرفين مكانتج عندي .. و أنج لج الحق ..
بس ما كمل كلامه لأنه حصه دخلت الصاله
حصه: هاك يا ابن عمي .. إن شاء الله يعيبك ..
حمد: أكيد بيعيبني دامج أنتي مسوتنه و نظراته كلها صوب شهد يبى يكمل كلامه و يحل هالموضوع بس مب قادر بوجود شهد
شهد: اوكي حمد .. اسمحلي أنا بطلع الحين
حمد: وين تبين
شهد: بسير بيت خالي .. بسلم عليهم .. اتولهت وايد وايد عليهم .. ما لحقت عليهم أخر مررررره
حمد بقهر: و انا؟؟
شهد: بلاك ؟؟
حمد: منو بيلس عندي ؟؟
شهد: افاااااا .. حصه موجوده ..
حمد: لا خلاص بروح .. إظاهر ثقلت عليكن
حصه: افاااااا حمد .. لا تقول جي .. و الله انه نستانس بشوفتك ..
حمد: شهد يلا بوصلج
شهد: ليش اتوصلني .. عندي سياره ...
حمد: اتحسبت بعدها سيارتج في الجيكن ..
شهد: لا يابوها ..
حمد: اوكي مع السلامه ..
حصه و شهد: مع السلامه ...
و طلع حمد و هو حاط ف خاطره و مقهههههههههههههور .. اونه متوله عليه .. و انا اللي ما شفتها من يومين ما قالتلي متوله عليك .. انزين مب لازم .. ع الأقل اتجاملني و تيلس وياي .. اوووووووف ... بذبحها ..
و عقبه طلعت شهد.. بس ما سارت بيت خالها .. لأنها هي ما اتصلتبهم و لا خبرتهم و لا شيات .. هي جي قالت لحمد من قهرها .. أوووووووف .. و الله ملل .. الحين باخذ كمن شي من الجمعيه و عقب و ين اسير .. ما قدر اسير بيت عمي .. أخاف اشوف حمد .. و انكشف .. و حصوص اتذاكر ف البيت .. بصيـــــــــــــح .. و هاي الحور ما اتقول بعمر ع بنت عمي .. و حليلها .. بعد انا حركات اتصلتبي و قالتلي .. تعالي .. بس انا السخيفه اتعلثت عشان ما اشوف مسود الويه .. و في الأخير .. يشرفني الأخ ف بيتنا .. و الله قهر ...

عقب يومين
بيت بو حمد

فيّ يالسه ف حجرتها و اتفكر .. و مره وحده شنّ مايد هجوم ع تفكيرها ..
يالله ..من وين طلع هذا بعد .. يا ربي قمت افكر فيه وايد ف الفتره أخيــــــره .. ليش؟؟ .. خلاص الريال خطب .. و جريب بيملج .. و أكيــــد يحب خطيبته .. و حتى لو ما كان يحبها.. بس أكيـــد بدى يتقبلها الحين .. بس مب بيدي .. ما دري كيف افكر فيه .. دومي افكر في شيء بس عقب يتحول تفكيري لمايد من غير ما حس .. اذكر مواقفنا .. و أحس أنه يكن لي مشاعر خاصه .. امممم.. يمكن إعجاب .. أي إعجااااااب . أكيد شفقه .. *وين مايد عنج .. خله يسمعج* .. هي و الله .. يعني شو بيكون شعوووور واحد تجاه وحده عميا غير الشفقه .. و ايد قاصه ع عمري *افااااا يا فيونه .. لا تضعفين .. و ين الثقه* .. أااااااه .. ما قول غير "و عسى أن تكرهوا شيئا و هو خير لكم" .. و بينما في| يالسه اتفكر .. تفج حوووووووووووووور باب الحجره بالقوووووو و تصااااارخ
حور: اااااااااااااااااااااااه .. الحقيني .. الحقيني .. و لا برووووح فيها ..
فيّ و هي ميت من الزياغ: شو بلاج .. شو مستووووي
حور: أحس بنتف شعر راسي من الملل
فيّ و بقهر: احلفي أنتي بس ..
حور: ليش احلف.. حد قالج اني جذابه
فيّ: حشى .. أصلا ما حد يتجرأ جي يقول عنج بس انا سمعت قوم ابويه يقولون شي بس ما بقولوووج
حور: شووووووووووو
فيّ: ما بقوووووول
حور: عرفت ما يحتاي اتقوليلي .. أكيد حد خطبني .. من الحين اقولكم انا ما بعرس الين ما خلص الدراسه
فيّ: هههه .. وايد مصدقه عمرج.. الي يسمعج يقول الخطاطيب طابووور .. يتريونج .. مكسرين البيت ..
حور: و اللي يسمع انا بموووت إذا ما عرست .. انزين خبريني شو سمعتي ..
فيّ بجديه: سمعت امايه و ابويه .. يقولووووون انه وايد يحاتونج .. و يفكرون يعرضونج ع دكتور في مستشفى الأمل ..
حور بقهر: احلفي
فيّ: ليش .. حد قالج أني جذابه ..
حور شلت المخده و فرتها ع ويه فيّ
فيّ: أااااااااي .. و الله أنج مينونه .. انا اليوم بأيد امي و ابوي في موضوعج ...ههههه
حور: وايد يضحك .. و حليلي .. و الله ثم الله أنج ما تستاهلين .. اوني يايه اعزمج ع باسكن روبنز
فيّ: و اااااااي .. و انا اللي قلت يايه تعزمني ع مينا السلام ..
حور: بل بل مينا السلاااااااام مره وحده .. اشوي اشوي علينا .. انا بعدني ما اشتغل .. إن شاء الله يوم بشتغل بعزمج ...
فيّ: فديتج والله
حور: لا تستانسين وايد.. بعزمج ع فرايدز .. شليز ,, قصر الهند .. آشا ..
فيّ بحزن: و مينا السلاااااام
حور: أفاااا و لا تزعلين .. يوم بيبيض الديج إن شاء بعزمج ..
فيّ: مالت عليج ..
حور: انزين يلا قومي .. بنسير ..
فيّ: انا ما ابى .. احس لوزي داقات علي ..
حور: انزيــــــن .. ما باتين وياي ..
فيّ:ليش قالولج مرافق ...
حور: حرااااام عليج .. ما عندي حد يرافقني
فيّ: و شهد وينها .. ما شفت رقعت ويها .. مب بيس رقعت و يها .. طيفها بعد كما شفته من عقب أخر طلعه ..
حور: هاي خبله .. ما دري شو فيها .. كل ما قلت شي.. اونه مشغوله .. و لا عندي بروجكت .. و ما دري شو .. و اتقولي أنتي تعالي ..
فيّ: غريـــــــبه .. ما حيها شهوده جيه .. لا يكون زعلتيها ..
حور: انا .. حشى .. و حليلي .. أنا أليفه ..
فيّ: اوه اوه زين اتعرفين انج حيوانه ..
حور: اقوووووول
فيّ: ما بجلب ويهي ..
حور:ههههه .. كيف عرفتي ..
فيّ: خبز يديه و حيات عنيه ..
حور: اوكي انا بجلب ويهي .. مع السلامه ..
فيّ: مع السلامه .. ما وصيج سوقي عدل .. و عن الخبال
حور: إن شاء الله عمووووه

و طلعت حور .. و سارت باسكن روبنز اللي في بن سوقات ..
توها حور بتطلب إلا و يرن موبايلها و ردت عليه

حور: الوووووووو
شهد: الوووو فضائيه مصريه .. ممكن أشارك ..
حور: ايوه حبيبتي ..
شهد: هههههه ..
حور: ههه .. و الله ما دانيهم اللي يتصلون و يقولون ممكن أشارك .. شو هالاستهبال .. يعني ليش متصلين ..
شهد: أنتي شو يعورج .. بيزاتهم زايده ,,
حور: ويـــــه .. لو انا جان رمست ع طووول من غير ما اخذ نفس و اسكر .. ما فيني ع الخساير
شهد:اوب اوب .. شو ها .. و انا اوني سمعت انج سايره باسكن روبنز قلت بخليها تيبلي شي .. اظاهر حتى كب خالي من باسكن ما بحصل ..
حور: قولي والله .. لو ادري مما رديت عليج ...
شهد: عافانا الله يا الزطيه
حور: يلا قولي شو تبين بسرعه .. باسكن الحين فاضي .. قبل ما حد ايي .. ارمسي .. بسرعه بسرعه قبل ما اغير رايي.. اااااااف .. زين جيه حد ياه ..
شهد: احسن .. عشان اتقوليلي شو الأنواع اللي شي ..
حور: اللي يسمعج ايقول مب حافظه باسكن ..
شهد: انزين شو اسوي محتااااره
حور كانت مشغوله ما انتبهت لريال .. بس و هي اتقول لشهد الأنواع تمشي .. اتحس كل دقيقه الريال يتقرب ..و هي تبتعد .. و الريال يقترب .. فقررت حور تيلس ع أخر طاوله تتريا الريال يخلص بدال ما يتلصق كل دقيقه فيها .. و يلست حور اترمس شهد المحتاره لمدة دقيقتين .. و يوم سكرت زقرها الريال اللي يشتغل .. و قلمت بتطلب .. لمحت انه الريال اللي قبلها ما طلع و يرمس ف الموبايل .. و شكله ما طلب .. قالت معليه انا أصلا يايه قبل .. و يلست حور تتطلب و اندمجت .. *لازم الهنود سنه الين ما يفهمون و البنات ما يقصرن يتشرطن من الخاطر* .. و المهم خلصت . وو قفت عند الكشير تدفع .. و حست انه الريال واقف حذالها .. بس حور ما تجرأت اتصد .. و دفعت ابسرعه .. و طلعت .. و طلع وراها الريااااااال .. و حور اتقول ف خاطرها * الله يغربله .. اووف .. وين يبى .. اشوفني مب عاطتنه ويه .. و الله أنه متفيج .. يعني شو اتوقع من واحد سخيــــــف* ... و صلت حور سيارتها و يوم فتحت الباب رفعت راسه .. و شافت عبدالله واقف جدام السياره و يبتسملها ويرفع و ينول حواجبه ... حور اهني مات من القهر .. ما داني شي اسمه عبدالله .. من اتشوفه تنقهر .. الله يعلم ليـــــش .. ركبت بسرعه سيارتها .. و رقعت بالبااااااااب .. عبدالله يموت و يتفجج و يستانس يوم اشوفها مقهوره ..

عبدالله يصارخ عشان تسمعه حور: ههههه .. حشى ..اشوي اشوي .. الباب ماله ذنب .. بعدين وين الأنوثه ..
حور ف السياره: يعل فجك الكسر .. قووووووول أميـــــــــــــــن .. اووووووووف .. انا شو سويت ف حياتي عشان ابتلي بواحد سخيـــــف .. يضحك ع أي شيء ..

طبعا عبدالله ما يسمع حور شو اتقول بس يشوفها تتحرطم .. و يتخيل شو اتقووول .. و يضحك .. و الله أنه شكلج عجيب و انتي تتحرطمين ... ههههه

طنشته حور عقب ما حست انه اعصابها بدت تفور .. و طلعت من البارك .. و شافته يركب سيارته بسرعه و يمشي وراها ..
حور: إظاااااااهر .. اليوم ما بيعدي ع خيــــــــر
و عبدالله في سيارته مستانس و يلاحقها من مكاااان الين مكاااان ...
عبدالله: وين بتروحين عني يا أم لسانين ..

حور بدت تتوتر .. لأنه اول مره حد يلاحقها ..
حور: و الله يقهر .. حد يلاحق بنات ف عز الظهر.. عفانا الله .. الحمد الله و الشكر .. اووووف وترني .. مب عارفه اسوق .. الحين شو اسوي ... *البنات مب ناقصين توتر و هن يسوقن*

دخلت حور فريج قالت يمكن افتك منه بس بعده وراها .. و ف هاللحظه حست انها مب قادر اتسوق من كثر ما ترتقل .. و من كثر ما هي زايغه و متوتر دخلت بيت ناس و وقفت سيارتها .. و المفاجأه الكبرى انه شافت سيارة عبدالله تدخل وراها ..

حور: طاااااع و يا هالويه .. الحين براويه

نزلت من السياره و شافت عبدالله كاتمه ضحكته

حور: هي أنته .. ما تستحي تدخل بيوت الناس من غير استئذان .. يالله اطلع اطلع .. لا و الله ازقرلك أخوي
عبدالله يشوفها و هو مصدوم و مره وحده ينقع من الضحك
عبدالله: ههههههههههه
حور: اقول اخوي عن الخبال .. هذا مب مستشقى الأمل ..
عبدالله: أدري .. حيا الله من يانا .. زارتنا البركه .. اقربي اقربي
حور: الحمدالله و الشكر .. اخوي انته ما تفهم و الله بزقرلك أخوي
عبدالله بمكر: هي ازقريه عشان اسلم عليه
حور اتوهقت و ما عرفت اترد: لا والله .. حد قالك أ،ي اشتغل عندك
عبدالله: خلاص انا بدخل
حور: حووه .. وين تبى ..
عبدالله ما عبرها و مشى صوب الباب .. و حور تتطالعه باستغراب .. و ف خاطرها *طاااااع الجريء .. خل يدخل .. أحسن .. إن شاء الله يتهزأ و ينضرب .. ههههه*
صد عبدالله و شاف حور تبتسم ..
عبدالله: ليش تبتسمين
حور:ها .. ما شيء ليش رديت .. ادخل ادخل
عبدالله: و الله راد اقووووووووولج .. انا بسير ارقد في حجرتي .. و مب امحرك السيااااااره الين ما قوم .. و انتي انحبسي اهني
حور باستغراب: هاااااااه .. شووووو .. حجرتك
عبدالله: هيه .. هاي اللي فوووق * و يأشر ع دريشه*
حور: احلف
عبدالله: جيه قالولج أنا أنتي .. و بعدين ما تستحين تدخلين بيوت الناس من غير استئذان ..
حور ويها غادي قوطي طماطه: انزين حرك سيارتك .. ابى اطلع
عبدالله: عقابا لج .. مب امحركنها ..
حور عصبت و فتحت باب سيارتها: و الله مستغني عنها خلها اموقفه .. اتعرف نحنا البنات كيف خطيرات ف السوووواقه .. و سكرت باب سيارته .. و عبدالله يشوفها باستغراب .. و في نفس الوقت يشوفها ابتحدي ... و حور من القهر و الفشيله قامت ما تستوعب شو اتسوي .. و انقهرت من نظرات عبدالله .. شغلت سيارتها .. و ردت ريوس ... اهني عبدالله مات من الزياغ ع سيارته .. جان يضرب سيارتها و يصارخ
عبدالله: حوه حوه.. وين تبين .. و سار حرك سيارتها ..
حور: ههههه .. و حليلها يخاف ع سيارتها .. بس صدق انه غبي .. يعني معقوله بدعم سيارتي المفضله .. مينننوووووووووون
و طلعت عقبه حووووور .. دقلها عبدالله هرن .. بس حور طنشت.. و شخطتها .. و شردت *ما اعتقد بتحدر هالفريج مره ثانيه..هههه*
عبدالله: بل هاي و هي داخلها بيتنا جيه اتقولي.. لو داخل بيتهم شو بتسوي .. اعتقد بدوسني بسيارتها ..
دخل عبدالله بيتهم و شاف أخته تترياه .. و تسأله عن الأيس كريم .. و هو ميت من الضحك .. و عقب رد طلع عشان يشتري لأخته الأيس كريم ..

اليوم اللي عقبه
بيت بو حمد

حور و فيّ يالسات برع ف الحوي ع الدري ..عقب ما سلمن ع ربيعت أمهم .. كان الجو اشوي حلوووووو .. حور وفيّ مطقمات .. لابسين نفس الجلبيات بس لونهن غير .. و نفس الشيل بس طبعا اللون غير... *يبالهن صوووووووره*

فيّ: وينها شهد من زمااااان ما شفناها
حور: و الله ما دري شو ياينها .. ما تبى اتي بيتنا
فيّ: امممم.. اكيد حمد امسوي شيء فيها
حور: صح لسانج
فيّ: ههههه .. يوم بيرد بحقق وياه
حور: هي .. أنتي يقولج انا ما يقولي غير اجلبي ويهج
فيّ: قل أعوذ برب الفلق ... قولي ما شاء الله .. ويه ويه عين الحسووود فيها دوووووود
حور: ويه ويه شوي شوي ع قلبج
فيّ: ههههه
حور: اقوووووول انا بسير ايبلي كيك .. تبين
فيّ: أكيــــد ,, السالفه فيها كيك ما قول لا
حور: ادري ادري
فيّ: انزين يلا فارجي
حور: بتشوفين .. و الله بتشوفين
فيّ: مااااامي .. أخاااف
حور معصبه: اوكـــــــــــــــــــي
و سارت حور صوب المطبخ عقب دقيقتين .. سمعت فيّ صوت سياره ... و صوت باب .. و عقب خطووووووات .. و يوم وصل الشخص صوبها شمت ريحت العطر
فيّ: هااااااا حمد و صلت .. زين .. ايلس حذال بتخبرك عن سالفه * و تسحب يده و تيلسه حذالها بس هو قام ع طول* .. بلاك .. اووف .. انزين اعترف انته شو سيوت في شهد ..
حمد ما يد عليها
فيّ: اقول الأخ حمد انته ناس لسانك ف السياره و لا شووووه .. اتكلم
مايد: احم احم..
فيّ: عيش و لحم
مايد ميود ضحكته: السلاااااام عليكم
فيّ: وديه .. بلاه صوتك متغير ..




ت ك ت ك

و سارت حور صوب المطبخ عقب دقيقتين .. سمعت فيّ صوت سياره ... و صوت باب .. و عقب خطووووووات .. و يوم وصل الشخص صوبها شمت ريحت العطر
فيّ: هااااااا حمد و صلت .. زين .. ايلس حذال بتخبرك عن سالفه * و تسحب يده و تيلسه حذالها بس هو قام ع طول* .. بلاك .. اووف .. انزين اعترف انته شو سيوت في شهد ..
حمد ما يد عليها
فيّ: اقول الأخ حمد انته ناس لسانك ف السياره و لا شووووه .. اتكلم
مايد: احم احم..
فيّ: عيش و لحم
مايد ميود ضحكته: السلاااااام عليكم
فيّ: وديه .. بلاه صوتك متغير ..

مايد: هههههه ..
فيّ: ليش تضحك .. لا يكون نكت و انا مادري .. و لا تضحك ع سواد ويهك
مايد: بل بل .. اشوي اشوي .. خذي نفس .. ويهج أصفر
فيّ: حمد حبيبي .. حد قالك أنك سخيـــــف
مايد من قالت حبيبي اتخبل .. هو اليوم اولردي متخبل ..
مايد: و الله ما دري إذا حد قاله و لا لا .. بس أنا دوم يمدحوني .. يقولولي دمي خفيــــــف و طيب و حليووووووووو .. و ع فكره من طيبتي أفكر أغير اسمي من مايد الين حمد .. شو رايج
فيّ ماتت يوم سمعت مايد,, يالله ليش دومي يستوي فيني جيه .. و لا و دوم وياه .. شو هالحاله .. مداح نفسه يباله رفسه
فيّ و ملامح ويهها ما تبين من كثر ما هي محمره: اسمحلي مايد .. اتحسبتك حمد أخوي ,,
مايد: مسمووووحه .. انا ياي أخذ أمايه .. عفنت عندكم ..
فيّ: و حليلها .. لا عفنت و لا شيات .. اصلا نستانس يوم انشوفها ... تباني أزقرها
مايد: ما عليج أماره
فيّ: إن شاء الله
توهها بتسير تزقر أم مايد..
مايد: فيّ فيّ
فيّ: نعم
مايد: ما قلتيلي رايج
فيّ باستغراب: في اشوه ؟
مايد: أغير اسمي ..
فيّ في خاطره .. وااااااي سخيف .. الحين زاقرني عشان هالشي .. يطنز .. قهــــــــــــــر
فيّ : إذا مب عايبينك .. غير
مايد: و الله أنا حيران أنتي شو رايج
فيّ اوهو شكلي ما بفتك .. اتوهقت .. الله يهديج يا حور وينج .. و ف هاللحظه كانت حور واقفه ورى مايد و سمعته يوم يستهبل .. بلاه الأخ فيوزاته ضاربه .. و طاع فيّ كيف محمره الله يعلم من القهر و لا من المستحى.. أوف لازم أنقذ أختي .. طلع الأخ مثل ربيعه ما يستحي و مينوووووووووووون .. بس أنا موجووووده .. بأدبهم
حور: السلام عليكم
مايد: و عليكم السلاااام
فيّ ف خاطرها : ياااااااااااااي .. الحمدالله رديتي
حور: ها مايد جنه مب عايبنك اسمك .. تبى اتغيره
مايد أحمر و اتوهق و ضحك بتوتر: هههههه
حور اتقلد ضحكته:هههههه
فيّ: أنا بسير أزقر خااااااالوه
و سارت عنهم فيّ.. صدت حور صوب مايد
حور: مايد لا اتغير اسمك في اتحبك اسم مايد وايـــــــــــد *و ابتسمتله بخبث* .. يلا مع السلامه
مايد: مع السلامه و قال ف خاطره فكه منج يا أم لسانين ..

في الصاله

دخلت فيّ و خبرت أم مايد انه ولدها يترياها برع .. و عقبها بثانيتين دخلت حور ..
أم مايد اتسلم ع أم حمد : حبيبتي لازم أشوفج .. لازم تحضرين ..
أم حمد: إن شاء الله
أم مايد و عيونها ع فيّ: و لازم فيّ و حور يحضرن الملجه .. ترى مايد مثل أخوهن ..
فيّ انصدمت و حست بنغزه ف قلبها .. هي كانت متوقعه هالشيء ف أي لحظه .. بس توهم يوم كانوا برع .. نست هالشيء .. و أول مره اتحس انها كلمته عادي و بحريه .. آآآآآآآآآه .. كيف انسى هالشيء .. كيف عشت هالحلم ..
أم حمد: أكيـــــــــــــــــــد .. تراج أتقولين أنه مثل ولدي .. و انا بكون أ,ل الموجودين حتى قبلج ..
حور: متى الملجه إن شاء الله؟
أم مايد: عقب أسبوعين إن شاء الله
حور: ع خير إن شاء الله
أم مايد: ها فيّ حبيبتي بتحضرين ..
فيّ انصدمت من السؤال .. انا احضر .. كيف .. صح إني ما اشوف بس أحس .. و أسمع .. بسمع البنات يقولون .. دخل المعرس .. يااااااي و باسها ع راسها .. و و .. آآآآآآآآه ... ليش مكتوب لي أحب واحد مالي أمل وياه .. ليش حبي من طرف واحد ..
فيّ و اتحاول تصطنع ابتسامه: أكيــــد خالوه .. و انا اقدر افوت ملجت أخوي ..
ابتسمت أم مايد ابتسامت راحه و انتصار و فرح .. خلاص .. طلعت فيّ من حياة و لدها .. و سلمت ع أم حمد و البنات .. و طلعت و طلعت وياها أم حمد .. و فيّ ما صدقت انهن طلعن .. سارت حجرتها .. اتبث كل أحزانها المكبوته ..

الحوي

أم حمد: ها المعرس ..
مايد: هلا خالوه .. اشحالج .. علومج
أم حمد: و الله تمااااااام .. من سمعت انك بتملج عقب اسبوعين و انا فرحانه .. معزتك من معزة ولدي حمد
مايد: الله يخليج خالووووووه .. إن شاء الله دوم مب يوم
و في خاطره : الله يهديها أمايه .. ما صدقت ع طول شخلت الخبر .. مستويه أم هلال .. الله يعين منو كان موجود يوم نشرت الخبر المشؤوم .. *لو تدري يا ميود .. لو تدري *
المهم سلمن الحريم ع بعض .. و ردوا مايد و أمه البيت ..

سيارة مايد
مايد: أمايه منو كان موجود .. يوم .. يووم
أم مايد: يوم شو ؟؟
مايد: يوم .. يوم .. يوم عزمتي خالوه ع الملجه
أم مايد: محد غريب .. بس أم حمد .. و حور .. و هيه فيّ
مايد طاع اتقولها بكل برود و هيه فيّ .. أي قلبي
مايد: فيّ؟
أم مايد: هيه .. طيوبه هالبنت .. اتعرف شو قالتلي يوم قلتلها لازم تحضرين
مايد و شوي لا يصيح: شو ؟؟
أم مايد: أنا أقدر أفوت ملجت أخوي .. اتصدق
مايد لا ما صدق .. يعني شو تبينها اتقول لا لا أبوس ايدج لا تيوزين ولدج ..
مايد: جيه لازم أصدق .. أمايه ليش رمستي جدامها و عزمتيها
أم مايد و هي معصبه: ليش إن شاء الله ما تباني أعزمها ,,
مايد: ما شيء
أم مايد: أنتي ملجتك عقب اسبوعين .. لازم اطلع هالبنت من راسك ..
مايد: حاضر .. بس ما بقدر اطلعها من قلبي ..
أم مايد: شووووووه .. أنته ما تستحي .. شو تبى فيها
مايد: مب توج اتقولين انها طيبه
أم مايد: و انا اشهد .. بس بعد قلت هي عميا
مايد: و الله .. يرضيج اني انرفض لأني عميّ
أم مايد: و الله أنته مب عميّ.. و لا تيلس ترمس هالرمسه اللي مالها معنى .. خلاص ما تفيد الرمسه ف هالموضوع ..
مايد: إن شاء الله
سكت مايد عن أمه و ما حب يناقشها أكثر ف هالموضوع عشان ما يكبر الموضوع مثل المره اللي طافت .. و تذكر انه صلى استخاره و مثل ما قالت أمه ما شي فايده .. و صل مايد أمه البيت و و سار صوب البحر .. لأنه وايــــــد مضايج ..

و سارت حور صوب المطبخ عقب دقيقتين .. سمعت فيّ صوت سياره ... و صوت باب .. و عقب خطووووووات .. و يوم وصل الشخص صوبها شمت ريحت العطر
فيّ: هااااااا حمد و صلت .. زين .. ايلس حذال بتخبرك عن سالفه * و تسحب يده و تيلسه حذالها بس هو قام ع طول* .. بلاك .. اووف .. انزين اعترف انته شو سيوت في شهد ..
حمد ما يد عليها
فيّ: اقول الأخ حمد انته ناس لسانك ف السياره و لا شووووه .. اتكلم
مايد: احم احم..
فيّ: عيش و لحم
مايد ميود ضحكته: السلاااااام عليكم
فيّ: وديه .. بلاه صوتك متغير ..

مايد: هههههه ..
فيّ: ليش تضحك .. لا يكون نكت و انا مادري .. و لا تضحك ع سواد ويهك
مايد: بل بل .. اشوي اشوي .. خذي نفس .. ويهج أصفر
فيّ: حمد حبيبي .. حد قالك أنك سخيـــــف
مايد من قالت حبيبي اتخبل .. هو اليوم اولردي متخبل ..
مايد: و الله ما دري إذا حد قاله و لا لا .. بس أنا دوم يمدحوني .. يقولولي دمي خفيــــــف و طيب و حليووووووووو .. و ع فكره من طيبتي أفكر أغير اسمي من مايد الين حمد .. شو رايج
فيّ ماتت يوم سمعت مايد,, يالله ليش دومي يستوي فيني جيه .. و لا و دوم وياه .. شو هالحاله .. مداح نفسه يباله رفسه
فيّ و ملامح ويهها ما تبين من كثر ما هي محمره: اسمحلي مايد .. اتحسبتك حمد أخوي ,,
مايد: مسمووووحه .. انا ياي أخذ أمايه .. عفنت عندكم ..
فيّ: و حليلها .. لا عفنت و لا شيات .. اصلا نستانس يوم انشوفها ... تباني أزقرها
مايد: ما عليج أماره
فيّ: إن شاء الله
توهها بتسير تزقر أم مايد..
مايد: فيّ فيّ
فيّ: نعم
مايد: ما قلتيلي رايج
فيّ باستغراب: في اشوه ؟
مايد: أغير اسمي ..
فيّ في خاطره .. وااااااي سخيف .. الحين زاقرني عشان هالشي .. يطنز .. قهــــــــــــــر
فيّ : إذا مب عايبينك .. غير
مايد: و الله أنا حيران أنتي شو رايج
فيّ اوهو شكلي ما بفتك .. اتوهقت .. الله يهديج يا حور وينج .. و ف هاللحظه كانت حور واقفه ورى مايد و سمعته يوم يستهبل .. بلاه الأخ فيوزاته ضاربه .. و طاع فيّ كيف محمره الله يعلم من القهر و لا من المستحى.. أوف لازم أنقذ أختي .. طلع الأخ مثل ربيعه ما يستحي و مينوووووووووووون .. بس أنا موجووووده .. بأدبهم
حور: السلام عليكم
مايد: و عليكم السلاااام
فيّ ف خاطرها : ياااااااااااااي .. الحمدالله رديتي
حور: ها مايد جنه مب عايبنك اسمك .. تبى اتغيره
مايد أحمر و اتوهق و ضحك بتوتر: هههههه
حور اتقلد ضحكته:هههههه
فيّ: أنا بسير أزقر خااااااالوه
و سارت عنهم فيّ.. صدت حور صوب مايد
حور: مايد لا اتغير اسمك في اتحبك اسم مايد وايـــــــــــد *و ابتسمتله بخبث* .. يلا مع السلامه
مايد: مع السلامه و قال ف خاطره فكه منج يا أم لسانين ..

في الصاله

دخلت فيّ و خبرت أم مايد انه ولدها يترياها برع .. و عقبها بثانيتين دخلت حور ..
أم مايد اتسلم ع أم حمد : حبيبتي لازم أشوفج .. لازم تحضرين ..
أم حمد: إن شاء الله
أم مايد و عيونها ع فيّ: و لازم فيّ و حور يحضرن الملجه .. ترى مايد مثل أخوهن ..
فيّ انصدمت و حست بنغزه ف قلبها .. هي كانت متوقعه هالشيء ف أي لحظه .. بس توهم يوم كانوا برع .. نست هالشيء .. و أول مره اتحس انها كلمته عادي و بحريه .. آآآآآآآآآه .. كيف انسى هالشيء .. كيف عشت هالحلم ..
أم حمد: أكيـــــــــــــــــــد .. تراج أتقولين أنه مثل ولدي .. و انا بكون أ,ل الموجودين حتى قبلج ..
حور: متى الملجه إن شاء الله؟
أم مايد: عقب أسبوعين إن شاء الله
حور: ع خير إن شاء الله
أم مايد: ها فيّ حبيبتي بتحضرين ..
فيّ انصدمت من السؤال .. انا احضر .. كيف .. صح إني ما اشوف بس أحس .. و أسمع .. بسمع البنات يقولون .. دخل المعرس .. يااااااي و باسها ع راسها .. و و .. آآآآآآآآه ... ليش مكتوب لي أحب واحد مالي أمل وياه .. ليش حبي من طرف واحد ..
فيّ و اتحاول تصطنع ابتسامه: أكيــــد خالوه .. و انا اقدر افوت ملجت أخوي ..
ابتسمت أم مايد ابتسامت راحه و انتصار و فرح .. خلاص .. طلعت فيّ من حياة و لدها .. و سلمت ع أم حمد و البنات .. و طلعت و طلعت وياها أم حمد .. و فيّ ما صدقت انهن طلعن .. سارت حجرتها .. اتبث كل أحزانها المكبوته ..

الحوي

أم حمد: ها المعرس ..
مايد: هلا خالوه .. اشحالج .. علومج
أم حمد: و الله تمااااااام .. من سمعت انك بتملج عقب اسبوعين و انا فرحانه .. معزتك من معزة ولدي حمد
مايد: الله يخليج خالووووووه .. إن شاء الله دوم مب يوم
و في خاطره : الله يهديها أمايه .. ما صدقت ع طول شخلت الخبر .. مستويه أم هلال .. الله يعين منو كان موجود يوم نشرت الخبر المشؤوم .. *لو تدري يا ميود .. لو تدري *
المهم سلمن الحريم ع بعض .. و ردوا مايد و أمه البيت ..

سيارة مايد
مايد: أمايه منو كان موجود .. يوم .. يووم
أم مايد: يوم شو ؟؟
مايد: يوم .. يوم .. يوم عزمتي خالوه ع الملجه
أم مايد: محد غريب .. بس أم حمد .. و حور .. و هيه فيّ
مايد طاع اتقولها بكل برود و هيه فيّ .. أي قلبي
مايد: فيّ؟
أم مايد: هيه .. طيوبه هالبنت .. اتعرف شو قالتلي يوم قلتلها لازم تحضرين
مايد و شوي لا يصيح: شو ؟؟
أم مايد: أنا أقدر أفوت ملجت أخوي .. اتصدق
مايد لا ما صدق .. يعني شو تبينها اتقول لا لا أبوس ايدج لا تيوزين ولدج ..
مايد: جيه لازم أصدق .. أمايه ليش رمستي جدامها و عزمتيها
أم مايد و هي معصبه: ليش إن شاء الله ما تباني أعزمها ,,
مايد: ما شيء
أم مايد: أنتي ملجتك عقب اسبوعين .. لازم اطلع هالبنت من راسك ..
مايد: حاضر .. بس ما بقدر اطلعها من قلبي ..
أم مايد: شووووووه .. أنته ما تستحي .. شو تبى فيها
مايد: مب توج اتقولين انها طيبه
أم مايد: و انا اشهد .. بس بعد قلت هي عميا
مايد: و الله .. يرضيج اني انرفض لأني عميّ
أم مايد: و الله أنته مب عميّ.. و لا تيلس ترمس هالرمسه اللي مالها معنى .. خلاص ما تفيد الرمسه ف هالموضوع ..
مايد: إن شاء الله
سكت مايد عن أمه و ما حب يناقشها أكثر ف هالموضوع عشان ما يكبر الموضوع مثل المره اللي طافت .. و تذكر انه صلى استخاره و مثل ما قالت أمه ما شي فايده .. و صل مايد أمه البيت و و سار صوب البحر .. لأنه وايــــــد مضايج ..

البحر
مايد يالس .. يشوف موج البحر .. و سرحاااااااااااااااان .. و يفكر .. طبعا معروف يفكر ف منوه .. فيّ ... يتذكر كيف كانت تتصرف اليوم بكل عفويه .. و كيف انه طقاااااااااات قلبه اتزيد بشوفتها .. و كيف يفقد الذاكره بمجرد انه يشووووووووف ويهها و ابتسامتها .. يوم شاف نسى كل شي .,. نسى خطيبته اللي بتكون عقب أسبوعين حرمته و شريكة حياته .. و اللي اتشاركه كل شي إلا قلبه .. يفكر كيف يقدر يعيش ويا وحده ما يحبها .. كيف بيعطي وحده حقوقها .. و أهم حق من حقوقها الحب و الوفا .. كيف و قلبه مب عنده .. و كل لحظه يفكر في غيرها ... حس مايد انع عينه تحرقه من الدموع اللي حابسنها ..

بيت بو حمد
غرفة فيّ

فيّ يالسه ع شبريتها.. اتصيح ع حظها .. و ع الحب اللي انولد ف قلبها و بيندفن ف قلبها من غير ما حد يعرف عنه .. اتصيح كيف قدرت اتحب شخص ما يحبها .. بس الحب مب بيكفنا .. و لا بيدنا .. و قطع تفكيرها رنة موبايلها ... ردت فيّ
فيّ و صوتها مبحوح من الصيااااح: ألووووو
مايد: ساكت مب قادر يرمس و دموعه ف عينه ..
فيّ: ألووو
مايد: آآآآآآآآآآآآآآآآآآآآآآآآآآآآآآآآآآآه
فيّ: منو
مايد: فيّ أحبج .. و الله أني أحبج .. أحبج ف هاللحظه خانته دمعته و نزلت
فيّ عرفته .. و الله أنا بعد أحبك
فيّ: مايد .. اللي تقوله و تسويه غلط ..
مايد: انا ما سويت شي .. ف شو غلطت .. غلطت أني حبيتج .. بس مب ع كيفي .. مب ذنبي اني من اشوفج .. انسى عمري .. و انسى الدنيا و ما فيها .. و قلبي اللي يتحكم فيني .. فيّ حاولي تفهمين .. و الله أني تعبااااااان .. تعبان
فيّ: و تعتقد انك الحين ارتجت .. باللعكس الحين انته يالسه اتعذب عمرك و اتعذبني وياااك .. مايد انته لازم تنسى هالحب ... و تفكر ف خطيبتك .. ترى هي ما تستاهل اللي أنته اتسويه فيها .. انته جيه يالس اتخونها .. انساني يا مايد .. و أنا متأكده انك بتقدر تنساني
مايد: هه .. انسااااااج .. محاااااااااااال .. لو كنت اقدر جان نسيتج من زماااااااااااااان .. انا اقدر انسى عمري .. انسى اسمي .. بس ما اقدر انسااااااااج
فيّ: خلاص يا مايد .. اللي انسويه غلط .. و انا ما ارضى انه نستمر ف الغلط .. و فكر ف خطيبتك .. حبك من حقها .. حقها روحها ... و مبروووك مقدما .. مع السلامه
سكرت فيّ من غير ما يرد عليها ..
و كملت صياحها .. أاااه .. و لا انا اقدر انساااااك ..بس انا لازم اكون قويه .. عشان نقدر نستمر .. و عشان ما نقع ف الغلط ..

* أنســـــــــــــاك .. كلمه مالها أية وجود بمرجعي
و القـــلب لا منه نوى غيرك يا حبيــــــــبي بمنعه
تنتابني ذكـــــــــــراك ما بيـــن الوعـي و لا وعـي
ما كنك بحـــــــــــــر حلمـــــــي و المشاعرلأشراع
يمتـد ليلي و اشعـلك شمعــــــة غلا بين أضلعــــــي
ويمربي طيـــــــفك و يتـناثر بصـــدري و أجمعــه
تحتاج تـتـعبنـي و أنا أحتاج لك و أنتـــــه معــــــي
بعض المشاعـــــــر تتعب العشــــــــاق لكن ممتعه
موقعــــــــك من قلبـــــي تدله بس حدد موقعــــــي*


عقب يومين
بيت بو حمد

حمد توه كان ظاهر من باب الصاله .. شاف شهد نازله من سيارتها .. شق الحلج .. واااااااي أخيرا شرفتي ..

حمد: هلا و الله .. و أنا اقول البيت منور
شهد أونها سيريس .. و بعدها زعلانه: أهليــــن .. أدري
حمد: شو تدرين ..
شهد: انه البيت نور بوجودي
حمد: هههه .. وايد وثق .. أنا قلت منور .. لأنه مغيرين ليتات البيت ..
شهد مقهوره: و الله ..
حمد يشوفها و يبتسم لها .. شهد اتوترت ..لأنه ما خوز عينه عنها ..
توت توت توت
شهد اطلع موبايلها من الشنطه و حمد يجيك موبايله
شهد: لقط ويهك .. المسج واصلني .. لا تخاف حبيبتك مب متفيجتلك الحين
حمد فج عيونه و ضحك: هههههه ..شو اتغارين
شهد ما ردت عليه و قرت المسج و يلست تضحك ... و اتبوس شاشة الموبايل
حمد مستغرب :من منو المسج
شهد: ما يخصك ..
حمد: من سيفووووووووه
شهد: ههههه
و سارت عنه
حمد: حووووه .. و يت سايره
شهد: بسيـــــــر أرد ع المسج
حمد: نعم نعم .. ما سمعت .. تعالي
شهد بدلع: اوهو..حمممممممد.. بسير ارد .. بعدين بيزعل ..
و ركضت صوب باب الصاله .. و يركض وراها حمد
حمد: اشوف اشوف عطيني موبايلج
شهد: ليش خلصت بطاقتك
حمد معصب : شهد
شهد: نعم .. تبى بسلفك بيزاااااات
حمد و خلاص ما يشوف شو جدامه من العصبيه: ما تردين ع المسج تسمعين ..
شهد: ليش
حمد: قتلج ما تردين
شهد: برد ..
حمد بتوسل: شهد عشان خااااطري
شهد كسر خاطرهات حمد: إن شاء الله .. بس بوس يدي قبل
حمد: تامرين .. هاتي ايدج
شهد قفطت: اجلب ويهك ..
حمد: هههههه
دخلت شهد البيت و سارت عند بنات عمها ... و حمد سار عند ربعه ...

حجرة حور
شهد: بنااااات عمي .. خلونا نظهر .. شو رايكن انسير مطعم من زماااااااان ما سرنا ...
حور: هي والله فكره حلوووووووووه
فيّ: انا ما بسير .. مب ف خاطري اطلع
شهد: فيّ .. يلا حبيتي .. عشان خاطري
فيّ: بشرط
حور: شو
فيّ: انا اختار المطعم
حور: اوهو طاع الشرط .. انا قلت بتقول بشرط أنا ادفع
شهد:هههه .. خلاص موافقه .. أي مطعم تبين ...
فيّ: امممم.. مطعم أشااا
شهد: اوكي
حور: و الله أنج ذويقه .. طالعه عليه
فيّ:ههههه .. يلا بسير ابدلع عشان ما نتأخر
حور: حتى انا ببدل


وصلن البنات المطعم و اختارن طاوله جيه اشويه منعزله .. و يلسن ... يسولفن .. و حور ماشاء الله ضحكتها شاله البقعه .. ف هاللحظه و صلوا شلة شباب و يلسوا ع طاوله مجابله طاولت البنات .. حور يوم رفعت راسها شهقت
حور:أووووه مايد ..
فيّ لا إراديا: وينه
حور: وين يعني ف المطعم ع الطاوله اللي مجابلتنا ..
شهد: يلا خلنا ناكل بسرعه و نطلع
حور: هيه .. أخااااف أي ربيعه المينون
شهد:هههههه ...
فيّ كانت سرحانه و اتفكر ف مايد اللي موجود قريبه منها .. و اتفكر ف أخر مكالمه .. و مايد من الصوب الثاني يكلم ربعه و مب قادر يشل عينه عن فيّ.. اللي حبها زاد ف قلبها عقب ما اعترفلها بحبه .. يحس انه متوله عليها وايـــــــــــــــد ..
يتبع

طلعن البنات من المطعم .. و حور متفججه انها ما شافت مسود الويه عبووووود ... و توهن بيطلعن كانت حور مجدمه البنات بخطوتين يوم رفعت عينها شافت عبدالله ف ويها و ياه واحد .. شهقت بصووت خفيف .ز بس عبدالله سمعها .. غمزلها و ابتسم و دخل المطعم .. لأنه مب قادر يسوي شي و ربيعه وياه .. و حووووووور ميت من القهر .. مسوج الويه يغمز .. و يلست اتخبر البناااااات السالفه و تتحرطم و ما خلت مسبه و إلا قالتها.. و شهد ميته من الضحك عليها ...

عقب خمس أيااااام
بيت بو حمد
غرفة الطعام
الغداا
الكل كان موجود.. بو حمد و ام حمد وحمد و حور و فيّ .. كانوا يسولفووووون .. و يضحكون ..حمد و حور مسسوين جو .. يتغايضون جنهم ديج و ديايه *حمد هاي حور مب شهد*

حور: اسكت اسكت ..
حمد: نعم
حور: سلامتك
أمايه .. الحين الناس باجر بيون يشوفون شهد
حمد باستغراب: بشوفونها .. ليش الموناليزا
فيّ: و الله انها أحلى .. بيشوفونها عشان يخطبونها
أم حمد: و الله و كبرتي يا شهد
بوحمد: هي و الله .. عقبالكن يا بنات
حمد: نعم نعم .. بيخطبون منو .. شهد
بوحمد: هيه .. بلاك جيه معصب
حمد: محد بياخذ شهد غيري .. تسمعون محد غيري
أم حمد: يعني شو بتسوي .. خلاص الناس باجر بيون
حمد: بتشوفووووووووون شو بسوي ..


بارت 16

الكل كان موجود.. بو حمد و ام حمد وحمد و حور و فيّ .. كانوا يسولفووووون .. و يضحكون ..حمد و حور مسسوين جو .. يتغايضون جنهم ديج و ديايه *حمد هاي حور مب شهد*

حور: اسكت اسكت ..
حمد: نعم
حور: سلامتك
أمايه .. الحين الناس باجر بيون يشوفون شهد
حمد باستغراب: بشوفونها .. ليش الموناليزا
فيّ: و الله انها أحلى .. بيشوفونها عشان يخطبونها
أم حمد: و الله و كبرتي يا شهد
بوحمد: هي و الله .. عقبالكن يا بنات
حمد: نعم نعم .. بيخطبون منو .. شهد
بوحمد: هيه .. بلاك جيه معصب
حمد: محد بياخذ شهد غيري .. تسمعون محد غيري
أم حمد: يعني شو بتسوي .. خلاص الناس باجر بيون
حمد: بتشوفووووووووون شو بسوي ..
و يقوم حمد من ع الغدا و عيونه يطاير منها الشرااااااااار ..
أم حمد: ويــن ساير .. ايلس كمل غداك
حمد: الحمدالله شبعت
أم حمد: شو بتسوي .. خلاص البنت ياها نصيبها ..
حمد يحاول ما يصارخ: أنا قلت محد بياخذها غيري يعني محد .. مع السلامــه
و يطلع حمد ..
أم حمد: يا حمد .. يا حمد .. استهدى بالله ..
طبعا حمد ما يسمعها من القهر و الغصه
أم حمد و هي تشوف بو حمد: بو حمد .. شوف ولدك .. قم انصحه
بو حمد يشوفها و يبتسم و يشوف الباب اللي طلع منه حمد * جنه مسوي مثله قبل*
أم حمد: بلاك تبتسم ..
بو حمد: ما شي ..
أم حمد: و الله أني خايفه ع هالولد .. عنيــد من يومه .. و اللي ف راسه يسويه .. ما عليه من حد
فيّ:أمايه حبيبتي هدي أعصابج .. ما عليج منه هو معصب اشوي الحين *اشوي .. هيه صح اشوي .. بس كان اشوي لا يهد البيت ع روؤسهم ..شوي* .. و بعدين حمد ريال و ما ينخاف عليه .. و ما بيسوي شي مب زين ف حقه و لا ف حق بنت عمه .. مب مينون * جيه قالولها عبدالله و لا حور *
أم حمد: الله يسمع منج
حور: انا ما قول غير الله يعين شهد
بو حمد: اسكتي انتي يام لسانين .. روحها امج اشوي لا تموت علينا ..
حور: انزين ابوي انته ليش مستانس
بو حمد: حور حبيبتي ..
حور اتفججت: هلا و الله بقلبي
بو حمد: اجلبي ويهج و ابلعي لسانج أحسن لج
حور و بنفس الطريقه: أنت تدلل و تامر.. بس ابوي .. ممكن سؤال
بوحمد يشوفها
حور: ع أي صفحه أجلبه ..
بو حمد بطل عيونه .. و ام حمد و فيّ اللي كانن يتسمعن الحوار ماتن من الضحك .. و قدرت حور بروحها المرحه اتقلل من التوتر .. و ضحك بو حمد و سحب بنته و حظنها
بو حمد: صدقها أمج ,, أم لسانين

*
*
*
سيارة حمد
حمد ما خلى مكان ما سارله .. حاط دبي بكبرها .. يمكن ثلاث أو أربع مرات *طاااااع الجذب* .. و وصل بيت عمه كمن مره .. بس ما قدر ينزل شو بيقولهم .. كيف بتيوزون حبيبتي لواحد غيري .. بيقولو لي وين كنت عنها من زماااااااااااااااااان .. شو اقول ما حسيت بحبها اللي يكبر ف قلبي يوم ورى يوم .. أاااااااااااااه .. يالله شو اسوي ما قدر اعيش بدونها .. بعد ما تعب حمد من التفكيـــر شل موبايله و اتصل ف شهد

شهد كانت يالسه ف حجرتها تفكر .. تفكر ف خطبتها .. و ف الناس و ف حياتها .. هل بتتقبل هالإنسان اليديد ف حياتها .. هل يمكن تنسى الحب اللي انولد ف قلبها لحمد .. هل قرارها صح أم غلط .. و هي ف دوامة أفكارها اتذكرت اليوم اللي يت أمها و فاتحتها ف موضوع خطبتها .. كانت ف حجرتها اترب كبتها من الملل دخلت عليها أمها
أم شهد: شهوووده حبيبتي شو اتسوين .. اتقولين حجرة ولد مب بنت
شهد: أمايه حبيبتي يالسه ارتب كبتي .. اشوف اللي اباه و اللي ما اباه ..و بعدين ف شو الأورد إن شاء الله أحسن عنها .. مثل ما هم يعفسون الحجره نحنا بعد بنعفسها .. خلاص من يوم و ساير بنطالب بالمساواه .. *حشى جلبتها خطاب ف مطالبه بالمساواه بين الرجل و المرأه*
أم شهد: حشى هذا تفكيــر وحده ع ويه زواج
شهد: ليش إن شاء الله الوحده يوم تتزوج لازم اتغير معتقداتها و نفسها .. ليش إن شاء الله
أم شهد: وديــه بلاج أنتي اليوم .. هذي سنة الحياة
شهد: و الله إذا جيه الزواج أنا ما اباه
أم شهد: مب ع كيفيج .. اسمعيني ..
التفتت شهد صوب أمها ..
أم شهد: تعالي يلسي حذالي
مشت شهد و يلست حذال أمها و قلبها يدق بالقو ما تعرف ليــش
أم شهد: حبيبتي شهد .. هذي سنة الحياة .. لازم كل إنسان يقدم تنازلات صغيره عشان يقدر يتعامل و يا الغير .. و بعدين لا تظنين انه بس البنت هي اللي تقدم التضحيات و التنازلات اللي ترمسين عنها .. حتى الريال يقدم تنازلات .. و اذا كل واحد فكر ليش انا اتنازل و مب اطرف الثاني حياتنا بتكون مأساويه ما فيها تفاهم ..
شهد: إن شاء الله أمايه مره ثانيه ما بقول هالكلام و قامت بتسير صوب كبتها
أم شهد: شهوده انا ما خلصت كلامي
ردت شهد عشان تيلس و اتقول ف خاطرها الله يستر .. ما دري ليش مب مرتاحه من هالرمسه و هالوضع
أم شهد: حبيبتي شهد .. ناس خطبووووج حق ولدهم
شهقت شهد .. بس يوم فكرت قالت أكيــــــد حمد .. استحت
أم شهد: و الله أنج غربيه .. ساعه تشاهقين و دقيقه تستحين و ثلاث ساعات تعترضين ع الزواج ..
شهد ما ردت من المستحى *اونه .. قالت أمج دقيقه مب ساعه*
أم شهد: المهم اسمعي .. الولد عمره ثمان و عشرين .. و يشتغل ف الشرطه ..
شهد اهني تيبست .. اول ما سمعت عمره .. و قف قلبها قالت أكيــد الواله امغلطه بس يوم سمعت ويــن يشتغل .. تأكدت أنه أمها مب مغلطه .. شافت أمها بنظره حيره و استغراب و خوف
شافتها أمها و ابتسمت لها : شهوده حبيبتي محد بيغصبج ع شيء ما تبينه .. و انا ادري انه هالقرار وايــد صعب أنج تتاخذينه .. بس انا ما قول غير استخيري ربج .. و اللي فيه الخير بيسويه .. و ارد اقولج محد بيغصج ..و انتي فكري فالموضوع مبدئيا .. و هم يبون يشوفونج .. فقوليلي رايج ..
قامت أم شهد .. و باست بنتها ع راسها: حبيبتي فكري فالموضوع و لا تستعيلين .. أنا بخليج اتفكرين .. و طلعت أم شهد و خلت شهد ف حيرتها .. ليش حمد ما تقدملي .. امم .. هو عرف و لا لا .. شو بتكون ردة فعله .. أكيــد ما بيهتم .. أصلا هو يحب هاذيج .. أووووف نسيت اسمها .. هيـــــــــــه .. شموووووه .. وع شو هالاسم *وقته الحين تفكرين ف اسمها* .. امم .. بس حمد طيب و بيفرحلي .. يعتبرني مثل أخته .. أخته .. أاااااااه .. كلام أمي صح .. لازم ما استعيل .. بس كيف اوافق ع شخص انا ما عرفه .. و فوق هذا كله تفكيري منصب ع شخص واحد .. بس هالشخص ما يفكر فيـــج .. محتااااااااااااااره .. محتاااااااااااااااااره .. مب عارفه شو اسوي .. و اتذكرت شهد جملت أمها " استخيري ربج " ..
و فجأاااااااااااااااه
ترررررررن تررررررررن
صوت التلفوووووون قطع ذكرياتها .. و تفكيرها.. شلت موبايلها اتشوف منو اللي خرب عليها افكارها .. و انصدمت يوم شافت حمد .. ما عرفت شو اتسوي .. مب قادره اتركز من كثر ما دقات قلبها زادت .. بس اللي تحس فيه انها ف أي لحظه ممكن تفقد الوعي .. ضغطت ع السايلنت .. و حطت موبايلها ع الشبريه .. و ردت تفكر ف بخووووف .. هذا اتصال واحد من حمد جلب كيانها .. كيف يوم بتشوفه .. " آاااااااااااه .. انا استخرت و ارتحت .. ليش الخوووووووف " و قطعت للمره الثايه تفكيرها رنة الموبايل .. شلت شهد الموبايل و شافت مكتوب * حمد * يتصل بك .. "لاااااازم ارد عليه .. التهرب مب الحل .. لااااااازم اتخلص من هالشعوور الغريب .. و ارتاااح*

شهد بصوت مبحوح بسبة الخوف و الحزن: ألو
حمد معصب و مب مستحمل عمره: وينــــــج .. ليش ما تردين.. من متى اتصلبج !!
شهد اتحاول اتكون عادية و تغلب نبرة الخوف: حمد.. بلاك معصب.. سوري بس ما كنت ف الحجره .. و موبايلي حاطتنه ع الجارج .. خيــر *صمـــــــــــه .. زايغه و اتعرف تجذب *
حمد: أي خير .. قوليلي .. أي خير .. كيف اتوافقيت ع واحد غيري .. ها
شهد انصدمت بس حاولت اتلطف الجو و تتهرب: حمد شو شارب اليوم .. لا يكون عصير فلفل
حمد: شهد جاوبيني .. انا ما اتمصخر
شهد و مب عارفه شو اتقوول: اجاوبك ع شو ..
حمد و هو فااااااااير: شهد دخيلج لا تستهبلين
شهد: حمـــــــد
حمد بترجي: شهد بليــــــــز لا توافقين قوليلهم انج رافضه
شهد: حمد خلاص .. لا فات الفوت ما ينفع الصوت .. انا رديت عليهم و الناس إن شاء الله باجر بيون ايشوفوني
حمد بأسى: و ليش ما فكرتي فيني
شهد بعصبية: فكرت و فكرت و فكرت .. بس لقيتك لاهي ويا حبيبت قلبك .. ليش انته ما تحركت .. ليش خليت غيرك ياخذني منك .. خلاص يا حمد ..الكلام ما يفيد.. انسى كل شي .. و رد لحبك شما
حمد و هو يصارخ: أي شما هاي بعد .. ما يسوى عليّ سمعتيني اقولها حبيبتي .. كلمه قلتها من غير ما احس فيها .. ليش اتعاقبيني ..
شهد تقاطعه تبى تنهي المكالمه و الموضوع: حمد
بس حمد ما عبرها و كمل و صوته يعلى ف كل كلمه يقولها: انا ما خلصت .. اسمعيني محد بياخذج غيــري .. محد يعني محد .. و مثل ما قلتي الكلاااااااااااام ما يفيد .. و انا ما برمس و لا بيلس اشوفج تنزفين لواااااحد غيري .. خلاااااص يا دور الفعل .. لا تتحلمين وايـــد .. أنتي لي بس .. فاهمه *أي انطرت طبلة اذني من صريخه*
و سكر حمد من غير ما يقولها بااااااااي .. *واااااااق .. سكروا ف ويها*

شهد من عقب اللي سمعته .. زاد خوفها .. بس رغم خوفها كانت تحس بفرحه غريـــبه ..
" أووووووف .. اطلع من الحجره أحسن و لا بتخبل "
طلعت شهد و وكلت أمرها لربها .. هي استخارت وسوت اللي عليها .. و مل بتفكر ف هالموضوع أكثر .. لو فكرت أكثر يمكن اتقرع من التفكيــر و ما توصل لحل .. و بطيح ف جبد أهلها ..
*
*
*
بيت بو حمد
الصاله
حور اترمس ربيعتها
حور: ههههه .. اسكتي الله يخليج .. اتصدقين من طلعت من الامتحان و موبايلي ما سكت .. اتصال ورى اتصال
ساره باستغراب: ليـــش؟؟
حور: والله حاشريني .. تعالي ألفيلنا الكتاب الياي ..
ساره: ههههه .. انا قلت شي الحين .. انزين ليش ما تكتبيلهم .. حرااام
حور: لا لا .. ما قدر .. ما قدر اشتهر أكثر .. أنا جيه و مب ملحقه ع شي .. كيف لو اشتهرت اكثر و اكثر
ساره: هههه .. الشهره حلووووه
حور: ووووووووع .. ما حبها
و مره وحده يدخلها عليها حمد
حمد: حووووووووووور ... حوووووووووووووور
حور وحليلها قامت ترزف و تيول ف مكانها من الزياغ .. اتعرفه حمد يوم يعصب لا يعرف صغير و لا كبيـــر .. باختصاااااار ما شي كنترول ع الأعصاب ..
حور: ساروووووه حبيبتي .. بتصلج عقب .. باااي
ساره: باااااااي
و سارت صوب حمد: ها ح حمد .. خير
حمد: سيري بسرعه البسي عباتج .. و قولي بعد حق فيّ تلبس عباتها .. و تعالن اترياكن ف السيااره
حور: ليش و ين بنسيـــر
حمد و هو طفران: جهنـــــــــــم
حور قامت ترتقل حتى مفاصلها اتغيرن مواقعهن من هالرقله: بس .. بس حمد ..
حمد و هو يصارخ: شــــــــــــــــو * الحين حور شذنبها يا حمد .. أكيــد عقب هالصرخه ما تم ف جسمها عظم*
حور: ببدل و بيك .. ما يستوي اطلع ببجاما
حمد و هو طالع: انزين.. عندج خمــــــــــس دقايق .. إذا ما شفتكن في السياااااااااره .. يصد صوبها .. بيكن و بيركن من شعوووووووركن .. و يصارخ فااااااااهمــــــــــه
حور اتهز راسها : فاهمه ..
طلع حمد عنها و حور تمت ف مكانها مب عارفة تركب الدري من كثر ما ترتقل بس من اتذكرت انا حمد بيمطها من شعرها .. دقت سلف و سارت صوب أختها .. اتقولون صاااااااااااروخ ... تفج باب حجرة فيّ بكل ما عندها من قوووووه
فيّ: بسم الله ..
حور: حمـــــد ... حمـــــــــد
فيّ بخوف: شو ياه حمد ...
حور: حمد
فيّ بعصبية: ارمســـــــــــــي .. بلاه حمد
حور تركض و اطلع بدله لأختها و تعطيها و ترمس بسرعه:اندوج .. البسي .. حمد يتريانا ف السياره .. بس عندج خمس دقايق .. إذا ما خلصتي بييج و يمطج من شعرج ..
و ركضت صوب الباب و سكرته و سارت تنقذ شعرها .. سارت حجرتها عشان اتبدل .. أما فيّ اتلخبطت مب فاهمه شي .. بس اللي فهمته انه شعرها ف خطر .. وأختها مب أحسن عنها ... بسرعه بدلت .. و ما واحلها تلبس العباه إلا و الباب يتطبل بقوه أكبر عن اللي قبلها
فيّ اتيبست مكانها: أكيــــــــــد حمد
حور:اشوه خلصتي .. ياله ياله .. بسرعه ..
فيّ: اوكي
و نزلن يترابعن ع الدري .. وكل وحده مشغوله تلبس شيلتها ..
فيّ: أيه أخاف اطيح ...
حور ما سوتلها سالفة يودتها من ايدها و كملت .. مب وقته
يوم ركبن السياره ..
حمد و هو معصب: ما بغيـــــتن
حور اللي يالسه جدام بلعت ريجها ... أم فيّ اللي يالسه ورى كان اشوي لا يطير قلبها و يطيح ف حضن حمد ..
المهم حمد ما صدق أنه البنااااااااات ركبن .. طاااااااااار بهم .. حور ربطت حزام الأمان .. و ما تمت أيه ما قرتها ف قلبها .. *بتختم القرآن*.. أما فيّ حمدت ربها انها عمياااااااااا .. و طبعا حمد حدث و لا حرج .. مب معبر حد .. جنه الشارع شارعه .. المهم يوصل المكان اللي يبيه .. *جنه بيطير المكان*
*
*
*
اليوم الثاني
يوم خطوبـــة شهد
بيت بو شهد
غرفة شهد

حصه: ياااااااااااي .. مب مصدقه .. الله و أخيرا بتملجين
شهد: هههه .. و ليش مستانسه .. أحيد أنا اللي بملج
حصه: هي أدري .. أبى أكشخ و أرقص .. و و و بس
شهد:ههه .. الحمدالله و الشكر
و تدخل عليهن أم شهد
أم شهد: شهد حبيبتي ..
شهد: خيـــر
أم شهد: ما يحتاي تتعدلين
و تقاطعها حصه: لا .. و ليش .. زوج المستقبل و أهله ياين يشوفونها و تقولين لا تتعدليـــن
أم شهد: زوج المستقبل و أهله شايفينها قبل .. و مالانين من شيفتها
شهد اتشوف أمها باستغراب
حصه بكل غباء: ما فهمت
أم شهد: و الله حمد و لد عمها و شايفنها و ما يحتاي يشوفهااليوم
شهد زادت علامات الدهشه و الاستغراب ف ويها أما حصه قلبها يدق بالقوووووو
حصه: و شو دخل حمد ف السالفه
أم شهد: ترى حمد خطب شهد
حصه بعصبية: كيــف .. و اللي خاطبنه قبلها
أم شهد: عمج رمس أبوج اليوم و قاله انه يبى شهد لحمد .. و أبوج ما صدق .. تدريبه يموت ع حمد .. اعتذرنا من الناس
شهد اتشوف أمها و كل علامات الفرحه ع ويها
حصه بمحاوله منها اتجذب الموضوع: يعني حمد ما يباها
شهد اهني رفعت عينها بصدمه .. و شافت أمها بس أمها طمنته
أم شهد: وديـــه حصوه .. شو ياج .. ما اعتقد بو حمد بيرمس و حمد مب موافق
طلعت حصه من غير ما ترد ..
أم شهد: ها شهووووده .. شو اقولهم .. ترى المعرس و أهله تحت يتريون ردج
شهد شهقت: تحت
أم شهد: هههه .. هيه .. شو قلتي
شهد بمكر: اممم,, ابى وقت افكر فالموضوع ..
أم شهد: هذا من حقج يا بنتي .. بسير اقولهم .. و ياله ابدي فكري من الحين .. ترى حمد متحرقص و ما اعتقد بيصبر أكثر
ابتسمت شهد بخجل و طلعت عنها أمها .. و خلتها غرقانه بفرحتها و أحلامها ..

في الصاله
حمد: عمي
بو شهد: خيـــر يا ولدي
حمد: ممكن اشوف خطيبتي
بوشهد: احلف
حمد:والله ..
بو شهد: اقول حمد .. مب جنك استخفيت
بو حمد: هههه .. لا تلومه يا خوي ..هو من عرف انه شهد بتنخطب و هو مب صاحي
بو شهد:هههه
وحمد منحرج *اونه .. طاع منو يستحي*
و دخلت عليهم أم شهد و ويااها أم حمد
بو حمد: ها بشري يا ام شهد
أم شهد اتشوف أم حمد ... وحمد ميت
أم شهد: و الله شو اقولك يا بو حمد .. البنت طالبه وقت اتفكر
حمد: شووووو
بو حمد: حووه بلاك أنته .. من حقها
حمد سكت و ما نطق بكلمه بس ف داخله يغلي و يفور يعرف انه شهد تبى تقهره
*
*
*
طبعا شهد استغلت هالفرصه عشان تقهر حمد مثل ما قهرها بشمووووه *ما تنسى* .. و مر أسبووووووووع من غير ما ترد عليه .. و فيّ و حور يضحكن ع خوهن ف خاطرهن .. زين اتسوي فيه .. عيل ياخذنا بشراع و ميداف و يهددنا بيمط شعورنا .. و أخر شي امودنا نختار دبله لشيخه شهد.. حشى ما رمنا نختار من الزيغه .. هههه .. و أخر شيءتمت الدبله عنده أسبووووع .. هههه .. جدم دزاينها .. ههههه
و في مره من المرااااااات طفح الكيـــــــــل عند حمد
حمد: حوووووور اتصلي ف شهد . و اسأليها عن رايها
حور:انزين بعدين *هي تعرف ردها*
حمد:الحيـــــــــن
حور: حمد تلك عقب
حمد بإصرااااااااار : الحيـــــــــــــــــــــــــــن
حور و هعي تشل موبايلها: أوووووووووف ... هلا شهووووده .. اشحالج
شهد: بخيـــــر
حور: شهوووووده حبيبتي ردي علينا .. مب عشان خاطر حمد .. عشاني .. ارحميني حاشرني .. كل يوم يقولي اتصليبها ..
شهد: قوليله بعدها تفكر ..
حور ترمس حمد: اتقولك بعدها اتفكر
حمد عصب و شل الموبايل: كل ها تفكير .. ما يسوى عليّ.. يلا قولي ردج الحين .. ياله بسرعه ..
شهد: هههههه
وسكرت التلفووون في ويه
حمد و هو يشوف أخته بكل دهشه: رخت التلفوووون ف ويهي
حور:هههههه
حمد: بتشووووووف براويها ...
حور: حاسن عن تغير رايها ..ههه
حمد: هه هه هه .. ما يضحك

و عقب يومين ردت عليهم شهد بالموافقه بعد ما ذلت حمد .. لول
*
*
*
مر أسبووووع ثاني و كان هادي ما فيه أحداث كثيره .. بس أهم حدث هو يوم عرف حمد أنه ملجته بتكون عقب ثلاث شهووور .. يعني عقب ما يخلص السيمستر
حمد: انزين أبوي قول لعمي أبا ارمس خطيبتي
بو حمد: نعم ..ما سمعتك
حمد: و الله حرااااام .. ما قدر اصبر .. لازم تصبيره
أم حمد: هههه .. خلاص يا بو حمد من حقه الولد يرمس البنت عشان يعرفها اكثر و اكثر .. رمس بو شهد
بو حمد : خلاااااص و لا يهمج كم أم حمد عندي
استحت أم حمد * والله و يعرف يقردن الشويبه*
نط حمد من فرحته: وحده
هههههههه
*
*
*

المهم توقف هالأسبوووووع عند حدث مهم و يوم أهم .. اليوم هي يوم ملجت مايـــــــد .. و طبعا حور بتسير و أمها .. و فيّ اللي اعترضت ف البدايه بس أمها هددتها إذا ما يت بتزعل .. لأنها مب عدله ما تسير الملجه و الحرمه يايه الين بيتهم تعزمهم .. فما كان جدامها غير المواااااااافقه ..

بيت عروووسة مايد
كان الكل متيمع .. أهل مايد و أهل العروووس .. و ربعهم المقربيـــن .. الكل كان فرحان و مستانس إلا شخص واحد .. فيّ اتحس بنيران ف قلبها .. و ودها اترد حجرتها .. ما تقدر اتقاوم أكثر دمعتها ... المهم دخلت العرووووس و يلست بين النااااااس .. و يا الوقت الحازم . وقت دخلة مايد .. بيلبس حرمته الشبكه و الدبله و هالخربيطيشون
ريم: تعالن بنوقف اهني عشان انشوف ميوووود يوم بيدخل ..
فيّ:لا انا بيلس
مريم: لا .. كلنا بنكون ويا بعض و ين بتلسين روحج ..
و سحبتها من ايدها و سارن يوقفن ف الموقع الاستراتيجي .. عشان ما تفوتهن و لا لحظه أو حركه

دقااااات قلبه بدت تزيد .. يا ترى هي موجوده داخل .. بشوفها و لا لا .. أي قلبي .. وشو بسوي إذا شفتها .. و ف هاللحظه يودته أمه من ايده ..
أم مايد: يلا مايد حبيبي ادخل ..
دخل مايد و هو منزل راسه من الفشله .. كله حريم بس هو الرياااال .. أوووووف لازم أرفع راسي ز لا بطيح .. ما اعرف انا وين .. يوم رفع عينه ..شافها هي قبل ما يشوف الكل .. شااااف ملاكه جدامه .. شااااف حبيبت القلب فيّ و هي منزله راسها و مبين عليها الحزن ... و البنات حواليها يضحكن .. و ما شاف اللي المفرووض ايشوفها قبل الكل ...


ت تك ك

السلام عليكم و رحمة الله و بركاته ..
Part 17
لقـيــــــت روحـــــــي بعـدما أنـا لقـــــيتك
بعد اللقـــى أرجــــــــــوك لا لا تغيــــــبي
صعبــن علــي أبـقــى و أنا ما نسيـــتــك
إحسـاسـي كني بيــــن ربــعـي غريــبـــي
كـل ما تـبـي من عمــري أنـا عطـيـــــتـك
حتــى الخفــوق ينـطــق بكلمة حبيـــــــبي

ليــــت النجوم تقبلها مني يا ليـــــــــــتك
فـي كــل فجــرن بقــول يـا شمس غيبي
كـم لـي أصيــح و أقـــول ياني فديـــــتك
ما عــاد شيـن من نصيـــــبي نصيــــبي
يــــا كل عـمــــــري بعـهـدن وفيـــــــتك
أنتــه حبيـــــــبي و باقين لي حبيـــــــــبي

دخل مايد و هو منزل راسه من الفشله .. كله حريم بس هو الرياااال .. أوووووف لازم أرفع راسي ز لا بطيح .. ما اعرف انا وين .. يوم رفع عينه ..شافها هي قبل ما يشوف الكل .. شااااف ملاكه جدامه .. شااااف حبيبت القلب فيّ و هي منزله راسها و مبين عليها الحزن ... و البنات حواليها يضحكن .. و ما شاف اللي المفرووض ايشوفها قبل الكل ...
مايد تسمر ف مكانه .. و نظراته متعلقه فيها .. مب قادر يسطر ع البركان اللي ف داخله *واي شو هالوصف التراجيدي* .. مايد مب قادر يحرك ريله .. مب قادر يتمالك نفسه .. مب عارف كيــف يتصرف .. ما همه شي ف هاللحظه غير فيّ .. *يا عيني عالحب ..ما قووووووول غير مالت علي* .. مايد غرق ف أفكاره * وواااااااااق ما يعرف يسبح* .. يفكر شو المفروووض يسوي الحين .. يسمع قلبه و لا عقله .. قلبه يقول ما عليك من الناس امش سير عند قلبك .. سعادتك معها .. و عقله يقوله .. لا يا مايد هذي مب رجوله .. كيف ترضى ع بنت خالك .. كيف ترضى تعرضها للفضيحه و المهانه .. كيـــــــف اتكون أناني لهالدرجه .. أنته عندك خوااااات .. و الدنيا دواره .. بي يوم بيستوي هالشيء ويا وحده من خواتك .. و بعدين يا مايد لا تنسى أهم شي فهالدنيا .. رضى والديك .. رضى أمك .. و رضى أمك ف ارتباطك فبنت خالك .. *الله يعينك*
فهاللحظه أم مايد حست أنه ولدها مصخها .. *نا نا ..محد قالج .. كنتي تبين تعذبين هالفقيره .. الله راواج* .. دزته .. بس مايد خبر خيـــر .. انتبهت أخته عليا .. و دزته بجتفها ..
عليا: ميــــــــود .. ميــــود فضحتنا .. امش
مايد: ما ابى
عليا: شو امش امش لا تفضحنا ..
مايد: ما ابى .. عايبتني الوقفه
عليا بعصبيه: حوه أنته تخبلت شو ما تبى .. تبى تفضحنا .. البنت واقفه تترياك
مايد: حتى هاذي تترياني
أم مايد بعصبية: شو ياك .. انته مب ولدي .. مب صاحي .. طيرت عقلك هالعميا
مايد شافها بغضب .. بس أم مايد متسلطه و لا همها * وش الجديد .. تراها عضوه ف حملة نعم للتنطيش*
و سحبته من ايدها و مشته صوب حرمته ..
صوب البنات
شهد: ويديه .. شو ياه المعرس
فيّ من سمعت كلمة المعرس بغت تحرق البيت من كثر النيران اللي ف داخلها بس ما حبت اتبين هالشي للحاضرين ..
مريم حاولت تستر ع أخوها: ههههه .. وحليله متوتر .. مستحي * واضــــح*
ريــم اتساند أختها: وحليله أخوي .. فديته محلاااااااااه
حور: يااااااي .. الحين بيلبسها الشبكه ..
شهد: انزين انتي ليش متخبله .. لا يكون بيلبسج انتي و نحنا ما ندري
مريم و ريم: ههههه
حور: اسكتي الله يخليج .. أصلا ها أحلى شي ف الملجه ..الله يعين ناس ما عندج ذره رومانسيه * شو دخل الرومانسيه ف السالفه ما عرف .. بس هذا طبع البنات كل شي رومنسي*
طبعا شهد من سمعت طاري النااااااس سكتت و ما يحتاي أوصف ويها * صلصلة طماط*
فيّ تسمعهن وهن يرمسن و تحارب دمعتها .. ما تباه تنزل .. كيف بتشرح للناس سبب دمعهتا .. و هل الناس بيفهمونها .. طبعا البنات كملن سوالفهن .. و فيّ اتحس بغصه اكثر و حزن أكبر .. كل دقيقه وحده اتقول شوفي شوفي كيف يود اديها .. و لا شوفي شوفي .. من التوتر مب عارف يلبسها الأيرنقز ... و محد حاس ف فيّ * أدري أدري .. نحنا بس اللي عندنا مشاعر.. وااااااااي فديتنا* . .فيّ ما قدرت تستحمل أكثر القرب اللي بين مايد و حرمته .. حتى لو ما اتشوف بس اتحس .. و البنات ما قصرن صورن لها الموقف بكبره ..
فيّ : حووور .. حبيبتي .. وصليني برع .. مب قادره استحمل حر
حور: فيّ اتخبلتي . وين تبين .. ايلسي .. حرام بتفوتي أهم اللقطااااات *الله ع اللقافه*
فيّ عصبت: و الله أنج فاضيه .. شوفي إذا ما طلعتيني .. بطلع روحي
حور و حست ف اختها: اوكي اوكي
و طلعت حور ويا فيّ ,, و يلستها ع الكرسي اللي ف الحديقه .. و ردت تدخل ,, تبى تلحق ع الأحدااااااث *الحق ما تلحق *

انرد صوب المعرس اللي كاره الدنيا و كل ما فيها * كل ما فيها .. اممم ,, ما اعتقد .. ما اعتقد انه كاره فيّ* .. العروس كانت مستحيه و اتشوف الأرض .. و مايد متوهق .. مب عارف شو يسوي .. أصلا تفكيره متشتت .. يفكر ف فيّ .. صج أنها ف هاللحظه بعيده عن عيونه بس قريبه من قلبه .. مجرد انه يعرف انها موجوده .. يخليه يختبص ..
أم مايد: حبيبي مايد ..بلاك ؟؟
مايد: ما عرف البسها
العروس موخيه و ميوده ضحكتها
عليا: هههه .. وين بتعرف و انته ترتقل من فوق الين تحت
مايد شاف عليا بنظره خلتها هي ترتقل من فوق الين تحت
مايد: امايه انتي لبسيها .. انا مب املبسنها ..
شافته أمها باستغراب .. مايد حس انه كان دفس و انه البنت مالها ذنب
مايد: ما عرف البسها
عليا: هههه .. الله يهديك ما تعرف اتلبس حرمتك ايرنقز ,, يا بوي لازم تتعود
رد مايد و شافها و ردت اتلابط ,, لول
أم مايد: خلاص انا بلبسها .. هههه .. فديت ولدي .. متوتر و ابتسمتله
ابتسم مايد ابتسامه صفرا ما حب يخرب فرحة أمه .. ع الأقل واحد منهم يكون فرحان
عقب ما لبس العروس شبكتها .. يلس .. و طول الوقت يفكر .. قلبه و عيونه يدورون ع غناته .. و حبه ..
*يا الله وينها .. توها كانت اهني .. وين سارت معقوله روحت .. لا لا .. بس هذي أمها موجوده .. اممم.. يمكن ردت بروحها.. يا الله ليش سرتي .. بعدني ما شبعت منج .. أاااااااه ..متى بي اليوم اللي بشبع فيه منج ..
و ف وسط تفكيره حس انه جتفه يحرق .. صد صوب اليسار
مايد: عوذ بالله منج .. شو هالدفاشه .. متى بتودرينها .. أنتي ما بتطلقين إلا من ورى هالدفاشه
عليا: بل بل .. اشوي اشوي علينا .. تراك مب أول معرس فهالوجود ..
مايد: أووف .. خلصينا .. والله مب متفيج لج
عليا: يا أخ ودر المستحى .. و رمس البنت .. الحين بتكمل عشر دقايق و ما نطقت بكلمه
مايد: و الله .. و انا أحس أني يالسه اهني من سنين .. مليت .. بروح
عليا فجت عيونها: حوه انته استح ع ويهك .. شو هالكلام اللي ماله معنى .. يالله رمسها .. و الله إذا ما رمستها بزعل .. اتعرف زعلي غير عن زعل أمي
مايد ف خاطره أووووف ها ما بتفكني الين ما رمس هالبنت .. صد مايد صوب هدى
مايد: مبرووووووووك
هدى اتشوفه و تبتسم له: الله يبارك ف حياتك
مايد: اسمحيلي طولت و غثيتج .. ياله بترخص
عليا فجت عيووووووونه .. باختصار ويها استوى ما فيه غير عيوووون
هدى اختفت ابتسامتها: أوكي .. مع السلامه
مايد: مع السلامه ..
و نش عشان يطلع .. و طلع من غير ما يصد يشوف أخته عليا اللي اشوي لا تذبحه ع هالحركه السخيفه .. طلع من غير ما يرمس أمه لأنه يعرف كيــف بتتصرف .. و أصلا هو معصب من الكلام اللي قالته أمه ..
لفتت انتباه وسرقت عيونه.. وحده يالسه ف الحديقه بعباتها و شيلتها .. كانت موخيه .. و اديها كل دقيقه ترتفع و تمسح الدموع اللي ع خدها .. اتقرب مايـــد صوب البنت .. شي يشده صوبها .. مب عارف شو هو .. و كل ما اتقرب دقات قلبه اتزيد و اتزيد .. خلاص .. استوت الرؤيل واضحه عنده *جااااااهز للهبوط..لول* ..خلاص اهني مايــــــــد مب عارف شو يسوي .. قلبه يحترق من القهر .. يشووووووف حبيبت قلبه ؟؟ نظر عيونه فيّ اتصيـــــح .. و هو مب قادر يسوي شي .. كيـــف يقدر يسوي شي .. كيف.. و هو سبب هالدمووووووووع الغاليه ..
فيّ من كثر الحزن اللي ف قلبها.. ما حست بمايـــد اللي واقف ع بعد خطواااااات منها .. ومب قادر اتسيطر ع دموعها *البريك خربان* .. و بدت ادوعها اتزيد .. *شغلي مشاشات السياره* .. بس الصدمه الكبرى .. بدت اتناعر .. و صوتها يعلى ويعلى *يا ويل حالي .. قمنا انصيح ويلاااات*
مايـــــــــد ما قدر يستحمل أكثر .. حس عمره بينفجر.. و حس انه اذا تم بيتصرف بطريقه مب حلوه .. مشى بسرعه صوب سيارته و ركب ..و شخطهاااااااااا ...

ضاعت دروب المحبه و الحـــــزن ما ضلني
يـا حســافه ذي الليالي ذي الليالي ما انصفن
لا تهـــــل ادموع من عينــك اخــــــاف اتهلني
خايف اطلـع من عيونــك لا من ف يوم بكـــن

يتبع
انرد لأم السعف و الليف .. أم مايد *استغفر الله .. قمنا نغلط ع العيايز .. من القهر* .. و طبعا ظلها عليا .. عليا من القهر ع أخوها محمـــــــــره .. عاد ما يحتاي أقول كيف كان شكل أم مايـــد .. إذا عليا جيه أم مايــــد كيـــــــــف ؟؟ .. بس بس .. لا تعصرون مخكم أكثر .. و الله انه ام مايــد كانت اتدخن .. اتقولوووووووون قطار

أم مايد اتصاصر حليفتها: شفتيه .. شفتيه .. ما سوالي حساب .. ع طول طلع .. من غير ما يقولي .. و لا يوم شاف مسودة الويه اتيبس مكانه .. زين ما فضحنا
عليا اترمس أمها ع نفس النمط: هيـــه .. و لا كان بيغير رايه ف أخر لحظه
أم مايد معصبه: يخسي إلا هو .. و الله لو سواها لا هو ولدي و لا انا امه
عليا تهدي أمها: خلاص خلاص .. عدى الموضوع ع خير
أم مايد: أي خيــر .. و أخوج هذا ما رمس البنت .. و لا التفت صوبها
عليا: امايه .. ودري العصبيه ما بتفيد .. خلج طبيعيه عن يشكون الناس ..
أم مايد: انا الغبيه ليش عزمتها * عشان تقهرينها .. نانا .. بس الله راواج *
عليا: بس .. الحين ندم ما يفيد
و قامن سارن صوب العروس .. يسولفن .. *اونهن طبيعيات*
*
*
*
سيارة مايد
مايد يسوق ساير صوب البحر يشكي ل ه همه و غمه .. و الضيجه واصله حدها .. لدرجه نزلت دمعه غاليه من عينه .. ف وسط همه و ضيجته سمع صوت موبايله .. بس ما اهتم ولا فكر يشوف منو المتصل .. خاف اتكون امه .. و ما حب يرمسها ف هالوضع .. لأنه مب طايق نفسه ف شي أكيــد ما بيقدر يرمسها بأدب .. بس صوت الموبايل أزعجه ..
مايـد: اوووووف منو هالمتفيج ..
و شل موبايله وشاف الرقم .. و رد عليه ع طول
مايد: الو
عبدالله: هلا و الله بالمعرس .. مبروووووووك مبررروك يالغالي *وااااااي .. و أخيرا طلع الشهمي غونزالس*
مايد من غير نفس: الله يبارك ف حياتك
عبدالله: عفانا الله يا الزطي .. ع الأقل قولي عقبالك
مايد: اوف .. عقبالك
عبدالله حس بضيجة مايد .. هو أصلا حاس بضيجة ربيعه من اول .. و حب يتصل يغير الجو و يطقس الأخبار
عبدالله: مايد .. انته وين
مايد: ليــش
عبدالله: متوله عليك .. ابا اشوفك ياخي حرام.. أدري عقبكمن يوم ما بشوف شعره منك .. بنلقاك كله مطيح عند العروس
مايد: لا حول .. الحين ها شو دخلها ف السالفة
عبدالله: ما علينا ..وينك
مايد: ساير صوب الممزر
عبدالله: عيل تمام ..وانا بكون اهناك ..
مايد:اوكي
عبدالله: يلا مع السلامه يا حبيبي .. اوبس خلاص مبمن حقنا نزقرك بحبيبي .. حقوق التدليع محفوظه لناس
مايد من القهر سكر ف ويه عبدالله *زين سويت.. كل دقيقه طرى أهلك ما يستحي*
و في الطرف الثاني
عبدالله: ما عليه معذووووووور .. بس اليوم بعديها لك .. يا المعرس .. و يبتسم ..
*
*
*
بحر الممزر
عبدالله: ها وينك ..
مايد: بتلقاني امبركن ف الباركات اللي عند مكينة السحب
عبدالله: اوكي .. ياينك ..
مايد: يلا اترياك
عبدالله: انزين ,, اقوول
مايد: نعم
سكر عبدالله ف ويه مايد *استغفر الله .. ياهل*
مايد ابتسم .. و الله انه هالعبود مينون *طالع ع حبيبة القلب*
و عقب دقيقتين .. سمع مايد صوت سياره .. صد و شاف سيارة عبدالله .. نزل عبدالله من السيارررره .. و سار صوب مايد
عبدالله: حوووووه .. انته شو تبى العروس اتغير رايها جيه مستوي .. امبهدل .. تاملي بليا غتره و لا عقال ..
مايد: ابركها من ساعه
عبدالله: نعم ما سمعت
مايد: مب لازم
عبدالله: ياخي بلاك جيه متكدر.. اللي يشوفك ما يقول انه اليوم ملجتك
مايد شاف عبدالله بنظره مكسوره .. ورد نظره صوب البحر .. عبدالله قلبه عوره ع ربيعه الروح بالروح .. مايد عمره ما كان جيه .. دومه فرفوش .. ودومه شريكه ف بلاويــه و خباله .. أوووووووف الله ياخذ الحب و سنينه .. لول .. بس عبدالله ما يأس .. و خذ عهد ع نفسه انه يطله مايد من هالحاله التعيسه اليوم ..
عبدالله: احم احم .. ميـــود
مايد: خيــــــر
عبدالله:حلوه ؟؟
مايد باستغراب: منوه ؟؟
عبدالله: لا تستهبل منو .. حرمتك
مايد: أيـــه أنته ما تستحي ع ويهك ..
عبدالله: اوب اوب .. و الله انغار بعد
مايد: اجلب ويهك
عبدالله: ميود .. الله يخليك .. إذا حلوه متى بتعرفني عليها
مايد بطل عيونه .. بس فهم شو يبى يسوي عبدالله
مايد: و الله انا ما شفتها ..
عبدالله: ما شفتها ؟؟ ..ياخي قول غيرها .. اذا ما شفتها شفت منو
مايد: اتوقع ؟؟
عبدالله باهتمام: منوووووووه ؟؟
مايد بفرح:فيّ
عبدالله: والله
مايد: والله
عبدالله بمكر: ويا منو يايه
مايد فهم قصد عبدالله و حب يغلس عليه ,, يرد له الحركه
مايد: اعتقد أمها ..بس اسكت يا عبود .. أختها شو حلووووووه طالعه .. ما رمت أخوز عيني عنها
عبدالله عصب: الحين انته محتشر اونك اتحب فيّ .. و ما تبى غيرها .. أخر شي اتبحلق ف أختها
مايد ميود ضحكته: شو اسوي .. حلوووووووووه
عبدالله: حوووه أنته مب صاحي اليوم .. ما عرفنالك اتحب منوه
مايد: والله شكلي بغير ..بحب أخت فيّ
عبدالله: هي هي .. الزم حدودك .. بنات الناس مب لعبه .. كل يوم بتحبلي وحده .. وبعدين خلاص أنته ملجت اليوم .. لازم اتشل البنت من تفكيرك .. و بس اتفكر ف حرمتك
مايد رد لحزنه: اوووف .. الله يهديك عبود .. لازم اتذكرني .. أصلا انا ما قدر افكر ف وحده ثانيه .. وحده بس وحده ملكت قلبي وعقلي و كل شي فيني .. و ما اعتقد أني بنسها ..
عبدالله يتنهد: الله يهديك انته يا مايد .. كل شي انتهى .. لازم تنسى الماضي .. و تعيش حياتك ..
مايــد: اتصدق .. كل ما اقول خلاص لازم انساها .. اشوفها جدامــي .. انته أكثر واحد اتعرف أني وكلت أمري لله .. من عقب الاستخاره .. بس اليـــــوم شفتها جدامي .. نسيت الدنيا و ما فيها .. نسيت عمري .. قولي كيــف أنساها .. كيــف و كل ما اقرر أشوفها جدامي.. *عيل لا تقرر* .. تتخيل أني أدخل ع حرمتي و ما شاوفها اشوفها هيه .. انا وايــد متضايج .. وايـــد .. انا مب قادر اسعد حد .. لا حرمتي و لا فيّ ..أااااااااه
عبدالله: سلامتك يا خوي من الآااااااااااه .. أنته منو قالك أنه فيّ مب سعيده ف حياتها .. مب أنته قتلي أنك يوم اتصلت بها .. قالت لك انه اللي اتسويــه غلط .. و قتلي انها ما اعترفت إنها اتحبك .. يعني يا مايــد حبك من طرف واحــــــد ..
مايد: مستحيـــــل .. انا احس انها اتحبني ..
عبدالله و بدى يعصب: اتحس .. يعني مب أكيـــد .. الين متى بتم متعلق بهالأحساس .. خلاص لازم تهدم هالإحساس .. لأنه لو صدق.. حبكم ماله أمـــــــــل *ما قساك يا أخي .. حطمت الريال.. وهو مب ناقص تحطيــــم* .. بس يا مايد لا تعذب عمرك و تعذب غيــرك معاك .. لا تنسى انه حرمتك قبل ما اتكون حرمتك هي بنت خالك .. وبعدين هي ماله ذنب ف اللي يستوي.. ولا اتخلي تضحيتك تضيــع هدر.. أنته اتسوي كل هذا عشان ترضي أمك و تفرحها .. و انته بهالطريقه تغضبها .. و تعذبها بتعاستك ..
مايد: هه .. ما اعتقد انها تهتم
عبدالله: والله بقوم اصفعك .. ابى عرف انته طالع عنيد جيه ع منو؟؟ ..مايد .. و يحط ايده ع جتف مايد *يا عيني ع الحنان* .. عط البنت فرصه و عط نفسك فرصه ..يمكن تقدر اتنسيك فيّ
مايد: محد يقدر ينسيني فيّ ...محد
عبدالله: يووم اقول عنك تيس اتعصب .. اوووووف ودر عنك هالعناد ترى ما يفيــــد ..تسمــــــــع
شافه مايد و ابتسم ونادر ما يشوف عبدالله يتفلسف و يرمس بمنطق *اويه .. دشت ذبابه ف حلجي .. من الصدمه*
مايـــــد: إن شاء الله أبويــــه
عبدالله بجديــه: انزين .. لقيتها
مايد باستغراب: منو ؟؟
عبدالله: اوووف .. مب بس تيس .. إلا حمار .. حرمة أبووووووووك
مايــد: ههههه .. نسيـــــــت
عبدالله: والله أنك ..أناني .. اووووووف ,, انا ابى اعرس .. بديت اغار
مايــد: اوب اوب .. خلاص لقيتلك وحده .. وحده خطيـــــره اتعرف اتسنعك
عبدالله: منو هاي .. يا بابا ما انولدت هاي اللي اتسنعني ..
مايد يبتسم بمكر: بنشوف ..شو رايك ف اللي شرشحتك ف السيتي .. أخت حمد
عبدالله ادوده: أي وحده .. ما اذكرها
مايــد: علينا . .قول أي وحده اللي ما نسيتها و احب اطفرها
عبدالله: وع وع .. ما حصلت غير هالمينونه .. هذي بدال ما تسنعني بتخبلني *وين حور عنك .. بس و الله ضحكتني ...اونه بتخبلني .. يا روحي .. انته روحك مينون .. ما تحتاج مساعدات*
مايد:هههههههه
عبدالله: ليش تضحك ..
مايد: ليش حرام ؟؟
عبدالله: لا .. بس ممنوع تضحك عليه .. بس إذا عليها برايك اضحك من اليوم الين باجر .. المهم تضحك
وكملوا الشبيبه سهرتهم .. و قدر عبدالله ربيع مايد يخفف عليه .. ويغير الأجواء .. طبعا ورد للخبال

*
*
*
عقب الملجه
بيت بو حمد
حجرة فيّ

فيّ يالسه ع شبريتها و حور مجابلتنها
حور: ليـــش كنتي اتصيحين
فيّ: ساكـتــــــــــــــــــه
حور: فيّ حبيبتي ارمسج ..بلاج .. ارمسي
فيّ و شوي لا ترد لنوبة صياحها: ما فيني شي
حور: كيف ما فيج شي .. عيل ليش كنتي اتصيحين
فيّ بتوتر: ما دري اتضايجت .. كنت حاسه شكلي غلط و انا وياكن .. يعني ما كنت اقدر اشوف شي و لا اعلق مثلكن .. كنت حاسه بالنقص
حور حاسه بأختها بس تباها ترمس: متأكده
فيّ:هيــه عيل ليش بصيــح
حور بمكر:يمكن شي ثاني
فيّ بتوتر:ش شي ثاني .. مثل شو ؟؟
حور: مايـــد
فيّ: حور .. عن السخافه ..
حور: مايــد يحبج .. هو قالج ..
فيّ: و خيــر
حور: و أنتي ؟؟
فيّ: أنا راسي يعورني و ابى ارقد
حور: انزين بطلع .. بس جاوبيني قبل
فيّ: بلاج . .قتلج قبل ..أني ما أحبه
حور: عشان جيه كنتي اتصيحين .. أنا أدري أنتي ما اتحبين اطلعين اللي ف خاطرج .. بس إذا حبيتي ترمسين تراني موجوده .. يلا تصبحين ع خير *و اتبوس فيّ*
فيّ مبتسمه: و أنتي من أهله ..
حور و هي ف دربها صوب الباب
فيّ تصرخ:حـــــــــــــــــــــــــــــور
حور: بسم الله
فيّ: هههه .. تعالي ببوسج ..
حور: احلفي أنتي بس .. طيحتي قلبي ف بطني ..عشان اتبوسيني ..
فيّ: ويــــه زين من بتنزل و ببوسج
حور: انتي معذوره اليوم ..ما بقولج شي .. بس باجر براويج .. و سارت صوب فيّ ..يلا بوسيني
فيّ:غيرت رايي
حور: شريره ..
فيّ: ههههه .. يودت حور من ايدها و باسته و حظنتها و يلست اتصيح
فيّ: الله لا يحرمني منكم
و حور يلست اتصيح ويا أختها و اتهديها .. حور اتعرف انه فيّ اتحب مايد ما تحتاج للأعترافها ..
*
*
*
عقب أسبوع من الملجه

مايــــد –} ما رمس حرمته .. و لا زارها .. بعده مب قادر يتأقلم .. و أمه حاشرتنه .. و عليا أخته تعبت من كثر ما ترمسه .. و عبدالله استوى مصلح اجتماعي ف هالأسبوع من كثر ما ينصح مايـــد .. مب منه كل يوم تتصل فيه أم مايد و تيلس تترجاه أنه يفهم و ينصح ولدها ..
فيّ ــ} حاولت اتسيطر ع مشاعرها .. و تتغلب ع مشاعر الحزن .. و نجحت نوعا ما .. لأنها بطبعها ما اتحب تتكون سبب ف تعاسة أهلها .. هي تدري كيف يحبونها و يحاتونها .. بس هذا مب معناته انها نست مايـــــد .. بالعكس هي كل يوم اتفكر فيه .. و تدعيله الله يوفقه ..

المهم انرد لبيت بوحمد
الصاله
حمد: ابويــــه ,, تعبت .. و الله ما يسوى عليه ..رمست عميــ
بوحمد: يا بوك طفرتني من اتشوفني تسأل نفس السؤال .. يا بوك اثقل .. اثقل يا ريال.. أبى عارف انته طالع ع منوه
حمد: و الله أبويه فكر ..ما بسيــر بعيد .. انزين شو قال عميــ
بوحمد:صبرج يا روح
حور:أبويــه ما عليك منه طنش تعش تنتعش
حمد يشوف حور بنص عيــن: أيه أنتي يوم الكبار يرمسون اليهال ما يدخلون
بو حمد يهز رأسه
حور:انا رمست ابويه ما رمستك
حمد طنشها: ابويــــــــه .. يلا قولي شو قال عميــ .. و الله أعصابي احترقت
حور: ويـــه أبوي ما خبرته شو قال عمي
بو حمد يشوفها و يبتسم
حمد بلهفه: شو قال
حور: يالله .. الحين شو اقوله .. حمد حبيبي كبر عقلك .. ولا تتسرع .. عمي ما واقف
حمد اتضايج: والله ..
حور: هيه و قال إذا مب عابينك بيفصخون الخطوبه
حمد: لا لا خلاص اموافق ..أمري لله *بس بس لا تصيح*
بو حمد و قلبه عوره ع ولده: حور ليش تجذبين ع أخوج .. حمد .. عمك وافق
حمد بفرحه: والله
بوحمد بابتسامه ترد الروح: هيــه والله
حمد: ياااااااااااااي .. يلا انا مروح
حور: ويـــــــن
حمد: بتصل ف شهد
بوحمد: ههههه .. اثقل .. حشى ع طول بيتصل ..
حمد: ابوي ما قدر اصبر اكثر ..أسمحلي ..
وطلع
حور:هههههه..
بو حمد: الله يديم ع الفرحه *قولوا آميــــــــــــــــــــــــن*
حور: آميــــن *شطوره*

حجرة حمد
حمد: اووووووووووووف ليش ما ترد ..
و يرد يتصل مره ثانيــه
ترن ترن ترن ترن ترررررررررررررررررررررررررررررررن *علـــــق من القهر*
شهد: ألو
حمد: هلا و الله .. هلا و غلا .. هلا بالطش و الرش *اشوي اشوي خذ نفس*
شهد قافطه: هلا حمد
حمد:وايــــد عليج .. شو هالترحيـــب
شهد ساكته
حمد: وينج ما اتردين
شهد: كنت تحت .. سيف ولد خالي ..
حمد من سمع سيف لبق
حمد: منو منو
شهد ميوده ضحكتها: حمد بلاك ما تسمع .. قتلك سواف تحت
حمد: لا بعد .. ادلعينه و تزقرينه سوووووووااف
شهد و اشوي لا تفجرمن الضحك: حمد شو ياك
حمد يحاول يهدي: ما شي حبيبتي .. *خيبه بايعنها الريال*
شهد من سمعت حبيبتي جنه حد جاب سطل ماي عليها
شهد: حمد .. بلا هالكلام الطفس
حمد فهم قصدها بس كالعاده ما يبى يفوت فرصة التطفيــــر: أي كلام .. الحين أنا شو قلت
شهد: انته اتعرف عن شو ارمس
حمد: انزين انتي قولي شو هو الكلام
شهد بقهر: ما شي .. خلاص انسى الموضوع
حمد يستهبل: أي موضوع
شهد منقهره: موضوع سواااااااف
حمد رد لعصبيته: رديتي و قلتي سووووووووووووووواف *محد قالك استهبل*
شهد: ههههههه
حمد: شهووووووووووووده
شهد: نعم
حمد:دلعيـــــــــني مثل ما ادلعين سوااااااااااف
شهد:هههههه .. ما يستوي
حمد باستغراب: ليــــــش؟؟
شهد: حقوق التدليع محفوظه
حمد عرف انها تبى تقهره: هههههه .. حبيبتي أنتي .. عيوني .. قلبي *الحقوا ع البنت*
شهد ماتت من المستحى و سكرت التلفووون ف ويهه
حمد : هههههههه .. و الله أموووووووت فيها
و رد اتصل
شهد بعصبيه وتوتر: ألووووووو
حمد: ليش سكرتي ..
شهد: انغلق .. ما فيه جارج
حمد: انزين عمري مره ثانيه جرجيه عدل
شهد: حمـــــــــــــــــد .. و الله بسكر
حمد: اوكي اوكي زز خلا ص ما بقول هالكلام مره ثانيه .. بس لا تسكرين ..ما صدقنا حصلنا الموافقه *ما توووون إلا بالعين الحمره*
و كملوووووووا مكالمته .. ما اقدر اخبركم شو قالوا .. أسراااار .. البيوت أسراااااااااار

ف الصاله
حور: أمايـــــه ..انا سايره
أم حمد: اوكي بس لا تتأخرين .. و ها ما واصيج بالسواقه السنعه
حور: هههه .. إن شاء الله
فيّ: سلمــــــي ع ساروووووه
حور: الله يسلمج .. بااااااااااي
فيّ و أمها: مع السلامه
و هي طالعه شافها حمد: حووووووووه أنتي يالمينونه وين سايره
حور:بسيــر بيت ربيعتي اشتغل وياها ع بروجكتنا
حمد: انزين و ليش مستعيله
حور: اتأخررررررررررت عليها .. يلا مع السلامه
حمد:ههههه .. دومج متأخره ..
طنشته حور و ركبت سيارتها .. و انطلقت

بيت سااااااااااره .. ربيعت حور
ف الحجره

ساره: حوووووور .. بسنا تعبنا من ساعه و نص نشتغل .. خلنا ناخذ بريــك
حور: هيه والله ظهري عورني ..
ساره: الله ياخذه عاطنا بروجكت اشكبره
حور: لا و ع أخر السمستر .. سخيــــــف
ساره: و يقهر
حور: ههههه
ساره: و الله اني يعت من الشغل .. و أنتي ؟؟
حور: و الله أنا عطشانه أكثر من أني يوعانه
ساره: أفاااااا.. الحين بيبلج عصيـــر .. دقايق بس ..
حور: لا لا .. أبى ماي ..
ساره: أوكي... الحين برد ..
حور: بسرعه .. أنا بكمل هالبارت الين ما اتردين
ساره: أوكي ..
حور كملت شغلها .. دقايق و لا حد يفتح الباب .. حور كانت عاطيه الباب ظهرها .. أول ما سمعت الصوت صدت وهي تقوول: ما بغيـــ و ما كملت .. ما عرفت شو اتقول واحد بطول و عرضه جدامها و هي بليا شيله .. اتيبست مكانها .. ما عرفت شو اتسوي ..
بس تعبت .. امممممم.. منو هالبطل اليديد ؟؟ امممممم .. و تتوقعون يكون له دور كبيــر ف القصه ؟؟؟ اممم.. و بتحبونه مثل ما حبيتوا باقي الشخصيات ؟؟ شو رايكم ؟؟؟











ت ك تك
Part 18

بيت سااااااااااره .. ربيعت حور
ف الحجره

ساره: حوووووور .. بسنا تعبنا من ساعه و نص نشتغل .. خلنا ناخذ بريــك
حور: هيه والله ظهري عورني ..
ساره: الله ياخذه عاطنا بروجكت اشكبره
حور: لا و ع أخر السمستر .. سخيــــــف
ساره: و يقهر
حور: ههههه
ساره: و الله اني يعت من الشغل .. و أنتي ؟؟
حور: و الله أنا عطشانه أكثر من أني يوعانه
ساره: أفاااااا.. الحين بيبلج عصيـــر .. دقايق بس ..
حور: لا لا .. أبى ماي ..
ساره: أوكي... الحين برد ..
حور: بسرعه .. أنا بكمل هالبارت الين ما اتردين
ساره: أوكي ..
حور كملت شغلها .. دقايق و لا حد يفتح الباب .. حور كانت عاطيه الباب ظهرها .. أول ما سمعت الصوت صدت وهي تقوول: ما بغيـــ و ما كملت .. ما عرفت شو اتقول واحد بطول و عرضه جدامها و هي بليا شيله .. اتيبست مكانها .. ما عرفت شو اتسوي ..
*
*
*
عقــب ساعتيــن
بيت بو حمــــد
حجرة فيّ

فيّ يالســـــــه ف حجرتها تسمع محاظره.. مره وحده ادش عليها ..
فيّ: بسم الله الرحمن الرحيـــم
حور: هههه .. السلام عليج
فيّ: و عليكم السلام و الرحمه .. أقول حور حبيبتي
حور: أمـــــــــــري عيوني .. ادللي ..
فيّ بكل جديــــه: ممكن حبيبتي .. اتردين الباب مكانه ..
حور باستغراب: شـــــوه ؟؟ الباب؟؟ ..ارده ؟؟ .. بلاج؟؟ .. الباب ف مكانه
فيّ: والله .. الحمدالله .. اتحسبتج جلعتيـــه و انتي داخله .. و مب حاســـه *صدقــــها*
حور: ها ها ها ها .. ما يضحك ..أونج اتنكتيــــــن
فيّ: قلتيـــها أوني ..
حور:شو اتسويــــــــن
فيّ: والله يالسه اخيط فستان لباربي بنتج .. شو اتشوفيـــني اسوي؟؟ .. يالس اسمع المحاضره *لا تلوميـــنها يا فيّ.. مب منها .. من البطل اليديد الي دخل عليــــها*
حور: واااااااااااي فديـــــــــت بنتي .. يا ربي .. اقـــول تراى بنتي اتحب اللون الأحمـــــــر .. سو بليــــــز نبى فستان أحمـــــــــر *عاشت الدور .. ما صدقت*
فيّ اتقلد أختها: فديــــــت بنت أختي .. هي تامر و تنهي ..و تدلل .. بس خليها تيــب باربيتها عشان أخذ القياس .. نبى الفستان يطلع أوكــي .. كله و لا زعل بنت أختي .. اقول شو اسمها *ما شاء الله ع الخط وياها*
حور:احم احم.. بعدها بدون .. هههه
فيّ: لا .. يا حرام .. انزين لا يكــون أبوها بعد بدون
حور:هيــــــه حدج عاد كله و لا بو عيالي ..
فيّ:يا ســــــــلام بعد ما ترضى .. هااااااااااه *صـــــــــــادوه*
حور:ههههه ..أكيـــــــد ما برضى .. بس أنا اسبه محد غيـــــري *حقوق السب محفوظه*
فيّ: انا ما قول غيـــــر الله يعيـــنه .. انزين قوليلي شو خلصتن البروجكت ..
حور: لا باقي كمن بارت و بنخلصه إن شاء الله .. بنكمل ف الجامعه .. بس تعبنا *والله حاسه فيــــــج*
فيّ:خلاص هانت .. قريب و بتفتكن إن شاء الله ..
حور: ما قتلج شو استوى
فيّ بكل اهتمام : شوووووووووه ؟؟
حور:الله يسلمج .. كنا يالسين انا و ساره ف حجرتها انزين..
فيّ:انزين
حور: قالتلي ما يعتي ؟؟ ..
فيّ:لا يكــــــــون قلتيلها انج ميت من اليوع و فضحتينا ..بتقول أنا ما نأكلج .. وا خزياااه
حور: أقول مب وقته تسيخفين ..
في: أنتي الله يهديج .. لازم السالفه بتفصيــــــــل الممل
حور: عشان اتعيشين الأجواء
فيّ: أوكي ..يلا كملي ..
حور:قلتلها انا عطشانه أكثر من يوعانه *الحمدالله ما فضحتكم*..المهم سارت بتيبلي ماي .. و يلست اشتغل ..البنت اتأخرت .. مره وحده يتبطل الباب .. جان اصد بتهزبها .. و بديــت ما يغيــــ ..بس ما كملت
فيّ: ليـــــــــــــش ؟!
حور: شفت واحــــــــد بطوله و عرضه جدامي .. اتيبست مكاني
فيّ:أي ويهي .. منــــــــــــــــــــــو ؟؟
__
_____
__________
*انقطع الإرســــــــــال*
*
*
مكـــــالمــــــــه
سارا: كيـــــــف تدخل ع البنت و هي بليا شيله .. و الله فضحتني
الريال: و الله مب قاصد.. أصلا ما اعرف انه ربيعتج عندج .. اتحسبج بروحج *بعدني ما اخترت الاســـــم*
ســــــارا: والله اني مفتشله .. أنته شو يايبنك اليـــــــوم ..
الريال بضيج: افا .. يزاتي .. قلت بسأل عن أختي ..بس إظاهر لازم أخــــذ مره ثانيه موعد ..
سارا: و الله ما اقصد .. انته حبيـــــبي .. و أكثر واحــــد أحبه من إخوانك و إخواني ..هههه
الريال: هيــــه هيه قصي عليه بهالكلمتين ..

*
*
*
انرد لفيّ و حور
*عدّلنا الإرســال*
حور: طلع أخو ساروه ..
فيّ: انزين .. و شو سوى ... أنتي شو ريأكشنج؟؟
حور: انا اتصلبت .. ما عرفت شو اسوي ..أحس انه الدموع اتميعن ف عيني .. بس هو وحليله ..حس فيني .. نزل رأسه اعتذر و طلع بسرعه ..
فيّ: وحليله محترم ..
حور:لااااااااااه مب دوم محترم
فيّ باستغراب: شو تقصدين؟؟
حور: اتعرفين منو أخوها ؟؟
فيّ:منووووه ؟؟
حور: هههه .. المينون ربيع مايـــــد
فيّ: والله!!! كيف جي ؟؟ اقصد انج قلتيلي مره انج دخلتي بيتهم قبل .. و انتي جد سايره بيت سارا قبل .ز كيف ما عرفتي ؟؟
حور: ههههه .. يا عيني ع الفضول .. عبدالله أخو ساره من الأبو .. وهي و أمها ساكنين ف بيت روحهن ..مب ويا حرمة أبوها و عياله .. فهمتي ..
فيّ: اهااااااااااا .. وحليله عبدالله
حور تصرخ: حله حلول .. مالت عليه ..
فيّ باستغراب :ليش شو سوى
حور: ما شي بس يقهرني .. كل مره اشوفه احس دمي يفووووور ..
فيّ:ههههههه .. الأخ محصل حسنات من وراج
حور: هههه .. زين ..لأني ما اظن عنده حسنات
فيّ:الي يسمع انتي عندج
شلت حور المخده وفرتها ع فيّ
حور:ليش ادافعين عنه و ما ادافعين عني .. ها
فيّ:ههههه .. إلا بتخبرج .. ليش شهد و حصه ما يونا من عقب الخطوبه
حور: شهد أونها تستحي ... ما تبى اتشوف حمد .. الي يسمع عاد هو ما بيطلع من البيت إذا يتنا *لا حبوبه ..بس بيجابلها و بيطفرها*
فيّ باهتمام: و حصه ؟؟
حور: و الله ما عرف .. بس ابصراحه احس انها زعلانه انه حمد خطب شهد
فيّ:ليـــــش؟؟
حور: ما لاحظتي انها تهتم بحمد و امبين انها تحبه
فيّ: حب عاد .. ما اعتقد .. حصوص صغيره .. يمكن يكون إعجاب بس مب حب
حور: عيل شو اتفسرين اختفائها المفاجىء *اممم ,, المحقق كونن يعمل جاهدا*
فيّ: افسره ..امم ..انه حصه صغيره و مب عارفه تفهم مشااعرها و أحاسيسها .. و هي ف سنه المراهقه ..
حور: لاحظتي
فيّ:شــــــــوه
حور:انج اتحبين تتفلسفين
فيّ: لا حظتي
حور:شــــــوه
فيّ:انج بتنطردين
حور:ههههه .. لا لا ..أخر زمن انا انطرد .. اصلا انا توني كنت بقولج اني بطلع
فيّّ: هههه .. و الله زين .. تعرفين أنج غير مرغوب فيــج
حور: مب جيه .. ما اقدر استحمل ثقل دكج أكثر .. قلت انسحب أبرك
فيّ: اوكي فارجي بســــــرعه
حور تقوم بتطلع:ههههههه
فيّ: حبوبه
حور: نعم
فيّ:حد رمسج .. *قويـــــــــــه .. لقطي ويهج* ..
حور ساكته و مب عارفه اترد من القهر
فيّ: هههه ..باجر بنسير بيت عمي .. من الحين اقولج
حور: بفكــــــــر ف الموضوع .. و لا اقولج رمسي مديرة أعمالي و خذي موعد منها عشان اناقش الموضوع .. لأني بيزي .. جاااااااااااو .. و تطلع من الحجره .. *مشكله القهر*
فيّ:ههههههه ..
*
*
*
اليوم الثاني
الجامعــه *وووووووع*

شهد و حور ف كلاس الأكاونتينق .. قبل ما يبدا الكلاس بدقايق ..
حور: هيـــــه ..صح ..اليوم عقب المغررب أفرشي الزوليه الحمرا ..
شهد: ليـــــش إن شاء الله ؟؟
حور: الشيخه حور بتزوركم اليوم
شهد: لا والله .. زين قلتيلي .. بوصيهم بعد يبون ورود .. انفرهن عليـــج .. شو رايج
حور: والله فكره مش بطاله .. بس زيدي الورود لأنه أختي الحبوبه بتخاويني
شهد: والله .. حبيبتي فيّ قررت اتنور بيتنا .. امممممم .. بفرشلها زوليه حمرا اب بوردار ذهبي
حور: لا و الله .. عيل يوم انا قتلج يايتنكم .. ما سويتي هالحفله
شهد بغياض: الحين انتي اتحطين مستواج من مستوى حبيبت القلب و اروح فيّ *هههه .. قويــــــه*
حور من القهر ضربت شهد ع رأسها
شهد:هههههههه
ثواني و دخل عليهن الأستاذ بس البنات بعدهن ما حظرن *مستعيل الأخ*
الأستاذ:Good Morning ..
و حط شنطت اللاب توب ع الطاوله و يطلع اللاب توب *واجب كل أستاذ ..خخخخ*
How r u .. shahad and hoor ??
شهد : Fine..
حور: Sir we wont have a class today .. the girls are not here ..
الأستاذ: No we will have class .. even if one girl attended .. we will have class
* يا عيني ع الوغاده و اللعانه*
بعد دقايق البنات يتهاتفن .. و يبدى الأستاذ الشرح الجميـــــل .. و كل بنت غرقانه ف عالمها *من كثر ما الشرح حلو و مفهوم* .. و شهد و حور كل وحده ميوده ورقه و قلمه .. لا يسير تفكيركم بعيد .. مب عشان ياخذن نوتس ..نو نو .. عشان كل وحده تكتب تعليقها لخويتها ... ههههه
و ف نص الشرح .. اتنط بنت و ترمس
البنت: sir I didn’t understand the break even
المهم .. يلست البنت تسمع الأستاذ و تسأله عن شي ..و الأستاذ يجاوبها ع شي ثاني و البنت اتحاول و مره وحده يصرخ الأستاذ
I understand .. I don’t want to discuss the topic .. I understand you don’t understand
شهد بطلت عيونها و البنت ودها تكفخ الأستاذ و حور حطي ايدها ع حلجها عشان محد يشوف ضحكتها ,, و كتبت ع الورقه
أحس اليوم ما بيعدي ع خيــــــر
و اترد عليها شهد: هههه .. شكله جيه
حور: و حليلها .. ما قالتله شي .. لبس جوني ارياضه استقوى علينا ..
شهد: لول
حور: باي ثي وي .. انا عقب الكلاس مب راده البيت .. بسير المكتبه بشتغل ويا سارا ع البروجكت ..
شهد: أوكي ..انا برد البيت و برقد نا نا نا
حور: ويا هالويه
شهد: هههه ... موت في غيضك و خلك يا حســـــــــــــــود *ما سمعن كلمه من الشرح*
*
يتبع
*
*

أوكي .. عقب ما طلعت شهد من الجامعه اتصلبها حمد .. وما رقدت *حاله والله*
حمد: الو ...
شهد: الو
حمد: هلا و الله بالغاليه شما
شهد بقهر: ننعم نعم .. منو شما ,., اظاهر ما نسيتها ..
حمد: حد ينسى قلبه ..
شهد: و الله .. عيل اجلب ويهك .. و لا تفكر تتصل .. و الحين بخبر أهلي اني ما اباك
حمد: بل بل .. اتمصخر ويا هالراس
شهد: و انا ما اتمصخر .. يلا باي
حمد: شـــهــــــــد
شهد: نعم
حمد: و الله اني اتمصخر .. لا تزعلين
شهد ميوده ضحكتها: حمد قتلك باي ..
حمد و اشوي لا يموت: شهد .. سوري ..
شهد بجديه: حمد خلاص مب زعلانه .. يلا باي
حمد و هو مضايج: انزين ليش بتسكرين
شهد: لأني برقد قبل ما يشرفني خواتك
حمد استانس من الخاطر: الله يعني بشوفج
شهد باستغراب: بتشوفني ؟؟
حمد: هيه .. انا بوصل حور وفيّ
شهد: لا والله ..حور اتسوق .. ليش اتوصلهن؟؟
حمد: ما يبالها ذكاء .. عشان اشوفج ..
شهد قفطت
حمد: شو اسوي ناس من خطبناهم ما ايون بيتنا ..
شهد: و الله مشغوله ..
حمد: جذابه
شهد: حمــــــــد.. اجلب ويهك
حمد:اوكي ..بسير اكلم شما .. كله اتقولي كلام حلو .. مب ناس
شهد: زين .. بس احلم اتشوفني اليوم اوكي .. و اجلب ويهك .. مع السلامه
و اتسكر .. وحمد رد يتصل بس ما ردت عليه .. وحمد مستانس انه اتغار عليه .. و قرر يتصلبها العصر يراضيها
*
*
*
المغــــــــرب
بيت بو حمد

حمد: حور و فيّ .. يالله بسرعه ..
حور: اجا رفيق ..
حمد بقهر: رفيق ف عينج
حور: اوي راجو .. جنجال نهي *عذبتني الرمسه المخبقه*
حمد: وينها أختج
فيّ: ها .. أووف .. ذبحتنا يا العاشق الولهان
حمد: وحليلي .. هذي يزاتي اني بوصلكن
حور: والله ما ضربناك ع ايدك *انتي الي بتنضربين بسبت هاللسان*
فيّ: قولي وحليلي متوله على شهد
حور:ههههه ..
حمد سكت عنهن .. اصلا هو مقهور لأنه شهد ما اترد عليه كل ما يتصلبها .. *تستاهل ..محد قالك اتسيخف*
المهم طلعوا ربعنا ...
*
*
بيت بو شهد
بو شهد: حيا الله من يانا ..
حمد: الله يحيك عمي ..
فيّ اتبوس عمها ع رأسه: اشحالك عمي
بو شهد: بخير .. هلا و الله بالغلا كله ..
حور: لا و الله .. و أنا شو
حمد:ما يبالها ذكاء ..أنتي أخت الغلا ... هههه
بو شهد و فيّ:ههههه
بو شهد: لا لا عاد .. كله و لا حور .. هاذي حور حياتي و أحلامي .. ههه
فيّ: منو قدج
و تدخل عليهم أم شهد: السلااام عليكم ..
الكل: و عليكم السلاااام
حمد: اشحالج عموه ؟؟
حور: ههههه .. قمنا نزقرها عمـــــــوه ...
بو شهد: ههههه
حمد يطالع حوور بنظره جاتله .. خلتها تبلع لسانها .. هههه
فيّ حبت اتغير الموضوع: إلا حصوص وينها .. متولها عليها من زمان ما شفتها ؟؟
أم شهد: و الله هالبنت كاسره خاطري .. كل حياته مستويه مذاكره ...ذابحه عمرها .. تبى نسبه
حمد: الله يعينها
حور بخبث: و شهد ويـــــــــــــــــن ؟؟
حمد من سمع شهد .. اتلخبط .. و شاف عمه الي يطالعه بنظرات اتقول *على مين تلعبها* .. حس انه انكشف .. و زاد قهره ع شهد .. الي ما اترد ع اتصالاته .. و ما نزلت اتسلم عليه و هي اتعرف انه موجود .. *تستاهل ما ياك*
حمد: عيل انا اترخص
بو شهد: ايلس يا ولدي ...اتقهوى
حمد: اسمحلي عمي.. وراي اشغال .. بس قلت اوصل البنات و بالمره اسلم ..
بو شهد يسمع كلام حمد و مبتسم ابتسامه اتوتر حمد: هيــه ,, سلمت .. *هههه ..مب سهلع الشويبه*
حمد: يلا .. بس قبل ما يكمل نزلت شهد من الدري .. هي كانت تسمع حمد شو يقول ..من قال بيطلع .. قررت تنزل .. أصلا هذي خطتها عشان تقهر حمد مثل ما قهرها اليوم .. *ههه ز. يا ويل حالي ع أم الخطط*
شهد و هي مبتسمه بس ما اتشوف حمد: السلام عليكم ..
الكل: و عليكم السلام.. حمد يبى يشوفها و يذبحها ..بس مب قادر بوجود بو شهد
شهد سلمت ع بنات عمها ,, و عقب: اشحالك حمد
حمد ف خاطره لا و تسأل بكل برود .. اوووف الله يهديك يا عمي شو اميلسنك ف البيت اليوم *طاااااع .. لا يكون بيتك .. و ما انعرف*
حمد يحاول يصطنع البرود: بخير ..عيل انا بتوكل ..
شهد: بعدك ..اتقهوى
بو شهد: حبيبتي و راه شغل ..
شهد: لا إذا وراك شغل مسموح .. مع السلامه *خيبه طرده*
بو شهد اميود ضحكته .. و حور تضحك ف خاطرها .. و فيّ اتحس انه أخوها بينفجر و مب عارفه شو اتسوي .. أما أم شهد قافطه من حركة بنتها ..
حمد بعصبيه: يلا مع السلامه
بو شهد: لحظه حمد ؟؟ بظهر معاك ..
حمد: أوكي ..
و طلعوا .. و حمد شال قهر الدنيا .. و يتحلف لشهد ..
*
*
حجرة حصه
حصه كانت اتذاكر .. و مره وحده تسمه دق ع الباب .. قامت تبطل الباب بتأفف .. و أول ما فتحت الباب ارتسمــــت لا إراديا ع ويها ابتسامـــــــه حلـــــوه و كبيــــــــره ..
حصه: هلا و الله بالغاليه ..
فيّ: هلا و الله بالقاطعه ..
حصه: ههههه
فيّ: طاع .. تضحك .. أنا زعلانه .. لا لا لا تحاولين تراضيني .. قلتلج ..لا .. لالا *وحليلها ..خليها ترمس ..*
حصه: هههه .. انزين انا ما قلت شي ..
فيّ بجديه:لأنج ما اتعرفين شو اتقولين و لا كيف تبررين ..
حصه اتيود ايد فيّ و ادخلها الحجره: اتفضلي .. عقب بتقولين حصوص ما تستحي ع ويها خلتني واقفه عند الباب ..
فيّ لاحظت أنه حصه تبى اتغير الموضوع: هههه .. صدقتي
حصه: ههههه
فيّ: ها شو اتسوين ؟؟
حصه: ما شي أوني أذاكر ..
فيّ: أونج ؟؟ .. ارحمي حالج.. و الله توه خالوه تتشكى منج .. اتقول انج حابسه عمرج .. و مجابله الكتاب 24 ساعه .. *أجيبشن*
حصه: هههه .. والله تبالغ
فيّ: ابصراحه .. انا ما اشوفها اتبالغ .. قبل كل يومين أو ثلاث اتينا و نشوفج .. الحين مول ما انشوفج خير شر
حصه: اتعرفين ثانويه عامه
فيّ:حتى قبل كنتي ثانويه عامه .. حصوص حبيبتي ..قولي بلاج
حصه اشوي لا اتصيـح: ما شي
فيّ: اظاهر ما بترمسين .. حصوص أنتي متغيره من عقب ما حمد خطب شهد .. لا يكون مب موافقه عليه .. ههه
حصه: هههه .. لا ما شاء الله عليه ولد عمي ريـــــال .. بس
فيّ: بس انتي تحبينه .. صح
حصه: ساكته و ما اترد
فيّ: حبيبتي حصوص أنتي صغيره بعدج .. انا ادري انه مب بيدج .. و لا هي غلطتج .. بس بعد مب غلطت حمد..أدري انه وايد يتمصخر ويــاج .. بس أنتي ترجمتي تصرفات حمد من غير ما اتعرفينه .. يمكن انتي ظنتي انه حمد يحبج لأنج ما اتعرفينه عدل .. بس حمد دوم جيه مع الكل .. وانا دوم اقوله يا حمد ..لا تم تتعامل مع حصه بهالطريقه هي ما اتعرفك و يمكن تتعلق بك .. بس كان يرد عليه..أنتي معقده.. حصه مثل أختي الصغيره و هي اتعرف هالشي .. انا ما ألومج .. بس بعد ما اقدر ألوم حمد ..
حصه: اتصيــح
فيّ: بس حبيبتي .. ادري انه كلامي ماصخ .. بس صدقني انه الي اتحسينه تجاه حمد هو بس إعجاب مجرد إعجاب .. أنتي بعدج صغيره .. و يوم بتكبرين بتضحكيــن ع عمرج .. و بعدين كلنا انعرف انه حمد إذا فكر ياخذ وحده من الأهل بتكون شهد مب أنتي .. صح ؟؟
حصه تصيح : صح ..
فيّ: حصوص انتي ما عرفتي اترجمين شعورج .. و اقتنعتي انج اتحبين حمد عشان جيه مب قادره تتقبلين الموضوع .. أنتي فكري ف الموضوع و اتصرفي كانه ما استوى شي .. و بتوصلين أنج اتحبين حمد .. بس كأخ كبيــر ..
حصه تمسح دموعها: إن شاء الله
فيّ: و بعدين عن دلع الياهل .. و الله أني أحس شهد زعلانه
حصه باستغراب: مني؟؟
فيّ: شوفي حصه..إذا أنا حسيت فكيف شهد أختج ما بتحس .. كل ما نطريج و لا نرمس عنج ..أحس بحزنها
حصه قامت و باست فيّ و لوت عليها: يلا قومي بننزل تحت ..
فيّ تبتسم: و المذاكره
حصه: لاحقه عليها ,, و الله أني متولها ع الكل .. اقول حور تحت
فيّ: هيه
حصه: عيل عليــــــها *عاشوا يبنقع البوكس*
فيّ: هههه ..يلا .. انا اليوم بكون وياج ..
حصه: خلاص عيل ضامنه الفــوز
فيّ:ههههههه ...
*
*
الصاله
حور و شهد يسولفن
حور: حرام جيه اتسوين ف اخوي .. تراني ما ارضى *من متى*
شهد:هههه .. خله يستاهل
حور: أمـــوت و أعرف شو مستوي من بينكم *الله ع اللقافه*
شهد: اسمحيلي ما قر انقذج .. هاي أســــرار
حور: أسرار .. أسرار شو؟؟ .. ما اعتقد إنها أسرار زوجيه ..
شهد: هههههه .. جيه ما شي غير اسرار زوجيه
و اهني تنزل حصه ويا فيّ
حصه و الابتسامه طاره ويها: السلام عليكم
حور: و عليكم السلااااااام ما بغت تنزل شرين
فيّ باستغراب: منو شرين
حور: هاي المصريه الي واقفه حذالج
شهد و فيّ: ههههههه
حصه: الحين انا مصريه ؟؟ .. ها كله عشان شاده حيلي .. ابى ايب نسبه ترفع الراس .. مب مثل بعض الناس
حور: الحمدالله مب أنا .. انا نسبتي فنانه
حصه: و الله انا ما طريتج .. شاكه ف عمرج
حور: و انا ما قلت أنج طريتيني .. بس حبيت أحمد ربي يوم ذكرت نسبتي الحلوه
مشت شهد و هي تضحك و سارت صوب فيّ و يلستها .. شهد من شافت أختها حصه و إنها ردت ع طبيعتها حست بفرحه كبـيــــــــــــــره .. و الأهم الراحـــــه .. و حضنت فيّ بالقو.. لأنها اتعرف انها هي السبب ف تغير أختها .. وفيّ حضنت شهد و مسكت ايدها و رصت عليها اطمنها ..
انرد لتوم أند جيري ..
حصه: أوكي أوكي انا بسكت عنج ..بس بنتقم ف أخوج خله أي ..
حور: هههه .. ما رمتي عليه بترومين ع أخويه ...
حصه: بنشوف
المهم.. كملن البنات ضرباتهن ... باختصار ما سكتن *ديج و ديايه*
*
*
الفليل
الساعه تسع
البنات يالسات يسولفن .. و كل دقيقه حور و حصه يتغايظن ..
مره وحده يسمعن هرن
حور: أوه حمد وصل
فيّ: يلا قمنا
حصه: لا لا ع وين ؟؟
حور: ع حمر عين
حصه: هـ هـ هـ ما يضحك
حور: جب
شهد: هههه
حصه: لحظه .. انا بطلع بزقر حمد خله يدش .. ما يستوي جيه .. ما سلم ع عمته و تاج راسه
حور: يا غبيه سلم عليها يوم وصلنا
حصه: اقول ممكن تكرمينا بسكوتج يا الذكيه
و طلعت حصه تزقر حمد .. حمد من شافها نزل دريشته
حمد: هلا و الله بالحص
حصه: أهلين
حمد: اشحالج
حصه: بخير بس زعلانه
حمد: افــــا .. ليش
حصه: كيف ما تسلم ع أخت الصغنونه حصوص *عاشوا ادلع عمرها*
حمد: هههه .. ما شفتج
حصه: لا و الله .. انزين ليش ما تسأل
حمد: خلاص سماحيني ..مره ثانيه ما بعيدها
حصه: ع شرط ؟؟
حمد: شو؟؟
حصه: تنزل .. حرام شهد مسوتلك فرابشينو
حمد: والله حقي
حصه: لا حق يدي
حمد:هههه .. ما شاء الله لسانج طول .. عادتج أختج
حصه: حوووو.. عن الغلط ما ارضى .. و لا بخبرها ..
حمد: لا لا دخيلج ..
و دخلوا الصاله
حمد اول ما دخل شاف شهد و ابتسملها : السلام عليكم
الكل: وعليكم السلااااام
حصه تطالع حمد و حور بخبث: شهد يلا قومي سيري حجرتج .. ما عندنا بنات ايلسن ويا خطاطيبهن
شهد انصدمت و احمرت ,, و حصه غمزتلها .. ابتسمت شهد ويت بتقوم
حمد: ويـــــــن .. اها سايره تيبن الفراب الي مسوتنه حقي
شهد وحليلا انصدمت كيف عرف انها مسوتنه حقه .. و ع طول شافت حصه .. حصه ماتت من الزياغ ..
حصه: طااااع صدقت ..أنا كنت أقص عليك .. مسوتنه حقي
حمد و فيّ و حور: هههههه
فيّ:عن الجذب .. شهد حبيبتي ايبي حق خطيبج الفراب عشان انروح ..
شهد بقهر: مب يايبه شي
حور: عيب يا بنت ..
شهد: أووووووف .. بيب بس مب عشانه .. لأنه حرام ينفر ف الزباله
حمد يبى يقهرها: هههه .. لا بينفر و لا شيات كنتي بتشربينه
شهد شافته بقهر و طلعت .. و يابت الفراب و حطته ع الطاوله الي مجابلتنه
شهد: اندوك
البنات: هههههه
حمد: انزين ليش امعصبه
شهد: اقول تصبحون ع خير ..
الكل: و انتي من أهله ..
حمد: شهد
حصه: نعم
حمد: قلت شهد ..
حور:وااق قفطوها
شهد: نعم
حمد: يودي هالهديه
حصه: شهد ..رديها .. من الحين هدايا
فيّ: ههههه .. بدت الغيره
حمد: هههههه
شهد خذت الهديه: شكرا .. ما كان له داعي .. تعبت عمرك ..
و ما اتريته يرد عليها .. سارت حجرتها .. يلسوا يسولفون اشوي ويا حصه و عقب طلعوا ..
و ف السياره و صل لحمد مسج من شهد
شهد: مشكور ع الفلم .. سامحتك هالمره بس عشان خاطر سلمان خان
رد عليها حمد: يا سلاااام .. عشان سلمان خان هااااا
ردت عليه: أكيــــد .. من غير شك .. لو مب سلمان جان ما سامحتك .. سير اشكره
رد عليها: و الله سلمان الحين عند شموه .. بتصلبها اتقوله
ردت عليه: اجلب ويهك يا الخسف
*
*
*

في يوم من الأيــــام
امممم ما تحسون انه نسينا شخصيه مهمه .. مايــــــــد .. بطلنا .. المهم مايد كان يالس ف حجرته جيه ع الساعه اثنعش .. رن موبايله و كان رقم غريب ما يعرفه ..
مايد: ألــــــــو
صوت أنوثي: ألو
مايد: نعم .. امنو وياي
صوت أنوثي: هههه .. ما عرفتني
مايد: اسمحلي أختي إظاهر غلطانه
البنت: هههه .. مايد .. أنا حرمتك هدى *لا و الله ويقولها أختي...ههه *
مايد باستغراب: هدى ..خير ؟؟.. شو استوى
هدى: هههه .. ما شي .. بس حبيت أقولك .. كل عام و أنته بخير
مايد اتذكر انه اليوم يوم ميلاده: و أنتي بخيــــر
هدى: اوكي .. انا بعد متصله لسبب ثاني
مايد ف خاطره: الله يستر ..
هدى: عازمتنك باجر .. و لا تقول لا و لا مشغول .. ما يهمني .. تراني و الله بزعل * لالا كله و لا زعلج ما يقدر .. انجلعي*
مايد ف خاطره: يا هي بلشه .. من وين يابت رقمي .. ما في غيرها أم هلال عليــــوه
مايد:إن شاء الله خير
هدى: خلاص بترياك ..
مايد ف خاطره: اووووف متى قلت ياي
مايد: اوكي هدى تصبحين ع خيـــــر .. اسمحيلي برقد ورايه دوام باجر *بــــــل .. يعني سكري بطريقه غير مباشره*
هدى: و انته من أهله .. تباني اوعيك
مايد: لا شكرا عندي منبه ..
هدى سكتت .. و مايد حس انه وايد جاف وياها
مايد: ما ابى اخرب رقادج .. و أعبل عليج
هدى: أوكي .. مع السلامه
مايد: مع السلامـــــــه
*
*
ف نفس الساعه
مطـــــار دبي

تعلن الخطوط الجويـــــه الإماراتيه عن وصول الطائره القادمه من لندن ..

زايـــــد: الحمدالله وصلنا .. و أخيرا ما بغينا .. والله متوله ع البلاااااااااااد
راشـــد: هيه و الله اتولهنا ع البلاد و بنات البلااااااد ..هههه
زايـــــد: أنته ما اتفكر إلا ف البنات ..متى بتصطلب
راشـــــد: يوم الله بيريد
زايـــــد: انزين قولي ..خبرت الأهل أنا بنوصل اليوم
راشــــــد: لا
زايـــــد بعصبيه: ليـــــــــش ؟؟
راشــــــــد: لأني ابى اسويلهم مفاجأه
زايـــــد: متفيج .. الحين بنتبهدل
راشـــد: ليــش.. ؟؟ ما شاء الله ع مطارنا اموفريلنا كل شي .. لا تحاتي المواصلات
زايــــد: يا برودك
راشـــــــد سكت و لا رد عليه .. و زايد مفول من الخاطر ..

بـــــــــــــــــــــــــــــــــــــــــــس

اممممم.. تتوقعون بتطور علاقة مايــد و هدى ؟؟
امممممممم.. تتوقعون علاقة حمد و شهد بتم حلوه و لا بتخترب ؟؟
اممممممممم.. و منو زايــــد و راشــــــــــد ؟؟
تتوقعون شخصيات عابره و لا ؟؟؟


ت ك تك

بيت سارا ربيعة حور

سارا: حيا الله من يانا .. زارتنا البركه
عبدالله: الله يحيج و يبقيج .. ها دلوعتي .. اشحالج ؟؟ و شو الدراسه؟؟
سارا: و الله أوكيك .. امشين الحال .. علومك؟؟
عبدالله: تسرج علومي .. باجر الخميــس
سارا: هيه ..
عبدالله: انزين يلا خبريني
سارا: شو أخبرك ؟؟
عبدالله: عن الاستعباط .. اتعرفين انه يوم الخميس يومج .. صح مب ابكبره .. بس يلا قولي وين تبيني اوديج .. *واي ..أول مره أحس انه عبودي كيــوت*
سارا: هيه ..بس عبدالله .. انا ما ابى اعبل عليك .. و ما ابى اجبرك انك اتسوي شي انته ما تريده .. و لا أمك مب راضيه عليه ..
عبدالله باستغراب: مجبور ؟؟ .. منو بيجبرني .. انا ريال .. محد يقدر يجبرني ع شي انا ما اباه *جيه قالولكم ميــود* .. و إذا ع أمي ..بالعمس هي مب متضايج .. و دوم تتخبرني عنج
سارا بحزن: عيل ليش خواتي ما يظهرن ويانا .. الوحيده الي تظهر ويانا .. لطيفه .. و مب دوم
عبدالله بضيج: ساروه .. و ينش صوب سارا الي منزله رأسها .. و يرفع راسها بأيديه الحنونه .. و يشوف عيونها الممزوره دموع .. و الله أنه أمي ما تمنعهم عنج .. بالعكس دوم اتشجعهن انهن يزورنج .. و يتعرفن عليج أكثر .. و اتقولهن هاذي ختكن .. و مالها ذنب ف سوايا أبوكن .. بس ما تقجر عليهم .. ما دام أبوهن جدامهن لا يسأل عنهن و لا عنج .. و لا يحاول يجمع من بينكن .. بس انتي حبيبتي لا تضايجين .. ترا أغلى ما عندي دموع دلوعتي ...
سارا تبتسم لعبدالله .. و تمسح دموعها .. بس استغربت من ردت فعل عبدالله.. قام عنها و رد يلس ع كرسيه .. بس شكله كان جدّي * ما اتخيل شكل عبود و هو جدّي .. تتخيلون ؟؟!!* .. و كان زعلاااااان و امبرطم * و انا اقول هالزوليه الحمرا من وين .. طلعن براطمك المدليه* ..
سارا: عبدالله شو ياك ؟؟
عبدالله: ما شي انا زعلان لا تكلميني
سارا: ليش ؟؟ انا شو سويت ؟؟
عبدالله: ترى مب عايبنج .. و مب تارس عينج
سارا: ههههه .. افا ..انته مب بس تارس عيني .. تارس عيني و قلبي
عبدالله: لا اتحاولين اتراضيني بهالكلمتين .. * جيه قالولج بنيه .. بيرضى بكلمتين *
سارا: انزين شو اسوي عشان ترضى
عبدالله يبتسم: قوليلي وين تبين اتسيرين باجر .لأنه ما فيني ع ويع الراس و التفكير * جيه انته من متى اتفكر أصلا*
سارا: و الله انا وربيعاتي خاطررنا انسير المبزره .. شو رايك اتوديني
عبدالله: ويـــــــــــــــــــــــــــــــن ؟؟
سارا: يلا عبودي .. قول هيه ..
عبدالله: أوكي .. بس لا تحلمين اوديج مطعم تتغدين .. و بنطلع عقب صلاة الظهر ..
سارا تناقز من الفرحه: يبــــــــــــــــي و تطبع بوسه كبيره ع خد عبدالله *بس بس شفطتي خز الريال*
عبدالله بخبث: بس أنتي بتسيرين
سارا باستغراب: هيـــــه
عبدالله: و صديقاتج
سارا فهمت قصده: بلاهن ..
عبدالله: ما بيسرن ويانا
سارا حطت ايدها ع خصرها: لا والله ..
عبدالله: و ابوك .. اتمصخر .. شكلج جيه يخوف .. ههه
سارا: هههه .. الله بغايظ حور.. يا سلاااااام بسير قبلها .. اونها بتقرني و بتسير قبلي .. يااااااااااااي
عبدالله: اقول ..
سارا: ها ..
عبدالله يبتسم بخبث : حراااااااام اعزميها ..
سارا: نعم .. و ليش إن شاء الله
عبدالله: لا ما شي ..بس هيه ف فوادها اتسير .. و انا مستعد اوديها .. هههههه
سارا من القهر شلت الكوسن و فرته ع ويه عبدالله: ما تستحي ع ويهك .. يا السخيف *توه الناس .. توج اتعرفين*
عبدالله: هههههههههههه
*
*
*
بيت بو شهد
الساعه وحده فليــل ..

شهد و حصه يالسات يتابعن الفلم الهندي ف قناة الإمارات .. و مندمجات ع الأخير .. و خلال الفاصل الإعلاني ..
حصه: شو تتوقعين حمد .. يايب ..
شهد: و الله علمي علمج .. ما دري أبوي قال عقب اشوي حمد بيب أغراض .. فجوله الباب ..
حصه: بس مب جنه اتأخر ..
شهد: هيه
حصه: وايــد اتأخر
شهد: حصوص لا اتخوفيني ..
حصه بخبث: ما خوفج ..بس يا خوفي يكون سهرانه ويا اللبنانيه الي تشتغل وياه ف الدوام ..
شهد بعصبيه: منوه هاي ؟؟
حصه كاتمه ابتسامتها: ما دري بس دومه كان يرمسني عنها ..
شهد: احلفي ..
حصه: هههههه .. و الله أنج مقصه ..
شهد بغباء: شوه ؟؟
حصه: اقص عليج ... ههههه
شهد تضرب حصه ع راسها : ويا ويهج ..
حصه: ادري حلـــــــــــو
شهد: اسكتي الله يخليج .. خلنا انشوف الفلم بدا ...
دقايق و يسمعن دق ع الباب
شهد: حصوص قومي افتحي الباب
حصه: لا والله .. أنتي نشيي انا ما فيني اتحرك
شهد: و الله انا متيبسه ف مكاني من طلع سلمان .. اسمحلي ما قدر اتحرك ..
الدق يزيد و لكم من يجيبوا ..
حصه: أوووووف .. شهدووه تراه هذا خطيبج .. قومي فجي و فكينا .. و لا ترى والله بطلع و بتهزبه .. *اشوي اشوي عن ينطلج عرج*
شهد: انزين ..
استسلمت شهد .. وقامت تفتح الباب ..
حصه: شطوره ..
فجت شهد الباب و كل أنظارها و حواسها صوب التلفزيون ..
حمد: مبرووك ما بغيتن ..
شهد واقفه جدامه .. بس مب حاسه بشي .. و رقبتها صوب التلفزيون * والله أخاف تيج اعصبه*
حمد يعلي صوته:حــــــوه أنا ارمسج ..
شهد: ها
حمد:شو ها ؟؟ الناس اتقول هلا حبيبي ..
شهد توه بترمس إلا حمد يصرخ
حمد: أاااااااااااااااااي ..
شهد: بسم الله شو ياك ؟؟
حمد: ها .. ما شي .. بس جنه شي قرصني
شهد: تستاهل ..
حمد فج عيونه .. و صد صوب اليمين ... و رد شافها ..
شهد: بلاك كل دقيقه اتصد
حمد: الحين انتي بدال ما اتقولين فيني و لا فيك يا عمري .. اتقولين تستاهل
شهد: انته مخرف اليوم .. شو شارب
حمد: يلا يلا قومي .. بوديج بيتنا .. خلاص انتي حرمتي *حو وين تبا .. حرمتي .. بعدني ما حددت متى الملجه*
مد حمد ايده اشوي اشوي ..
و يقول: جب حب *واي خيبتيه .. استخف ع أخر عمره*
شهد خافت و سكرت الباب ف ويها ..
حصه: بلاج
شهد: ما دري .. بس حمد مب ف وعيه .. اقول انا بقوم اوعي ابويه
حصه: هههه .. أكيد ..مب شافج
شهد: انا ما اتمصخر ..
حمد يدق الباب .. و بدت الدقات اتزيد .. مب دقات الباب .. دقات قلب شهد ..
حصه: هههه .. يلا سيري جابلي ريلج
شهد: مب ريلي .. انتي فجي الباب ..
حصه: لا لا اخاف .. يسحبني بالغلط .. يتحسبني أنتي
شهد: أوووف .. و أنا اختج العوده أمرج ..يلا ..
حصه: أوكي ..
حصه ف داخلها ميته من الضحك ع شكل شهد .. و قررت اتغلس عليها .. و نجحت .. باقي حمد ..
حصه تفتح الباب بسرعه و بالقو و تصرخ: نعم انته ما تستح .... و تشهق و تصرخ
يــــــــــــــــاااااااااااااااااااااااااي فديتك ..
شهد من سمعت فديتك اتخبلت .. كيف تتفدى خطيبها .. *قومي مطي شعره .. عيل تتفدى خطيبج.. بنات أخر زمن* .. و أول ما رعت راسها شافت حصه لاويه ع واحــــد و ما خلت مكان ف ويها ما باسته * من الحين أقول محكوم عليج مؤبد...ههههه* .. و عقب صدت و اتشوف حمد يبتسم لها .. و غمزلها .. استحت بس ما طال مستحاها .. عيل منو الشخص الثاني .. يوم صدت صوب الريال و أختها .. ما قدرت اتشوف ويهه.. *حصوص مخلتنج ..لاصقه فيه* بس لمحت واحد ثاني يدخل و يسحب الشنطه *يالله حمالي .. وين يبى*
شهقت شهد: زايــــــــــــــــــــد حبيبي .. وركضت صوبه *اتقولون مسابقة جري* .. و رمت نفسها ف حظنه .. و قلدت أختها .. اتولهنا عليــــــــكم وايـــــــد
حمد يرز ويها: و أنا ؟؟
زايد شاف حمد بنظره ..بس حمد طنشه .. يعرف زايـــد كيــف ..عصبي ع إدناة الشي يعصب .. و شهد مستحيه .. و مقهوره منه .. و تتحلف له .. يقفطها جدام خوانها ..
راشـــــد يلطف الجو بعد النظره: أي راجو .. إدر أو .. يود هادا فلوس حق أنته .. يلا انته ف روح .. جلدي جلدي .. و يأشر بيده ..
حمد فج عيونه: عنلاتك .. الحين أنا راجو .. قول سلمان .. و يشوف شهد *العوق .. العوق*
شهد: بسم الله ع سلمان ..
حصه: هههههه .. هيه والله
راشــد: ولد العم .. كسرت خاطري .. يمع شتاتك بعد الي انقال .. شو تتحسب عمرك .. راشـــــــــــد
زايــد: خقــاق .. منو قاص عليك انته .. انا ما صدقتك انخلص و انرد .. عشان افتك من شكلك .. عفته ..
راشــد: اسكت اسكت .. انا الي ما صدقت اني بفتك من براطمك المدليــه ..يا مدمر المفاجأااااااااااااات
الكل:هههههه
زايــد بعصبيه: الحين انته مقهور بس عشان اتصلت ف حمد.. شو تبانا انخيس ف المطــار .. و لا انبات ف حوي البيت .. احمد ربك أني ما خبرت أبويه
راشــد: هيه والله .. انته لو بيدك بتنشر ف الجرايــد
حمد: حشى الي يشوفكم ما يقول أنكم توأم... ديج وديايه
حصه و شهد: هههههه
حصه: هيــــــه ما أرضى على إخواني ..
شهد: انته و حرمتك ديج وديايه
حمد بغلاسه: أوه يعني انا و انتي .. يا سلااام و عيالنا شووووووه ؟؟
شهد قفطت.. ما كانت تقصد ..
الكل:ههههههه .. ما عادا زايــد *شو مشكلته هاذه بقوم بعطيه بوكس اطيحله ضروسه عسب مول ما يضحك*
زايــد: انا بترخص .. بسيـــر ارقد..تعبان .. يلا مع السلاااااامه ..
حمد: فداعت الرحمن *فكــــــــه*
و تم حمد ويا عيال عمه اشوي يسولف و يا راشــــد .. الي سوالفه ما تنمل ..كل ما يترخص حمد .. ايلس يخسس فيه و يقول له " و الله ما تطلع عشان خاطر نـــاس" .. و يضحك حمد و يلس *ارقد عندهم .. ها الي ناقص*.. المهم .. و عقب رد بيتهم .. *الحمدالله*
اليــــــــــــوم الثاني

انتشر خبر وصول راشــد و زايـــد .. و يعود الفضل لمدمر المفاجأااات زايــد *وكاله أنباء .. السي أن أن* .. و طبعا لو اتشوفون حال رشــــــود .. يكسر الخاطر ..مقهـــــــور حده ..
راشـــد: أبى أعرف كيف انا و انته مولودين ف يوم واحد
زايــد: الله يعلم .. انزين انته ليش مشتط *يا عيني ع البرود..*
راشــد من القهر طلع من الحجره .. و رض بالباب رضه .. خلها البيت يهتز *ططاااااع الجذب*

*
*
*
يتبع
تذكرووون ..أي حدث بيستوي ف هاليــــوم .. هيـــــــه .. اليوم يوم ميلاااااااد مايد .. و الأخ معزووووم منو قده!!
بيـــــت بو مايـــد
مايــد ف حجرته .. و أخته معاااااااااه .. اتكشخه لحبيبت قلبها هي و أمها ..
مايــد: أووووف ما ابى اسيــر .. عبود عازمني بسير وياه ..
عليا بعصبيه: شو عبود .. البنت عازمنتنك و اتقولي عبود ..
مايــد بعصبيــه: أبى أعرف أنتي ليش تعطينها رقمي من غير ما اتشاوريني
عليا بارتباك: أنا,, ااه .. انزين شو اسوي .. هيه اتصلت و طلبت رقمك استحيت أقولها لا
عليا ف خاطرها: الله لو يدري أني انا العقل المدبر شو بيسوي .. *ما شي طالع عمرج بس بيقصبج..ههه*
مايــد: اموت و اعرف كيــف عرفت انه اليوم يوم ميلادي .. *لا تموت و لا شياته .. تعال و بخبرك*
عليا بتوتر ملحوظ: و انا اشعرفني
مايد يشوف عليا بنص عين: عليـــــــوه لا يكون هاذي فكرتج أنتي و أمايه .. و الله إذا كانت فكرتج بزوالج
خلاص عليا من سمعت هالكلام بدت الرقله تلعب دور عندها ..
عليا:هههه .. و حليلنا .. دومك ظالمنا .. و بعدين لو كانت فكرتي أنا و أمايه ما فيها شي .. كل شي انسويه لصالحك و سعادتك
مايد باستهزا: هيـــــه واضح
عليا: مايــد .. لازم تنسى الماضي .. ومع الأيام بتعرف أنه الي سوينا عين الصواب .. بس أنته ودر عنادك هاذا .. البنت مالها ذنب .. نحنا ما انقولك حاول تتقرب منها لأنا تعبنا .. بس بعد لا تمنع البنت أنها تكسر الحواجز الي من بينكم ..
مايد: قلتيها حواجز مب حاجز واحـد.. ما اعتقد انها بتنجح
عليا بعصبيه: مايـــد أنته الي صانع هالحواجز .. قولي .. بشو بيفيدك اعنادك .. خلاصت الملجه وتمت .. و ما شي مجال للتراجع .. يعني باختصار بعنادك هاذا اتعذب عمرك و البنت و كلنا وياك .. بس يا ميود عيب عليك .. انته ريال مب ياهل ..
مايد بضيج: خلاص ما بقول شي .. و بحاول مع اني ما اعتقد اني بنجح ..
عليا بفرح: لا إن شاء الله بتنجح .. بسير ايبلك المدخن .. لازم أكشخك يا المعرس ..
ابتسم مايد ابتسامه صفرا ..
و طلعت عليا .. و هي تفكر يا ترى نحنا ع حق و لا مايــد *مالت عليج هاذا سؤال ..أكيــد مايد*
*
*
بيت مرت مايــد *حلوه صح .. مرت مايــد*
وصل مايــد ع الموعد .. بس تم يالسه ف سيارته يفكــر و متوتر .. كلام أخته صح .. شو ذنب هدى .. ؟؟ .. ليش يعذبها؟؟ .. خلاص انا بحاول أني ما اسد الابواب ف ويها .. كفايه انها داست ع كبريائها و حيائها و بادرت بخطوه كنت أنا المفروض أخطوها .. و نزل مايــد من سيارته و هو عازم أنه يقلل من الحواجز من بينه وبين هدى .. و عزم ع شي أصعب و هو انه يدفن فيّ و ذكرها ..

المهم .. استقبلت هدى مايــد .. و مايد حس انه أول مره يشوفها .. لأنه ف الملجه ما قدر يشوفها .. قلبه كان مشغول .. و عيونه ضايعه ادور ع نورها .. هدى كانت متمكيجه و متكشخه .. و طلعه حلـــــــــــوه *حقيقه مره* مايد ف خاطره: مش بطاله .. بس بعد فيّ ملكت قلبي ... أوه مسرع ما نسيت قراري ..

مايد: السلام عليكم
هدى: و عليــكم السلااااام ..
مايد: اشحالج؟؟
هدى: بخيــر
مايد: إن شاء الله دوم
هدى: ويـــــاك *الله يعينه*
مايد يحس بتوتر وده يشرد بس تذكر قراره فبدى يحاول يلطف الجو
مايد: ها شو طابختلي * أكيــد بيض .. وايد عليهن بنات هالزمن .. زين منهن يعرفن يسون بيض .. احم احم..تراني وحده منهن*
هدى: هههههههههههه .. أنا أطبخ .. والله ضحكتني ... هههه .. مستحيــل
مايد: ليش مستحيل؟؟ إن شاء الله بتتعلمين و بتطبخيلي
هدى: ههه .. ليش حد قالك أني طباخه ..
مايد ف خاطره يا سلاااااام ع التفكيــر .. لا لا شكلي بنكسل الآتفاقيه
مايد: المهم شو بتعشيني .. يوعان .. لا اتقولين طالبه من الكافتريا .. ههه *يستخف دمه المستخف*
هدى: ههههه .. شو كافتريا .. جيه هنود .. لا أنا عازمتنك ع شيليز .. بس التوصيله عليــك
مايــد: شيليز ؟؟ ليــش ما بنتعشى اهني
هدى باستغراب: طبعا لا .. اقولك عازمتنك .. اتقولي بنتعشى ف البيت *لا لا ابصراحه تستحي وايد .. ارحمها ميود*
مايد بتعجب: أها ,, انزين يلا نشي ...
هدى: أوكي دقايق و راده ..
نشت هدى و سارت تلبس عباتها و تتسبح بالعطر و تعدل الميك أب .. و نزلت .. مايد أول ما شافها استغرب .. بــــل اعتقد ما تم عطر ف البيت .. اتسبحتبه .. و لا ما مسحت الميك أب .. و تبى اتسير مطعم .. يمكن تبتغشى عقب ..
طلعوا و ركبوا السياره .. و طول الدرب 3 دقايق يسولفون و دقيقه يسكتون *حاسبتنهن,,,هههه* .. و بدى مايد يكون فكره عن شريكة حياته .. و يتصور كيف بتكون حياته معاها .. المهم و صلوا شيليــز.. و نزلت هدى من غير ما تتغشى شافها مايد باستغراب و يقول ف خاطره هد أعصابك خل اليوم يعدي ع خيــر .. و حليلها اليوم مستانسه .. مشها اليوم.. و طلبوا عشاهم .. المهم ف نص السواااااااالف مايــد شاف شخص .. و بطل عيونه من هول الصدمه ...
تتوقعون منــــــــــو ؟؟
منــــــــــــــــــــــــــــو؟؟
لا اتخافون مب نهاية البارت ... ههههه
قام مايــد و سار صوب الشخص
عبدالله: هلا و الله بالمعرس ..
مايد : أهلين .. علومك
عبدالله: ما عليك من علومي .. ها علومك .. و يغمز له
مايد: والله تمام
عبدالله: هيه امبيــــــن
مايد يبتسم: أنته شو يايبنك ؟؟
عبدالله: ياي أحتفل بيوم ميلاد واحد من الربع بداله .. هو مشغول و ماله بارض
مايد يضحك: وحليله
عبدالله: هيه والله مشغــــــــــول .. مشغــــــــــــــول بحرمته ..
مايد:ههههههه ..
عبدالله: يلا اجلب ويهك و جابل ناس و أحبابك .. صدق من قال من لقى أحبابه نسى أصحابه ..
مايد: الله ما راد إلا أني اطيح ف لسانك .. الله يعيني
عبدالله: سير سير عند حرمتك اشوفك بديت تتحرقص ..
مايد: هههه .. إن شاء الله..بيكون من بينا اتصال الحبيب ..أوكي
عبدالله: ههههه .. إن شاء الله بس أخاف تنشغل بالحبيب ..
مايد: ههه .. اجلب ويهك ..
رد مايد عند حرمته و سار عبدالله عند ربعه و هو فرحان انه حياة مايد بدت تتحسن .. و جريب ان شاء الله بيتخلص من حزنه ..
المهم الريال و حرمته كملوا احتفالهم ..
*
*
اليوم الي بعده ..
بيت بو راشـــــــد * و أخيرا غيرنا .. خلاص من يوم و ساير بيت بو راشد مب بو شهد*
الغدا

حمد كان مشرفنهم .. بيتغدى عندهم لأنه عقب الغدا بيطلع ويا راشــد يقضي أشغاله .. *دريول* ..
حمد يلس امجابل شهد بس بالصدفه .. و الأخوان كلهم موجوديــن .. و راشــد ما يعرف يلس بهدوء .. لازم ثو لازم يحشر الدنيا .. ف ما حصل إلا شهد وحمد .. *كبش الفدا*

راشــد: شهد اغرفي لحمد سلطه..
حمد كان يرمس ف التلفوون
فقامت شهد بتوتر بتغرف لحمد .. و يوم يت بتحط السلطه ف الصحن .. حطته ع الصماط.. *العن أبو التوتر*
راشـد:هههههه
حمد ميود ضحكته
زايــد معصب ع حركت أخوه ..
شهد بعصبيه: جدم صحنك ..
و حليله حمد جدم صحنه و كمل مكالمته
راشــد: اشوي اشوي ع الريال .. و الله أني خايف عليه .. الله يعلم شو بتسويبه عقب العرس ..
بو راشــد:ههههه
زايد يصاصر راشد بعصبيه:ممكن تكرمنا بسكوتك
راشــد: حاول مرة أخرى
و يلس راشد يغلس بكل حد .. حتى أبوه ما سلم منه .. و زايد اللهم يتكلم كلمتين و لا ثلاث و إذا كثر أربع و يسكت ...
عقب ما اتغدوا شبابنا يلسوا اشوي يسولفون .. و عقبها ظهروا ..

ف السياره طرش حمد مسج لشهــــد
" محلات السلطه يوم اتكون من إيدج .. مشكـــــــــوره

المرسل : الصماط "

شهد يوم قرت المسج ماتت من الضحك ..لحظتها كانت معصبه .. بس الحين يوم تذكر الموقف تضحك ..

*
*
*
عقب أسبوعيــن ..

ما شي يديد .. كلن مشغول بحياته .. مايد بدى يتقبل فكرة وجود هدى ف حياته .. و هدى اتحاول تكسبه .. بدت المكالمات من بينهم اتزيد .. و ع فكره مايد ما اتصل بعبود عقب ما طلع من المطعم .. و عبدالله كله ما يشوفه يذله ..
حمد و شهد مستانسين و الحمدالله .. و إذا ما اتعاندوا ولا اتضاربوا ف يوم يحسون انه يومهم ناقص .. فيبتكرون سبب للضرابه ,, الله يوفجهم ..

راشد و زايد مشغولين يدورولهم شغله .. كلهم يبون يعتمدون ع أنفسهم ... و حصوص مشغوله بدراستها .. ثانويه عامه ما تنلام ..

فيّ و حور كالعاده علاقتهم حلــــــوه ببعض .. و مستانسين بردة أخوهم الثاني راشـــد.. كان بين فتره و فتره يزورهم .. و يلعوزهم تلعويــز .. حتى فيّ ما يرحمها .. و فيّ تحبه وايـــد لأنه عمره ما بين الها انه غير عنهم .. و لازم يعاملها معامله ثانيه ..

المهم ..
بيت بو حمد ..
الصاله
فيّ و أمها يرمسن ف موضوع يخص حور ..

أم حمد: و الله أنه ريال أوكي ما ينعاب و ما عليه كلام .. حرام انفوته ..
فيّ: أمايه أنتي اتعرفين راي حور .. خاصه عقب الي استوى
أم حمد: أنزين لازم تنسى .. هالسالفه استوت جديمه .. من ثلاث سنين ..
فيّ: و الله ما دري .. بس انتي اتعرفينها حــــــور عنيــده ...
و تدخل عليهم حور
حور: جني سمعت اسمي ..
أم حمد: هيه .. تعالي يلسي حذالي اباج ف سالفه ..
حور: خيــر
فيّ اتحس دقات قلبها اتزيد بسرعه جنونيه *زين جيه خالفوج .. طيش و تهور*
أم حمد: حور أنتي الحين كبرتي ما شاء الله .. امم وياينج خطيــــــب
نقزت حور: لا ما أبى .. انا قايلتلكم قبل راي ف الموضوووووووع و تصيح و تصارخ .. ما أبى ..
و ركضت حجرتها
أم حمد: و الله بتذبحني هالبنت
فيّ اشوي لا تصيح: بعيد الشر ..بس أنتي استعيلتي ..

بس نهاية البارت ..
تتوقعون مايد بينسى فيّ؟؟؟
علاقته بتتحسن ويا هدى ؟؟
ولا بيستوي شي يمنع العرس؟؟
و فيّ شو حالها ؟؟
زايد و راشد هل بيكون لهم دور ف حياة حور و فيّ؟؟
و شو استوى لحور قبل 3 سنين؟؟
و منو هو خطيب الغفله؟؟
معقوله يكون عبدالله ؟؟؟

و السمــــــــــــوحه





تك تك
السلااااااااام عليــــــــــــكم و رحمة الله وبركـــــــاته ..


Part 20 ..

حور يالسه ف الصاله .. ومتوتره حدهــــــا .. وحمد كل دقيقه يلعوزها و يطفرها ... * بو طبيع ما يوز عن طبعه* ..
حمد: هههههههههه
حور بعصبيه: ليــــــــش تضحك .. ممكن اعرف
حمد بجديه: انتي شفتي شكلج ؟؟
اهني حور ماتت من الزياغ .. و ربعت صوب حجرتها ... و يلست اتشوف شكلها ف المنظره .. لحقها حمد ..
حمد: هههههههه .. ها كله عشان نـــــــاس ..
حور استوى ويها أحمــــــــــــــــــــــــــــــر ..
حمد: الله .. حور تستحي ..من متى ..
حور: حمد اسكت و الله انه بطني يعورني ..
حمد: هههههه .. حشى والله أنتن البنات اتضحكن .. و الله أنتيكه *بدينا بالغلط*
حور: حمد انا بسكت عنك مب عشانك ..
يقاطعها حمد: عيـــــــل .. عشــــــــــــــان.. عشــــــــــــــــان
حور: اوووووووووف .. انا بطلع ..
و سارت حور و يلست ف الصاله ..
حمد: حشى .. بلاج جيه مستعيله .. الظاهر انج مستعيله ع شوف الحبايب ..
حور و اشوي لا تصيــــــح: حمد بس طفرتني ..
حمد: الحين هو ليـــــــش يــــــاي ..
حور: عشان يسلم ..
حمد: و الله .. الحين الأخ متعني و كل شي بس عشان سلام و يغمز لها ..
حور: حمد اسكت و لا والله بخبر أبويه ..
و ف هاللحظه يدخل بو حمد الصاله
حور: الله الله .. شو هالكسخه يا حور .. ها كله عشان نــــاس
بطلت حور عيونها و احمرت *بتلقاها من منو و لا منو*
حمد اهني ما قدر ايود عمره :ههههههههه .. و يقلد حور .. حمد اسكت و لا و الله بخبر أبويه * لا ابصراحه يا حمد صوتك أحلى و أرق ... هههه *
حور و اشوي لا تصيـــــــــح .. و دقايق يسمعون جرس البيت ..
حمد: احم احم .. شو أخبار قلبج حور ..
حور: و الله بتشوف يوم بتخطب شو بسويبك أنته و خطيــبتك ..
حمد: ههههههه .. وأخاف تنسين من كثرة الانتظار ..
بو حمد: قم فج الباب .. نقعتوا الريال برع ..
اهني حور بد قلبها يدق بالقـــــــــو ,, *حشى طريت طبلة أذني و يا دقات قلبج هاذي*
بو حمد: اقرب اقرب ولدي .. محد غريـــب ... هههه *وايد يضحك*
حور اهني اتحجبت عدل .. و متوتره وايده.. و من الزياغ رصت الشيله ع راسها * اشوي اشوي .. مخيخج نط*
دخل خليــفه .. و سلم ع عمه .. و عقب صد صوب حور الي عيونها ف الأرض ..
خليفه: اشحالج ؟؟
حور بعدها موخيه: الحمدالله .. و و أ أ أنته ؟؟ *بتخبرج حور. . كم نمله ف الأرض ..لول *
خليفه يبتسم: بخيــــر .. ربي يسلمج ..
حمد كان ميود ضحكته بس ما قدر أكثر: ههههههههههه
خليفه انحرج و اتصدقون أنه أحمر * والله حتى الشباب يعرفون يستحوووون*
حور تدعي ع حمد ف خاطرها .. يعللك تضحك بليا ضروووووس و تشرد حرمتك ويا هالويه ..
بو حمد: اتفضل ولدي ايلس ..
يلس خليفه و هو بعده منحرج .. و عقبه يلس بو حمد و حمد .. و يلست حور عدال حمد .. و خليفه كان يلس ع الكنبه الي ع يسارهم .. و طبعا حور بعيد عنه .. و و ما يقدر يشوفها لأنه يالسه ورى حمد .. خليفه يتحرطم .. أوووووف الحين انا يايه اشوفها وهي منخشه .. شو هالحاله .. و الله ودي أكفخها ..
و يلس خليفه يسولف و يا حمد و عمه .. و حور بس تسمعه و تسرقلها كمن نظره .. و سبحان الله .. جكها خليفه كمن مره .. *يا ويل حالي ع لغة العيـــــون* ..
خليفه: إلا عمتي وينها ؟؟
بو حمد: عمتك سايرت العياده و يا فيّ .. ميهوده اشوي ..
خليفه: اها .. ما تشوف شر ..
حمد: الشر ما ييك يا بـــــو و سكت و رد رمس .. إلا أ،توا شو قررتوا اتسمون ولدكم ..
اهني حور ويها انحرق .. و خليفه اتقولون صابين ضبغ حمر ع ويهه ..
بو حمد حس بإحراجهم .. و ما عرف شو يسوي روحه انحرج .. و حمد عادي عنده و لا جنه سوى شي .. و ابوه دزه بكوعه ..
حمد: خير أبوي ..
بو حمد يصاصر ولده: احترم نفسك ..
حمد يصارخ بتعجب: أنا شو سويت ؟؟ * ابد ما سويت شي .. و حليلك*
اهني كلهم ضحكوااااااااا ..
ههههههه * حلو الضحك*
بو حمد : خليفه شو تشرب جاي و لا قهوه ؟؟
خليفه: جاي ..
بوحمد: حور حبيبتي قومي صبي لخليفه جاي ..
حور انصدمت شو انا اصب .. لا لا .. و قامت و هي اتشوف حمد .. و حمد يبتسملها بخبث .. و يلعب بحواجبه .. حور ف خاطرها فقدتك ..
المهم نشت حور و صبت الجاي وهي تمشي صوب خليفه ..
حمد: اشوي اشوي عن تحرقين الريال ..
حور سكتت و ما ردت *شو حبيبتي .. لا يكون بالعه لسانج بالغلط*
خليفه: هههه
حور ف خاطرها: مالت عليك بدال ما ادافع عني تضحك ..
قربت حور عشان تعطي خليفه الجاي .. و كانت عاطيها ظهرها لحمد و أبوها .. و خليفه ويها ما يبين عدل .. شل خليفه الجاي من ايدحور الي ترتقل و جان يغمزلها .. و حور اهني بغت اتموت من القفطه ع طول صدت صوب ابوها و اخوها تتحسبهم شافوه .. بس الله ستر و ما شافوه .. ردت حور مكانها .. و كان أبوها وحمد يتصاصرون و مب منتبهين .. مندمجين
بوحمد: اسكت انت ويا تعليقاتك .. فضحتهم ..
حمد : ابوي و الله ما اقدر .. كفايه اميود ضحكتي ..
بو حمد: شو الي يضحك ؟؟
ف هالأثناء خلوووووووف كان مستغل الوضع و يشوف حور و يبتسملها بخبث و حور ويها منحرق اتقولون طماطه خايسه .. و توترها زااااد .. رد خلوف و غمزلها .. جان اتنش مره وحده .. ف هاللحظه انتبه ابوها ..
بو حمد: وين سايره
حور: ها .. بسيـــر اشرب ماي ..
بو حمد: أوكي ..
و هي تمشي مره وحده يسمعون خليفه ..
خليـــــــــفه: يااااااا... ووووووو ,.
حور صدت اتشوف شو السالفه
بو حمد: خير يا ولدي ..
خليفه منحرج: ها .. لا ما شر عمي .. بس الجاي ماصخ .. ما فيه شكر ..
اهنيه حور انحرجت و ركضت .. و الكل انتبه لها ..
حمد يصارخ: فضحتينا ويا ويهج ... هههههه
خليفه و بو حمد: هههههههه

مسحت حور دموعها و هي تبتسم .. نشت و سكرت الليت .. و رقدت .. *نوم العوافي*

بيــــت بو حمد ..
ع العشا

بوحمد: عيل وينها حـــــــور ؟؟
فيّ بضيج: راقده
بو حمد: انزين ليش ما اتعشت .. شو امضايجبها ..
حور اتحب ترقد إذا اضايجت ..
أم حمد: دلع بنات .. هالبنت بتذيحني ..
حمد: خير شو استوى ..
أم حمد: كلمتها عن الخطيــب .. و تطالعه بو حمد بأسى بس يلست اتصيح و اتصارخ ما أبى و ما أبى
بو حمد بضيــج: خلاص خلوها ع راحتها ..
أم حمد بعصبيه: شو ع راحتها .. الريال ما ينعاب .. و هي كل ما ايها خطيـــــب ترفض .. انا لازم اقنعها .. باجر لا انا و لا انت بنتملها .. تحتاج ريــــال .. وانا موافقه .. و خلاص * وديه اتعادت من ربيعتها أم مايد*
حمد بضيــــج واضح: أمايه خلاص لا تكدرونها و لا تجبرونها .. انا اهني و بهتم فيها و في حور طول حياتي لا تحاتين .. و الله يخليج انتي و ابويه ..
و نش حمد ..
أم حمد: ويـــــــن ساير .. ما اتعشيت
حمد: الحمدالله ..
فيّ سرحانه اتفكر ف أختها و اتحاتيها ..
أم حمد: اسمع بو حمد ما عليك من كلام حمد .. لازم ترمسها .. هي بس تسمع منك ..
بو حمد بضيج: الحمدالله .. و نش
أم حمد: بو حمد أرمسك ..
بوحمد: اسمعي كلامي زين .. انا ما بجبر البنت ع شي هي ما تباه .. انا اباها توافق من نفسها .. مب عشاني .. و إياني و إياج اترمسينها ف هالموضوع مره ثانيه .. خلاص انا برد عليهم و بقولهم البنت مب اموافقه ..
أم حمد بقهر: دلعك هذا الي بيضيعها ..
بو حمد حرك راسه .. و طلع من غرفة الطعام
أم حمد: الحين انا شو قلت ..
فيّ تلوي ع أمها : ما قلتي شي .. انتي هدي يا امايه ..و ترى كلامهم صح ..
سكت أم حمد من الضيج و القهـــــــــر..
ف بيت بو حمد محد رقـــــــد من الضيـــــــج و التوتر .. كلهم يحاتون حــــــــور .. محد يبى يفقدها .. كفايه الأيام الي مرا بها قبل .. ما يبونها تنعاد .. أصلا كلهم يحاولون يطون هالصفحه من حياتهم عشان خاطر حـــــــــور ..

حجــــــــــرة حمــــــــــد

يتبع
حمـــــــد يالــــــس و مضايـــــــج .. يفكر ف حـــــــور .. حمد يحب خواته وايــــــــد و يخاف عليهن .. يمكن لأنه هو أخوهم الوحيـــــــــد .. و الي استوى اليــــوم نبش الماضي .. ماضي يحاولون يتناسونه .. ينسون وقت بمره و حلوه .. ينسون أصعب فتره ف عايلة بو حمد ... آاااااااااااااااااااااااااااه *سلامتك من الآااااااااااااااااااااه *
شل حمد موبايله و اتصل لشهد
شهد بصوت مرح: السلاااااااام عليكم
حمد بصوت مخنوق و تعبان: و عليكم السلااام .. وسكت
شهد وقف قلبها .. حست انه حمد ف شي و مضايج .. عيونها ع طول غررت .. من سمعت صوت حمد الي شاله حزن الدنيــأ
شهد و اشوي لا تصيــح: حمد ..
حمد ساكت
شهد: حمد بلاك ؟؟
حمد: سكت فتره و رد .. ما شي ..
شهد سكتت تترياه يكمل لأنها متأكده انه في شي ..
حمد: أوكي شهد .. انا بسكر .. تصبحين ع خيـــر
شهد: لا لا .. ما شي رقــــاد ..
حمد: ااااااااه .. من وين بيني الرقاد
شهد بحزم: حمد بتقولي شو فيك و لا والله بزعل عليــك و لا برضى عليك لا دنيا و لا أخره *جيه أمه*
حمد بضيج: خلاص أنسي الموضوع ..
شهد غيرت الموضوع بس مصره انها تسحب الكلام من عنده .. هي اتعرف انه محد يقدر يسوي جيه غير فيّ .. بس هي بتستوي شريكة حياته ..شريكة ف الحزن قبل الفرح ..
شهد: حاضــــــــرين ..كم حمد عندنا ..
حمد: أكيـــــد واحــــــــــد ..
شهد: قاص ع عمرك .. وايـــــد عندي ..
حمد: نعــــــــــــم .. منو إن شاء الله ..
شهد: هههههههه .. حمد اتغار ..
حمد: لا ما غار ..
شهد بغياض: لا تغار ..
حمد:قلتج ما غــار ..
شهد: عيل ليش معصب ..
حمد سكت ...
شهد: هههههه .. السكوت علامة الرضى *جيه بيعرس*
حمد: هههههههه .. و رد يرمس بجديه شهد يوم بنعرس بنسكن ف بيتنا... عند هلي .. ما أبى أطلع عنهم ..
شهد استغربت: حمد ليـــش جيه اتقول ..
حمد بضيج: شهد .. شهد .. انا ما اقدر افارق هلي ..
شهد: هههههه .. حمد انا الي لازم جيه اقول ..انا البنت ..
حمد: انا ارمس بجديه .. و ما اتمصخر ...
شهد: الحين انته مضايج عشان هالسالفه .. اسمع حمد .. أصلا حتى لو انته اقترحت انا نسكن ف بيت روحنا .. انا ما بوافق ... ما ارضى أخلى عمي و عمتي رواحهم .. باجر حور بتعرس و فيّ بعد إن شاء الله .. وكل وحده بتطلع و بتسكن ويا ريلها .. و محد بيتملهم غيرنا ...
حمد بحزن: ما اعتقد انه حور بتعرس و لا بتفارقنا ..
شهد بعصبيه: أنتي ليش جيه اتقول .. إن شاء الله بتعرس و بنشوف عيالها و عيال عيالها بعد *عيـــــوز*
حمد: آاااااااااااااااه .. شهد أنتي ما تعرفين بحالها ..
شهد:لا أعرف .. بي اليوم و بتنسى .. خلاص الي فات ماااات .. ماااااات ..
حمد: مات خارجيا بس داخليا بعده الحزن ف قلبها .. بس هي ما اتحب اتبينه لنا .. بس حور بعده ف قلبها بحوووووور أحزان .. آااااااااااه .. و الله أني ما اقدر أشوفها جيه ..
شهد بحزن و خوف ع حور: حمد ليش جيه اتقول شو استوى .. حور بلااااها ؟؟
حمد: ما شي .. بس ياينها خطيــــــب .. و اتعرفين ردت فعل حور من تسمع هالطاري .. و أمايه هالمره مب راحمتنها مصره إلا اتخليها اتوافق ...
شهد: يالله .. انزين ليش جيه اتسوي حور .. حرام .. هي بعدها صغيــــــــره .. و الله أنهن كاسرات خاطري .. و ما الوم عمتي تبى تفرح ببنتها .. حشاشه يوفها *يوم اقولكم عيـــــــــوز*
حمد: آاااااااااااااه .. و الله أني مستهم .. و أحس أني عاجز مب قادر اسوي شي ..
شهد قلبها عورها ع حمد هي حاسه بضيجته من أول ما رمسته: لا أنته مب عاجز و تقدر اتساعدها ..
حمد بحيره: كيــــــــف
شهد: حمد حور محتاجتلك .. محتاجتلنا كلنا .. و لازم نوقف وياها .. لازم انخليها اتفكر بعقلها وقلبها مب بس قلبها .. أنا أدري حور عنيــده بس نحنا لازم أنكون أعند عنها و انساعدها و نوقف وياها ..
حمد: إن شاء الله ..
شهد تبتسم: يلا عاد .. لا تم جيه مستوغد ..لوعت جبدي .. ترى بسيــر أرمس حمد الثاني...
حمد يصارخ: نعـــــــــــم . بزوالـــــــــــج .. هههه .. أحبج
شهد انحرق ويها أول مره حمد يقولها ...
شهد: حمد مب جنك بديت اتخرف .. يا بوك سير ارقد أحسن ..
حمد بتوتر: ههههههه .. هيه والله.. تصبحين ع خير الغاليه .. و مشكوووووووووووووووره ...
شهد: و أنته من أهله .. و إذا شكرتني مره ثانيه اتقلده بزواااااااااااالك ..
حمد: ههههه .. يلا مع السلامه
شهد: فداعت الرحمن ..
ف هالليله حتى شهد ما غمضت يفنها .. اتفكر ف ربيعتها و بنت عمها و أختها حــــــور .. *انتقلت العدوى* .. اتفكر ف حل لها المشكله .. حل لمشكله مستويه من ثلاث سنين ..
إلا حـــــــــور الي راقـــــــده و ف سابع نومـــــــــــــــــه .. * وحليلها مت الضيجه*

بيت بو حمد
ع الغدا
الكل موجود حور و حمد و فيّ و أم حمد و بو حمد
حور كانت يالسه وياهم بس مب ع عادتها .. تاكل بهدوء .. يعني وجودها مثل عدمه .. و كل دقيقه حد يلتفت صوبها و يشوفها بأســـــــى .. بو حمد بالذات .. مب قادر يشوفها جيــــــه ..
بو حمد: أم حمد تارني رديت ع الناس ..
اهني حور رفعت عينها .. اتشوف ابوها بحيره .. رد ع الناس .. شو قالهم .. لا يكون قالهم أني موافقه .. لا لا .. أبوي ما يسويها ..
أم حمد بضيج: شو قلتلهم ..
بو حمد و هو يشوف حور: قلتلهم ما شي نصيــب و البنت مب موافقه .. تبى اتكمل دراستها ..
أم حمد بدى الشرار يطلع من عينها .. * والله انه أم مايد باد أنفلونس عليــج*
ف هاللحظه حور نقزت من الفرحه و ركضت صوب أبوها و باست ع راسها
حور: فديـــــــــتك أبوي .. و الله أحبــــــــك
بو حمد فرح من الخاطر من شاف فرحت بنته انترسن عيونه بالدمـــــــــوع .. و يبوسها ع خدها ..
أم حمد: معلوم..لازم اتحبينه ..
حور: هههه ..أوب أوب أم حمد اتغار .. بس الله العالم عليه و لا ع بو حمد
حمد و فيّ: ههههههههههه ..
أم حمد: ااااااااه منج يا أم اللسانين
ركضت حور صوب أمها و لوت عليها بالقو و يلست اتحببها ..
حور: احبـــــــــــــــــــــــــــج
و ام حمد تضحك و تلوي عليها : هههههههه .. ما تيوزين عن طبعج ..
و ف هاللحظه ردت الفرحه لقلوب الكــــــــــل ..
حمد: اقول فيّ .. قومي قومي.. شكلنا غلط ..
حور: هيه والله قوموا
فيّ: صدقت عمرها ..
حمد: فهمتني غلط .. شكلنا غلط وياج .. نحنا عقال و انتي خبله ..
الكل: هههههههه
حور: ها ها ها .. أونك اتنكت *يقولووووووون ..لول*

حجرة حور
العصــر
حور: يالله كيف مستانسه ..
فيّ مبتسمه: إن شاء الله دوم ..مب يــــــوم
حور: ويــاج يا عمري ..
فيّ بجديه: حور ..
حور: قلبها ..
فيّ: هههه .. أنتي صدق مستانسه ..
حور انصدمت من هالسؤال ..
حور بتوتر: شو تقصدين ؟؟
فيّ: حور .. انا اعرف بعدج ف داخلج تتعذبين حتى لو ما اتبينين .. أنا أحس بحزنج .. أنتي بعدج عايشه ع ذكراه
حور: و أنتي نسيتي مايـــــــد
اهني استغربت فيّ و اتيبست مكانها .. *صــــــــــادوه*
فيّ متوتره: م م مايــد .. !!!
حور: هيــــــــه .. حبيبتي فيّ..أنتي مثلي.. يعني عايشه ع ذكرى مايــد .. هو صح المواقف الي من بينكم محدوووووووده .. بس حركت مشاعرج .. و اتعلقتي به ووكنتي ع أمل أنه يأخذج ف يوم .. بس الله ما راد ..
فيّ غرغرت عيونها ...
حور: عيل كيف ما تبيني اتعلق فيه و أعيش ع ذكراه ... و انا كنت ارمسه .. و كنت بعيش وياه طول عمري ..
فيّ: بس ها الي اتسوينه غلط .ز أمايه وايد اتحاتيج ..
حور: و انا أحاتيج ..
فيّ بعصبيه: نحنا الحين ف موضوعج ..
حور: انا ما اقدر أنســــــاه
فيّ: لا تقولين ما اقدر .. قولي ما أبى .. حور حبيبتي عطي نفسج فرصه .. كيف تبين تنسين و أنتي مب عاطيه النسيان مجال ...
حور: انزين حتى أنتي ما عطيتي عمرج فرصه
فيّ: أنا إذا يتني فرصه .. والله ما بضيعها .. لازم نستمر ف حياتنا .. ما نعيش ع ذكرى شخص ..
حور: اوكي .. خلاص ..الموضوع انتهى
فيّ: بس ممكن يتكرر ..
حور: و المطلوب
فيّ تبتسم: إذا تكرر أنج ما تتسرعين و اتفكرين بعقلج ..
حور: ههههه .. إن شاء الله ..
فيّ بفرحه: والله ...
حور: بل تبى الفكه مني ..
فيّ:ههههه .. فديتج
*
*
*
اليوم الي عقبه ..
راشــد و زايـــــد سايرين بيت عمهم يتغدون عندهم ... و طبعا حور كانت محتشره كعادتها و مندمجه ف سوالفها

راشد: حشى .. بالعه راديــــــــــو .. طريتي طبلة أذنيه يا بنت الناس ..
حور: أوهو ..هاذا منو عازمنه .. ليش ياي بيتنا
راشـــد: اسكتي لا تقولين جيه روحها مستحي
حور بسخريه: الله من متى الأخ راشد يستحي
راشــد: منو قالج أنا .. انا اطري زيود .. بزور ساحبنه وياي اونه يستحي و يشوف فيّ
الكل:ههههههههههههههههه
زايد مقهور من أخوه الي جلب الموضوع .. و رده ع أخوه
بو حمد: زين سويت
أم حمد:هيه والله .. و لا هالقاطع ما بنشوفه ..
حور بخبث اترمس زايد: بعدك زايد تستحي .. عيل فيّ ما انلومها مستحيه
زايد اتحول لونه لحمر من القهر و من القفطه: هههه .. لا هاذا رشود و يصد صوبه و هو معصب يألف .. ما تعرفين رشووووووود
راشــد: حور .. حور .. سمعتي الي سمعته .. لا يكون صدقتيه
حور: هههههههه .. لا أكيــد لا .. معقوله أجذب رشود و أصدق زيــود
راشد: شطوره ... إلا بتخبرج وين النسيب
حور باستغراب: منــــــــوه
راشـد: يوم اقولج غبيه تزعليـــن
فيّ: معزوم عند ربيــعه
ف هاللحظه التفتوا راشد و زايد صوبها ..
راشــــــد: آااااااااااااه يا قلبي .. يا ويل حالي ع الصوووووووت مب صوتج و يأشر ع حور .. اتقولين صوت بعيـــــــر
فيّ أحمرت و أخضرت هيه متعوده ع سوالف رشود .. و دوم اترد عليه .. بس هي من صغرها تستحي من زايد .. و زايد بعد يستحي منها ...
حور من القهر شلت الكوشن و فرتها ع راشد
راشــد: لا و بعد دفشـــه .. فيّ علميها ا لرقه
فيّ: ههههه .. ما يفيد .. تعبت من كثر ما حاول
ف هاللحظه ضحك زايــد: هههههههههه *شو يضحك*
حور من القهر: معلوم .. لازم تضحك ع كلاااااام فيّ و إلا نحنا من متى انكت بس ماشي فايده .. ماد بوزك شبرين ...
راشد نقع من الضحك: هههههههههههههههههههههه ... أي بطني .. زيود زيود .. ز يأشر عليه بس مب قادر يكمل .. هههههه .. شوف ... هههه .. شوف ويهك كيف استوى ..
و زايد زاد قهره ع رشود و حور .. وده يقوم بس ما يباهم يتشمتون فيه
أم حمد: عنبوج .. أسكتي .. فضحتينا .. انتي من وين يايبه هاللسان ..
حور اتصد صوب أبوها الي يقرى الجريده: أبــــــوي أبـــــــوي .. شوف يغلطون عليه .. ويوم ادافع عن عمري .. أمايه اتعصب ..
بو حمد رفع راسها صوبه: زين اتسوين .. لا تسكتين عن حقج ..
حور اتصد صوب أمها و تبتسم:إن شاء الله .. و لا يهمك * الله يعين .. هي من غير تشجيعك ملوسنه ..الحين شو ؟؟ *
كملوا الشباب يلستهم .. و اترخصوا جريب اذان العصر .. و ردوا .. و طول الدرب زايد يتهزب راشد .. و راشد يضحك عليه .. و كل دقيقه يطنز ع شكله * ههههه .. هيه والله .. خله يتأدب عشان مره ثانيه يضحك مب يستوغد*
*
*
*
عقب يومين من السالفه
بيت سارا
عبدالله كان عند سارا .. و سارا معصبه عليــه

سارا: كيف ما تخبرني أنك بتخطب ..
عبدالله: انزين ما استوى شي رسمي
سارا: لا والله .. شو رايك تخبرني يوم الملجه .. مب أحسن
عبدالله: ههههه .. و بأسى .. لا تخافين ما بملج .. البنت ما وافقت
سارا قلبها عورها ع عبود: لا و الله .. ليش ما اتوافق .. ما بتلقى أحسن عنك ؟؟ أصلا هي تتمنى واحد مثلك ..
عبدالله: لا تقوين جيه .. ربج مب رايد * يا عيني ع الحب*
سارا: انزين ما خبرتني منو هي البنت
عبدالله: وحده اتعرفينها ..
سارا باستغراب: اعرفها .. امممم .. لا يكون بنت عمك الي ما اطيقها ..
عبدالله: وع .. شو اتحيدين ما عندي ذوووووووووووق
سارا: ههههه .. حرام عليك هاذي بنت عمك *لا والله .. و لا جنج الي بديتي ف الحش*
عبدالله: ههه .. الله يسلمج .. البنت رببيعتج
سارا اتصارخ باستغراب: ربيــــعتي ؟!!!!!!!!!! *بس ما اسمع .. طريتي طبلت أذنيه*
عبدالله: بلاج مستغربه .. هيه ربيعتج الي شفتها ف حجرتج ..
سارا باستغراب: حوووووووووووووووووور
عبدالله بحزن: هيه ..
سارا: لا تلومها عبود إذا رفضتك .. و لا تزعل ... ترى الي مرت فيه مب اشويــــــه
عبدالله بتعجب: ليش حيه اتقولين ؟؟
و خبرت سارا عبدالله سالفت حور لعبدالله ...
سارا: و من يومها و هي رافضه فكرة العرس ..
عبدالله: انوين هي ليش متخوفه .. إذا استوى هالشي مره مب معناته انه دوم بيستويبها جيه ..
سارا: بس الي مرت فيه مب اشوي ع أي بنت ..
عبدالله بحزن: أعرف .. الله يسعدها ..
سارا: أميـــــــــــــــــن و تبتسم و يسعدك و يرزقك ببنت الحلاااااااااال
شافها عبدالله بنظره قطعت قلب سارا ..
سارا: الله بيعوضك إن شاء الله .. خل إيمانك قوي بالله ..
ابتسملها عبدالله .. ويلسوا يكملون سوالفهم و مصخرتهم ... و سارا اتحاول اتغير مود أخوها من عقب ما رمسوا ف السالفه .. و عبدالله كل خمس دقايق يقول شي عن حور .. والله أنها ما تستاهل .. و لا وايد عانت هالبنت .. و لا ربي يوفقها ..
*
*
*
ف هالأثنــــــــــاء و ف هالفتره .. مايـــد و هدى علاقتهم بدت تتحسن .. يعني مب وايــد .. بس مايد بدى يتعود ع وجود هدى ف حياته .. و يتقبل الواقع .. أن هدى حرمتـــــــــــه .. المهم في يوم من الأيــام مايــد قرر يظهر ويا هدى و يسيرون السينما ..
ف السيــــــاره

مايــد: هدى يوم بننزل السينما اتغشي ..
هدى: نــــــــــــــعم .. شوه
مايد: اتغشي .. و ف القاعه عقي الغشــوه .. اليوم الخميــس و وايد زحمه ...
هدى: و ليــش إن شاء الله اتغشـــــــى ؟؟ * يا حماره قالج عشان زحمة الشباب*
مايد بدى يعصب: لأنج ما خليتي لون ما حطيتيه ف ويهج ..اتقولين سايره عرس مب سينما ..
هدى: هاذي يزاتي .. قلت أكشخ حق ريلي .. بس ريلي ما عنده ذووووووووووق
مايد: انزين انا شفت كشختج .. خلاص ف السينما اتغشي .. و لا تبين الناس بعد يشوفون كشختج ..
هدى: انا اباك اتكون فخور يوم امشي عدالك .. و مستانس ..
مايد: يا سلااااااام .. بالعكس إذا اتغشيتي بفتخر أكثر ...
هدى بعصبيه: ما بتغشى .. مثل ما طلعت من البيت جيه بكمل طلعتي جيه .. انا عمري ما اتغشيت ..
مايد بعصبيه: عيل مره ثانيه لا تترسين عمرج صبغ ... وصد عنها الصوب الثاني .. و هدى بعد صدت الصوب الثاني *أونها زعلت .. بالطقاااااااااق .. اختاري يدار و اضربي راسج فيه .. مالت*
المهم وصلوا السينما ونزلوا .. و طبعا هدى سوت الي فراسها و ما اتغشت .. و مايد الود وده يكفخها و يسحبها من كشتها الين بيتهم .. بس سكت عنها و قال بحاول ويها بالطيب ..
مايد: هدى حبيبتي ما بتتغشين ...
هدى شافته بنظره: لا
مايد معصب: عيل مره ثانيه ما شي طلعات و لا روحات للسينما ..
هدى حست بعصبية مايد و جديته: حبيبي .. و الله شيلتي غليظه و أخاف اتغشى و اطيح .. خلاص مره ثانيه بخفف الميك أب .. * بخفف أونه .. ما توب .. يقولج لا اتحطين .. ما تفهمين .. فضــــل*
سكت عنها مايد لأنه يحس انه بينفجر و اشوي لا يذبحها .. و مشوا .. و دخلوا صالة القاعات ..
هدى: مايد بسير الحمام ..
مايد: أوكي .. انا بعد بسير حمام .. و بترياج برع ..
هدى: أوكـــــــي و تغمز له * شو من البشر هاي *
دخل مايــــــد الحمـــــــام غسل ويهه يبى يهدي اشوي .. أما هدى دخلت الحمام تعدل الميك أب .. عدلت الجحال و زادت القلوس .. * الحين الحمامات امسوينهن عشان هالسخافات يا السخيفه *
المهم طلع مايد .. يلس يتريا هدى .. بس تأخرت .. و يوم رفع راسه صوب الناجوس و البوبكورن شافها ,, شاف هدى .. و واحد حذالها .. و شكله يرمسها ... ف ع طول مشى صوبها ...
ف هالأثناء
الريال يرمس هدى : اشحالج ..
هدى اتشوفه بتوتر: بخيــر ..
الريــال: اتولهت عليــج ..
سكتت هدى .. ومن شاف مايد يمشي صوبها بدى قلبها يجق بالقــــــــــو
الريال: من زمان ما شفتج .. ما برتمسيــــــــن ..
و هدى ما تلتفت صوبه .. و تبتعد عنه .. ف هاللحظه وصل مايـــــــــد و عيونه تتطاير منها الشــــــــرار ...

و خلص البارت ..

تك تك

Part 21

سيارة مايـــد


مايد يسوق وويها محمر ع الأخيـــر *يحق لك* .. و راكبنه ستين عفريت *عاشووووو* .. و من ركب ما رمس هدى يحاول يتمالك أعصابه .. حتى ما التفت صوبها *أبرك لك* .. و هدى من الصوب الثاني ما خوزت عينها عن مايــد .. و ويها مصفر *طبعن كلنا انعر ليش* .. و قلبها يدق طبــــــول *أشك ف الموضوع* .. متوتره و مب عارف شو اتسوي ..
هدى ف خاطرها .. اوووف شو هالحاله .. الحين شو اسوي .. لازم ما اسكت .. و لا بيتحسبني غلطانه *حشى أنتي مي غلطانه .. إلا أنتي الغلط راكبنج و مستلبسنج* ..
هدى متوتره: اممم .. مايد خف السرعه
مايـــد طـــــــــــاف
هدى بدلع: مايـــــــــــــــــد
أكبــــــــــــــــــــــــــــر طــــــــــــــــــــــــــاف * ياي .. لقطتي ويهج يا أمو ويهين*
هدى: الحين ممكن أعرف ليــش معصب و زعلان * يا عيني ع الاستهبال*
مايــد يصد صوبها و يشوفها و ف خاطره: أقوم أصملاها بكف يعدل ويها و لا أعطيها بوكس ع عيونها يطير القوس قوزح الي ع عينها * الاثنين حلويـــن .. طبقهم .. يهاهاهاي*
المهم ف الأخيـــر مايد ما رد عليها ..
هدى بعصبيه: ليش ما اترد عليه .. مخلني أرمس عمري مثل المينونه ..
رد يطالعها مايد و عيونه يتطاير منها الشرار .. أي شرار .. إلا نيران مب شرار ..
هدى بلعت ريجها *يا ليت بلعت بلعومها بالغلط .. مالـــــــت* .. و دقات قلبها بدت اتزيــد
هدى ف خاطرها : أووووووف .. من وين يايب هالعصبيه هالريال .. الله يعيني عليه * تتمنيه ويا ويهج *.. و الله قهر طلعني من السينما من غير ما انشوف الفلم .. و لا .. ما خلاني أخذ الناجوس .. أوووووف .. و هالخليفه من وين ظهر .. خرب طلعتي .. الله يأخذه *و ياخذج وياه .. قولي آميــن*
هدى: حبيــبي * حبج برص* .. أنته تعرف شباب عالأيــام كيــف .. يعني ماله داعي هالعصبيه
مايد ف خاطره يكفخها
هدى ف خاطرها يالله بسترك
هدى: انزين الحين أنته ليش امعصب عليه .. انا شو سويت .. انا مالي خص إذا هالريال ما يستحي ع ويهه ..
مايــد خلاص فقد اعصابه *قوموا.. اندور أعصابه*
مايد: لا مول ما سويتي شي .. مرتزه بين الشباب ويا هالصبغ الي ع ويهج .. و اتلومين الشباب .. هاذي شغلتكن يا البنات .. تترسن عماركن بها الألوان .. و أخر شي اتدرون الغلط ع الشباب .. يوم تبين محد يطالعج .. خلج طبيعيه .. و بعدين أنتي شو وصلج الين الناجوس روحج .. ليش ما اتريتيني .. انا ما قتلج اتريني .. و لا انا دريولج ما تسمعين كلامي .. كل ما قتلج شي اعترضتي .. هاااااااا .. و من الحين اقولج .. هالألوان ما ريد أشوفها ع ويهج مره ثانيه تسمعين و لا ..
هدى ساكته و ميته من الزيـــــاغ
مايد يعلي صوته: تسمعيـــــــــــــــــــــــن
هدى اشوي لا تصيح: اسمع اسمع..
سكت مايد ..
و هدى سكتت .. بس طبعا ف خاطرها تتحرطم ع مايد و خليــفه ..
وصلوا الحمدالله بسلامه بيت هدى
مايــد من غير نفس: انـــزلي
هدى بدلع: حبيبي بعدك زعلان
مايد :يلا مع السلامه * قويـــــــــــــــــه *
هدى عقب ما انحرق ويهها: مع السلامه ..
نزلت هدى .. و مايد ما صدق ع طول شخطها و طلع من بيتهم ..
مر أسبوع .. ومايد ما شاف حرمته .. بس يرمسها ع التلفون .. طبعا هدى هي الي تتصل .. بس مايد ما كان يرمس وياها وايــد .. و من ورى خاطره .. *أونه زعــلان*
*
*
*
عقب أسبــوع
بيــت بو شهد

الكل كان متيمع .. العايلتين .. عايلة بو حمد و عليلة بو زايــد .. كان بيت بو حمد معزومين ع الغدا .. و طبعا عقب الغدى .. يلسوا ف الصاله يحلووون و يسولفون ..

بو حمد: ها شباب حصلتوا شغل ؟؟
زايــد: لا و الله عمــي .. قدمنا ف أكثر من مكان .. بس نتريا يتصلوبنا عشان المقابله ..
راشــد: أحسن .. خلنا جيه لا شغل و لا هم و لا غم ... و رقاد ع كيفك كيفك
حور: أنته بس ها همك .. الرقــاد
راشد يقلد حور: الرقــاد و الأكـــل
فيّ: ههههههه
زايــد: هههههههه *كوبي كــات*
بو زايــد: إن شاء الله بتشتغلوووووووون .. و بتحصلون وظيفه اتناسب شهادتكم ..
حمد الي كان امبحلق ف حور توه يشاركهم: زايد معقوله بس رشــود ما اعتقد .. إلا إذا بيشتغل فراش
حصه: حمد عن الغلط .. كله و لا رشوودي
راشد: هيه حاسب ..تراني ما بيوزك أختي .. و يغمز له .. و يصد صوب حصه و يفر عليها المخده ..منوه هذا رشودي ها ..
شهد: حرام عليك توها الدافع عنك ما تستاهل ..
زايد: هههه .. حمد لا تخاف .. انا بيوزك شهد ..
حمد بطلع عيونه ..مستــــــــــــغرب *حتى أنا* .. أول مره زايد ما يعصب من هالموضوع .. و لا يشاركهم المصخره.. *ها كل عشان فيّ... هههه*
راشــد: نعم نعم
حور: جب حب .. بعد فــراش و ترمـــس
بو حمد و بو زايــد: ههههههه
فيّ: راشد ما عليك منهم .. جيه الفراش مب ريــال.. المهم أنك تشتغل و تعتمد ع نفسك .. مب عين نبدى من الصفر ..
راشـــد: عاشت بنت عمي ... ما شاء الله عليــج عاقل .. مب مثل بعض الناس.. حتى مستشفى الميانين ما يقبلونهم ..
فيّ:ههههههههه
زايــد يشوف فيّ بإعجاب .. من صغرهم و هي تعيبه.. تعيبه طريقة تفكيــرها ..
راشد يدز زايــد و يصاصره: حوووه فضحتنا .. عيونك طاحن ..
زايد صد صوبه و اطالعه.. و رد ع حالته .. و طنشه ..
فيّ بتردد: اممم .. أبوي
بو حمد: عيونه ..
فيّ: امم ... أبى اشتغل ..
الكل انصدم .. من كبيرهم الين صغيــرهم
أم حمد: فيّ حبيبتي وين تبين؟؟
فيّ بدلع: أبويه انا أبى اشتغل .. أبى اعتمد ع نفســي
حمد: ليش فيّ شي ناقصنج .. نحنا امقصرين ..
فيّ: لا .. بس أنا مليــت من يلست البيت .. أحس أني ما لي جيمه .. مب مفيده .. و بعدين يا حمد مب الكل يشتغل عشان البيزات .. ناس يشتغلون عشان يثبتون نفسهم .. و يرضون عمارهم .. يقضون وقتهم
شهد: هيه صح عمي .. بدال ما هي يالسه ف البيت بليا شغله ..
بو زايد: بس فيّ حبيبتي أنتي ما عندج شهاده .. و ما بتحصلين وظيفه زينه ..
فيّ: عمي انا راضيــه بأي وظيفه محترمـــه .. انا ادري إعاقتي بتصعب المهمه .. بس أنا راضيه بأي وظيفه تتناسب ويا حالتي .. و عمي انا صح ما تعلمت ف المدارس و لا شي .. بس أبوي علمني اشياء وايد .. أول شي علمني إياه القوه .. و التفاؤل ..
حور متأثره: صح عمي .. و بعدين عمي فيّ عندها ثقافه .. انا وم اقرالها ز تسمع .. و ترتكز المعلومه ف راسها .. و بعدين هي ذكيــه طالعه عليـــه .. احم احم
راشـــــــــــــد: هههاهاهاهاهاهاهاهاهاهاهاا
الكل صد يشوف راشــد .. و زايد يشوفه يقهر ..
راشــد: بسم الله ع فيّ .. أصلا ما من بينكن مقارنه .. فيّ وايــد أذكى عنـــج
الكل: هههههه
راشــد: فيّ .. خلاص انا بدورلج وظيـــفه .. كلا و لا بنت عمــــــــي
فيّ بفرحه: والله مشكــــــــــــــــــــور .. بس قبل ما ادور ابى موافقتي أبويه ..تراه موافقته أهم ركن عندي قبل ما اسوي شي ..أو اقرر شي ..
حمد وايد استانس يوم شاف الفرحه ف عين فيّ: ما عليــج أنا بقنعه .. و بعدين معقوله بو حمد يرفض طلب لنظر عينه فيّ
بو حمد: هههههه ..
بو زايــد: أكيــــــــــد لا
أم حمد: و انا مالي راي
الكل:ههههههه
فيّ: افااااااااااااا .. انتي الخيـــــــــر كله ..
حور: و ندريبج ما تعارضين بو عيالج ف شي ...
راشد: الله يخليكم سكتوها ,,, و لا بقوم و بيب القطوه تتفاهم وياها
أم زايــد: ههههه .. كله و لا حور .. عاد انا بخليك .. تدريبها اتخاف من القطاوه ...
زايد كان سرحان ف فيّ .. و ما خوز عينه عنها .. خاصه عقب ما قالت هالكلااااااام ... و لاحظ شهد نظرات وايد و كانت خايفه انه حمد يلاحظ ..
شهد اترمس زايــد: اقول ما شبعت
زايد بغبا: هـــــــا
شهد: سلامتك .. اقول ترى كله أهلها اهني .. حشم ..
زايد استحى و ابتسم ..
حمد كل دقيقه يكلم أبوه عشان يرمس عمه عن الملجه .. و ابوه امسوله لبسنق .. طفر .. كل يوم نفس الاسطوانه ... و حمد تعب من تنطيش ابوه ,,
حمد: عمـــــــــي
بو زايــد: هـــــــــــلا
حمد متوتر: أبوي يبى يشاورك ف شي ..
بو زايد : خيــر بو حمد
بو حمد: الخير بويهك .. ما دريبه حمد .. امخرف
حمد بترجي: أبويـــــــه
بو حمد: هههههه .. يا بو زايد حمد يبى يملج .. طفرنـــــــــي ..
شهد استوى ويها قوطي طمــــــــــــــــاطه..
راشــد يصرخ مره وحده: الحقـــــــــوا
الكل نقز: خيـــــــــر
راشد: ما تشمون ريحة حرق .. ناس احترق ويهم من المستحى
الكل:ههههههه
شهد استحت و قامت و طلعت .. و حور وراها
بس زايــــــــــد عصب : أنته ما تيوز
يلس راشــد: لا ما يوز .. يوم انته بتيوز عن وغادتك.. انا بفكر .. يصير خيــر
زايــد: أوووووووف
راشــــــــد: من العدووووووو *صدقك .. أووووووووووف من زايد.. لول*
حمد:ها عمي شو قلت ..
بو زايــد: و الله انا ما عندي مانع .. بس بعد بنشاور البنت ..تبى تملج و لا ..
حمد: و ليــش ما تبى
راشد بغلاسه: يمكن يمكن غيرت رايها
زايــد: ما عليك منه ..
فيّ: اصلا اختك تتمنى واحد مثل أخوي حبيبي ..
زايــد: ههههه *شو يضحك*
بو حمد: يا بوك لا تقول جيه .. عادي ينجلط .. هههه .. المهم شاوروا البنت و ردوا علينا ف اقرب فرصه ..ما فينيا شده للمستشفيات
الكل:ههههه
راشــد: حالتك مستعصيه ابن عمي
حمد: هيــه.. و خبروها اني ابى الملجه عقب ثلاث اسابيع بالكثيــر
حصه بلقافه: ليش انته ما ترمسها ..
حمد: لا ارمسها
حصه: خلاص عيل انته شاورها و خبرها ... بعد ليش هالدلع ... *طالعه ع أخوها*
الكل:هههههه
زايد بعصبيه: اقول قومي سيري عند شهد
حصه زاغت: أوكي
فيّ: لحظه ودني وياج
زايــد اهني انكسرت نظرته ,, يقول ف خاطره يااااااااااي انا شو سويت .. بتطلع و ما بشوفها ..
راشد لاحظ التغيــر و يضحك ف خاطره و صاصر زايد: دووااااااك
عاد ما يحتاي اقولكم النظره الي اتلقاها راشــد من زايد ..
و كملوا الناس سوالفهم الين العصر .. و عقب ردوا البيت...
*
*
عقب ساعتيــن

يتبع
حمد يرمس شهد يحاول يقنعها انها توافق .. و شهد اتحاول تقنع حمد ييأجل الموضوع .. مب لشي .. بس لأنها كل ما تتذكر الملجه بطنها يعورها ..
حمد: انزين عطيني سبب واحــد ما يخلينا نملج
شهد: ها * صادوه*
حمد: شو ها ؟؟
شهد: الجامعه
حمد باستغراب: بلاها ..
شهد:ما شي بس انا مشغوله .. و ما اقدر أجهز و و الوقت ما يكفيني
حمد: ثلاث أسابيع ما يكفن .. ليش؟؟ هاذي ملجه مب عرس .. و بعدين أنتي روحج قلتي تبينها أهليــه .. يعني ما تحتاج شغل وايد
شهد بحزن: أدري
حمد: شهد أنتي زايغه
شهد: لا
حمد:عيـــل
شهد ســاكته ..
حمد بضيج: مع السلااامه
شهد: حمد
حمد ساكت
شهد: زعلت
حمد ساكت ..
شهد: خلاص حمد .. بنملج عقب ثلاث اسابيع
حمد: لا خلاص شهد .. انا ما اباج اتسوين شي انتي ما تبينه
شهد: و منو قالك أني ما أبى
حمد: رفضج و تصرفاتج
شهد: حمد .. انا موافقه و الله من خاطري موافقه
حمد بفرحه: صدق
شهد: هيـه..هههه
حمد: أوكي بااااااااااي
شهد: طاع ..
حمد: الحين بتصل ف عمي بخبره انج وافقتي .. باااااي
و سكر من غير ما يسمع ردها ..
و أخيــرا اتحددت ملجه حمد و شهد .. عقب ثلاث أسابيـــــــــــع إن شاء الله ..
حمد الدنيا مب شالتنه من الفرحه .. مستــــــانس .. و أخيــرا شهد بتستوي حرمته .. و يقدر يتمصخر وياها و يطلع وياها من غيــر ما يعصب زايد .. *والله هالزايد أجواء* .. و يتريا هالثلاث أسابيع يمرن بســـــــررررررررررعه .. أما شهد .. شعورها شعور أي وحده بتملج .. زايـــغه .. هي متأكده من حب حمد .. بس زايغه من المسؤوليــات .. زايغه بتقدر تسعد حمد .. يا ترى بتكون قد المسؤوليه و لا ...
*
*
*
عقــب أسبـــــوع
الساعه وحده فليل
بيت بو زايــــد

حصه ف حجرتها .. اتذاكــــر أحيــاء *وووووع* .. عليها امتحان باجر .. و زايـــغه لأنها ما تحب الأحيــا وايــد *يا ماما مب محسوب .. * و طبعا تشرب كوفي عشان اتصحصح .. و كل ما اتخلص صفحه تحسب كمن صفحه باقتلها .. و ساعات قبل ما اتخلص الصفحه تحسب .. *سبحان الله يمكن يقلن الصفحات .. لولز*
و ف هالأثناء يوصل راشـــد البيت .. ويلاحظ أنه ليت حجرة حصوص مفتوح .. و يضحك ف خاطره .. ما دري طالعه ع منوه هاي .. إيجبشين بالقـــو .. ههههه .. كمل طريجه رشوووود وهو يفكر و يبتسم .. الله يعلم يفكر بشـــو ,, و أول ما دخل الصاله
زايــد: السلاااام عليكم
راشـــد: و عليــكم السلاام .. ها الأخ واعي ..
زايـــد: اتريــاك
راشـــد: لاه لاه .. ما صدق .. من متى ... و بعدين ليش تترياني .. لا يكون حرمتــي ...ههههه
زايد يفر الكوشن ع راشـــد: ما تستحي ع ويهــــك .. بس انا الغبـــي .. استاهل
ونش بيروح ... بس يوده راشــد من إيده ..
راشــد: أفـــــا لا يكون زعلت .. بلاك يا خي ما تستحمل المصخره .. و دومك امعصب .. ها كله عشان انا أحلى
زايـــد: هههههههه ..
راشـــد: زايــد بقولك شي بس لا تعصب ..أوكي
زايــد: خيــر .. لا تحتاي خلاص من يوم و ساير ما بعصب ..
راشــد: و الله .. زيـــــــن يا ريــال .. بس بعد من يوم و سايــر لا تضحك ..
زايـــد باستغراب: ليــــــــــــــــــش
راشــد: لأنك ضروسك أحلى من ضورسي العفيــسه .. و تطلع أحــــلى عنــــــي ..
زايــد بخقه: تــوك اتعرف .. أصلا ضحكت و لا ما ضحكت أنا أحلى
راشـــــــــد: يلا عاد .. منو بيفكني من خقتك .. يا خي عندك مشكله.. اتصدق أي شي ينقال لك ..
زايـــد: ههههههه .. لا والله .. ما تذكـــر .. يوم انته اتلاحق البنت و اتسويلها حركـــات .. أخر شي ما عبرتك.. ويت صوبـــي ... هاهاهااهاا .. و قفطتك ..
راشــد باستهبال: ما اذكرها ..
زايــد بعناد: ما تذكرها .. هاذيج الي قالتلك مب تتصل .. يا ويه الكوفت .. هههههه .. تذكرها ..
راشــد: هيه هيه .. هاذيج الي جنها دراكولا .. و ناس ابتلشوبها ..
زايــد: هههههه ... تكسر الخاطر يا خي ..
راشــــد: ما علينا ...
زايـــد: أوكي .. انا بسيــر ارقد .. تصبـــح ع خيــــر
و ينش
راشد: زايـــــــــد
يلتفت زايد صوبه
زايــد: هلا
راشــد: ما بتخبرني ليش كنت تترياني .. ما بتقول الي ف خاطرك ..
ابتسم زايــد .. راشـــد .. راشـــد هو الي دوم يفهمه ع كثــر ما يلعوزه و يضارب وياه .. بس محد يفهمه كثـــره .. يعرف حركاته و كل الي ف خاطره .. و اكثر واحـــد يستحمل وغادته و عصبيته ..
زايــد ياه و يلس حذال أخوه: لا بس كنت بسألك .. حصلت شغله لفيّ
راشـــد ابتسم: أيـــوه فيّ .. السالفه فيها فيّ .. قول جيه من قبــل ..
زايــد ابتسم
راشــد: لا بعدني ..هي طلبت مني انأجل السالفه اشوي .. يعني الين ما نفتك من ملجت أختك ... هههه
زايــد: أوكي ...
و نش .. بس رد و التفت صوب راشـــد
زايــد و الابتسامه شاق الحلج: أقـــــــول رشووووود.. ما يحتاي أدور ..أنا بدور ..
ابتسمله راشــد: خلاص تم
و تحرك زايد صوب الدري .. بس التفت صوب راشــد
زايــد: انته ما بتنش ترقد
راشــد بخبث : بنش عقب شوي .. ورايه شغله
زايــد فهم نظرة أخوه: الله يعين ضحيتك ..
راشــد: ههههههه
و ركب زايد الدري .. و توجه صوب حجرته .. أما راشــد تم يـــــــالس دقايق .. يفكر و يخطط .. و عقب سار الطابق الثاني .. و وقف جدام حجرتها ... و دق ع الباب دقات خفيــــــــفه .. و شـــرد .. حصه من سمعت دقات الباب زاغت .. و قامت تفتح الباب .. فتحت الباب بس ما شافت حد .. و كل الليتات امسكره .. بدت دقات قلبها اتزيـد.. طلعت راسها .. التفت يميــن و يسار .. بس ما شافت حد .. سكرت الباب بسرعه .. و ركضت مكانها .. و حاولت اتركز ف مذاكرتها .. عشان تنسى السالفه .. بس مستحيــل ..كل ثانيتين تسمع صوت .. يا صوت قطوه ,, يا صوت تشميخ ع الباب .. و أصوات غريبـــه .. و مـــــــــــــره وحده تسمع دق قوي ع الباب .. اهني هي بغت اتموت .. اتيبست .. و ابسرعه ركضت صوب الباب تفتحه .. أول ما فتحته ما شافت حد بس يوم بغت اتصد يمين ... سمعــــت

راشــــــــــــد: بـــــــــــــــــــــــــــــــــــــــــــــــــ ــــــــــــــــــو
حصه اتصارخ ..
راشد: ههههههههههه ... هههههههه
حصه تضرب راشد بالخفيف : سخيف .. روعتني .. و الله كل الي ذاكرته اتبخر ..
راشــد: هههههههه .. سوري .. بس ما قدرت أقاوم و ما ازيغج ..
حصه: هههه .. تعال ادخل
راشد: وين .. انا بسير ارقد
حصه: لا يا حبيبي .. بتيلس ويايه .. انا ابى اكمل مذاكرتي و عقب الي سويته ما اعتقد بقدر ايلس بروحي ..
راشــد: حرام عليــج
حصه تسحب راشد من ايده و ادخله الحجره: محد قــالك ..
وطبعا راشــد غصبن عنه دخــل .. ف البدايه يلس يطفرها .. كل دقيقه يسألها سؤال .. و يستهبل .. و هي اتعصب عليه و تتحرطم .. الين ما كسرت خاطره و هدها بسلااااااااام ..و ف النهايه استسلم للرقاد و رقد ع الأرض حذال أخته .. نشت حصه و يابتله لحاف و مخده و لحفته .. و كملت مذاكرتها ...
*
*
*

مر أسبـــوع ثاني .. و ما شي تطورات.. بس الكل كان مشغول بالملجه .. صح هيه عايليه .. و بتكون بسيطه و ف البيـــت .. بس بعد .. شهد و حور ما قدرن يستغنن عن صديقاتهن المقربات .. لازم يعيشن وياهن فرحتهن .. و هالكلاام يمشي ع أم حمد و أم زايـــد .. كل وحده عزمت هتين و لا ثــلاث .. و طبعا الي انعرفهن من المعزومات .. سارا صديقه حور و بعد صديقة شــهــد .. و طبعا ما ننسى أهم وحده .. أم مايـــد .. *عزات اختربت الملجه* .. حمد أصر انه يسوي كمن كرت لصديقات أمه و عمته و خواته و طبعا حرمته .. بس شهد رفضت رفضت تام .. و قالت انها روحها بتسوي الكروت .. و بتوزعهن .. و ماله داعي للمخاسير .. قرروا شبابنا يسيرون ضربه يوزعون الكروت على هل كمن بيـــت .. طبعا نقصد بشبابنا .. حمد و زايــد و راشــد و شهد و حصه و حور و فيّ .. *ما شاء الله .. اللهم زد و بارك* .. و أ,ل بيت راحو له .. بيــــت ســارا .. و يوم وصلوا عند البيــت .. اتصلت حور بسارا .. عشان تطلع و تعطيها الكرت ..

ف السيــاره

راشد: ام .. حور ... ربيعتج حلـــوه
فيّ: ههههههه
زايــد: أي أ،ته ليش تتخبر ...
حور: هيه .. حلوه ددامني ربيعتها ... احم احم ..
الكل: هههههههه
راشــد: صدقج .. و يقلدها دامها ربيعتج أكيــــــد خسي الويه .. ههههه
شهد تشهق: شو شو ... إذا سارا خسفه نحنا شو انكون ...
حمد: ما يبالها تفكيـــر .. أكيـــد أنت قمر ... و لا ما خذتج ..
احمرت شهد ...
زايـــد يصد صوب حمد: اقوووووول شخبارك
حمد ميود ضحكته: بخيـــــــــــر يعلك الخيـــر
الكل:هههههههه
راشــد: حور حور .. هاتي الكرت هاذي ربيعتج فجت الباب ...
حصه: هههههه .. اقول رشـــود .. ما انصحك تنزل .. ترى بيجفيك النوم إذا ريتها ...
راشــد: ببل لها الدربجه غاويه ..
حور ما عبرته و نزلت اتسلم ع سارا و تعطيها الكرت .. طبعا محد قدر يشوف سارا .. لأنها فتحت باب الحوي الصغيــر .. و اتريت حور تدخل ..بس حمد حب يخسس ف راشــد .. و اتفق ويا زايـــد ... عاد زايد ما صدق هاي فرصه ما تتعوض .. و أخيرا يقدر يطفره .. هو يدري كيف يتخبل ع سيرة البنات ...

حمد: شوفها .. شوفها زايــد .. دخيلك .. شوفيها كيــف حلوه ,,
شهد طنجرت من سمعت هالكلام ... و دها تزغد حمد .. و حمد ما اتوقع انها بتعصب و لا بتزعل ...
و راشــد .. الحقوا .. رشـــود .. اتلخبط .. من سمعهم يرمسون عن البنت .. حتى اليلسه ما يدل طريجها ... هههه ...

راشــد: وينها .. ؟؟ .. اشوف ,,
زايــد: قم قم .. انا بس بشوفها ... بعد ما فينا تنتبهلك ..
راشــد: يا خي بس بشوفها .. و ما بخليها تنتبه ...
فيّ: هههه .. خلاص هاذي محجوزه حق زايـــد .. من خلي خالوه تخطبها حقه ...
زايد من سمع رمستها اتبريد .. بلاه هاي ... خرفت .. شو اتقول .. بتقول لأمي تخطبلي وحده .. وحده غيـــرها .. يعني لهاي الدرجه ما اتحـــس .. اتحس بشوه ؟؟ .. أوه شو بديت أخرف .. بس .. بس .. انا ابى أخطبها هيه .. وايد اتعبيني .. ما دري أحس اتناسبني .. تم زايد متلخبط عقب هالجمله و مب قادر يركز ,, فيّ شتت أفكاره من غير ما تحس و لا تدري ..
طبعا راشد حس انه زايـــد سرح ..و حمد طفره كل دقيقه يغايظه .. و جان زين بس يغايظ راشد .. حتى شهد ..مفوله .. و اتحس انها بتختنق .. أما فيّ و حصه مستانسات ...
راشد ضرب زايد ع راسه: أيه قم رد ورى .. انا بيلس جدام ...
حمد ، حصه و فيّ:هههههههههههه
فيّ: هد أعصابك ابن عمي ..
زايــد: أي .. بلاك يا خي .. ما شفنا ابنت يا بوك .. ما يسوى علينا .. أصلا البنت ما اتبين ..بس انا و حمد بغينا انلعوزك ..
الكل: هههههههه
شهد ارتاحت من سمعت كلااااااام زايــد .. أما راشــد يلس يضحك ع لقافته .. حور عقب ما خلصت سوالفها .. و شبعت .. يتهم .. أول ما ركبت السياره
راشد: حور لها الدرجه ما تنمل سوالفها ...
الكل ما عدا حور: ههههههههههه
زايــد: أنته ما تيوز ...
*
*
*
بيت وحده من صديقات أم زايــد
ف السياره

الكل ف السياره محتشر ع راشــد ينزل يعطي الناطور الكرت .. بس راشــد رافض .. لأنه متعقد من الجلاب .. و ما يدانيهم ... و يخاف لا يشوفه الجلب و يلاحقه قبل ما يوصل حجره الناطور ..

حمد: يلا قم انزل ..
زايــد: وايد تتحلم ,,, ههههه
راشد مقهور ..
حور: راشد تباني أنزل ويــاك ..
حصه: بعد ما اعتقد يوافق ..
شهد: أي أي ما ارضى على حبيب قلبي رشــود .. يالسين اتعايرونه .. ليش ما تنزلون أنتوا ...
زايــد: انا عادي عندي ... ههههه
فيّ: راشــد ما عليك منهم .. ترى هم بعد ميتين من الزياغ .. قم قم .. انزل و سم بالله ... و إن شاء الله ما عليــك شــــــــــر ..
راشــد: بس عشان خاطرج بنـــــزل .. و يضرب زايد ع راسه *من القهر وحليله*
و نزل راشــد .. و قلبه رقيـــص .. *الله يغربل الجلاب ... هههه *
و اتوجه صوب الناطور .. بس من جرب .. شاف الجلب ياينه طـــــــــر .. يركض .. راشــد من الزياغ .. فر الكرت و ركض صوب السياره .. و الجلب يلاحقه .. و كل الي ف السياره ميتين من الضحك إلا شهد و فيّ خايفين عليـــه ..
فيّ: حرام عليــكم شو هالشـــر .. زايــد و الله ما توقعتك جيه نذّل ..
زايــد: ههههههه .. و الله ما قدر ايود عمري من الضحك ... انتي بس لو اتشوفين شكله ..
فيّ بعصبيه: الحمدالله أني ما اقدر اشوف .. انا جيه و ميته من الزياغ عليـــه
زايد صخ .. وايد اتحاتي راشــد .. و اتعامله غير عني .. ليـــش *اسأل عمرك يا الطيب* .. اوهـــــــو .. لا يكون بــــــــس .. لا لا شو اقول انا .. بس اول مره اجوفها جيه معصبه .. لا و عليه .. و عشان منوه .. راشـــد .. أووووووووف شو هالحاله .. *أي حاله ... ههههه* .. استغفر الله .. عوذ بالله ..
ثانيه و يتبطل باب السياره .. ويعفد راشد و يسكر الباب ..
راشــد يناهي و ييأشر بيده .. يلا يلا تحرك .. بســــــــــرعه
الكل: هههههههههههههههههههه
حور: هههه .. حشــــــــــى ..
راشــد: هيه لو انتي عاظنج الجلب الي عظني .. جان الحين من عديد الموتى ...
حصه:خيبــه
الكل:ههههه
فيّ: راشــد .. اندوك غرشة الماي ... اشرب و ما عليك منهم ..
مد ايده راشد صوب غرشة الماي ..لأنه فيّ مب عارفه وين يالس .. و خذها .. و زايــد يحترق سيتين مره .. *اتصلوا ف المطافي ... ههههه *
و كملوا الشباب .. سوالفهم .. و عقب كل واحد سار بيته .. يرتاح عقب هالعنا و التعب .. اسبشيلي راشـــــــــــد
*
*
*
بدا العــد التنازلــــي للملجه .. الكل مشغــــــــــــــــــول .. الكل يحاتي شي .. أولهم شهد ... و ثانيهم حمد... لولز .. بقى يومين عن الملجه .. و ف ها اليوم .. تستلم شهد فستانها ... فسارت هي و حور يستلمن الفستان .. بس استوى شي مب ف الحسبان .. شهد انصدمت بفستانها .. المصمم ما ضبط الموديل الي طالبتنه .. و يلست تتحرطم عليــه .. و هو يحاول يقنعها انه بيعدل الفستان .. و التعديلات الي طالبتنهن بسيطه .. بس هي ما تسمع *ما تنلااااام* .. و طلعت بسرعه من المحل و طلعت وراها حور .. و من ركبن السياره .. انفجرت شهد و يلست اتصيـــــــح .. حور مب عارفه شو اتسوي .. أصلا موقف صعــب ... وحده ملجتها عقب يومين و فستانها اخترب .. كيف اتهديها *أكيد الطراق هو الحل ... هههه* .. المهم ربعيتنا ما يأست و حاولت اتهديها و بالفعل .. يلست تمدحها .. و اتوصلها السما .. و عطتها من هالكلام الحلو .. و سكتت شهد .. بس الضيجه ما فارقتها .. و ف هالأثناء يتصل حمد

ترن ترن ..

شهد بصوت مبحوح: ألو ..
حمد: السلااااااااام عليكم
شهد: و عليكم السلام ..
حمد: اشحالج ..؟؟
شهد صوتها راح: بخيـــر
حمد خايف: شهد بلااااااج ؟؟
شهد من سمعت هالجمله يلست اتصيــــــح .. وحمد دقات قلبه زادت .. يمكن يدق مليون مره ف الثانيه *مول ما اجذب*
حمد: شهد .. شهد ..
شهد ما اترد عليه و اتصيــح .. وو حمد يسمعها ..
حمد بدى يعلى صوته: شهــد .. شهــد .. بلاج .. اتكلمي ... شهـــــد
حور بدت تسمع صريــخ حمد .. و اتشوف شهد اتصيــح و ما اترد عليه .. شلت الموبايل عن شهد
حور: ألـــو
حمد: حور ..
حور: هيه
حمد: بلاها شهد ؟؟ شو مستوي ؟؟
حور: ما شي .. بس المصمم اشوي خرب فستانها ..
حمد: شوووووووه ..
حور: بس هو يقدر يعدله .. بس هي متوتره و زايغه .. عشان جيه .. ما تنلام عروس ..
حمد: و الله انه قلبي طــاح .. عطيني إياها ..
عطت شهد موبايلها ..
شهد: ألو ..
حمد: ألعــــــــــن الصـــــــــــوت ... ههههه
شهد ميوده ضحكتها و اتتسوي عمرها معصبه: حمــــد
حمد: ههههه .. الحين هالصيــاح كله عشان فستــان .. يا بوج انا يوم بدخل بشوفج أنتي ما بشوف الفستان ..
شهد تبى تقهر حمد: و منو قالك أنك بتدخـــل *ما اتوب .. متفيجه*
حمد: أنا أقولج
شهد: لاه ما بتدخل .. دام الفستان اخترب ما تدخل ...
حمد: شـــــــــوه .. و انا اشذنبي
شهد: ما دري ..
حمد: انزين حور قالت انه بيعدل الفستان
شهد: بنشوف ..
حمد: إن شاء الله بيعيبج .. متى بتستلمينه
شهد: بـاجر ..
حمد: خلاص عيل بدخل ..
شهد: لا والله
حمد: جب مب ع كيفيج .. و إذا ما عندج فستان اتسلفي من سيلانيتكم ... ههههه
شهد: ها ها ها .. أحر مما عندي أبرد ما عندك .. أوووف .. باي ..
حمد: خلاص خلاص سوري ما بتمصخر ...
شهد:باي .. و سكرت من غير ما تسمع نصخ حمد ... هههههه
و حمد رد يتصل بها بس ما ردت عليـــه .. و تم حمد يطرشلها مسجات يراضيـــها .. الين ما طرشتله .. بس لا اطرش مسجات رضيــت .. عن يخلص رصيــدك ... هههههههه

اليوم الثاني .. سارن حور وشهد ايبن الفستان و الحمدالله طلع حليــو .. و حمد استانس أكثر عن شهد لأنه خلاص بيدخل ... هههه و يلس كل دقيقه يقول لشهد .. باجر بدخل .. يااااي .. *الحمدالله و الشكر*

*
*
*
يوم الملجه

بيت بو زايــد مشغولين من الصبــح .. يجيكون ع كل شي .. الطاولات.. و زايد و راشــد كل دقيقه طرشوهم يبون شي .. و حصه من الصبح ويا شهد ف الحجره .. و كل دقيقه اتحط أغنيه و تيلس ترقص أونها تتدرب ... لولز
أما في بيت المعرس *الله حلو اللقب* .. أما في بيت بو حمد .. الحاله غير .. الكل مستانس و أولهم حمد..و مطفرنهم .. الله بملج .. و أخيرا .. طفر أبوه .. الين ما راغه أبوه .. الكل كان يضحك عليــه .. بس حمد يتحرقص .. دوده .. رد الصاله و حاول يبين أنه طبيعي ..
حمد: أبــويه
بو حمد بتأفف:خيـــــــر
حمد: اتصدق أني بملج اليــوم
بو حمد وده يكفخه: لا يا وليدي ما اصدق .. قبل كمن يوم كنت اتراكض ف الحوي .. و اتخيس المكان ببولك
حمد متفجج ..
بو حمد: يابوك ذليتنا كل دقيقه اتعيد نفس الجمله
حمد: يا بوي ولدك العود كبـــر .. اتصدق .. اتصدق أبوي أني بملج اليوم *لا حــــــــــــــــول*
بو حمد بدى يفقد أعصابه: بتقوم و لا الحين اتصل ف عمك و اكنسل الملجه ... *ما ألومك*
حمد: لا لا بقوم .. و يقوم يبوس أبوه ع راسه .. هد أعصابك .. ترى كله و لا صحتك
بوحمد: بهدي أعصابي إذا طلعت
طلع حمد بسرعه ..ما يبى أبوه يخرب فرحته ..
بو حمد :هههههههههههه طفرني
الكل:ههههههههه

المغرب

عقب صلاة المغرب .. يابو جماعتنا المليـــــــج .. و ملجــــــــــــوا .. و طبعا حمد غير جملته .. كل دقيقه يقولهم اتصدقون أني ملجــت ,,, خلاص ودعت العزوبيه .. و راشد يضحك عليه .. و كل دقيقه يلعوزه .. حتى زايــد قام يطنز عليه .. *وحليلهم طفروووووا*

أما عند البنات مرتبشات ويا شهد .. الي كانت تتعدل .. بس طبعا عدول خفيــف و بسيط .. عشان تتغير للعرس .. و حصه ما وقفت شغلتها .. بس هالمره حور اتساعدها .. وفيّ اتشجعهن..

الساعه تســع

خلنا انسيــر صوب معازيمنا ...أولهم أم مايــــــد ... طبعا أم مايـــد سحبت وياها هدى مرت مايــد .. الله يعلم ليـــــش ... المهم مايــد الي بيوصلهن ..بس مايــد أول مره ع حرمته هدى لأنها ع دربه و عقب مر ع أمـــه .. و عند باب البيـــت

مايد: هدى .. قومي انزلي .. يلسي ورى ..
ف هاللحظه فتحت أم مايــد الباب .. جان اتشوفها هدى ..
هدى: عموه حبيبتي يلسي ورى .. اسمحلي فستاني ثقيل و ما اقدر انزل و اركب ..
أم مايــد فجت عيونها ..أما مايـــد عصب ..
مايــد: هدى .. قومي انزلي ..
أم مايــد: ما عليه حبيبي خلها مرتاحه ..
مايد طنش أمه: هدى يلا تحركي بسرعه ..
نزلت هدى بتأفف .. و ركبت ورى ... أووووووف ليش يت .. هو أصر أني احضر هالملجه .. اوووف .. ما قدرت ارفض .. لانه معصب من سالفة السينما .. يالله ..

وصلهن مايد .. و عقب ســار ..

طبعا ما يستوي ننسى (( ســـــــارا )) *كله و لا ساروووووووه .. افهميها*
سارا وحليله .. أول ما طلعت و ركبت سيارتها انصدمت انه سيارتها ما تشتغل .. و يالله بدت تتحرطم .. و أمها اتقولها اتصلي ف أخوج .. ف النهايه اتصلت سارا ف عبدالله الي ف البدايه تم يتحرطم .. بس من عرف ملجة منو ..سكـــــــت .. *يعني لازم انقول ملجة منو*
ف السياره
سارا: اقول قربنا ..
عبدالله: هيــــــه *اتولهت عليه *
سارا: أوكي عيل بتصل ف حور تطلع .. استحي ادخل روحي
عبدالله من سمع طاريها اختبص ..
سارا رمست حور .. و عبدالله ضايع ..و أول ما وصلوا ..
عبدالله: يالله نزلي
سارا: انزين بتريا البنت ..
عبدالله: انزلي و ادخلي و اتريها عند الباب انا متأخر..
سارا: أوكي
و اول ما نزلت اتحرك عبدالله كان يتهرب من انه يشوف حور .. يدري انه عينه بتخونه وبتلتفت صوبها ..

المهم مر الوقت بســرعه .. و نزلت شهد و كانت حلوه و سمبل .. و الكل اتخبل ع بساطتها .. و البنات ما قصرن كل دقيقه اتصور وياها .. و عقب رقصن رقص .. و شهد مستانسه ..
عقب ساعه دخل حمــد .. حمد من شاف شهد و هو متخبل و مب عارف شو يسوي .. و شهد ما رفعت عينها .. ياي و يلس حذالها
حمد: مبروك
شهد بعدها موخيه: الله يبارك ف حياتك
حمد: اتصدقيـــن ملجت ..
شهد: هههههه
حمد: يلا متى العرس
شهد بطلت عيونها و شافت حمد
حمد و شهد: ههههههه
يوهم العيايز ..عشان يلبس حمد شهد شبكتها .. و حمد مكيف ع الأخر .. و كل ما يصك شي يتأخر .. و يصاصر شهد .. يقولها شي يضحكها ..شو هو الله يعلم ..
يلس حمد جيه حول النص ساعه .. ومب طايع يطلع الين ما دخل أبوه و سحبه وياه ... ههههه
الحمدالله تمت الملجه ع خيـــــــــــــــــــــــــــــــــــــــــــر *مبرووووووووووووووووووكز*
و الكل رد بيته .. و دخل غرفته يرتاح عقب هاليــوم

غرفة حـــــــــور

حور منبطحه ع شبريتها .. و اتشوف السقف .. و دموعها أربع أربع .. مثل هاليــوم قبل ثلاث اسنين كان المفروض اتكون ملجتها .. كانت المفرووووض اتكون حرم السيد خليفه .. و خذتها الذكريـــات لقبل ثلاث سنوات ..

كانت ف حجرتها .. يالسه تتعدل .. و كل دقيقه حمد يدخل يلعووزها ..
حمد: حور بلاااااااج .. ليش جيه ترتقلين .. اتقولين سمجه اتلابط ...
حور: حمد اسكت .. و الله أحس أنه ميك ابي مب حلو يزيغ
حمد: اشوووووووف .. هيه والله ..يا خوفي خلوف يشــرد .. بس لا تحاتين بيرد إذا مسحتي الميك أب ... هههه
حور: حمــــــــــد .. اطلع ..
حمد: اوكي ..بس تراج قمـــر .. باسها و ظهر ..

عقب ساعه .. يدخل حمد ع حور .. بس شكله ما يطمن .. معصـــــــــــــــــــب .. و حــــــــــــــــزين .. و غترته ع جتفه .. و مب قادر يحط عينه ف عيـــن حور .. حور قلبها قرصها *أي يعور* ..

حور بخوف : حمــــــــد بلااك
رفع حمد عينه و شافها بنظرات مب مفهومه .. نظرات فيها كلااااااام وايــد .. و مشاعر أعمق ..

نهـايـــــــه البارت

تك تك

Part 22

كانت ف حجرتها .. يالسه تتعدل .. و كل دقيقه حمد يدخل يلعووزها ..
حمد: حور بلاااااااج .. ليش جيه ترتقلين .. اتقولين سمجه اتلابط ...
حور: حمد اسكت .. و الله أحس أنه ميك ابي مب حلو يزيغ
حمد: اشوووووووف .. هيه والله ..يا خوفي خلوف يشــرد .. بس لا تحاتين بيرد إذا مسحتي الميك أب ... هههه
حور: حمــــــــــد .. اطلع ..
حمد: اوكي ..بس تراج قمـــر .. باسها و ظهر ..

عقب ساعه .. يدخل حمد ع حور .. بس شكله ما يطمن .. معصـــــــــــــــــــب .. و حــــــــــــــــزين .. و غترته ع جتفه .. و مب قادر يحط عينه ف عيـــن حور .. حور قلبها قرصها *أي يعور* ..

حور بخوف : حمــــــــد بلااك
رفع حمد عينه و شافها بنظرات مب مفهومه .. نظرات فيها كلااااااام وايــد .. و مشاعر أعمق ..
حور: حمد اتكـــلم
حمد و عيونه مغرغره: خ..خليــفه
حور بخوف شديد: خ..خ..خل.. خليفه !! .. بلاه
حمـــد: حور أنتي إنسانه مؤمنــه
حور تقاطعه بعصبيــه و توتر: حمد تكلم ..بس حرقت أعصابي .. بلاه خليــفه ..ارمــس دخيل والديـــك .. و نزلت دموعها ... و حمد موخي و مب قادر يرفع راســه ..مب قادر يشوف أختــه .. بالأحرى مب قادر ينقل الخبر الي وكلوه أهله ينقله ..أهله فروا هالشي الصعي عليــه لأنه أكثر شخص يفهمها و مقرب لها .. مب بس هيــه جريب من كل شخص ف هالبيت ...
حمد ف خــاطره "آآآآآآآآآآآآآآآآآآآآآآآآآه ليش انا ..ليش انا بالذات يفرون عليه هالمسؤوليه ..كيف أخبرها .. كيــــــــــف ؟؟ .. صح أنا أقرب واحد الها .. بس محد فكــــــر أني يمكن أكون أكثر واحد متعذب ف هاللحظه .. لأني أنا الي بكون سبب تعاستها ... سبب صدمتها .. آآآآآآآآه .. ربي ساعدنـــــــــي"
حور اتهز جتف حمد و تصارخ و دموعها اربع اربع *ويه اتحسبتهن ثمان ثمان ..لولز*
حور: حمد الله يخليــك تكلم ..
حمد رفع راســه .. و شافها .. ف هاللحظـــــه تقطع قلبــه ستين قطعــــه.. شكلها غيـــــــر .. ويهها يحمل كل تعابير الحزن ..جنه اتعرف أنه الي استوى شي جايد .. تكشيخها كل راح .. الجحال نزل و المسكره من كثر الدموووووع *والله حاله .. وقته اتحاتب الميك أب !!* " آآآآآآه .. بعدني ما خبرتها و هذا حالها ..لو خبرتها شو بيستوي ... من وين بيــب الجرأه ..بس حرام الي اسويــه .. يالس اعذبها أكثـــر .. ما تعرف شو السالفه .. معيشنها ف دوامــة خوف و رعب و حيــره.. خلاص بتوكل و اخبرها ..لازم انهي عذابها و لازم اتكون أقوى" .. يود حمد ايد حور .. و يلسها ع الشبريـــه .. و هي موخيــه و تصيـــح و منطاعه له .. رفعه راسها .. و شافته بنظره حزن فيها توســل كبيـــر
حمد: حور أنتي إنسانه مؤمنــــه و
حور بخوف: و شو يا حمــد
حمد:و ...و لازم ترضيـــن باللي الله كاتبنه
حور بدت اتحس أو اتعرف شو الموضوع .. قلبها بدى يدق بقوه و سرعه فضيــعه .. حسن انها ما تبى تسمع حمد شو بيقولها ..تبى تطلع .. تبى تشرد من هالموقف الي انحطت فيـــه ... بس كيـــف .. لابد انها اتعرف الخبر السيء .. و يلست تدعي ربها انه ما يكون الي ف بالها .. فهاللحظه حست ايد حنونه ع ايدها كأنه اطمنها ... كانت ايد أخوها حمد ..
حمد:حور اسمعيني .. خليــفه و حس بغصه و قهر .. مب قادر يكمل
حور تحاول تبتسم عشان اتشجع حمد يكمل كلامه لأنها تعبت: خليــفه بلاه ؟؟
حمد: ع..عطاج عمره ..
حور اتيمدت نظرتها ف ويهه حمد ...اتحاول تستوعب الي تسمعه ...
حور و ادموع متيمعه ف عينها غير الي ع خدها: حمد أنت شو اتقــول !!!!!!
حمد يحضنها: الله يرحمه .. أدعيله يا حور
حور دزته و وقفت: حمد لا تقص عليــه ..حرام عليك و الله مب وقته مصخره .. ليش .. ليـــش .. وما رامت اتكمل من كثر الصياح .. بدت اتشهاق ..
حمد يودها و رد يلسها: حور حبيــبتي .. انا .. انا ..ما اتمصخر .. يا ليتني كنت اتمصخر ..بس هذا الواقع و هذي قسمة ربج ..لازم ترضين بالواقع .. و اتخلين إيمانج قوي بالله ..
حور و هي تصيــح و كلامها يلا يلا ينفهم: ح..ح..آه...حمد..ا ا انا ما اصدقك .. و ردت نشت بقوه ما ينعرف من وين يابتها ..و حمد يشوفها باستغراب و قلبها يحترق و يعتصر من الألم ..
حور اتكمل كلامها بصوت عالي: توني ..قبل ااشوي مكلمتنه .. توه ما مداني اسكر عنه ... أنته ليش جيه اتقول
حمد يودها و حضنها: حور حبــيبتي .. قدر الله و ما شاء فعل ...هذا يومه .. الله رايد انه يموت ..
حور و هي تشاهق و بعدها ف حضنه: ك..كيــف مات ؟؟
حمد بحزن: ف حادث سياره
حور ردت لهيجانه و قامت عنه .. شعورها متضارب دقيقه تتقبل الواقع و دقيقه تعارضه بشـــدة
حور: لا لا ما صدق ..اقولك قبل دقايق مكلمتنه .. و تمت تلتفت يمين و يسار .. قبل دقايق ...كيف كيف تباني اصدقك ... و سارت صوب حمد و يودته ... اتعرف اتعرف شو كان يقولي قبل دقايق .. و تبتسم بس دموعها بعدهن سيلان ع خدها ... كان كان يقولي حـــــــور خلاص الله بيجمعنا اليـــوم .. و أخيرا يا حور ... ما اتعرفين شكثر انا فرحان ... و ردت اتشوف حمد و ع ويها ابتسامه أوسع من الأوليـــه و اتعرف شو يقولي .. و تضحك بصوت واطي .. و يقولي والله لا أطفرج .. و أخليج اتمليــن من شيفتي ..ما بهدج لو دقايق.. و وعد يا حوري أني ما ابتعدج عنج .. و ما بيفرق من بينا غير الموت ... من خلصت هالجمله تمت ساكته دقيــقه .. دقيقتين .. وحمد يشوفها و الدموع ف عينه مب قادر ينزلهن .. هو الأقوى ...لو ما كان المفروض يكون .. كان يشوف ويها .. و كيف ملامحه تتغير ... كانت اتفكر .. و مره وحده طاحت ع الأرض و يلست اتصـــيــــح ..حمد ركض صوبها وحضنها ...
حور و كلامها مب مفهوم: ر..ر..راح ..خلاص ... الموت فرقنا .... الموت فرقنا قبل ما ..قٌبل ما...
حمد: بس حبيبتي و يبوسها ع راسها ..بس خلاص .. ادعيله تراه محتاج دعاويــج ...

و اتوقفت الذكرى عند هالجملـــه ..لأنها ما اتعرف شو استوى عقبها ... للأسف حور أغمى عليها .. و ياها انهيار عصبـــي ... و حالتها كانت وايد صعبه .. و تمت منوممه ف المستشفى حول الأسبوعين ...

قامت .. و مشت صوب الكبــت .. و فتحته و دموعها بعدهن ما اتوقفن ... فتحت صندوق .. و طلعت منه موبايل .. موبايل جديـــم فيه ذكريات حلــــــــــوه ... حلوه .. و مره ...فتحت الموبايل وردت ماكنها .. و يلست تقرى المسجات و هي تبتسم و اتصيح ف نفس الوقت ... و وصلت عند مسج الي خلها تنفجرمن الصياح و صوتها يعلى يعلى .. كان أخر مسج من خليــفه .. أخر مســــــــج من شخص علمها الحب و غمرها بالحب .. ما قدرت اتقاوم أكثر ..ما قدرت ... ثواني و تسمع دق ع الباب ..مسحت دموعها بسرعه .. و فتحت الباب .. كان حمد واقف يجوفها مستغرب .. و حور من شافته ما قدرت .. اتحس انها بتنفجر من الصياح..بس حاولت اتقاوم ما تبى اتخرب فرحته أخوها .. بس الي ما اتعرف أنه حمد حاس فيها .. و سمع صياحها ..
حمد بجديه: حور ليــش اتصيحين
اهني حور ما استحملت ... و حضنت حمد على طول و كملت صياحها ف حضنه ... طيبته و اهتمامه يذكرها بخليــفه هم الاثنين الي كانوا يحسون بها و يفهمونها .. حمد انصدم ..معقوله معقوله مب قادره تنساه ..معقوله حزنها مثل أول يوم نقلتلها الخبر و يمكن يكون أكبر .. آآآآآآآآآآه .. تم حمد وياها يهديها و يسكتها ... وعقب نص ساعه
حور: حمد حبيبي أنا اسفه ..
حمد يبوسها: أفـــــــــا .. شو هالكلام أونج مؤدبه
حور:هههههه .. فديتني دومي مؤدبه مب مثل حرمتك المصون
حمد باستهبال: منــــــــو
حور: ما مداك تنسها ... حشى ..
حمد: أوه صح استوت حرمتي
حور: احلف أنته بس .. عيل منو الي حاشرنه طول اليوم اتصدقون اليو بملج و لا اتصدقون اليوم ملجتي ..
حمد:ههههه ..منو هذا الي مب شايف خيـــر
حور تضحك: واحد الله يستـــر عليــــه ...
حمد: هيه والله ملقوف ...
حور تضربه ع جتفه: أيــه ..تراني ما ارضى عليــه
حمد:ههههه .. و قام وباسها ..يلا انا بطلع ..و أنتي ارقدي تصبحيــن على خير ..
حور باسته: و أنته من أهل الخيـــــــــر
و طلع حمد .. و هد حور بنفسيه أحسن عن الي قبلها .. اتحس براحه كبيـــــره .. دوم حمد يخفف عنها .. قامت غسلت ويها و قرت قرآن .. ورقدت * الحمدالله *
أمــا حمد من طلع من غرفتها و هو يحس بتأنـيــــــب الضمير .. و حزن كبيـــــــــــــر .. و هموم ما لها أول و لا تالي ...
*
*
*
حجرة حمد

حمد يالس ع مكتبه و مسكر الليتات و بس مشغل أجورة المكتب .. كان حاط الكتاب جدامــــه .. بس ما يعرف شو فيـــه .. وملامح ويهه تحمل كل تعابير الغضب و الحـــــــزن ... الي يشوفه ما يقول أنه اليوم كانت ملجته ..ما يقول أنه هو نفسه حمد الي قبل ساعات حاشر الكل ع ملجته.. و الي الفرح كان يطاير من عيونه... حمد يالس ع مكتبه من طلع من عند حور ..تقريبا من ساعه ... ما كان فيه رقاد من الهم .. و هو عارف انه ما بيــه الرقاد عقب ما شاف حالت أخته .. فقرر يقرا كتاب الين ما ايه الرقاد .. باختصار يشرد من التفكيــــــر ..بس للأسف ما قدر ..ما قدر يتهرب .. فتح الكتاب بس ما قرى منه شي ..لأنه كل ما يبى يقرا كلمه يتذكر صوت حور و هي اتصيــح اليوم ... و يحس بالقهر.. "كيــــــــف انا اناني لهدرجه .. كيف ما لاحظت انه هاليوم يصادف يوم ..يوم مهم ف حياة حور ...يوم غير حياتها ..يوم عمرها ما بتنسى ... و لو تحاول ما بتقدر .. أقوم انا و اذكرها بهاليوم بأبشع طريـــــــــقه .. مب كفايه انا الي نقلت الخبر و يبت الحزن ف حياتها ... آآآآآآآآه .. ليش انا جيــه .. ليش؟؟؟ " ..قام حمد عقب ما حس انه خلاص بينفجرمن الحزن و الهم .. و سار صوب شبريته ..و يود مويابله .. اتصلبها ؟؟ .. بس يمكن اتكون راقده ... ام.. لا لازم اتصل أحس عمري بموت من الضيج .. و إذا كانت راقده بســكر ... و دق حمد لشهد ..ثواني و إلا شهد راده عليــه

شهد بفرح: ألــــــــــــــــو *بل مب مصدقه*


يتبع
حمد يحاول يكون طبيــعي: هــلا ... لا يكون راقده و وعيــتج
شهد حبت اتغلسبه: هيــه .. شو ها حمد .؟؟ حد يتصل هالوقت خربتي عليه رقادي
حمد: اسمحلي .. تصبحين على خيــر *يا عيني ع الزعول انا*
شهد: حمد .. لحظه ..اتمصخر ويــاك
حمد: ..................
شهد: حمـــــــــــد
حمد: خيــــــــــــــر
شهد اهني حست انه حمد فيــه شي: حمد بــلاك ؟؟
حمد: ما شـــــــــــــي
شهد: أكيـــــــــــد؟؟
حمد:هيـــه .. شو كنتي اتسوين
شهد اتعرف انه يجذب عليها بس ما حبت اتضايقه أكثر لأنه بتعرف تسحب الكلام عقب
شهد: ما شي كنت امسح هالغربال الي ع ويهي ...ما حب أحط ميك أب .. و عقب دخلت اتسبح و ارحم شعري من هالسبريــه ... ههههه
حمد يضحك بس من ورى خاطره: ههههه
شهد بدلع:حمـــــــد عاد قولي شو فيـــك ..
حمد:ما شــــــــــــي
شهد اتغنيله: على مين تلعبها على مين يا ابن الناس
حمد:.............
شهد: يلا كلي أذانن صاغيــه لك يا زوجي الموقر ..
حمد ابتسم غصب عنه ...
حمد: ما شي .. بس حور .. حور مب عايبني حالها ... و مقهور من عمري أكثر .. لأني اتسببتلها بحزن كبيـــــر اليوم
شهد مستغربه اتعرف انه حمد لا يمكن يسويها: كيـــــــــــــف ؟؟!!
و خبرها حمد كيف شاف حور اليوم ..و انا اليوم يصادف اليوم الي كانت بتكون فيه حرم خليــفه .. و يلس يقولها كيف أنه يحس بتأنيب الضميــر .. ويحس انه أناني .. و شهد من الصوب الثاني مب عارفه شو اتقول أو كيــف اتفكر .. هي نست التاريــخ .. نست لأنه السالفه مر عليها ثلاث سنيــــن .. ثلاث ... بعد ما اتوقعت انه حور بعدها اتفكر ف هالسالفه ..
حمد بحزن: و الله بغيت أذبح عمري يوم شفت دموعها ..كنت أحس بنيران ف صدري ...
شهد بحزن: حمد انته مالك ذنب .. اتعرف انه ملجتنا خير و وضحتلنا اشياء وايـــد
حمد باستغراب: كيــف ؟؟ ما فهمت
شهد: حمد كلنا نتحسب انه حور عدت هالمرحله و خلاص استوت ذكرى .. صح ذكرى كل ما تمر ع بالها تحزنها .. بس الواقع غيـــــــر .. محد منا كان متصور أنه حزنها مثل ما هو و ما قل مع الأيام بالعكس يمكن زاد .. حتى انته اقرب شخص لها مستغرب من الحاله الي شفتها فيها
حمد: هيه والله ..انتي لو شفتيها بيتقطع قلبج عليها
شهد: ما يحتاي اشوفها .. انا بس سمعت قلبي اتقطع .. بس حمد نحنا لازم انحاول انحل هالوضع ...لازم انساعد حور ...
حمد باستغراب: كيـــف؟؟
شهد:شو سوينا نحنا قبل ؟؟.. من طلعت حور من المستشفى ونحنا انحاول انسيها موت خليفه .. انسيها الي استوى .. يعني ما انسوي شي و لا انقول شي يذكرها بخليــفه .. باختصار حاولنا نتجاهل الموضوع عشان حور تنسى ..بس نحنا نسينا انه هالشي لا يمكن انه ينسى ها شي أكبر من النسيان .. يعني محد منا يقدر ينسى موت شخص عزيز عليه ... حتى لو ما يذكره بيتم الحزن ف قلبه ... اتعرف انا احسب بتأنيب الضمير ..بس مب لأنه ملجنا ف هاليوم ..لا لأنه اتجاهلنها طول هالفتره ..
حمد بدى يعصب: اتجاهلناها ؟؟؟؟
شهد بانفعال: هيه حمد اتجاهلناها..لا تعصب ..شو كان بيستوي لو ناقشنها و يلسنا وياها و رمسنها ف هالموضوع .. و ما منعنا نفسنا من ذكره .. و خلينا كل شي طبيعي .. كان بيكون وضعها اهون لأنها بتكون متعود تسمع اسمه و اتشوف الأشياء الي اتذكرها فيـــه .. صح ما بتنساه بس ع الأقل بتحزن اشوي مب جيــه ... يعني بيكون عندها سيطره أكبر .. الله يعلم إذا مب حالتها هاي كل يومين ..نحن ما انعرف .. حمد لازم تنصرف بشكل طبيعي و عقلاني .. التجاهل ما بيفيدها ...
حمد الي صاخ من سمع كلام شهد ..
شهد: ها حمد شو قلت
حمد: هاااه
شهد: ههه شو هاااااااه .. خلاص خلنا نتصرف بشكل طبيعي و نذكر خليفه عادي .. ما يحتاي نذكره من ورى حور
حمد: أوكي ..شورج وهدايــه الله
شهد: صدقني ما بتندم ... نحنا خوفنا هالزايد عليه الي بيدمرها .. انزين
حمد: أونج اتعرفين ترمسيــن
شهد: احم احم ..شو اسوي ,, خطيـــــــــره
حمد:هههههه ... لازم مب حرمتي
شهد: أقول أجلب ويهك ..ابى ارقد
حمد بطل عيونه: احلفي أنتي ف وحده اتقول حق ريلها ف الليلة الملجه اجلب ويهـــك ..
شهد: هيـــــــه
حمد: منــــــــــو
شهد: وحده ما غيرها ..أنــــــــــــــا
حمد:ههههه .. أ,كي تصبحين على خير حبيبتي
شهد انصدمت ..بل من أول يوم حبيبتي
شهد: منو حبيبتك ...لا يكون شمـــا *أونها كول*
حمد الي حس انها انحرجت: هههههه .. هيه والله ذكرتيني فيها الحين بتصلبها
شهد بعصبيــه: نعـــــــــــم ..يلا مع السلامه
حمد: شهـــــــد
شهد من غير نفس: خيـــــــــر
حمد: أنتي حبيــــــــــــــــبتي ... باي
و سكر التلفون ... و هي استانست و احمرت و حمدت ربها انه سكـــــــــــر ..
عقب هالمكالمه .. فكر حمد اشوي بكلام حرمتــه *حلوه هاي حرمته ...ههههه* .. و قرر أنه يجرب لأنه ما بيندم و ما بيخسر شي إذا جرب ..
*
*
*
اليوم الثانـــــــــــــــي

حمد قرر يطلع ويا حرمتــــــه .. *ما صدق الأخ* .. فقرر يسيرون مطعم .. المهم ع الساعه سبــع أخونا حمد موجود ف بيت عمه *حشى عشا من الساعه سبع !!! * .. ويوم توه واصـــل بيت عمه رن موبايله وشاف أنه رقم البيت .. أكيــد أمــــــــه فما قدر انه ما يرد ..

حمد و الفرحه واضحه ف صوته: ألــــــــــــــــــــــــــــــــــــــــــــو .. هلا و غلا
حور وهي حاطتنه ع السبيـــكر: هلا و الله بالمعرس ..
حمد: اووه هاذي أنتي ..لوأدري ما رديت عليــج
فيّ: ههههههه عشان جيه اتصلنا من البيت
حمد: أوه الأخت فيّ بعد مشــاركه
فيّ: أيوه ممكن أهدي
حمد: هههه ..عاشت الدور
حور: ما علينا ... قولي أنته ويــن
حمد: و الله انا الحين مار ع شهد بنسيــر نتعشى
شهقت حور: عشى الساعه سبــع
فيّ: وديــه ... شو هاالمنكر ... ارحم البنت .. ع الشاعه عشر بتشوفها ميته من اليوع
حمد انحرج:ها .. لا انا بنزل اسلم عليهم
فيّ:هيــــــــــــه .. وصل سلامـــي
حمد: أوكي يلا مع السلامــه
حور:حــــــــــو .. حــــــــــو ,, وين تبى اصبر بعدني ما قلت شو أبى
حمد: اللهم صبرج يا روح ..خير أنسه حور
حور: بــل بــــل مستعيل و مستخف الريــال
حمد: شو اسوي من كثر ما عيب ع خليفه الله يرحمه .. الله بلاني ...هههه
حور اتيبست من حمد طرى خليفه أول مره يطريــه جدامها ... و فيّ بعد انصدمـــت .. بس حمد قرر ينفذ الي قالته شهد .. لازم يعلم أخته المواجهه ... *جيــه حرب*
مرت ثواني صمـــــــــــــــــــــــــــــــــــــت
حمد: حووووووو..وينج.. يلا ترى صبري نفد ما اقجر اصبر ..بنت عمــج طيرت عقلي ...هههههه
حمد اتعمد يتمصخر عشان يحسسها انه كل شي طبيعي .. و انه ذكرى خليــفه ما توتره ..
حور حست بنغزه ف قلبها بس ما بغت اتخرب فرحته أخوها مثل البارحه: هههههههه ... إذا ما خبرتها
حمد: بلــــــــــيز بتيلس تتخقق عليـــه
فيّ: وليش إن شاء الله ... أنته مب أقل عنها ..أنته حبيب ألبي ...
حور وحمد:ههههههه ..
حمد: أوكي بنات وايد عطيتكم ويه.. يلا ممكن تجلبن ويوهكن
حور: حمد ...عندي سؤال قبل ما اتسكـــر
حمد بتأفف: خيــــــــــر
حور: على أي صفحه
حمد: ما فهمت
فيّ: مب منك ياخوي ... من الفرحــه
حور:هههههه
حمد: أوووووووف ..يلا باي .. الحين انا هاد حرمتي و مجابلكن ..صدق ما عندي سالفه .. مع السلامه
و رقع التلفون .. و البنات ميتات من الضحك عليه .. حتى هن فرحتهن ما تونصف ...
تم حمد دقايق ف السياره يعابل غترته ..و يتعطر ..لو بيده بيدخن مره ثانيـــــه ...ههه
و نزل بيت عمــه .. وسلم ع مرت عمـــه و حصوص ...
و دقايق ينزل راشـــد *دقات قلبي زادت...ههههه*

راشــد: أوه أوه ... حمد عندنا ... يا مرحبا ...
حمد:هههه ... هلا و الله بو سنيده
و قف يسلم عليــه
راشد : خيــر حمد الأهل مستويبهم شي ..خير .. أخت أم كشــه استوابها شي ..و لا فلذت كبدي فيــوّنــه *بدى شغل الاستعباط و النذاله*
حمد باستغراب: لا كلهم بخيـــر
راشــد: اها ...غريبـــه ياينا اليوم
حمد حس انراشد يبى يطفره:لا بس ياي أسلم
راشــد: سلمت ؟؟
حمد:هيـــه
راشــد:عيل قوم خلنا نطلع ويا بعض ما عندي سياره
حمد اهني فول مب ناقص خواته ايه هالعله رشــود *عن الغلط ويا ويهك*
حمد: انا شفت سيارتك برع
راشــد اتوهق: والله ؟؟ ..أوه صح انا نسيت اني ما وديتها المراج ...هيه برع بس ما تشتغل .. *خبير ف الجذب..ههه*
حمد:ههههه ..عن الحذب ..وبعدين اسمحلي انا بطلع و يا حرمتي .. بنسيـــر نتعشى
راشــد: والله عيــل زيـن بسير وياكم
حصه اهني نقززت: حتى انا ..بسير ابدل دقايق *صدقت*
أم زايــد: هيه أنتي وين تبين ... لا أنتي و لا أخوج بتسيرون ... بس طفرتوا الولد.. قومي شوفي أختج خالها تنزل ..حشى مب عدول هذا
نشت حصه تزقر أختها وهي تتأفف "أوووووف متى بملج ..هههه"
راشــد: الحين الأخت تتعدل حق حمــد والله ما عندها مخ
حمد شل الكوشن وفرها ع راس راشــد
راشــد: هههه ..اسولف اسولف ..يلا انا اترخص بطلع ...
حمد:انزين اطلب التاكسي قبل ...ههههه
راشــد:ههههه.. لا لا بسيــر مشي ..لولز

ف الطابق الثاني
حجره شهـــد

حصه كانت اتحاول ويا شهد تنزل الي متزهبه من نص ساعه بس شهد رافضــه ..أونها تستحي *من متى !!؟؟!!*

حصه: يلا قومي نولي ..الريال عفن تحــت ..و رشود مب مقصر ..كل دقيقه يلعوزه ..استلمه
شهد وقلبها يدق بالقو: خلاص ما ابى اطلع
حصه بعصبيه:شـــــــو
شهد و اشوي لا اتصيــح: استحي ما تفهميــن
حصه:ما يليق عليج المستحى ...هههههه
شهد:حصــــــــــــــــــــــوه
حصه: شوفي عندج دقيقتين ..ان ما نزلتي بخليه ايج فوق ويمطج من كشتج ... اتعرفين انا اسويها ..وحمد ريلج أنتي أدرى به ..ما يصدق ...
شهد: ا..
حصه اتقاطعها: دقيقتين يا حلـــوه
و ظهرت حصوص .. و خلته شهد ف حالها ... و نزلت تحت و خبرتهم أ،ه بتنزل عقب اشوي .. وحمد يتحرقص .. يسولف وياهن بس ما يعرف شو يقول *محشش...هههه* .. دقايق و إلا شهد نازله .. بس شهد مب عارفه تمشي من الرقله إلي فيها ... *حاله والله* .. حمد من شافها نسى الدنيا وما فيها .. نسى أم زايد و طوايفها ...هههه .. صح أنها ما كانت متمكيجه ..اللهم جحال وقلوز ..بس كانت ف نظره قمــــــــــــــر .. سلمت شهد عليـــه ومدت ايدها .. و يلسوا اشوي عقب اترخصوا عشان يسيروت يتعشون *يواعه وحليلهم* ..

سيارة حمد

ف البدايــه الصمت كان سيـــد الموقف ..الكل متوتر و مب عارف كيــف يتصرف ..بس بما انه حمد الريال قرر يتنازل و يرمس..هههه

حمد: احم .. أي مطعم تبين اتسيــرين
شهد: على راحتك
حمد: قولي ...
شهد:ما عرف ...
حمد قرر يستفرها من زمان ما استفزها:شو رايج انسير شليــز ... كنت دوم اسير ويا شمووووه
شهد حاولت تحتفظ برزانتها: امم..لا ما ابى ...شو رايك فرايديز
حمد حس انه ما نجح: لا شو فرايديز ...لا لا ..شليـــز
شهد بدت اتعصب:فرايــديــــــــــز
حمد يضحك ف داخله لأنه حرمتته بدت تتفاعل كيميائيا,,,ههههه
حمد:اممممممم.. بس شيليــز أحلى
شهد بقهر: لا والله ..ها كله عشان شموه .. انا قلت ماشي شيليـــز ..يعني ما شي .. فرايــديز يعني فرايــديز
حمد:ههههههه ..ايوه هاي شهد الي اعرفها مب الي توها الي ما اتعرف ترمــس ..خلاص فرايديز حبيتي ..أنتي تامرين
شهد قفطت من الخاطر هاذي ثاني مره يقولها حبيبتي ,, *أي ويهي* ..

ف المطعم

معاريسنا يالسين يشوفون المنيو.. كله واحد يختار الي يباه

حمد: ها شو تبين ..
شهد:أي شي
حمد: أي أكله هاي
شهد:هههههه
حمد: ها شو قررتي
شهد: حمد أي شي ع ذوقــك
حمد انقهر "اوووووف ردت لحالتها "
حمد: أ،تي اختاري ..من متى حاشرتيني تبين فرايديز .. لو سرنا شيليز جان اخترنا شي ع ذوق شموه ..انا ما عندي ذوق ف الأكل
شهد انقهرت: خلاص انا بختار ..
المهم اختارت شهد أكله لها و أكلــه لحمد .. ويلسوا ياكلون و يسولفون ... طبعا شهد ما كانت تاكل ع راحتها ..لقمه كل خمس دقايق ..
حمد: اوووو..هذا مايـــد .. لحظه بقزم اسلم عليــه
قم حمد يسلم ع مايـــد الي كان ياي ويا حرمتــه الي تارســه عمرها ميـــك أب ,,, قام مايد وسلم على حمد ..وباركله ع الملجه ... و كل واحــد رد مكانه ..و لحرمتــه ..

ف سيارة مايـــد

مايــد يسوق و هو ساكت ومبين ع ويهه علامات الغضـــب ..

هدى: حبيبي ليش ساكت .؟؟ من شفت حمد و انته حالك منعفـــس
مايــد بعصبيه: انا كم مره قايليلج خفي ميك أبج
هدى:انزيــن خفيــته .. ليش ربيعك قالك شي
مايد:لا ما قال .. تبين اتريا الناس يرمسون
هدى: انزين انا خفيت الميك شو تباني أظهر جلحه ملحه ويا ريلي
مايد:لا والله عيل هاذي حرمت حمد ما حاط الي انتي حاطتنه مع انها بارحه مالجه
هدى: عشان جيــه اتزيغ ..وع شفت شكلها
مايد انقهر: أحسن من شكلج بمليون مره .. شوفي مره ثانيــه مب مطلعنج إذا هالخرابيط ع ويهج ...و لو اشتيكتي عند أمي من اليوم لين باجر تفهمين ..انا اليوم مطلعنج عشانها ... يلا انزلي وصلنا بيتكم
هدى بدلع:حبيبي
مايد يصارخ:قتلج انزلي ...يلا فارجي ..مع السلامــه
نزلت هدى و هي مبت من القهر ع مايد الي ف كل طلعه يسولها قصه ..ويضاربها ..ويهددها ...
*
*
*
مـــــــــــــــر أســــــبوع و ما فيــه تطورات وايــد ...التطور الوحيــد..أنه زايــد بدى يدور لفيّ شغله اتناسبها ..بس للأسف من يعرفون انها عميا يرفضون .. زايــد حاول أكثر من مكان .. بس يحصل نفس الجواب .. و فيّ كل يوم تتصله و تسأله شو سوى ..بس هو يقولها بعده ما حصل شي يناسبها ..و هي تقوله ما عليه حاول ..كانت مصره و متفائله ..و هذا الي خلى زايــد يدورلها من غير تعب... المهم مر الأسبوع و زايــد يحصل نفس الجواب ...
*
*
*
مر أسبـــــــــوع ثانــــــــــي .. و ما استوى فيــــــــه شي .. يعني مثل الي قبله ... لا تطورات و لا شيـــات المهم الأسبوع الس عقبــه فيه أشيــا حليوه ... أولها

بيت بو مايــد

مايد كان يالــــــــــس ويا أمـــــه يسولفون ,, و طبعا أخته عليا موجوده ...أصلا من شكلهم يبون يفاتحونه ف موضوع ...
مايــد: عليوه وين ولدج المعفوص
عليــوه: عيالك المعفصوين ..بسم الله ع وليــدي
مايـــد:ههههه ..الحمدالله ما عندي عيال
أم مايـد: إن شاء الله جريـــب بنشوف عيالك و لا أنته شو رايــك
مايد باستغراب: في شو أمايه ؟؟
أم مايد بضيــج: متى بتعرس ؟؟
مايد اهني جنه حد جاب عليه سطل ماي .. هو ما فكر يعرس الحين ..أصلا الظروف اللي يعيشاه ويا هدى ما تسمحله يفكر ف الموضوع ...
عليا: شو رايك هالصيـــف ؟؟؟

*
*
*

و من الصوب الثاني

باجر عيد ميــلاد حور ... و سارا تبى اتفاجاها و اتسيرلها البيت اليوم الساعه 12 و تعطيها هديــه ... بس لازم تشحت حد يوديها لأنها ما بتقدر تطلع روحها ف هالوقت ..فقررت تتصل بعبدالله ...

سارا: ألو ..
عبدالله: مرحبــا ملايـــــــــن
سارا:مرحبا بك زود
عبدالله: خيــر أمرتي متصله
سارا: احم احم .. الخير بويهك .. ابا اطلب منك شي ..قول تــــــم
عبدالله: شو تين
سارا: أول قول تــم
عبدالله: ما بقول ..يمكن ما اقدر
سارا بدلع: حــــــــرام عليــك .. اباك اتوديني بيت حور ربيعتي اليوم الساعه 12 ..عشان عيد ميلادها ...
عبدالله: 12 .؟؟؟!!!!!

نهايـــــة البارت

تك تك+حبة توت
Part 23

بيت بو حمـــد
الصاله
الساعه 12

كل الليتات مسكـــــــــــــره ... بس كان في الصاله نور خفيــف ياي من صوب طاولة الطعــام ..مصدر هالنور هو الواحد و عشــرين شمعه ... *بــل اعتقد انها كيكه مخبقه .. ههه* .. الكل كان موجود ملتفيــن دور مداير الكيكه .. و ينتظرون نجمة الحفل *حلوه هاي* .. طبعا الكل.. بو حمد و ام حمد و فيّ ..يتريون حمد ايب حور ..
ثواني و ينزل حمــد ويا حور ..الي كان حمد مغطي عينها .. و حمد يقودها و هي اطيعه .. الين ما وصلوا موقعهم .. و أول ما شل حمد ايديه عن عين حور .. صرخ الكــــــل
Happy Birthday 2 u ..chacha cha
Happy Birthday 2 u ..Chacha cha ..
Haaaaaappy birthday ..happy Birthdaaaaaaaay 22222 uuuuuuu
سنه حلوه يا جميــل ..سنه حلوه يا جميــل ..سنه حلوه
و عقب بدوا يزيدون الســـرعه .. و يصفقون *ما شاء الله مسوين فرقه*
حور ما يحتاي أوصف شعـــورها ف هاللحظـــــه .. حســـت انه الدنيا صغيــره بالنسبه لفرحتها .. حمدت ربها انه الله رزقها بأم وأبو و أخو وأخت مثلهم .. اتذكرت حور ف هاللحظـــه خلــيـــفه .. و ابتسمت هالمره ابتسامة حزن بس الرضا طاغي عليــها .. لأنه الله عوضها بأهل يحبونها أكثر من عمارهم ويحاتونها ويدارونها .. و يخافون عليها حتى من قرصة السمسوم *الله ع الوصف* ..
المهم انرد للأجواء الميلاديـه ..لولز ..
حور طفت الواحد و عشرين شمعه ..بس طبعا على دفعات .. و حمد كان يبى يطفي كمن شمعه ويخرب ع حور ..بس حور ما خلته ويلست ادزه .. و يضحكون .. حور من خلصت مهمتها ..ركضت صوب أمها و أبوها وباستهم و حضنتهم..و عقب سارت عند فيّ و باستها .. و يوم وصلت دور حمــد طنشته ..
حمد بعصبيــه: و أنا ؟؟
حور باستهبال: بلاك ؟؟
حمد مفول: مب جنج طنشتيني
حور: حمد شو استوى ليــش معصب ؟؟
حمد خلاص اعصابه احترقت: انتي مي ويه حد يعبرج .. هاد حرمتي عشانج .. والله أني مينون
حور:هههههههههههههههه..
و حضنته ..و يلست اتبوســـه
حمد:هههه ..بس بس .. خلاص رضيــت ..بس لا تتحلمين مره ثانيــه ما بسويلج عيد ميلاد ..
حور اونها زعلت:ليـــش ؟!!
أم حمد: حور حبيبتي ..تراج مب صغيــره انسويلج عيد ميلاد
فيّ: ههههه .. وحليلج ..الحمدالله انا بعدني ما كملت العشرين ..
حور بقهر: لا تستانسين جريب بتكملين ..
بو حمد: هههههه ..لا بس فيّ غيـــر
حور: لا والله ليــش
حمد:ما يبالها سؤال
أم حمد:لا غير و لا شياته .. تراني ما ارضى ع حور هاي شيختهن .. بس لو اتقصر لسانها
الكل:ههههههههه
حور بفرحـــــه:أحبـــــــــــــــــــــــكم الله لا يحرمني منكم
حمد: لا اتحاولين السنه اليايه مب معبرنج
حور:حمد .. ليــــش
حمد: هههه ..لأنج إن شاء الله بتحتلفين ويا ريــلج
الكل انصدم من الجمله الي قالها .. و أولهم حور ..بلاه حمد .. متغير .. يتكلم ف الموضوع و لا كانه حساس .. حمد حس انه الجو بدى يتكهرب .. بس ما استسلم
حمد يدز حور: يلا قصي الكيكه و لا ترني بخربها ..بعفد و باكلها من غير غاشوقه
فيّ:لا لا ..دخيلك .. انا ابى أكل ..حور الله يخليج قصي ما فينا ع خبال الأخ
حور: اقول مستر حمد .. خرب كيكت حرمتك مب كيكتي
حمد: واي فديتها ..اتولهت عليها
بو حمد: احم احم ..
حمد: اوه ابويه انتي اهني
بو حمد: لا والله اهناك ..
الكل: ههههههه
أم حمد: اصلا ولدك ما يستحي ..لو تسمع كيف يرمسها جدامــي
حمد: امايه خلي عنج .. من متى انا ارمــس حرمتي جدامج ..و لا جدام هالملاقيــف ..و يأشـــر على خواتــه
فيّ: والله أمي مب جذابــه
حور كانت تسمع كلام أخوها و تضحك ..و تقص الكيــك ..
بوحمد : حمد ما اعتقد بتسلم ..اعترف يا بوك
حمــد: ههههه .. ابوي إظاهرأم الكبر أثر فيها ..انا كنت ارمس ربيعتي
حور نطت ..كله و لا شهد و اتحط ايد ع خصرها و اليد الثانيه ميوده السجينه وتأشر بها
حور: هيــه تقدر انته بس ..و الله لا راويــك .. و هاي شهد تحلم اتشوفها و لا ترمســها.. ما ارضى عليها ..و الله ما تستحي ..أنتوا الرياييل ما منكم أمــان
بو حمد مستغرب و حمد فاج حلجه .. و أم حمد و فيّ ميودات ضحكتهن .. *وانا بعد*
بو حمد: يا بوج مب كل الرياييل جيه .. احم احم
حور ميوده ضحكتها ع شكل أبوها: لا أبويه أنته حاله استثنائيــه ..
حمد: أبويه ما عليك منها .. كبرت و خرفت .. و يدز جتفها ..و بعدين انتي ما يخصج فيني انا و حرمتي ..لو أكسر راسها .. أونه ما بخليك اتشوفها ..
أم حمد: صدقها ..اترمس وحده غيرها و تبانا نسكت ..
حور: والله لخبر زايـــد الوغد عليـــك ,, عادي يدفنك حي *هيه ما عنده كااني ماني*
فيّ: حرام عليــج والله أنه طيب ..بس اشويه جدي *عاش محامي الدفاع*

المهم كمــلوا العايله الكريـــمه سوالفهم الحلــوه .. و دقايق يرن تلفون حــور
حور: هلا و الله ..هلا وغلا ..هلا بالطش و الرش ..و ماي الورد ف الغرش و اتشوف حمــد
وحمد يشوفها
حور:و أنتي بخيـــــــــــــر حبيبتي ..
حور:ههههههههه
و اتشوف حمد بنظرات إجراميــه
حور: إلا أقولج شــهـــد ..
حمد من سمع اسم شهد نقــز و فهم نظرات حور .. فنش بيشل الموبايل من ايدها .. بس حور كانت أسرع نشت
حور: تراه حمد اليوم معترف أنه يرمس وحده غيـــرج .. اتلاحقي ريــلج
حمد اهني مات من القهر ..يعرف انه شهد مقصه ..بسرعه ينقص عليها ف هالسوالف *ما تنلام من عقب ما سمعتك اترمس البلوه شمـــوه*
حور: شهد ..أول شهد .. حبيبتي لا تزعلين عمرج و لا شياته ما يستاهل .. و اطلع لسانها لحمد
و حمد واقف يشوفها و وده يكفخها ..
حور: أوكي حبيبتي مع السلامــه .. إن شاء الله الغاليه ..لا تحاتين بخبــره
و سكرت حور عن شهد و مبتسمه ابتسامة خبــث
حور اتشوف حمد و ميوده ضحكتها: اتقولك لا تفكر تتصل لأنها ما بترد عليــك
فيّ: حور حرام عليـــج .. الحين شهد شو ذنبها .. تبين تنتقمين انتقمي منه هو .. و الله تلقين شهد ميته من الصيــاح
أم حمد بعصبيه: الله يغربل بليسج من بنت .. تبين تهدميــن بيت أخوج
حور:هههه ..الله يهديج أمايه أي بيــت .. بعدين يستاهل ..عشان مره ثانيه ما يقولي ما يخصج .. و بعد عشان يعرف شو بيه لو فكر يرمس غيرها ..
بو حمد: الله يعينك يا بوي .. محد يتغايض ويا هالسوسه .. ههههه
حمــد:لا ما عليك ...حرمتي اعرف اراضيها .. اصلا ما تقدر تستغنى عني .. حتى شــوف ..
و يتصل ف شهــد .. بس شهد ماردت عليــه *يمدحونها القفطــه*
حمد اتغيــر شكله و الكل يراقبه .. رفع حمد راســه جان يشوف حور اتشوفه بخبث و تبتسم .. و بو حمد و أم حمد يتريون شهد اترد .. يتريون صوت حمد ..حمد حس انه ف موقف لا يحســد عليــه
حمد: ألو ..
هلا والله ..
هيه ادري انج ما صدقتي كلام السوسه حور .. ههه ..
اقول انا يالس ويا الأهل عقب قوليلي هالكلام الحلو .. عشان ارد عليــج بكلام أحلى ..
بو حمد ما قدر ايود عمره و فطس من الضحك لأنه يعرف ولده يوم يجذب ..
بو حمد: ههههههههههههههههههههههه .. قولها عقب عقب مب وقت المغازل و كلام الحب .. و يغمز له ..
حمد انحرج لأنه حــس انه مكشــــــــوف *حبل الجذب قصيــر*

المهم كمــلوا العايله الكريـــمه سوالفهم الحلــوه .. و دقايق يرن تلفون حــور
حور: هـــــلا و غــــــــــلا
حمد يالس يطلع حور بغصه .. و ترجي ..
حور:و أنتي بخيـــــــــــــــر يا حلـــوه
حمد اهني عرف انه حور ما ترمس شهد ..لأنه كان ناوي اير التلفون إذا كانت شهد
حور: واللـــــــه .. أوكي الحين بطلعلج ..بفتح الباب الصغير ادخلي منه ... أوكي .. مع السلامــه
نشــت حور و هي طايره من الفرحه
أم حمد: وين سايــره
حور: ربيعتي سارا برع ..
فيّ:والله .. وحليلها .. اتصدقين هالبنت ادش الخاطر ..طيـــــــبه
بو حمد: أوكي عيل انا بسيــر ارقد ..تصبحون على خيــر
الكل:و أنته من أهل الخيــر .. نشت فيّ و باست أبوها ..
بو حمد و هي يمشــي :حمد قم ..شكلك متوله على الرمســه الحلوه .. و الصوت الأحلى .. هههه
حمد يضحك بإحراج:ههههه ..
نشوا حمد و بو حمد .. كل واحد سار حجرته .. و حور طلعت لربيعتها ..

ف الحوي


يتبع
حور مستانسه ع ربيعتها .. و تلوي عليها ..
حور: والله ما كان له داعي للهديه ..ييتج تسوى الدنيا و ما فيها ..
سارا: أدري ..بس اتعرفيـــن .. شفتج مستقطعه ع الهديه قلت ايبلج وحده ..
حور: والله ما تستحين ..أصلا انا استاهل أكثر .. تؤاني اتريا الدفعه الثانيه
سارا: توج ما تبين هديــه
حور: غيرت رايي ..
سارا: مسرع ...ههههه
حور: انزين يلا ادخلي
سارا باستغراب: ويــن ؟؟
حور: بيت اليران ..يعني وين ..تعالي بندخل الصاله
سارا: ههه ..سوري ما قدر ..الوقت متأخر و بعدين أخويــه يترياني ف السياره .. عادي يكفخني ..قايليلي بس دقيقتين
حور: والله مب على كيــفه *عيل ع كيفج*.. ترى وايــد معبرتنه *أحسن عن غيرها* .. خلاص خلاص .. انا بسكت أخوج هالدب .. دقيقه بيبلكم كيكه ..
سارا:هههه .. ما يحتاي
حور بجديه: لا حبيبتي انا اخاف عليج .. اخاف ياكلج ..هههه
سارا: حرام عليــج .. خلاص بروح
حور: جب لأفلعج أنتي و دريولج .. لو يسمعني بيكفخني
سارا:ههه ..أوكي يلا بســرعه
حور تستهبل و تمشي اشوي اشوي ..
سارا: يلا بســرعه والله بنذبح
حور:ههههههه
وسارت حور بسرعه و يابت قطعه عوده حق سارا و أخوها ..
حور تعطي سارا الكيك:اندوج .. و إذا قالج شي لا تتصلين فيني ..بس دخليها ف حلجه
سارا:هههه .. أوكي .. بس إذا استوابه شي .. بتصلبج اتعابلينه ..
حور:هههه .. أوكي ..بس إذا حصلتي الموبايل مغلق لا تيسلين تتحرطمين ..
سارا:هههه ..يلا مع السلامـــه
و يلسن يودعن بعض ..يعني خذن خمس دقايق ..*بنات ف كل شي يطولن*
و عبدالله من الصوب الثاني متعذب .. كان منزل درايش سيارته و يسمع سوالف حور .. و متخبل عليها *ماا ينلام لأنها مثله* .. و يضحك على خبالها ...

ف سيارة عبدالله

عبود ساكت و مب عارف كيف يسأل سارا .. *والله مب لايق عليك المستحى* ..
سارا: بلاك ساكت
عبدالله: ما شي اترياج تتكرمين و تعطين كيكة دريولج
سارا منصدمه: اويه سمعتها ...ههههه .. بس هالكيكه حقي
عبدالله يسحب الكيكه: لا يا حبيبتي ..هاي حقي ..مخصوص ..هذا أول شي احثشله من الغاليه غير السب
سارا: هههه ..يا عيني ع الرومنسي
ثواني ويرن موبايل سارا
سارا: مســـــــرع ما اتولهتي عليه ..توني عندج
عبدالله هد الشارع ويلس امبحلق ف سارا .. يتحرقص يبى يسمع كلام حور *مثلنا*
سارا: والله تستاهلين أكثر و تشوف عبدالله وتبتسم
اتخيلي عبود الصايع ما يعطيني الكيك .. عبدالله ضربها ع جتفها يوم قالت عبود
لا والله أوكي ..براويج .. ويا ويهج .. انزين ...هههه .. مع السلامه
عبدالله يطالع سارا يترياه ترمس
سارا أونها معصبه: خيــــــــر ..نعم
عبدالله: شو قالت
سارا: و أنته شلك
عبدالله: يلا قولي ..ولا مره ثانيه ما بوديج مكان .. و هالأسبوع بكنسل طلعتج
سارا: بل مذلـــــــه .. عيبها الخاتم وايــد .. لازم منــك
عبدالله مستانس: هههه..
سارا: لا تستانس وايد لأنها ما اتعرف انه منك ..لو تدري بتفره ف ويــهك
عبدالله اختفت الابتسامه و كل معالم الفرح من ويهه ..
سارا حست بأخوها: اتصدق اتقول انه الكيكه حقك و ما ادقها ..
عبدالله فج عيونه: احلفي؟؟؟
سارا:هههه .. والله .. اونه يستاهل عشان وصلج و استحمل ثقالة دمــج..
عبدالله: صدقها ..أول مره اتفق معها
سارا بقهر:مالت عليك وعليها ..
عبدالله: ههههه .. وعلى ريــلج

حجــــــــرة حمـــــــــــــد

حمد مب ياينه ارقاد .. كل خمس دقايق يتصل بشهد .. و شهد ما ترد عليه * ههه تتغلى* .. و ف النهايه حمد عصـــب ,, مب مستحمـــل .. أوووووف ياهل والله ..اتصدق كلام هالسوسه ..اوووووووف .. ودي ارقع راسها ف راسي حور ..عشان مره ثانيـــه تتأدب و ما تصدق أي شي ينقال .. امممخلتي اجرب المسجات .. يمكن تتعطف و اترد عليــه ..
طرش حمد مســـــج لشــهـــــد
(( الاقي بس مثـــلك ويــــــن
وكل الحــــــــــــــب بعيـــونـــك
أنـــا لـــو كـان لــي قلبــيـــــــن
بخليـهــم يحـبــــــــــــــــونك ))

مـــرن خمــــــس دقايـــق ,, و جنهن خمس دهور ع أخونا حمد وشهد ما اتعطفت اترد عليـه *وهاذي اونها ما اتعرف تزعل* .. طرش حمد مســـج ثاني
(( يشيـــــــلك القلــــــــــــــــــب
و تشيــــــــلك العيــــــــــــــــــــن
و إن كنــــــــت ما تــــــــــــــدري
أنـــــــــــــــــــــــــــــــــــــــــــــــت
أغلــــــــــــــــــــى مــن الاثنيــــــن ))

بعد خمس دهور مرن أقصد خكس دقايق ,, و ربيعنا حمد مب امعبرينه .. عاد ما يحتاي أوصف شعور حمــد .. خلا ص طنجــــــــر *الله يستر* .. طز فيها برقد .. الحين انا ذال عمري وكل شي و هي و لا عليــها .. بس ادور سبب عشان ما اترد عليـــه .. و سار ربيعنا حمد يرقد و هو مفول من القهر و الغصه .. بس وين هو ين الرقاد .. ما قدر يرقد .. خلاص اتعود يرمسها قبل ما يرقد .. و لازم اتكون راضيــه .. هو دوم يطفرها .. بس ما يرقد و هو مزعلنها .. نش حمد و فر اللحاف .. و يلس يتأفف .. شل موبايله .. و طرش مســج لشــهد .. و ابتسامة خبث ع ويهه

(( كنت أتمنى أسمع صوتج قبل ما ارقد .. الله العالم .. يمكن اتكون أخر مره اسمعه .. بس يمكن مب مكتوب أني أسمع صــوتج قبل ما أموت .. تصبحين على خيــــر عمــري ))

حجرة شهد

شهد كانت اترمس حور .. و تتحرقص تبا اترد ع حمـــد بس حور مب امخلتنها .. و مستانسه ..لأنها تدري انه حمد معصب و متحرقص .. و شهد بعد وياها ع الخط .. تستانس يوم اتلعوز حمد .. بس من شافت أخر مسج .. سكرت ع طول .. و اتصلت ف حمـــــــــــد
تـــــــــرن تــــــــــرن
حمد : و أخيرا عطفتي عليـــه
شهد و مب مستوعبه شو اتقول: أنته ويا ويهك .. والله إذا طرشت مسجات سخيفه مثل هاي لا تلوم إلا نفسك .. و الله لو أنته جدامي الحين جان كفختك ويا هالويــه .. تسمع ..و الله سخيـــف
حمد اميــود ضحكته: انزين شو اسوي أنتي ما تردين عليه
شهد بعصبيه: لا والله ... يعني كل مره ما ارد عليك جيه بطــرش .. ما تحس أنته
حمد بغياض: أحس .. عشان جيه يوم ما رديتي حسيت أنه موتي دنى
شهد من سمعت هالرمسه القيج صك ..لولز .. سكرت ف ويه حمـــد
حمد: هههههههه *أونه بيراضيها*
حمد رد يتصل ف شهد .. و هالمره ردت عليه بس ما اتكلمت
حمد بعد سكت .. لثواني
حمد: ما بترمسين يعني ..
شهد: -----------
حمد: شهد ..
شهد: ---------
حمد:حبيبتي
شهد:----------
حمد: انزين اسف مره ثانيه ما بقول هالرمسه
شهد و هي تصيــح: انته ما اتحس فيني .. كله اتعق الرمســه جيه ..بس اتحب اتغايضني ..
حمد من صدمــه ضحك: هههههههه .. انزين ليش اتصيحين
شهد بعصبيه و مكمله صياح: كيفي ما يخصك ..ما حبك .. سخيـــف ..اهىء اهىء
حمد:هههههه .. أموت فيـــج وأنتي معصبه .. يا ليتج جدامي ف هاللحظه
شهد: الحمدالله أنك مب مجابلني
حمد: ههه ..شهوده .. عندي لج مفأجأه
شهد أونها معصبه: خيــر
حمد: هههه .. باجر بوديــج فلم سلمان خان .ز
شهد تمسح دموعها: احلف
حمد: ههههه والله
شهد: خلاص رضيت ..
حمد: ههههه .. زين .. بس كل ما يطلع سلمان اتغمضين عيــونج .. *يا ويلي ع الغيره*
كملوا عصافير الحب سوالفهم .. و تراضوا .. و طاح الحطب

حجرة حـــــــور

حور يالسه ع الشبريه و من الفرحه مب قادره ترقــد .. حب أهلها و الي سوه اليوم حقها مفرحنها وايـــد .. اتعرف انه و أبوها و أمها هالوقت في سابع نومــه ..لأنه أبوها ما ايحب السهر .. بس عشانها سهر .. و غنالها *كيـــــــوت* .. نشت حور و اوتجهت صوب كبتها .. و طلعت موبايلها الجديــم .. و حظنته و هي مبتسمه .. و يلست ع شبريتها .. و فتحت الموبايل و يلست ادور ع مســج من المســجــات .. و يوم حصلته يلست تقراه و هي تبتسم و عيونها مغرغره .. المسج كان من خليفه يوم ميلادها .. كان هالمسج أول ما انخطبــوا .. أول ما اتخطبت من ولد خالها الي يحبها ويموت فيها ,, و الي صبـــر عشانها ,, اتقدملها وهي ف الثانويه ,, و اترياها اتخلص الثانويه عشان يملج ..
(( كل عام و أنتي بخيـــــــــــــــر .. كل عام وأنتي حبي و نبض قلبي
لو اهديـــج هدايا العالم ما توفيــج حقـــج .. و لو اهديــج عمري و روحي ..
أوعدج أني أحبـــج دامني حي و أموت ع حبـــج الي ف قلبــي خالد .. ))

يلست حور تقرى اخر جملــه .. مره ورى مره .. قاومت دمعتها و نجحت .. و ابتسمت و باست شاشة الموبايل .. و مره وحده ضحكت بصوت عالي .. اتذكرت مواقفها ويا شخص .. دوم اتكون مضحكه .. و أحدثها اليوم .. يلست اتسبه و تزقره دريــول .. و هو يسمعها و هي ما تدري ..الين ما خبرتها سارا قبل دقايق انه سمع كلامــها..
حور: هههه .. و حليلك يا السخيـــف

و انتهت هالليــله ع خيـــر .. و طبعا الكل رقـــد و هو مرتاح و مستانس .. و أولهم عبدالله ..الي يجوفه يقول ماكل كيكه السعاده .. لولز
*
*
*
عقـــب مرور كمن يــوم
بيت بو مايـــد

مايد كان نازل بيــطلع .. و شاف أمه ف الصاله .. سلم عليها .. و يلس اشويه وياها .. دقيقه و تدخل عليا و ياها ولدها المعفوص *طالع ع أمه* ..
مايد: هلا والله بو الشباب .. هلا ملاين .. وسار وسحب ولد عليا من قميصه و رفعه ..
عليا تضرب مايد ع جتفه: هد ولدي ..حرام عليــك .. ولدي مب متعود ع الدفاشـــه
مايد: خليه يتعود .. نباه ريال مب لغن ..هههه
عليا: فديت ولدي بيظهر ع أبوه .. بس انته هده .. و سو الي تباه ف عيالك .. هد ولدي أقولك ..
مايــد:هههههه.. و يفر ولدها .. و عقب ينزله .. و الولد مستانـــــــــــــس *يتحسب عمره رامب قطار الموت*
مايد: شوفيه كيف متففج .. أنتي و ريلج ما ااتعرفون اتلعبون اليهال .. عافانا الله ..
عليا: هههه .. بنشوف انته و حرمتك شو بتسون
أم مايد: خليــه يعرس قبل ..
عليا اتصد و اتشوف مايد الي اعتفس ويهه من يابت أمه طاري العرس: يلا شد الهمه و عرس .. خلنا نفرح اشويه .. ابى اشوف عيالك المفاعيــص
مايد: بعدني شباب ما ابى عيال .. ما فيني ع عوار الراس .. كفايه ولدج الحشره ... هههه
أم مايد معصبه: شو بعدك شباب .. متى بتعرس .. عرس ف الصيـــف
مايد: أمايه انا قتلج انا بعدني مب مستعد
أم مايد: يا سلام ..لا يكون انته العروس و انا مادري
عليا: ههههه ..
مايد يشوفها و هو معصب: أمايه انا احس بعدني مب قادر اتفاهم وياها ..
أم مايد: إن شاء الله بتتفاهم وياها عقب العرس ,., أنته بس عرس
مايد بدى يعصب: أمايه لازم نتفاهم قبل العرس ..انا مب مجابلنها 24 ساعه و أحس اني مب طايجنها و أبى أكفخها ..
أم مايد: حرام عليك .. اصبر ع البنت .. بعدها صغيره و عقب العرس بتتعلم .. *هاي صغيره ..هاي داهيــه*
مايد يحاول يهدى: أمايه حبيبتي ..انا ما قلت ما بصبر عليها .. عشان جيه قلت إنأجل فكرة العرس اشويه .. الين ما تكبر البنت وتعقل.. انا سمعت كلامج و خطبتها و اتوهقت.. عاد الحين مب مستعيل انا و ما بهدم حياتي عشان عنادج
أم مايد: قول جيه من البدايه انته ما تباها ..تبى هالبنت العميــه الي ما منها فايــده *بدفنها حيــه ويا ويها ..مالت عليج وعلى ولدج المعفن* .. ولا بنت خالك عاقل .. انا ادريبك .. اتسير واترد ع العميــه .. بس تتعلث ..
مايد عصب من كلام أمــه: انتي بلاج ع البنت .. انا الحين ارمسج عن بنت أخوج .. مب عن فيّ
أم مايد: عيل شو فيها حرمتك .. انته عرس و إن شاء الله بتتفاهمون
مايد عصب: أقولها جلب اتقولي أحلبوه ..
و نش مايــد بيطلع ..
عليا الي كانت ساكته و تسمع كلامهم: ويــن ساير ؟؟
مايد: جهنم .. جهنم أبرك من هالبيت ..كل ما اتشوفوني اترمسوني عن هالعرس الزفت .. اسمعوا .. عرس مب امعرس الحين ..رضيتوا و لا ما رضيتوا ..
و يطلع مايد ويرقع بالباب
عليا: الحين الباب شو ذنبه *ما سخفــج *
أم مايد: بيذبحني هالولد ..
عليا: أمايه خليه ع راحــته ..
أم مايد: أنتي اتخبلتي .. لو اخليه ع راحته ما بيعرس مول ..
عليا: خليه هو و حرمته متفاهمين
أم مايد: أنتي اسكتي .. و لا ترمسين .. و اقنعي أخوج بدال هالكلام الي ماله معنى
عليا سكتت عن أمها المتسلطه .. و قالت ف خاطرها *الله يعينك يا ميود .. ما بتهدك الين ما اتنفذ الي ف راسها*
*
*
بحر الممزر

وش هي حياتـي دونك يا لـيـتـهم يـدرون
بأنك نصخ مضنــونك و أنك نظر العيــون
لـو مـثـلي ينـظرونك و بطيبك يحســـــون
أكيـــــــــــد بيحبونـــك يا غايتي بجنـــون

أول ما طلــع مايد من البيـــت يحس انه مب قادر يتنفس من الضيــج .. يحتاج يرمس حد .. حد يفهمه ..يقنعه .. مب مثل أخته و أمــه .. آااااااااه لو الحين انا ويا فيّ .. أكيــد بكون مستانس و متحمس للعرس .. الله يهديها أمــايه .. فرقت من بينا .. الله يسامحها .. مايد من الضيــج الي فيه اتصل بربيعه و أخوه عبدالله *أيوه الصايع* .. و طبعا عبدالله ما رفض دعوة مايد لأنه يعرف شو فيه من صوته .. المهم .. مايد وصل قبل عبدالله و يلس يترياه على صخره عوده عند البحر .. دقايق و يوصل عبود .. وشاف ربيعه وقلبه عوره عليــه .. امبين عليه التعب .. و الضيــج .. غترته ع جتفه .. و العقال ع راســه .. و منزل راسه .. و حاط أيديه ع راســه .. و يبين من يلسته مدى الحزن و الهم الي ف قلبه .. عبدالله حط يديه ع جتف مايد .. و التفتله مايــد .. و انصدم عبدالله من شكله .. الهم مكبرنه عشر سنين *ما ينلام .. مادام أمه أم مايد و حرمته هدووووه* .. عبدالله ما شاف مايد من شهر تقريبا .. و إذا شافه ما ايلس وايد وياه جيه عشر دقايق .. و عبدالله كان متضايج و ناوي يطلع الي ف خاطره بس من شاف شكل مايد نسى كل الزعل و العتاب ..

عبدالله: مايــد .. بلاك ..
مايد ما قدر يرمس .. اول ما شاف ربيعه .. و البحر .. اتذكر أيامه الأوليه .. ألي كان الفرح طاغي عليها .. و حظــن عبدالله ..
مايد: اتولهت عليــك .. اتولهت ع سوالفنا .. اتولهت ع حياتي السابقه .. اتولهت ع كل شي .. اتولهت ..اتولهت ع مايـــد الجديم .. و كرهت هالمايــد ,, و كرهت هالعيــشه
عبدالله يحاول يخفف ع ربيــعه: استغفر ربك .. انا لو ادري جيه بيستويبك يوم بقطعك .. جان نقلت عفشي و سكنت عندكم ,, ههه
مايـد: هههه .. ما تتغيـــر ..
عبدالله: التغيــر مب حلو .. و لا شو رايــك
مايــد: صدقــك ..
عبدالله سكت يطالع مايد يترياه يتكلم ..
مايد: إظاهر انته بعد متوله عليــه .. ما تقدر ع فراقي ...هههه
عبدالله اكتفى بابتسامه ..و ما خوز عينه عن ربيعه
مايــد: هههه .. عبود بلاك ..
عبدالله: اتريا مايد الأولاني يرجع لي .. اترياه يرمس من غير ما اطلب منه .. اترياه يفضفضلي من غير إي إحراج
مايد: آآآآآآآآآآآه .. مايد الأولاني مات .. امه قضت عليـــه .. امه عدمته
عبدالله: مايد انته بعدك ما نسيتها .. و انا اتحسبك نسيتها .. و مستانس مع حرمتك السراقه الي سرقتك مني .. و يبتسم
مايد: مستانس .. انا اعتقد نسيت كيف يكون الضحك .. كيف يكون الابتسام .. نسيت كل شي متعلق بالفرحه *الله ياخذج يا هدووه ..شو سويتي ف الريال* .. احس الحياه كله هم و غم .. و ظلم .. الله يسامح أمايه ظلمتني
عبدالله: مايد محد ظلمك .. انته روحك وافقت انك اتعرس .. محد جبرك .. انته ريــال ..
مايــد:هه .. ليش الريال ما ينجبر .. الظروف تجبره .. عبدالله انته اتعرف انه رضى أمايه يسوى الدنيا و ما فيــها .. كيف تباني اعصيها .. و إذا عصيتها الله بيوفقني ؟؟ .. انزين تظن فيّ بتوافق ؟؟ ..و إذا وافقت انا شو بتكون ردت فعلي ؟؟ برضى بوحده ما اهتمت برضى أمايه ؟؟ و بعدين بتكون سعيده واي كره أمايه ؟؟ لأني لو شو يكون مردي لأمي .. و بعدين ضغوطات أمايه و عليا أضعفتني ف لحظه .. و بعدها ما كان في أمل للتراجع .. كثرة التفكيــر و لاحيره خلوني افقد الإمكانيه ف اتخاذ القرار الصح .. تصدق انا الين الحين ما اعرف إذا قراري صح و لا غلط .. مب قادر اتفاهم ويا حرمتي و امايه تباني اعرس ..
عبدالله: خلاص يا مايد .. انته قلت ف مرحله ما ينفع التراجع فيها ..بس بعد لا تستعيل ..إذا انته اتشوف انك تحتاج وقت أكثر تتفاهم ويا حرمتك ..خذ راحتك .. و ما عليك من رمســة الناس .. ترى صحتك أهم .. و انا مب عايبني حالك .. و خالوه خلها ترمس مره و مرتين و تم ع موقفك بس رمسها بهدوء .. و بتيأس و بتسكت .. بس انته اتفق ويا حرمتك .. و إن شاء الله كل شي بيعدي ع خيــر .. وانته حاول اتحل الخلافات بينك وبين حرمتك .. و الله انك جلبت مخي ..كنت أفكر اعرس ..بس شكلي بغير راييه .. *صدقتك ..لولز*
مايد: هههه .. و منو سعيده الحظ ..
عبدالله بوز: إلا أنا بكون سعيد الحظ لو وافقت عليــه
مايد: ههه .. يا ويلي ..حالتك صعبه يا عبود .. ويضربه ع جتفه
عبدالله: هيــه والله ..
مايــد: اتصدق ما يليق عليـــك ..
عبدالله: ههههه .. اطنز اطنز ..
مايــد: لا بس ما صدق انك عبود الصايع ع قولت قراء القصه ..
عبدالله:ههه ...ما عليك منهم .. يحبوني .. احم احم
مايــد: واثـــق
عبدالله: أســـــــالهم .. يا قراء اتحبوني ... ههههه

و كملوا شبابنا سوالفهم .. و كل واحد فرحان و لو انه كل واحد له سبب يحزن ,,بس لمتهم و رجعتهم نستهم الهموم .. و يحسون بتقويهم ..
*
*
*
بعد مرور فتــره
بيت بو حمد

راشــد و زايــد كانوا في بيت عمهم .. و شكل زايد جدي و شي شاغل بالـــه .. *وش اليديد* .. كانوا يتريون فيّ و مرت عمهم .. ثواني و تنزل فيّ ويا أمها

فيّ: هلا و الله .. كيفكون ؟؟
راشــد: نط العرج .. تمامز ..كيفيــك
فيّ: الحمدالله .. اشحالك زايــد
زايد بتوتر: الحمدالله بخيــر
فيّ: اشم ريحة خبــــــــــــــــــــــر حلــــــــــــــــــــــــو
زايد اهنى حس انه قلبه بيطلع من القفص الصدري ..
راشــد: ما شاء الله ..ما احيدج جلب بوليسي ..
أم حمد: قول ما شاء الله يا وليدي ..ما فينا تحسد البنت .. عيونك حاره
راشــد:هههه
فيّ: ها زايد خبرني .. شو أخبار و ظيفتي
زايــد: احم .. فيّ .. ما حصلنه و ظيفه ,,الكل رفض .. بــس
فيّ ما استحملت و يلســت اتصيــح: ليــش يرفضون لأني عميــه .. ليــش .. انا بعد إ،سانه أبى أكون مستقبلي ..
أم حمد زاغت ع بنتها و نشت لوت عليها و يلست اتهديها .. و زايــد متلوم من الخاطــر .. الله يأخذني لازم أخبرها .. كله من هالجلب رشود قلتله يخبرها بطريقته ..بس ما طاع .. أونه ما يقدر .. أوووووووووف ..
راشــد: فيّ هدي .. شو تبين ف الشغل ما وراه غير عوار الراس
فيّ و هي تصيــح: بالنسبالي الشغل سعاده و متعه و مستقبل و راحة ضميــر .. مب عوار راس
زايــد: انزين فيّ انتي لا اتصيحين انا بحاول اقدملج ف أماكنه ثانيــه
فيّ: بس ما بيقبلوني ..
زايــد: لا إن شاء الله .. و إذا ما قبلوج بنفتح انا و أنتي بزنس صغيرون و أنتي ديريه.. اتعرفين انا مشغول و ما عندي وقت
فيّ تمسح دموعها بسرعه و بفرح: والله
زايــد ردتله الروح من شافها جيه: والله ..
راشــد: هيه والله فكره خطيــره
أم حمد: صدقه ولد عمج .. أخيرلج .. ما تشتغلين لحد ..
راشــد: هيه والله ..عيل ترضين أجنبي خايس .. يلس يقولج سوي جيه و وسوي جيه ..قهـــــــــر
فيّ: وحليلك ولد عمي مقهور ..
زايــد: هذا دومه جيه ما يحمد ربــه
راشــد: الحمدالله ع كل حال ..بسوالله قهر الأجانب ماخذين أعلى المناصب ..ونحنا نتغرب و ندرس .. و نشتغل تحتهم ..
فيّ: إنته اشتغل بضميــرو إخلاص و الله بيعطيك ع قد نيتك ..
زايــد: رشود ما يستغنى عن التحرطيــم
راشــد: طالع عليك .. ما تستغنى عن التكشير و التبويز ..
أم حمد: هههه ..أنتوا دومكم جيه .. ما تيوزون ..كبرتوا خلاص .. كل واحد جريب بيعرس ..
زايــد رفع عينه و شاف فيّ و راشد داس ريل زايــد عشان ينبه انه مرت عمه موجوده و عيب هالحركات الي يسويها .. زايــد عصب ع راشــد ..
*
*
*

سيــارة حور

حور كانت ظاهره ويا ربيعتها ساره .. سارت وياها تتغدى .. طلعن من الجامعه وسارن .. و عزمن شهد .. بس حمد ما وافق .. بس يغايض شهد و حور ..
حور: واااااااي ..وايد كلـــت ..
ساره: أنتي سكتي ..كل الأكل ف بطني انا ..
حور: ههههه .. دبــــــه
ساره: لا تقولين جيــه الحين لازم أضعف
حور باستغراب: ليش الحين بالذات ؟؟ المفروض من زمان
ساره مستحيه بس حزينه ف نفس: لأنـــــي انخطبت
حور تصرخ: احلـــــــــــــــفي
ساره: هههه .. والله ..
حور: ومنو تعيس الحظ .. اقصد سعيد الحظ
ساره تضرب حور: ما بخبرج ..
حور:هههه ..الله بتملجين و بفتك منج
ساره: هههه .. سخيفــه
حور:اللــــــــــــــــه ..
وصدت ع ساره و حظنتها .. و ما حست إلا و هي راكبه الرصيــف وين اللفه و نزلت منه ..بس تايرها اخترب ..
حور و ساره ماتن من الضحك ..
حور: اسكتي يا السخيفه الحين شو اسوي
ساره: إنا الله يمهل و لا يهمل ...
حور: و نعم بالله.. بتصل ف حمد ..
و يلست حور تتصل ف حمد بس حمد ما يرد عليــها ..
حور: اوهو الظاهر الأخ راقــد .. أوف الحين شو الحل ..
ثانيــه و توقف سياره جدامهم و ينزل واحــد منها ..
ساره: أوه هذا عبدالله أخوي ..
حور بغصه: والله ..
و ف خاطرها: اوهوووووو ..الله يعين ع لسانه هالصايع
نزلت ساره وخبرت عبدالله السالفه .. و حور ف السياره اتراقبهم و شافت عبدالله و هو ميت من الضحك و قال شي ضحك ساره وايــد .. و حور ماتت من الغيض ..أكيــد يعلق عليه السخيــف *شاكه ف عمرها*
و سار عبدالله يعدل التايــر .. ساره دخلت السياره .. و حور تتحرقص تترياها اتقولها شو قالها عبدالله ..بس ساره ما رمســت لأنه عبدالله قالها لا تخبر حور شو قال لأنه يدريبها تتحرقص تبى اتعرف شو يقول .. و اشوي لا تأكلهم بنظراتها .. عدل عبدالله التايــر .. و نزلت سارا عنده قالها شي ضحكت و ردت ركبت السياره ..
ساره: ههههه
حور مفول : ليش تضحكين
ساره: بس عبدالله يقولج .. اشوي اشوي ع شوارع البلاد .. تراهن مب ابلاش .. و يقولج انه يباني سالمه غانمه ..
حور: اتصدقين ما يضحك ..مسخفه أخوج .. إن شاء الله عاد عدل التاير زين .. ما نبى نفتضح جدام الناس
ساره بطنازه و بغياض: هيه مب ناقصين ..تكفي وحده ف اليوم
حور بقهر: ها ها ها ما يضحك ..
وصلت حور ساره بيتها ..
حور: اقول .. اشكري أخوج البنجرجي ...هههههه
ساره: و الله ما تستحين ..يزاته .. مالت عليــج
*
*
*
بعد خمس أيام
بيت بو حمد

حور يالسه ف الصاله .. بنت خالتها راجعه من السفر ..كانت تدرس برع .. و مب يالسين وياها من سنـــــه .. بنت خالتهم اسمها هند و عمرها 23 سنــه
حور: ها شو الدراســه برع
هند: والله صعبه ..لوعت جبد .. الغربه شي مب سهل .. كل ما أي البلاد و ارد اسافر ايلس اسبوع اصيح اهناك و كل ساعاتين اتصل ف أمايه و خواتي ..
حور: والله أنتي بليتي عمرج
هند: لا بس بعد الدراسه برع لها فوايدها ..اتعلمج تعتمدين ع نفسج .. و اتعلمج المسؤوليــه و اشياء وايــد .. وبعدين عقب الي استوالي كرهت اليلسه ف البلاد ..
حور: هيـــه .. بس الهروب مب الحل ..
هند:ههه ..أي هروب ..بس الحين بحصل شغله أحسن
حور: يمكن ..
هند:ههه ..مب يمكن .. إلا أكيــد

و كملن سوافهن البنات .. وعقب نص ساعه .. دخل حمد .. و انصدم .. و هند استانست وايـــــــــــد *ليش إن شاء الله*
هند: هلا حمد .. علومك ولد خالتي
حمد من غير نفس: الحمدالله ... الحمدالله ع السلامــه
هند: الله يسلمك .. ها وش أخبارك
حمد ف خاطره توج سألتني نفس السؤال
حمد: والله من ملجت و انا مرتاح و مستانس .. يلا بخليكن اتسولفن ع راحتكن .. مع السلامه
وسار عنهن حمد حجرته .. و حور يلست اتخبر هند بسالفه ملجت حمد و كيف انه محتشــر .. انصدمن من خبر ملجته .أهلها ما خبروها ..
حمد سار حجرته و اتصـــل ف شــهــــــد
حمد: هلا
شهد: أهليــن ..بلاك حمد ؟؟
حمد: ما شي سلامتج
شهد باستغراب: حمد ليش جيه ترمس من غير نفس
حمد: شهج انا ابى اعرس ف اقرب فرصــه ...

*
*
*
بيت بو زايـد

فيّ كانت ف بيت عمها يايه اتزور حصــه ..لأنها من زمان ما شافتها .. مشغوله البنت بالدراســه ..
دخلت الصاله .. و يلست تتريا شهد و لا حصه ينزلن .. و يستقبلنها .. كاتن فيّ سرحانــه ف أفكارها .. و سمعت صوت
زايــد: احم ..السلام عليــكم
فيّ: و عليكم السلام
زايــد: اشحالج ؟؟
فيّ:الحمدالله..علومك
زايد: اتسرج .. فيّ تراني زايــد *احلف ..ما صدق *
فيّ: هههه ..اعرف ..عرفتك من صوتك
زايــد اتفجج .. و اتشجع يقول الي ف خاطره
زايد: فيّ

نهايــــــــــــة البــــــــــــــــــارت


تك تك+حبة توت

---

;glJJJJJJJJJJJJJJJJJJJJJJJJJJJJJJJJJJJJm ( Hpf; )

 

 

 

 

افااااااااااااااااااااااا

يلا حبيبتي كملي كملي بلييييييييييييييييييييييييييييييييييز قصة في غاية الروعة بس ناقصنها التكملة ههه

 

 

 

 

قصة حلوة يا ريت تكمليها
تحياتي

 

 

 

 

مشكورة

وننتظر التكملة

 

 

 

 

قريبا
الفصـــــــــــــــــــــــــــــــل الثـــــــــــــــــــــــــــــــــــــــــا ني

مشكوره أختي ( أسيرة الأحزان )
على الرساله وهذا دليل على اخلاقج العاليه واهتمامج لمواضيع الاخرين !!!!!!!!!!!!!!